農川

鍾意食辣既我，行過旺角街頭見到呢間農川，價錢又唔算太貴，點可以唔入去試下，入到去望到個餐牌都已經樣樣都想食，最後叫左三樣，分別係焗蜆，水煮魚同埋鹽水雞。

落左單，等左一陣就已經開始上菜，有得食，個鹽水雞既份量係例牌既，不過個人感覺就覺得都係細份左啲，好彩個味都唔差。

焗蜆上到枱，職員會用刀仔界開啲錫紙，再翻開佢，就可以見到啲蜆的，啲蜆都幾大隻，有啲肉地，個味好好食，好惹味，啲汁用黎撈飯都好正

到水煮魚上枱既時候，個份量都幾大，一大碗，配料仲有芽菜，青瓜，薯粉等等，一定夠飽，味道唔錯，唔會辣到食唔到啲食材既味，總體黎講都抵食又好味！