越蘆越南牛肉粉

上環越南特色地道餐廳推介蕃薯Kumamon,宮崎犬檸檬仔,兔仔Usagi,惡魔為食妹及獅薩寶寶今日去完添馬公園的巡遊活動後,晚上來到上環一間好地道,環境又乾淨的越南特色餐廳!今次選擇了越南中部的湯粉,兩樣都好有水準,推介給喜歡越南菜的朋友~順化牛肉檬粉順化牛肉檬粉的越南文是Bún bò Huế,屬於越南中部順化地區的特色美食,以酸甜鮮辣四種混合風味聞名~濃郁的湯底由牛骨、香茅、蝦醬和辣椒熬製,配料有燉煮的牛腱,越南火腿和扎肉~與偏清淡的越南牛肉河粉不同,順化牛肉粉的味道更加複雜和濃郁,不坊一試~會安蟹膏蕃茄檬粉會安是位於越南中部的城市,香港可以坐飛機去峴港,然後轉車約1小時到達,當地最出名的就是蟹膏蕃茄檬粉,很久沒有嘗試所以就要叫!材料十分豐富,有蟹肉/豬肉碎/蝦丸/扎肉,還有新鮮的蕃茄~蟹膏蟹肉的鮮味,配合越南檬粉的口感,相當有水準,充滿香濃的蕃茄味~喜歡清爽粉麵的朋友可以選擇此道料理~越南炸春捲炸春捲混合了肉末、冬粉、蔬菜等煮熟的內餡,用米紙包好後油炸而成~口感清爽低脂,半透明的外觀和豐富的材料,小朋友們都吃得好滿足~話梅鹹桔水話梅鹹桔水東南亞的飲品,用上話梅和鹹柑桔沖水,具有酸甜鹹的味道,有助於舒緩喉嚨不適、止咳化痰、開胃助消化的功效~沒想到此店有呢,好好飲~越蘆越南牛肉粉上環皇后大道西2-12號聯發商業中心地下B號舖…查看更多

餐廳：越蘆越南牛肉粉地點：上環皇后大道西菜式：越南牛肉粉餐牌：星期日都有茶餐，主菜有湯粉，撈檬，飯類，街頭法包，配飲品4選1。可以追加地道小食，或者加錢要特飲。越南蛋餅香茅牛肉飯 $75 另加一越南蛋餅香茅牛肉飯好大碟，香茅牛肉份量好多，面頭加上脆脆同蔥油，下底墊有生菜。兩件越南蛋餅好厚身，係濃濃蛋味配有好多有咬口扎肉粒，食落多汁。伴有酸甜紅白蘿蔔絲解膩。白飯份量一碗。生牛肉湯粉 $65 另加一生牛肉湯粉大大碗熱辣辣上枱，牛肉多片，真係粉紅色上枱，肉質都好嫩，唔會太肥。湯粉類可選河粉/檬粉。河粉好幼身，非常嫩滑，分量好多！配個清清地既牛肉湯好味道。配料有芽菜，紫洋蔥絲，金不換，蔥條同蔥花，加添口感同味道。另上青檸同辣椒比你自己調味。呢度牛河真係好食。越式酸辣鳳爪 $28 另加一越式酸辣鳳爪一共6件，配有蕃茄，洋蔥絲，西芹，同脆脆，味道酸酸辣辣，好開胃。會安烤豬頸肉 $38 另加一呢個會安烤豬頸肉係跟餐小食。豬頸肉一客7片左右，熱辣辣上枱，燒得外脆內嫩，好食呀。配另上既酸辣汁更好味。面頭加上脆脆，伴有酸甜蘿蔔絲同墊有生菜，可解膩。跟餐飲品選擇都唔少，冷熱都得。凍香茅鮮橙茶 跟餐香茅鮮橙茶係香甜鮮橙味帶淡淡茶香，入面一大片鮮橙，少甜已經夠甜。凍話梅咸桔水 跟餐凍話梅咸桔水酸酸甜甜，好重話梅味，下底好多咸桔皮，仲有一隻桔仔，少甜已經夠味。凍越南老薑蜜 跟餐越南老薑蜜薑味好濃，都幾辣下，我叫左少甜。今餐食物保持一貫水準。茶餐特別抵食，無論主食同小食都好抵！新裝修後地方更加有私隱度，都好光猛乾淨。服務員態度友善。…查看更多

