越．男

营业中

休息中

收工之後同朋友去咗灣仔試呢一間越南餐廳 一入到去已經俾畫得好靚嘅牆身吸引咗😆！！我哋叫咗海南雞湯河 同埋香茅豬扒法包其中一個叫做套餐 包一杯檸檬特飲 唔會太酸幾好味☺️🍋對上一次去越南已經係差唔多成三年之前🥲 一直都好掛住喺嗰度食嘅法包 我自己覺得呢一間嘅法包做得真係唔錯 ！即叫即整 出邊好脆 入邊熱辣辣而且好多豬扒🐷 重點係啲配菜同埋醬料唔會搶咗豬扒嘅味道 但配埋一齊個味又好夾😋😋另外估唔到佢嘅河粉咁好食🤣 雖然我知道佢賣相唔算特別但佢嘅河粉好彈口同平時喺茶餐廳食嘢好唔同haha 而且個湯底都好好味！！個海南雞都好滑🤤下次有機會嘅話想再試吓佢嘅生牛河haha

꧁𝗖𝗼́𝗺 𝗯𝗮́𝗻𝗵 𝗺𝗶 越•男꧂話說忽然好想食越南野 但發現香港真係唔係太多越南餐廳 所以就random揀一間唔係連鎖嘅試試香港越南餐廳大多都只得pho同撈檬 有越式法包嘅真係唔多而其實地道越南菜仲有好多不同種類粉麵好可惜從未係香港餐廳見過 有點掛念越南嘅平價美食 不過越南人就…不了… ☘︎︎ 脆燒腩法包 $𝟠𝟘 𝕚𝕟𝕔𝕝. 𝕕𝕣𝕚𝕟𝕜叫得做𝑏𝑎𝑛ℎ 𝑚𝑖 signature當然係𝑏𝑎𝑛ℎ 𝑚𝑖味道頗正宗有風味 推薦大家可以一試☻︎包身鬆脆而且不難拉扯 唔會咬到牙甩 同正宗法包比無咁紮實有齊正宗越式法包的四大要素: 豬肝醬、醃蘿蔔、扎肉、芫茜燒腩仔有少少似港式燒味薄切版😂肥瘦適中👍🏻好食 但唔知點解有幾啖有啲八角味(?)除左豬肝醬仲有再加沙律醬所以食落個包都唔會乾☘︎︎ 豬頸肉撈檬 $𝟠𝟘 𝕚𝕟𝕔𝕝. 𝕕𝕣𝕚𝕟𝕜撈檬相較下就平凡一點可取嘅point係個麵質一般檬粉都略帶透明仲會痴埋一餅野呢隻係比較軟而且無痴埋豬頸肉就不過不失啦 味道濃啲會更好☘︎︎ 香蒜牛油雞翼 +$𝟛𝟘炸得夠脆 但食落無聞落咁香牛油味 而且得兩隻就少貴 可skip☘︎︎ 檸檬特飲 (其實係柑桔)☘︎︎ 西柚汁💬 裝修令我諗起會安🏮晚餐價

天氣熱好鍾意食越南菜😙 員工好親切，主動告知6點前落單仍然有日間套餐($80)供應前菜小食揀咗木瓜絲沙律同越式春卷，春卷整得好鬆脆👍🏽推介！主菜要越南生牛肉河同香茅豬扒撈檬😆 生牛肉河湯底香濃又清甜，河粉彈牙，有驚喜😍 豬扒撈檬嘅檬粉比平時食開嘅幼滑，但豬扒略為幼身，亦唔夠香脆，有少少失望，唔推介飲品要咗冷熱越式煉奶咖啡各一杯，煉奶係自行加落去，自行調節甜度。咖啡就咁飲都幾好味餐廳牆上嘅壁畫好繽紛，好有越南風味

 一到lunch time，灣仔呢區好多餐廳都要排曬隊，見到呢間越．男唔洗排隊，而且餐牌啲野食都啱食，就入左去食。價錢黎講係同區入面算抵食，如果就咁嗌一款主食，$60就埋到單，叫埋小食加飲品就$80。今次嗌左既法包同小食都好唔錯，下次有機會想黎試埋佢地既牛肉湯河🤤  1⃣️香茅豬扒法包+越式春捲+越式煉奶咖啡（$80）個法包有驚喜🤩食落好脆身，入面有滿滿既醃蘿蔔絲、扎肉、切好一條條既香茅豬扒、肝醬、沙律醬、青瓜、香菜、洋蔥。食落清爽得黎夠曬豐富🤤香茅豬扒唔乾身亦都唔會癡牙👍  小食揀左越式春捲，炸得夠脆，入面有啲芋頭、豬肉，唔錯。  越式煉奶咖啡唔算好甜，咖啡味都算香濃☕️  2⃣️香茅豬扒法包+香蒜牛油雞翼+椰青水（$80）朋友一樣都係嗌左香茅豬扒法包，佢都大讚呢度既法包好有水準😋  另外小食牛油雞翼炸得好脆既，不過食落冇乜牛油味，同埋油左啲，夾起件雞翼之後見到個碟上面成層油🤔不過食落其實又唔覺得咁油。  椰青水輕甜解渴，配埋呢啲越式野食啱曬。  

