越蘆越南牛肉粉 (已結業)

和好友們來到上環新開的越南餐廳 吃團年飯。 越南菜我平時較為小接觸，也並非我喜歡的菜式， 但聽講這裡口碑唔錯，所以即管一試。 餐廳較上環地鐵站，由此行過去大概 10 多分鐘左右，唔算好遠。餐廳光猛、簡潔，樓底高地方也挺寬敞，令人感覺良好的。 越南菜主打牛肉粉， 但我們反其道而行。由頭盤吃到甜品。先以 $76 作為前菜用上是泰國金柚肉特別厚肉又無苦澀味，配上酸甜醋汁， 味道帶微辣，入口清新、又開胃。 清沅蒸粉包 $56荷包咁大個的蒸粉包，包上一片扎肉和蒜片，感覺更吸引。 粉皮夠薄，餡料相當豐富，粉包內有芹菜、紅蘿蔔粒、蟹肉、沙葛、木耳、洋葱和芫荽切碎等。味道鮮而不膩，相當美味。  河內香茅燒春雞 $188雞肉燒得剛剛好,雞皮薄而微脆，可以直接以手撕出雞肉。雞肉嫩香爆汁，但香茅唔算太入味, 味道略為淡口。  青檸檬香草烤魚 $188我好喜歡食魚，但不是經常會吃烤魚。話明吃烤魚， 最重要條魚燒得靚。 看見魚皮微焦，剛剛裂開， 對板! 以香茅和香草提鮮，魚肉嫩魚但油較小。 原個菠蘿海鮮炒飯 $128相當有無霸氣的炒飯，無論份量和賣相也令我 : 嘩、嘩、嘩 ! 炒飯底微微黃薑香，飯粒干

印象中好像很久沒有吃過越南菜。大家心目中的越南菜，是否就是生牛肉河，鴨仔蛋、越南咖啡？ 這晚到上環的「越蘆」，品嚐越南藉師傅的手勢： 環境親民，菜式選擇説真也蠻多： 坐底先喝個「鮮椰青」$38，冰涼清甜，久違了的清純溫柔： 酸酸辣辣，醒胃的前菜「鮮蝦柚子沙律」$76 叫了兩款米卷，「香芒軟殼蟹米紙卷」$68 /「鮮蝦韭菜米紙卷」$56，我吃了前者： 前者包裹芒果片、子薑、即炸軟殼蟹，吃的時候可以點附上的甜酸汁一同吃。 其實我沒有考究兩者的分別，只是隨意夾了前者，子薑的味道是有帶來新意。 「西堤芝心蝦多士」$88，很受我的朋友們歡迎，堅芝士流心，也適合作為送啤酒小吃，一小口一小口，方便又簡單。 「越蘆牛油雞翼」$66，越南菜名物，樣子沒有想象中熱氣。用自家調的牛油及蒜蓉同炒，上桌熱辣辣，互相分享最好，獨食會太邪惡 XDDD 「清沅蒸粉包」$56，這是我在這裡最喜歡的菜式 : 薄薄粉皮包著肉粒、雜菜粒，上放扎肉片，蒸起脹股股，餡甚多： 好吃要有兩個重點，就是粉皮滑及新鮮蒸出爐，這兩方面它都有做到。 「河內香茅燒春雞」$188，企鵝般的賣相是擲地有聲！ 用上約兩

記得以前在上環返工的日子，有時就會去吃一碗越式牛肉粉，加一杯咖啡，份量剛剛好。上環皇后大道西近水坑口街的位置，以前有一間牛肉粉專門店，結業後重開又是賣越南菜，就是今晚到訪的「越蘆」。舊店的裝修較為低調，新店越蘆明顯光猛得多，內在則加入越南元素作裝飾，感覺年輕了，有Café的影子。越蘆雖然主打牛肉粉，但晚上來到，當然想吃飽一點，加上大夥兒同行，於是我們這晚竟然沒有吃過Pho，郤吃了很多特色而新派風格的越南菜。鮮蝦柚子沙律 ($76)外觀上，越式和泰式的最大分別，是泰式的通常會把柚子壓成絲，而越式的郤吃到粒粒柚子肉，味道上，越式亦沒有辣味，較為輕巧。清沅蒸粉包 ($56)用木盒作器皿，有點像坊間的法式下午茶，越南菜受到法國菜影響甚深，這種精緻做法實在很匹配，令人食慾大增。說回食物，這客「清沅蒸粉包」以札肉舖面，令原本滿是菜粒而爽脆的粉包加添了軟軟的實在感，個人幾鍾意這小食。香芒軟殼蟹米紙卷 ($68)最欣賞其切得薄薄的芒果片，包得紮實，芒果的香滑跟軟殼蟹的鬆脆，兩種質感加起來又起了多層次的化學作用。西堤芝心蝦多士 ($88)很少吃越式蝦多士，還加入芝士，邪惡度滿瀉。又炸得幾香幾脆喎! 吃的

