越蘆越南牛肉粉 (已結業)

2019年2月15日星期五今日去老婆返工嘅附近接佢收工。順便食越南菜時間尚早人未算好多餐牌有超多選擇，多到都唔知點揀。小食嘅選擇都唔少。最後我哋叫咗兩個最普通嘅越南菜式。原個菠蘿海鮮炒飯同埋越蘆牛肉粉。第一個到嘅菜式係越蘆牛肉粉，有生牛肉牛丸牛腩同埋牛柏葉。餸嘅份量十分之多，質素亦都唔錯。生牛肉嘅熟度啱啱好，牛腩亦都煮得好琳。牛丸10分爽口。呢一個菜式值得推介最後再來一個原隻海鮮菠蘿炒飯。依個菠蘿海鮮炒飯10分足料。裏面有肉鬆臘腸墨魚青口。材料十足，加埋落炒飯度一流整體而言價錢還可以，這兩個普通嘅菜式煮得10分好食，對下次食其他菜式

今日突然想食越南嘢，剛巧約左朋友去港島區食，我地就揾左呢間位於上環嘅越蘆，由上環行慢慢行去要大約10分鐘，不過散散步好快到!首先講下佢裝修，店內主要用Tiffany Blue顏色，好吸睛，坐位闊落，坐得舒服。我今晚叫左鮮蝦柚子沙律($86), 香芒軟殼蟹米紙卷($68), 鮮茄蟹膏蝦丸湯檬 ($72), 牛油果沙冰 ($38)鮮蝦柚子沙律，蝦好大隻好彈牙， 最驚喜係啲洋蔥同友仔好夾 ，做前菜一流!米紙卷的軟殼蟹炸得好香趣， 夾埋芒果同埋入邊片薑又唔會太油膩蝦丸湯檬都好好味， 湯底唔會好濃，淡淡地， 但係啲蟹膏味會慢慢滲出嚟 , 幾特別!最後牛油果沙冰好大杯，本身牛油果都飽肚，其實兩個人飲一杯都夠了

越南越愛@越蘆越南牛肉粉地址：上環皇后大道西2-12號聯發商業中心地下B舖中環食飯太貴啦，得一個小時，為省錢寧願多走5-10分鐘到上環吧, 一餐平$20元，一個月就慳$500香茅豬扒, 是安全系菜，基本上一定好食，跟飯跟麵都夾。豬扒有點邊位肥就最好味，加埋用好多香料去醃。lemongrass 會增加香氣而不會太影響食物原味，所有東南亞菜加佢會幾開胃促進食慾。大半menu 都是飯麵，一定夠上班一族醫飽肚子，補充力氣上班工作。辛苦打工只為兩餐，要待自己好一點。Eating lunch is cheaper in sheung wan than central , in order to save money, I went there for lunch frequently. Order a bowl of lemongrass pork chop pho $Used chicken soup. Besides pho also has variety of rice and Vietnam style snacks. Great place to have lunch there. 

今晚女朋友去左上環上堂，等佢放學期間覺得有啲肚餓，去左上環食個越式下午茶。接近晚市，人流開始多，我睇完menu之後叫左一碗越式牛肉河，再加杯熱情果汁。一個人入到餐廳都可以坐一張四人枱，店員服務都好好。越式牛肉河最重要是湯底，清甜湯底完全唔油膩，湯面無一層油，可以放心飲一口。湯底濃香清甜，骨湯味道夠哂濃厚，河粉唔會太碎，掛湯力高。牛肉薄薄的入口唔會太乾太鞋，香嫩牛肉片夠滿足。熱情果汁香甜，甜度唔高，非常清新。

最近吃得新年太多油炸食物，約朋友吃飯也想吃得較清新些，越南餐正是最佳選擇。餐廳的裝修非常別緻，四人卡位也十分濶，坐了四人也不覺得迫。餐牌上食物相，拍攝得非常靚，看到已有衝動想試。越南牛肉粉鋪滿有生牛肉丶牛腩片丶牛丸和牛柏葉。 牛肉粉湯底鮮甜，配料非常豐富。順化香茅豬扒湯粉，湯粉同豬扒分開上。香茅豬扒肉質非常鬆化，豬扒醃製夠味， 質地軟硬適中非常可口 。鮮蝦柚子沙律的柚子非常甜，但配料的紅洋蔥辛辣味較強。其實這間餐廳坐位也多，但未夠七點半餐廳已滿座及很多人來買外賣，証明也很價廉物美。

