農川

農川呢間小店位於旺角女人街，😉已經食過好多次，水準從來冇差過，最鍾意食佢嘅焗蜆，青椒同少少調味焗嘅蜆，好新鮮好鮮甜，其次係剁椒蒸魚頭，可惜今次魚頭賣晒，唯有食蒸魚腩，味道真的很不錯，剁椒夠酸不太辣但又有味，唔似某啲辣椒辣得來冇味道，或者係有味又唔辣，炸饅頭都必食，炸饅頭應該邊度食都好好味，北村涼粉都不錯，最出色係佢個汁，口水雞也不錯，口水雞個汁同北村涼粉個汁有啲雷同，嘢飲就飲咗大大杯嘅青檸樹可以一分為二夠兩個人飲👍👍👍酸酸地甜甜地…查看更多

今日行過佢地門口諗住求其食個午飯，叫左個酸豆角炒肉碎飯，個飯黎到已經feel到唔好食因為睇啲色水好似擺左好耐，點知一食落口係暖嘅即係一早整定啦啲豆角淋曬肉碎又小又唔夠辣總知食到掉筷子跟住我忍唔住問個可能係老闆嘅人問佢啲嘢係咪一早整定，佢話係朝早炒嘅咁就死得啦間嘢計埋我都係得四個客又唔係忙點解要整定呢今時今日啲出品仲禁差遲早執笠，我都唔想浪費但食左兩啖真係食唔落，雖然個服務員問我要唔要叫過第樣但我都費事埋單走人。…查看更多

早前朋友帶我到這裡吃，吃過之後，我也十分推薦這間餐廳！食物味道很好，很正宗，辣度很夠！很適合吃得難的朋友呢！ 涼拌涼粉 蜆 青瓜絲 水煮魚都好好食 而且份量很大 建議多人來吃 可以試多些菜式…查看更多

四年幾前曾經係旺角工作過一段日子，嗰時農川初開業，食過覺得不錯！但後來舖頭搬咗去銅鑼灣，就無乜機會番旺角食了。隔咗4年幾，店內裝修無變過，都係紅黑色為主，比較暗。餐牌都好似差不多，都係選一個餸配拉麵/飯/刀削麵etc。今次就叫咗麻辣豬耳配拉麵，當然仲有杯凍檸茶少甜。碗麵表面有厚厚的紅油，舖上麻辣豬耳，仲有少量冬菇及蔥花。豬耳夠肥，口感幾得意，軟骨部份爽口但側邊的肥肉又淋淋地，每嚿大細不一，睇得出係自家制。湯底我選咗正常辣，辣度適中，麻辣味夠香有麻感，食得出真材實料。拉麵分量比較少，如果男生怕唔夠飽，建議揀配飯。麵裡配有兩條菜，抵讚👍🏻凍檸茶少甜就偏甜，茶味亦不夠濃，普普通通。$45食到正宗四川風味又包埋凍飲，非常合理。…查看更多

有次同朋友食完，諗起都流口水。琴日同朋友諗到頭爆都唔知食邊間好，突然醒起佢就去左食。服務一流啲人好親切，個個都係熟客咁豬肚炒土豆絲勁有鑊氣，加上唔臭而又爽口既豬肚，加上土豆炒得入味，又香又辣，超正。口水雞我記得上次好食啲，可能叫左小辣，下次都係叫正常。但下面既青瓜超爽口又醒胃。酸辣粉條上次叫麻辣好好食，但酸辣好似麻麻，下次都係叫返麻辣。熱騰騰既茶佢啖茶唔知咩茶，企佢配上辣野，真係好配。我下次一定會食焗蜆，要試晒所有野…查看更多

突然很想吃水煮魚，所以用「水煮菜式」搜尋到這家餐廳，地點在旺角很方便。由於六點半就已經到咗，所以餐廳唔多人，不用等位。環境都算整潔乾淨。坐低第一件事就係點咗水煮魚，係小辣。之後重點左麻辣青瓜，還有芫茜豆腐魚腩湯。水煮魚嚟啦，價錢不過係一百蚊多啲，份量都唔少，性價比很高。美中不足的是薯粉不是一條條，是一餅。麻辣青瓜都係咁啦，因為叫咗小辣，所以都唔覺得太辣。反而係個湯有驚喜，大大煲，豆腐和魚都好足，抵呀！…查看更多