KsMeow去年越南之旅，滿載美好回憶；回港後，小妹也多吃了越南菜，這天便來到上環《越蘆越南牛肉粉》懷緬當地美食（笑）越南菜，炸物比重較多，配清爽的「椰青」就最棒！當晚所喝到的，肉嫩多水，很滿意！ 「鮮蝦柚子沙律」柚子多汁，香茅味道亦濃！當中的酸汁沒有下過多糖製作，愛輕怡的朋友可放心進食。 「清沅蒸粉包」外皮煙韌滑溜，內里塞滿沙葛、紅蘿蔔、木耳、免治豬肉等食材，面層堆上蒜蓉、乾葱及洋葱，口感與香味均足。 「香芒軟殼蟹米紙卷」除了有香酥的軟殼蟹外，內里更包括子薑、牛油果等，配特製果醬同吃，特別開胃。 廚師控制火喉得宜的「馬拉盞椰菜苗」炒得香噴噴！質感既爽脆又惹味。 「西堤芝心蝦多士」香口多士夾著爽口蝦滑，進食時大量芝士湧出，很有驚喜！ 賣相有趣的「河內香茅燒春雞」皮脆肉嫩，當中的香茅味，正好平衡了肉膩感。 「青檸檬香草黃立䱽」魚肉極嫩帶汁，與秘製的酸辣醬汁同吃，有助提升魚鮮。 玫瑰形狀的「斑蘭玫瑰千層糕」質感Q彈，斑蘭味道足且夠自然。感謝欣賞 KsMeow 小分享！

依個位一直都係做越南餐廳,之前樓上一間,之後執左;樓下大再開一間又執左;之後再開依間門面華麗光猛左好多,媽咪一直都話要黎食,就帶佢黎試試,入到去一樣裝潢充滿越南風味,,特別係草帽樣既燈都好靚，希望能堅持做下去✊🏻晚飯7-8點時間人唔算多會安檬要(鮮茄蟹膏蝦丸湯檬)$72個名幾特別打算試一下啦~~點知係好濃既鮮茄,但個蟹膏係肉醬黎既真係食唔出蟹膏,但個蝦丸係凍既…個湯我覺得都偏酸,始終蕃茄湯嘛,,媽咪就話有少少咸越蘆牛肉粉(生牛肉,牛腩片,牛丸,牛柏葉)$68有4樣唔同既牛,食個好好食,但記住生牛肉一定要食先,放到最後食會有少少”鞋”,大塊又牛腩好食,牛丸牛柏葉就爽口,,下次食都只叫依個總結黎講價錢偏貴,食物不夠熱,主要係食裝潢既,,中上環咁多野食黎講,住依區好難再吸引黎食

這個鋪已經轉左好多手，可惜多年來，無一間餐廳食物質素正常。最近經過，見佢又轉手了，在沒有期望的情況下，它今次竟然給了我一個驚喜。門面已經十分搶眼，比起之前咁多手嘅裝修，起碼相對吸睛。價錢跟之前嘅餐廳差不多，今日我哋下午茶時段去幫襯。初時以為聖誕節肯定會取消下午茶優惠，竟然照常供應。LIKE👍「香茅豬扒湯河」賣相靚靚，豬扒即叫即炸又大大塊，湯味濃唔會太鹹。好味！「香茅牛肉撈檬」牛肉份量多，抵食！味道好入味，肉質唔會太韌。其實中西區來說，下午茶這個價錢，又有這個份量，實在難得。抵食！

一個人搵野食粉麵當然係最方便既選擇。係上環一帶好多傳統老店，所以一直都冇為意原來都有越南野食。今日去到文娛中心附近又趕趕地時間，見到越蘆門面光猛，裝修簡潔比人感受好寬敞舒適，忍唔住就被吸引入去喇入面客人乜種類都有，有一家大細情侶，當然都有我啲一個人。可能時間尚早所以都靜，同埋員工人手充足所以比較有餘裕去照顧每一位顧客。呢一點喺飲食業人手咁緊張既情況下真係好值得欣賞！我一個人叫咗香茅豬扒撈檬，坦白講，我入去既時間得三幾枱，但我都等咗二十分鐘，真係有啲耐，催咗侍應之後都等咗一陣，可能因為前面嗰台大枱多野啦。但我其實只係預35分鐘食飯⋯⋯所以只能鯨呑sosad撈檬黎講唔錯既，料多，麵多，豬扒大大塊，香氣十足，醃得好入味，一咬覺得有肉汁唔係乾硬化，有唔少量既花生增加口感，但可能啲撈始終有啲濕而佢塊扒有少少蘸粉，覺得個底淋淋地咁。撈檬個汁同出面有啲唔同，多幾分甜，幾得意，加埋舊青檸既汁好開胃，如果夏天熱辣辣時食真係會好爽，不過粉份量好多，如果係細食既未知可否叫少啲呢？埋單計數65蚊，貴過大型連鎖越乜越物少少，不過我覺得都可以接受啦呢個價錢🙆🏽‍♀️🙆🏽‍♀️🙆🏽‍♀️

星期六一家四口去食越南粉侍應倒瀉湯在太太裤上, 侍應第一時間沒張凳同枱. 我們轉去新位置,老闆只顧问你轉去邊度. 一句關心問候說話都沒有. 幾好食都無用. We ordered beef noodle (average), tomato beef rice (good), butter chicken wings(will not try again), Vietnam stream rice cake (average), three drinks(average)....