星期日靠近黃昏時間嚟咗呢間喺上環嘅越南菜🇻🇳餐廳食下午茶餐🤣$75「會安蕃茄蟹檬」：材料包括有《蟹肉.豬肉碎.蝦丸.扎肉》，材料都幾豐富，我哋小心翼翼食咗啲蟹肉同埋豬肉碎先因為如果跌咗落啲湯裏邊就比較花時間撈返上嚟食🤣，蟹肉同埋豬肉碎都鮮味🤣；扎肉幾爽滑有啲越南🇻🇳風味🤣；蕃茄湯底就好濃郁🤣；另外，越南🇻🇳喺2025行政改革之前會安Hội An係 Quảng Nam 省嘅一個三級省會城市，併入越南直轄市 Da Nang 峴港市，我去過 Da Nang 不過我唔知我有冇去過 Hội An 😅$72「經典越南發包」：材料有《肝醬.扎蹄.烤肉丸.酸菜.青瓜》，材料真係幾豐富🤣，法包外皮都好脆，配埋裏邊有肉又有蔬菜嘅餡料，出奇地好味喎🤣跟餐加 $38「會安烤豬頸肉」：豬頸肉脂肪含量勁充足烤得夠香口，仲有一小兜辣汁可以沾🤣跟餐加 $38「馬拉盞炒通菜」：通菜新鮮幾爽脆，馬拉盞炒味道濃郁幾好食🤣套餐配飲品 $28「鮮椰青」：夠清新仲有椰子肉可以食🤣套餐配飲品 $8「椰汁珍多冰」：夠晒甜🤣真係高質素嘅「下午茶餐」🤣…查看更多

好友約我去位於上環皇后大道西2-12號聯發商業中心地下B號舖的<越蘆越南牛肉粉>食下午茶餐，環境舒適，裝修具東南亞風格，坐得舒服。🔅保寧雞絲扎肉湯粉（鮮雞湯）$68：湯底清甜，雞絲嫩滑好食，扎肉好味，河粉爽滑。🔅越南蛋餅香茅牛肉飯 $75：份量不少，香茅牛肉軟腍入味，蛋餅香濃可口，伴有酸甜蘿蔔絲，送飯一流。🔅經典越南法包（ 肝醬、 扎蹄、烤肉丸、酸菜、青瓜）$72：法包酥脆好食。餡料豐富又好味。🔅會安烤豬頸肉 $38：豬頸肉烤得外層香脆，內裏肉質鮮嫩好味。🍹薄荷青檸梳打 $8：清爽好飲。🍹青檸紅茶（跟餐）：茶底清涼。…查看更多

OT完同同事在公司附近食飯位於上環皇后大道中的「越蘆牛肉粉」係一間主打越南料理的餐廳係我地同事們的飯堂喜歡店內座位寬敞燈光柔和 俾人一種好舒適的氛圍而且價錢亦都好合理 岩晒附近返工的打工仔//生牛肉牛長牛肉丸湯河 $88//上枱時熱辣辣香噴噴牛肉片呈粉紅色 切得厚切適中視覺上已經唔錯肉質嫩滑有嚼勁 脂肪比例剛好牛肉丸彈牙 肉味濃郁選用幼身河粉 質地柔滑吸湯力強 入口順滑不糊爛而且分量充足湯底清且帶微微甜味牛骨味香 喝起來又不會過鹹或過油膩配料有芽菜、紫洋蔥絲、金不換、蔥條及蔥花令整碗湯河增添香氣另外食越南粉不能少的青檸同辣椒俾客人自行調味//會安番茄蟹檬檬粉 $88//番茄湯底鮮味突出蟹肉的鮮甜與番茄的微酸恰到好處喝起來既酸又甜的味道 層次感強烈配料有大量蟹肉與豬肉碎肉香加上了海鮮味令味道更昇華蝦丸是亮點 彈牙且帶黑椒香氣檬粉質地像滑身米粉吸盡湯汁後味道濃郁入口柔滑 完全不會爛開或糊口//會安烤豬頸肉 $86//表面烤至微焦入口外脆內嫩 肉質彈牙火候得相當準 沒有乾柴感配搭酸辣汁 酸甜平衡，與豬頸肉絕配係一定要加的小食…查看更多