熱愛川菜嘅我已經食過農川不下10幾次，座落女人街嘅小店舖，方便易搵又唔需要排隊等位。又鍾意食辣又鍾意食魚嘅我每次都一定會嗌水煮魚，呢種唔知咩魚係香港好少食到既口感，好彈牙又好滑，重點係完全冇骨！啱晒怕骨人士配菜亦都有好多芽菜同埋墊喺底嘅紅薯粉，不過略嫌紅薯粉煮得太爛唔夠Q嫩，但個魚係好出色既！之後就係川菜必點嘅熗炒土豆絲，又麻又辣，超級好味！不過佢個辣度係有啲料到，唔食得太辣人士建議嗌小辣。重點佢唔多油，平時係出面食呢個餸一揭起啲土豆絲就會見到成個碟面都係油，呢個炒得好乾身，至少減低啲罪惡感。干扁四季豆又係必點之一，乾身香口，四季豆要走油係屋企唔係輕易煮得到，呢個可以揀辣或者唔辣，欖菜，肉碎，四季豆簡直係絕配！最後重點左佢嘅炸饅頭，即叫即炸，個皮炸到好香口熱辣辣點落煉奶度，一流！一碟6個我同朋友食左四個已經飽到就反肚🤣🤣…查看更多

我和兩位朋友都是愛吃辣的人，她們很想吃水煮魚，上網發現這間川菜，於是晚餐約她們一同前往品嚐！我們預先打電話預約，所以不用等候便直接入座。進入後，可能時間尚早，發現店內只有四台客人，還有很多座位，根本不需要打電話預約。店內的環境有點中國風喔！坐下後，會有一小碟的小食。我們三人點了三道菜，分別是四川水煮魚、熗炒土豆絲、乾煸欖菜四季豆，另外再叫了兩碗白飯。四川水煮魚我們選了中辣，辣度剛好，不太麻，份量也夠大，配料有薯粉、芽菜、青瓜，賣相不錯。不過我們都覺得魚有點腥，如果不太接受魚腥味的朋友可能會對這道菜減分，例如我的朋友。很愛薯粉！很入味！熗炒土豆絲味道很惹味很香乾煸欖菜四季豆我們三人都愛吃菜，加入欖菜和辣去炒令味道很香，非常重口味，用來配白飯一流，我們三人最最最愛這道菜！整體味道可以接受，但一心想吃水煮魚的我們是有點失望，幸好最後還有四季豆我們是愛吃的！…查看更多

鍾意食辣既我，行過旺角街頭見到呢間農川，價錢又唔算太貴，點可以唔入去試下，入到去望到個餐牌都已經樣樣都想食，最後叫左三樣，分別係焗蜆，水煮魚同埋鹽水雞。落左單，等左一陣就已經開始上菜，有得食，個鹽水雞既份量係例牌既，不過個人感覺就覺得都係細份左啲，好彩個味都唔差。焗蜆上到枱，職員會用刀仔界開啲錫紙，再翻開佢，就可以見到啲蜆的，啲蜆都幾大隻，有啲肉地，個味好好食，好惹味，啲汁用黎撈飯都好正到水煮魚上枱既時候，個份量都幾大，一大碗，配料仲有芽菜，青瓜，薯粉等等，一定夠飽，味道唔錯，唔會辣到食唔到啲食材既味，總體黎講都抵食又好味！…查看更多

今日放工，同事即興約食晚飯，一行三人喺女人街搵嘢食。見到農川好似唔錯，就決定一試！點了六款菜，因為價錢尚算中等，所以點多了😂麻辣口水辣：一開始無咁辣，食食下開始滲出辣味，食返舊青瓜可以中和返，但雞肉略微鞋左啲。原味焗蜆：呢個蜆係用錫箔紙包住去煮熟，有啲似內地食嘅花甲粉咁。用錫箔紙包住煮熟保留住蜆肉嘅鮮味，真係好味嘅，連湯汁都要飲埋啊！麻辣土豆絲：竟然最辣係呢個😂可能好多指天椒係入面炒，但幾惹味嘅。炸雲吞：餡其實真係可以多返些少嘅，普通炸雲吞，無乜特別，下次可以唔點😂回鍋肉：肉呢？.....味道還可以接受欖菜四季豆：四季豆爽脆，呢個餸飯一流…查看更多