平日經開見小店裝橫很有越南風味.碰着老公來接收工.佢又喜歡吃越南菜😝便決定在此吃午飯. 不用等位, 到cashier點菜付款便有員工送餐👏🏻性價還可以.hkd80有一款主菜.一款小食同欽品👍🏻食物選擇不多. 不過個人覺得已經好足夠.有時候太多選擇不是一件好事. 食物品質好已經足夠.我們點了生牛肉湯河.豬扒三文治. 牛油雞翼同炸春卷.每款味道都好好好.尤其發包老公話包很脆材料很足夠🎉另外個人認為牛油雞翼亦十分入味.此小店亦有很多外國人光顧.有機會一定要試吓晚餐❤️

灣仔好多特色小店，各國菜式應有盡有之前行過見到越男覺得真心有越南啲塗鴉牆feel又靚終於入去試下，店舖都幾細但設計又唔會坐得好迫，好有東南亞地道餐廳感覺既裝飾同色系，未食先有風味餐牌唔算好多選擇，主力都係越南粉，配下典型小食越南人主理再加分越式脆燒腩湯河，分開上唔會變淋，湯河顏色偏清，食落都係清既，可以自己加齊全既香料同調味，落左青檸同炸洋蔥即刻好味好多河粉正常，薄身既，份量就唔太多，男士食可能會唔夠飽，即試脆腩，皮係脆既，但成舊連肉就變左係硬普通燒肉味，點少少醉辣醬好少少但無特別飲返啖檸檬特飲再食，清清地唔太甜幾好味既lemonade會安生牛肉湯檬，好似幾signature賣相都正，即試最重要既牛河底，偏清，牛味唔太濃，飲完個aftertaste 先有，飲都ok，食埋粉就幾淡當牛清湯飲先正，牛肉就正正常常，份量整體都係比較少小食，鮮蝦扎肉米紙卷，賣相幾靚亦見到啲鮮蝦，入口清新，味道都係走清既路線，不過米紙卷黎講係ok既最後既香蒜牛油雞翼，相當脆口，牛油味係食脆皮已經有，相當入味幾好食牛油同蒜味足，亮點整體來說灣仔靚越南店依個價錢係抵既，食物黎講真心偏淡，如果愛好清淡又想有越味既會好啱

Lemongrass Pork Chop Banh Mi + Papaya Salad + Coconut Water = perfect light but fast clean for packed Monday to fill yourself up. 現點現做的鬆軟入味香茅豬扒法包 + 清爽木瓜絲沙律 + 椰子水才HKD$80，沒什麼可以挑剔的～外酥內軟的法包搭配醃漬蘿蔔令我這芫荽頭號hater一口接一口喀嚓喀嚓掃清光🍞

難得最近有書展同埋動漫展喺灣仔會展舉行，多左機會出灣仔，係應該黎個灣仔美食第二彈🥳究竟係之前好少行入大王東街，定係呢間餐廳係新開嘅呢🤔 我點會留意唔到呢度有間食越南河粉既餐廳🥺 早幾日夜晚行行下就發現「越·男」，即刻二話不說入去食返碗河粉先🤪 當晚我order既係會安生牛肉湯河，$60已經有交易，如果想要飲品或者小食就要另加$20😌 呢度既湯底食得出並唔係用調味粉開出嚟嘅上湯，師傅一定係落足材料去熬呢個湯底，好重越南地道風味💓👍🏻 而生牛肉嘅份量較少只有三、四片，不過$60有咁嘅質素，性價比已經算好高🤓份量方面，女仔食一碗絕對夠飽🧒🏻～但可能男仔就未必夠食啦👦🏻😝

2021年7月23日 星期五今日因為工作關係，所以一個人返到灣仔食晚飯，行過見到呢間餐廳，突然之間好想食越南野，所以冇諗太多就入咗去餐廳裝修得幾有越南風格，位置唔算太多，不過枱與枱之間有足夠嘅距離或者有透明膠板分隔開餐廳以先付費後用餐嘅方式進行，所以一去到就要點餐俾錢先，主要有三個套餐選擇，款式唔算太多，但都好足夠最後我挑選咗晚市套餐，有一個主菜加飲品，另外我再加$20追加一個小食所以總數剛好$100，灣仔黎講都算正常俾左錢之後大約5分鐘左右，所有野食就差唔多嚟齊晒，送餐速度好快，呢一杯係椰青水，顏色幾清晰，飲落去幾清甜，夠晒冰凍小食有香蒜牛油雞翼，雖然只有兩隻，不過都幾大隻，炸得好香，充滿炸蒜同牛油嘅香味，裡面既雞肉都幾嫩滑最後有主菜會安生牛肉湯河，感覺份量一般，都足夠一個成年人食，生牛肉可以自行控制生熟程度，我就算浸到熟晒都唔會太韌，湯底幾濃郁，有牛肉味最後餐廳仲提供左青檸、香茅同蒜片，可以自行加到湯河到，整體感覺都可以接受，如果河粉既份量再多啲嘅話會更加好