Three choices of banh mi were available, my pick was sandwiched with spicy sardines, and it was genuinely spicy. Baguette was toasted crispy and smeared with pate, stuffed with lots of pickles, cilantro, and slices of meat. I topped that up with grilled pork collar, which came with a drooling plate of sour & spicy dipping sauce and frizzled shallots, if you adore more meat inside your banh mi please put a few slices of pork neck into your sandwich, which was honestly worthy. Vietnamese egg coffee was served on top of a lighting candle. Keeping the warmth, and the sweet egg foam tasted exactly like a dessert. Recommend to spoon that and drink that mouthful by mouthful to maximise the level of joy. …查看更多

呢間野以前想食越南野必定會幫襯，無黎到大半年，發覺舖頭裝修過，比以前精緻咗，光猛咗，食物份量無變，美味依然先嚟個會安蕃茄蟹檬檬粉材料豐富，有扎肉，蝦丸，蟹肉,鮮濃嘅蕃茄湯，可惜的是無左以前既蝦膏蟹膏😐,否則湯味重濃味,但呢個版本都👌既再嚟香茅豬扒湯檬豬扒夠大塊，唔肥，唔油膩,點魚露最好食，檬粉湯底係雞湯加埋各種香葱、九層塔等香料，好美味小食揀左清沅粉包清沅粉包有5個，5個都幾大下，粉包上配上香蔥，蝦干仔，蒜片等夠惹味，而且粉包入面有木耳、蘿蔔、豬肉夠足料味道同以前一樣咁美味總之如食越南野我都會諗起佢，繼續幫襯…查看更多

位於上環嘅越南餐廳店內裝修明亮舒適啲座位都好寬敞 唔會坐到好迫餐牌上嘅選擇都好多每款都好吸引 價錢亦都好合理👍🏻順化香茅豬扒湯粉檬粉湯底非常濃郁清甜 豬扒醃得非常入味 口感鬆軟帶香茅香味檬粉吸收晒湯嘅精華 食落非常暖胃😋會安番茄蟹檬檬粉蕃茄湯底酸酸甜甜有好多鮮甜既蟹肉,仲有扎肉同彈牙既蝦丸再配上芫荽同芽菜等 10分足料絕對值得一試👍🏻👍🏻會安烤豬頸肉豬頸肉肉質爽脆 仲燒到好香口 蘸上醬汁更滋味👏🏻👏🏻…查看更多

越蘆越南牛肉粉地址：上環皇后大道西2-12號聯發商業中心地下B號舖家鄉豬腩肉丸伴檬粉 🍝$138個湯底超正，飲一啖就知道係用豬骨熬好耐😛，飲落好濃郁但唔會膩👏🏻 豬腩肉肥瘦啱啱好，燜得好淋好入味，入口即化真係冇誇張🥰！自家製肉丸好彈牙，仲食到少少陳皮香，同啲幼身檬粉夾到震😍 最正係加咗啲炸蔥頭，脆卜卜咁增加口感，成碗份量夠晒大，男仔食都夠飽！😇正生牛肉牛展牛肉丸湯粉 🐮 $88生牛肉片鋪到成碗粉滿晒，用熱湯淥一淥剛剛熟，肉質超級嫩滑🤣，牛味好出！牛展切得薄薄哋，滷得夠淋又唔會太鹹，仲有少少筋位咬口好好👍🏻 牛肉丸竟然爆汁！一咬落去d肉汁噴出嚟，要小心燙親個嘴啊🔥 湯底清得嚟好甜，飲得出係用牛骨熬，冇落味精，飲完成碗唔會口渴。如果中意食牛嘅朋友必點！正鮮椰青 🥥 $42 凍冰冰好解渴！椰青水清甜到不得了😙，仲有陣陣花香🌴 椰肉超軟滑，用匙羹一刮就起到，食落好似啫喱咁口感。飲完成個人都refresh晒😝！雖然價錢有少少貴，但係咁大個椰青真係抵飲嘅～#nicefoodie上環-—————#food #hkfoodblog #hkgoodblogger #foodie #foodblogger #goodstagram #hkfood #hkfoodie #hkfoodlover #delicious #hk #香港 #上環美食 #上環 #美食 #打卡 #上環餐廳 #香港口味 #隱世美食 #隱世小店 #半價優惠 #人氣餐廳 #人氣美食 #香港好去處 #越菜 #越南餐…查看更多