與上手越南餐廳非常相似(越一牛肉粉專門店),特別是裝修, 食物也一樣位置算方便, 下午茶套餐50元或以上, 有點貴 (胡椒豬肉捲飯加熱菜蜜約 60元; 凍飲為加2蚊)下午茶時間顧客不多, 可能是因為價格太貴食品質素 ok，但不值得這個價格, 特別是在下午茶時間胡椒豬肉捲飯分量合理, 味道 ok, 肉捲夠胡椒味熱菜蜜很普通, 茶餐廳質素越式特飲要額外收費, 扣分!服務尚可, 可使用現金及八達通卡支付; 下午茶套餐50元以下較合理

太耐冇寫食評啦，今日又寫返上環開左間越南野都一排，見好多時候都好多人，所以今日就去試下今次叫左個生牛肉湯河，生牛肉牛丸湯河，牛油雞翼，蒜蓉包同埋一個春卷咁啦…先講食物賣相，都好好同相片一樣牛肉同牛丸都有少少肉汁牛油雞翼都真係幾好味，雞翼脆又好有牛油既味道個春卷都尚算可以不過成餐飯個重點係，唔知點解所有食物佢地都係岩岩放落枱，但係啲野係唔熱嫁囉，呢樣真係好失望服務就真係一般，雖然好多客人，但係啲員工其實好多時間企埋一齊響度講野我地入左去五分鐘，都冇一個人拎個餐牌同水比我地，同埋你飲完個水係冇人會留意到而加比你，所以如果去食既話就叫野飲啦，哈哈不過，夜晚係冇餐叫既，唔知lunch有冇呢…我下次再去試下話比大家知

今天二點約左個大客傾嘢，點知佢臨時有事甩我底，心情麻麻，打正旗號蛇下王，係中上環附近周圍逛，無目的嫁，想找間合眼緣既餐廳就坐底hea下，順便食個tea。一逛就成個鐘，又返翻來公司附近，見到里間新店，裝修幾新派又清雅，坐得都舒服，見又無物人咪入去hea下。一坐低我將份文件放係台面，就睇下餐牌，準備落單時就移開份文件，Oh my god! 份文件痴住係台面我差D爆炸，立即拿紙巾擦下，睇下D痴立立既嘢甩吾甩(應該係糖漿類)，落單個女侍應有幫手去拿濕纸巾比我用，好彩一陣吾洗用，唯有返去print多份出來用，EQ低D都死先來雞絲紮肉河(可惜個湯吾夠熱，食面我怕湯底吾熱，扣分)，雞肉都算嫩，紮肉中間有軟骨，口感吾錯，湯底都算清甜，加杯菠蘿冰，好淡無物味，加碟酸辣鳳爪(漏左單我再加的)，少少酸無辣味编甜，個汁我麻麻地，重點係雞腳好凍(牙鲛軟)我老人家點食ahok係比個環境

自從上環水坑口街惠康附近的 <越一牛肉粉專門店> 結業後，10月尾的晚上經過，見到開了另一間越式餐廳 <越蘆越南牛肉粉> !既然，當日星期六下午要 OT，就讓自己出來鬆一鬆口氣，走到這間新開的越式餐廳食番一餐越式風味午餐吧! 星期六中午前來幫襯，這裡都幾 full!  比我預期多人! 所以店員安排我跟其他食客搭枱! 因此無需等位直接入座! 這裡的食客不乏外國人! 看來，外國人的口味也擴闊咗! 店內裝潢以湖水藍色為主，光潔鮮明! 午餐: 由 $56~$68 不等! 設加一服務費!檸要 $68這是蕃茄湯蟹粉肉丸湯檬，橙紅色湯底的口味香濃! 滿載蕃茄的酸香及蟹粉的鮮美，晶瑩剔透的檬粉更是爽滑掛湯，風味十足! 令我食得津津有味! 熱滴漏咖啡 +$12特色的越南飲品! 就算加錢都值得一試!  適合入口的水溫，味道又清甜又甘苦，兩者口味平衡！個人覺得甜了一點！發現晚餐餐牌更多越式美食選擇，由 6:00 後供應! 令我很期待再來呢！