鋪頭雖然細細間，但環境裝修好有越南feel，全日都有套餐set 可以自己揀主菜+小食+野飲，都只係$80咋，性價比好高!!❤️香茅豬扒法包 豬扒好香好大塊，入面d 越式沙津好好味，仲有幾片扎肉係入面，真係好中意食呢個越南法包呀🧡牛油雞翼 脆卜卜好香牛油味，炸到岩岩好熟多少少，冇血水又夠滑💛香茅青檸水 未飲已經聞到好大陣香茅味，收銀姨姨仲好好咁幫我加熱水，仲問要唔要加d 檸檬添，真係好nice呀！！充滿越南風情之餘，仲好warm, 絕對會返去再食😇

好懷念越南法包，滿滿醃蘿蔔絲同洋蔥絲，配上好入味豬扒，用上又脆又熱既法包包住，真係令人一試難忘，所以今次就黎到灣仔大王東街，入去一間越南小店，一尋當時味道🤤單點就$60，有撈檬、法包、湯河同飯類，加錢會有小食同飲品，食物種類唔算多，小店都是主打幾款推薦既食物👍🏻每檯都放左不同越式醬汁同醬料，想做到越南街邊小吃的風味，想要幾辣都可以加😋香茅豬扒法包 $60等左近5分鐘就有得食，法包size都幾大個，攞上手已經feel到好脆，餡料都幾豐富，有滿滿蘿蔔絲同洋蔥絲，多到包都蓋唔哂🤣豬扒唔係原整一塊，切好一條條方便咬黎食，不過豬扒厚身一點會更好，口感更佳，仲有扎肉、九層塔同火雞肝醬，味道調製得唔錯，幾清新同埋食完成個包油膩感唔重

星期五中午約咗朋友嚟灣仔食飯 灣仔中午時段真係好多人 而且天氣好熱好在越·男呢間餐廳近地鐵站 行幾分鐘就到啦 餐廳位置唔多除咗有幾張四人枱之外 旁邊有一個吧枱 大概坐到六至八人但係其實好迫坐得唔舒服 大部份人應該會做外賣或者快食 講返嘢食方面佢主要有做越式法包 撈檬 牛肉河 飯如果叫set就跟一個小食同飲品亦都可以單點🇻🇳香茅豬扒法包🇻🇳海南雞撈檬🇻🇳香茅豬扒撈檬🇻🇳越式春卷 （跟餐小食）首先唔講味道 賣相普通 有啲適合做外賣多啲 而且非常淡 ⋯ 雖然枱面上面有魚露任添但係味道始終唔夠 唯一比較好嘅就係嗰個越式法包包係暖身嘅而且材料份量都算ok 建議如果嚟呢度食 可以試吓個越式法包其他嘢就麻麻哋啦

近期天氣太熱，小編都係鍾意咗食越南野或者泰國菜，今次就黎到一間越南菜，而間舖頭屬於自助形式，入到舖頭可以選擇座位，然後去收銀嗰度叫嘢食順便俾埋錢，今次試咗脆燒腩法包，另外叫咗個牛肉湯河，再加左一個小食就係牛油雞翼個脆燒腩法包真係好正，而且好足料又唔會好乾身，睇到好多燒腩肉排住喺度，而且個腩肉個皮好脆，食完之後真係好滿足牛肉湯河都係屬於正常嘅，另外牛油雞翼真係好油，一咬全部都係油流晒出嚟😂😂😂😂整體來講，店舖裝飾都幾特別，好似返咗去越南裏面，法包真係好正！😉

經過灣仔有點肚餓，好耐冇食越南🇻🇳嘢，行行下見到餐牌📋💲8️⃣0️⃣午市套餐，被價錢同店面裝修吸引咗入去，感覺好有越南🇻🇳風情———————————————————————————🥢香茅豬扒法包🐽🥖💬法包好脆，餸料很多，香茅豬扒、扎肉、洋蔥🧅、蘿蔔絲等，加些少辣醬🌶夠晒好味😋.🥢海南雞湯河🐔🍜💬加入辣粉、魚露，令湯底更濃郁，去骨海南雞肉都幾多，一碗湯河算是幾滋味😋.🥢香蒜牛油雞翼、越式春卷💬跟餐每款都有兩件，感覺到熱度應該係既炸，兩款都係幾不錯，醃料味道豐富，配上檸檬🍋特飲解下渴最不錯☺️

我於25/6（五）下午一點四十五分左右到達餐廳，餐廳不算十分多人，我坐在門口附近，要先到counter落單，之後等了約10分鐘左右，食物及飲品已到。我叫了一個set lunch（$80）包括有main dish，小吃，飲品。main dish：越式素菜法國包：法包挺脆的，內有芫荽，洋蔥🧅，紅蘿蔔🥕，椰菜絲及豆腐干，挺好吃的👍🏻小吃：越式春卷2條飲品：椰靑水當時餐廳只有一個外籍待應，而桌上只有筷子🥢，我想要刀及叉子，待應於是幫我拿法包入去廚房切開一半🤣