今次我去咗上環嘅Lee Laksa，真係一間好有特色嘅食店！我試咗佢哋嘅海南雞飯，雞肉鮮嫩，飯粒鬆軟，配上特製嘅醬油，味道超正🍽️仲有白胡椒肉骨茶，湯底香濃，肉骨煮到啖啖入味，非常過癮🫖另外，我仲試咗街頭雞鴨絲湯粉，湯底清甜，雞鴨絲切得好薄，食落去非常爽口🍜炒通菜嘅蝦頭膏更加係必食！炒得恰到好處，蝦頭膏嘅鮮味令整道菜更加出色，真係令人食到停唔到口🥢最後，甜品方面我選咗斑蘭咖央多士，外脆內軟，搭配香濃嘅椰漿，實在好合我口味🍞仲有椰汁珍多冰，清涼解渴，椰汁味濃，令人回味無窮🥥總括來講，Lee Laksa真係一個值得一試嘅地方，食物新鮮、味道出色，絕對會令你想再來👍…查看更多

最近，上環的越南菜餐廳「越蘆」重新裝修，真係靚到不得了！我決定再過來食吓，試吓佢哋嘅招牌菜😋首先，我叫咗生牛肉湯河。湯底清甜，牛肉鮮嫩，米河又滑，食到一口又一口🍜湯面嗰陣香味真係勁，感受到越南菜嘅精髓✨接住，我試咗咖喱牛腩配蒜蓉法包。牛腩軟嫩，咖喱醬濃郁，香氣四溢，配上蒜蓉包仲脆，口感真係好正🥖每一口都令人好想再食，尤其係用法包沾住咖喱醬，真係幸福到爆❤️最後，我叫咗會安蟹膏蕃茄檬粉。呢道菜色彩靚，蟹膏嘅鮮味加上檬粉嘅Q彈真係一流🍅酸酸嘅檸檬味更係令整道菜清新到不得了，完美解膩🍋總括而言，「越蘆」嘅菜色唔單止好味，環境都幾舒服，真係好適合聚餐或者小聚🎉無論你係老顧客定新朋友，都值得一試！👍…查看更多

每次到上環文娛中心工作，都喜歡去這間越南餐廳吃飯。芒果鴨肉米紙卷最心心念念就是他們的米紙卷——伴隨的那個他們自家製的醬汁：充滿清新橙香，又帶點微辣，真的令人很醒胃，與香甜的芒果肉和鹹香的鴨肉，配合得天衣無縫。香茅豬扒撈檬撈檬是我夏天最愛的主食，生菜絲、青瓜絲、酸蘿蔔絲和凍檬交織在一起，口感層次豐富，香茅豬扒亦十分肥美。法式牛柳粒紅飯牛柳粒醃得非常惹味，非常Juicy不會乾噌噌噌嚡熠熠。這裏的飯類都會伴隨一件越式蛋餅，味道也很不錯。…查看更多

今日約咗好友去位於上環皇后大道西2-12號聯發商業中心地下B號舖的<越蘆越南牛肉粉>食下午茶餐，環境舒適，裝修充滿越南風格。我哋點咗：🥢會安蕃茄蟹檬（蟹肉、豬肉碎、蝦丸、扎肉）$75：湯底酸酸甜甜好惹味，蟹肉鮮甜，配蝦丸、豬肉碎、扎肉和鮮蕃茄，檬粉爽口好食。🥢經典越南法包（ 肝醬、扎蹄、烤肉丸、酸菜、青瓜）$72：法包香脆美味，餡料豐富及新鮮，好味又好食。🥢河內傳統蝦卷$26：蝦卷賣相吸引和色彩繽紛，蔬菜新鮮好食。🥢會安烤豬頸肉$38：豬頸肉烤得香脆可口。🥢鮮椰青兩個每個$28：鮮椰青清涼美味，椰青肉嫩滑好食。…查看更多