今日同媽媽到上環入年貨，去皇后大道西嗰邊，選了這間好大有好多客人排隊啲越南餐廳。因為紙好方便有落地玻璃，適合跟家人拍照。裝修很有格調。原只菠蘿海鮮炒飯調味料:香辣粉，炒香咗嘅香茅，青檸芽菜，臘腸肉。海鮮魷魚及其他海鮮最主要賣相及味道都好好，服務態度還可以。採用原隻菠蘿, 將附有海鮮魷魚, 蜆肉嘅炒飯炒得咁香,配上火腿絲,及小小原隻臘腸, 將所有炒飯放在菠蘿裏, 用焗爐焗15分鐘。出出嚟嘅效果好震撼, 這個炒飯是我一生食過最好。裏面有色香味並重。我點了生牛肉及豬扒河。生牛肉可是必點的。可以吃出鮮牛嘅牛味道。湯更是靈魂牛香十足，加上青檸辣椒很不錯。總括而言,過年時候必定跟家人再來光顧。最好就係食團年。但人流比較多，需要排隊。

當日跟舅父經過上環, 我哋兩個覺得好肚餓。好耐冇食越南嘢。門口嘅客人都幾多需要排隊等位。原個菠蘿海鮮炒飯首先店主很大方, 他們採用原隻菠蘿, 將附有海鮮魷魚, 蜆肉嘅炒飯炒得咁香,配上火腿絲,及小小原隻臘腸, 將所有炒飯放在菠蘿裏, 用焗爐焗15分鐘，所有配料非常甘香達到色香味俱全。出出嚟嘅效果好震撼, 這個炒飯是我一生食過最好。裏面有色香味並重，飯也甘香味呀甘香。😊酸辣鳳爪這個菜等了十分鐘。首先唔太酸亦唔太辣, 適合我舅父食因為佢有胃病。佢食過都話好食, 因為裏邊唔咪淨係得鳳爪而係有成個泰式沙律, 沙律多菜有番茄亦有蒜頭及洋蔥,成個配搭好colourful最啱喜歡食嘅我。🐧🐧,過年時候必定跟家人再來光顧。最好就係食團年。但人流比較多，多人嘅時候要排隊。

星期六晚來上環 吃越南菜， 餐廳由港鐵行過去大概十多分鐘左右， 非上環中心地帶,  所以晚飯時間亦不太繁忙。 餐廳裝潢光猛、簡潔，樓底高、地方也挺寬敞，令人感覺良好。 越南菜主打牛肉粉， 除了河粉外， 由頭盤到甜品也一應俱 。和男友也不太肚餓， 所以點了兩款小食和一碗越南PHO 淸沅蒸粉包 $72荷包咁大個的蒸粉包，蒸起脹卜卜， 蒸包上一大片扎肉、蒜片、薑蔥，感覺更吸引。 粉皮夠薄，餡料相當豐富，粉包內有肉碎、紅蘿蔔粒、蟹肉、沙葛、木耳、洋葱和芫荽切碎等，味道鮮而不膩，相當美味。  鮮蝦韭菜米紙卷 $56簡單的米紙卷, 味道亦較單調, 最好蘸一點付上的芒果醬，而我以魚露取代同樣令味道提升。 我們也不想吃牛肉, 所以點了另一款 PHO  $62清雞湯底味道頗鮮甜，夠熱絕對是重點， 材料雖只有雞絲、扎肉, 但絕對不單調。扎肉口感和平時的有點不同, 較有弹性, 一粒粒白色的以為是肥豬肉, 但口感更像軟⻣,幾特別。 河粉份量適中, 入口細滑，好味抵食。 晚上設加一，每人平均消費 $105 性價比不錯

今日，行過見到呢間餐廳好多人排隊，心諗一定係好好味先會咁多人願意排隊！入到餐廳，感覺好好，燈光十分明亮，而且店員十分有禮貌，對我們的態度好好！點左最出名，最有名氣的生牛肉湯河！真的名符其實的咁好味！完全唔會覺得淡ＭＯＵ　ＭＯＵ十分有牛肉味而且唔會好油～平日成生牛肉湯河都會成手油，但係呢到食就唔會，因為Ｄ餐具真係唔油，亦都好乾淨～我會再來，雖然要排好耐隊　但都係值得的！因店員比我的感覺十分好～而且環境好，又乾淨！