已經食左無數咁多次, 真係好好食同飯堂無分別hahahaaa佢午市套餐價錢平$50樓下埋到單, 仲要有前菜有例湯真係勁窩心<3首先食得辣想挑戰下既, 可以由中辣開始, 下面係極力推薦既list1. 酸辣粉條2. 原味焗蜆(中辣)3. 口水雞(正常辣)4. 麻辣牛展刀削麵(中辣)有朋友仔唔食得辣既話, 可以試下1. 蕃茄炒蛋(雖然好似好普通, 但真係好好食, 好有驚喜, 送飯一流)2. 原味焗蜆(唔辣)利申 非打手但已經食左好多次kekeke飲品方面: 青檸樹必推 (解辣一流, 記得一開二 同frd開心share以上係我食過咁多次瘋狂回頭食既推薦list …查看更多

兩人晚上去食呢間川菜，叫左6樣野，上菜好快，10分鐘就上齊。擔擔麵略嫌偏咸，京川涼麵一般，但其他小食都不錯，焗蜆好重蒜香味😋燉湯好夠火喉足料，土豆絲肥腸同尖椒皮旦也是必點，辣味👍🏻整體黎講滿意…查看更多

之前朋友吃過後向我提過至少3次，本來沒打算特意找來試的，今天剛好經過找午餐時，看見迎面而來的這個女生走進了我旁邊的店我抬頭看了招牌才發現的⊙_⊙地方不大，但有幾張都是內地客，可能是川菜對口味吧，店員普通話粵語都很了得。一眼看下去大多都是上班族， 12正就坐滿人，還有人在等位置。午市菜單價格非常的優惠啊！3x到4x就有了，選擇還很多，有乾面，湯面和飯類，旺角物價而言很不錯啦～附餐送了湯和茶，我就沒有特別點飲品了。湯！非！常！驚！喜！是媽媽的味道啊～湯甜甜的，不是味精味，有少少肉，蘿蔔和馬鈴薯我點了麻辣肥腸面，轉粉條的，面賣相有點不吸引。我覺得湯的高質讓我抱有很大期望等這碗面，可是主菜反而有一點失色，不過整體而言也很高cp。1）麻辣的程度真的太bb辣了←_←我是愛吃辣的人耶……所以如果你不能吃辣應該就剛好（？）2）肥腸不肥哦！用心挑走了肥油，口感有點爽口3）粉條，薯粉，傻傻分不清楚?我以為是火鍋的寬粉耶⊙_⊙誤會了，不過面我個人喜歡粗點的薯粉啦～這個有點太幼了，不過是個人喜好啦…4）配料有誠意有蒜有冬菇（不是粒不是片是半舊菇哦）有蔥有唐生菜有芽菜有榨菜，肥腸份量足，整完面吃完了還有餘。略嫌湯太多使賣相變差了面份量合適，非常飽肚5）價錢實惠45元，無加一焦點推介：送嘅例湯好好好飲，肥腸好食（面就一般啦）…查看更多

吃過咁多次川菜，未吃過咁差既川菜。就算旺角鋪租幾貴，你d菜要比平時貴，但未至於咁既價錢但極少份量！3個女仔叫左5個餸，居然都可以食唔飽都係第一次！每碟餸一人夾兩舊就幾乎無！而且唔好食！我唔明點解d食評會寫抵食？好食？永遠black list…查看更多

去得旺角搵食，一定係去女人街搵！喺咁多類型餐廳中嘗試搵啲新口味，咁啱搵到農川。午市時間店鋪人數都唔少，好多都係打工仔放晏黎食👍🏿再睇睇餐牌，估唔到午餐由32蚊至70幾蚊都有！再睇一睇啲菜式，有各式辣味涼麵、牛肉麵等等都有，選擇都多！除咗麵食，都有啲飯餐，如果6點前叫小菜，仲會送一豌飯！以個價錢計，午市好抵食！…查看更多