今日唔講米芝蓮，唔講酒店餐廳，我想帶大家走入上環嘅大街小巷，試一間好多街坊同埋OL都推薦嘅越南菜館——「越蘆牛肉粉」。呢間舖頭位於上環皇后大道西，門面唔算特別起眼，但一到飯市就人頭湧湧，證明佢有一定實力。🍜 主角登場：會安蕃茄蟹檬 (Bún Riêu Cua)首先要讚嘅，一定係呢碗「會安蕃茄蟹檬」。作為越南中部順化、會安一帶嘅特色粉麵，佢同我哋平時食開嘅生牛河有好大分別。一上枱，首先係被佢橙紅嘅湯色吸引，蕃茄嘅酸香同蟹嘅鮮味撲鼻而來，非常開胃。湯底: 飲一啖湯，味道果然無令人失望。蕃茄味濃郁得嚟非常自然，唔係茄膏嗰種死酸，而係帶有豬骨湯底嘅醇厚同鮮蟹熬煮出嚟嘅鮮甜。湯頭層次豐富，飲得出係心機之作。配料: 碗入面嘅配料都好足，有扎肉、豆卜、豬紅，最重要嘅當然係嗰件用蟹肉同蟹膏製成嘅蟹膏蛋餅。蛋餅吸滿咗湯汁，一啖咬落去，蟹嘅鮮味喺口腔爆發，口感鬆軟，絕對係成碗粉嘅靈魂所在！粉: 檬粉爽滑，掛湯力一流，每一啖都食到湯底嘅精華。總括嚟講，呢碗蟹檬無論係湯底定係配料都做得非常出色，味道正宗，絕對係必食推介！🐷 最佳配角：會安烤豬頸肉見到餐牌有「升級優惠」，可以用$38加配一份小食，我梗係唔會錯過，揀咗呢個「會安烤豬頸肉」。豬頸肉烤得外層焦香，帶少少炭燒風味，但內裏依然保持到肉質嘅爽嫩同肉汁。醃料嘅味道恰到好處，有淡淡嘅香茅同魚露香氣，唔會太鹹，點埋跟碟嘅酸甜醬汁，即刻可以中和油膩感，作為餐前小食或者送粉都係一流。以$38呢個價錢嚟講，CP值極高！☕️ 神級收尾：越南雞蛋咖啡 (Cà Phê Trứng)食完正餐，點可以無杯嘢飲？我揀咗越南河內嘅名物——雞蛋咖啡。好多香港人可能對佢有啲陌生，甚至會驚有蛋腥味，但正宗嘅雞蛋咖啡係完全唔會有腥味㗎！呢度嘅雞蛋咖啡一上枱，就見到面頭嗰層好似奶蓋一樣，用蛋黃同煉乳打成嘅綿密泡沫。 根據傳統飲法，可以先用匙羹試一啖面頭嘅蛋漿，口感好似液體Tiramisu，豐厚幼滑，充滿蛋香同甜味。然後再將佢同底下嘅濃縮咖啡攪勻，咖啡嘅甘苦完美中和咗蛋漿嘅甜膩，入口順滑，味道非常有層次，係一杯充滿驚喜嘅飲品。佢唔單止係一杯咖啡，更加可以話係一道甜品，為呢一餐畫上完美句號。 總結 💯總括而言，「越蘆牛肉粉」絕對係一間值得推薦嘅越南餐廳。由裝修佈置到食物質素，都感受到濃厚嘅越南風情。今次試嘅三樣嘢——蕃茄蟹檬、烤豬頸肉同雞蛋咖啡，全部都喺水準之上，而且價錢合理，埋單連加一都只係$144。無論你係喺上環返工嘅打工仔，定係專程入嚟搵食嘅朋友，呢間「越蘆」都唔會令你失望！…查看更多

越南菜是我喜愛菜式之一 每次想不到吃什麼越南菜總不會出錯假日來到上環 發現這間越南菜環境都挺舒適 menu選擇又多 一於試試吃個late lunch～🍅🦀會安蕃茄蟹檬$85大大碗熱辣辣~有大量的蟹肉和豬肉碎 湯底鮮味出色蝦丸非常有驚喜 彈牙十足 有黑椒香氣這裡的檬粉像滑身米粉 吸滿湯汁後非常美味🍹香茅鮮橙茶跟餐飲品的選擇都相當有特色呢鮮橙茶散發淡淡的香茅香氣甜味來自香橙本身 甜度適中 🤍清沅粉包$26跟餐可以升級優惠價加添小食 點了一個小食第一次試粉包它的外皮好像河粉般裡面有肉碎、木耳和紅蘿蔔配魚露很滋味兩件十分飽肚…查看更多