聖誕過後，街道清靜了不少唯獨這間餐廳長龍依舊，沒有少。今天提早了下班，來試試，看看排這長龍是不是值得！先來了清沅蒸粉包十分特色，用木架放了四卷粉包，熱辣辣又顏色美麗更有脆口蒜片，口感豐富美味～再來就是這個湯河，湯底十分濃，而且牛肉也不硬。加多幾粒青檸，味道即刻勾返哂出黎餐廳裝潢都不錯，座位也很舒服～員工都態度也很好，並沒有因為太多客人而嫌麻煩。會帶朋友再來，因為它的湯河真的很好味，不會太油。平日在外面吃的不是太油就是無味但這間餐廳的湯做得很好。

平日在上環返工每次經過這裡都看到大排長龍明明也不接商廈但都有好多打工仔係到食，排長龍，今日見有時間，就想試下！入到去環境十分好，整潔，明亮。而且座位也很舒服。點了泰式炒金邊粉材料有蛋絲、花生粒、雞絲、青檸、辣粉、炸紅蔥頭、札肉金邊粉炒得乾身好有咬口，整個菜式都好有鑊氣，以前食既都偏酸，令好多人以為酸就是濃味。但呢個炒得好，唔會好多油，而且不會太酸，但也有濃濃的味道。員工也十分有禮貌，沒有不耐煩，態度也十分好！整體黎講都十分好，會再來多次

這個餐廳離上環地鐵站有點遠，但為什麼仍然在這裡晚餐呢？是因為平日在上環上班吃午飯時，每次經過這裡都看到大排長龍。明明這邊也不太接近商廈，卻聚了一群白領，要解開這個疑團就要先親身試一試以藍綠色和白色為主調，餐廳裝修份外優雅，牆壁上放了不同越南的食材，例如越南河粉、魚露、咖啡、香料等等。東西排列整齊乾淨，給人舒適的感覺剛去到座位，侍應率先端來兩杯水。端菜的侍應都戴上手套保持衛生。當時是平日的晚飯時間，餐廳大約有一半都坐了客人泰式炒金邊粉材料有蛋絲、花生粒、雞絲、青檸、辣粉、炸紅蔥頭、札肉雞絲的肉味濃，蛋絲好幼細，金邊粉炒得乾身好有咬口，整個菜式好有鑊氣，也難怪它的價錢比其他粉麵類貴這麼多。以往吃過帶酸味的泰式炒金邊粉，這邊是濃味不帶酸的順化香茅豬排湯粉豬排是另上的，吃下去外皮炸得好鬆脆，沒有滿口炸粉的感覺，肉質鬆軟易咬，當中也有不少肥膏，適合喜歡有一點油香的朋友湯底是鮮雞湯，河粉一吃下第一口，有淡淡的檸味在口中，而河粉本來也吸了鮮雞湯的味道，變得入味。咬下口有少許韌勁，絕對沒有因為放久了而變腍身整體是很好，環境滿意、食物滿意、服務滿意，完全明白lunch time為何會排長龍，值得帶同事來

今日約左朋友去中環做d嘢，順便食個early dinner. 因為唔係太肚餓，我哋就叫左啲嘢大家一齊share。打開餐牌選擇甚多。本來想食原個菠蘿炒飯，但係見到湯河張相都吸引。係三心兩意之下，我地揀左「越蘆生牛肉牛腩片湯粉」。 生牛肉和牛腩各四至五片，河粉分量亦不少，足夠兩個人share。牛肉片有牛味，有點似安格斯牛肉，口感不錯。牛腩片肥瘦分布平均，肉質不錯，好味道。湯底是傳統越式牛骨湯，配上香葉炸蒜及其他香料，味道不錯，我個人頗喜歡！蜆港炸蝦餅上枱時賣相當吸引。肥嘟嘟，脹卜卜，熱辣辣，令人好想一口咬落去。肉質爽口彈牙，而且炸得香脆可口，很美味，值得推薦！滴漏咖啡每次我去越南餐廳，都會叫越式滴漏咖啡。呢度嘅滴漏咖啡夠香夠濃，感覺比espresso更濃更厚。愛好滴漏咖啡的朋友不妨試一試！

一直很喜歡越南美食，尤其喜歡越式湯粉，因為個牛骨湯底真係好正。點了越蘆牛肉粉 $72， 越蘆小食拼盤 $148， 蜆港蝦餅。越蘆牛肉粉，裡面有生牛肉，牛腩篇，牛丸，牛柏業。湯頭味鮮香，牛肉新鮮，牛尾濃鬱，牛腩夠淰，牛丸彈牙，牛柏業爽脆，非常好。越蘆小食拼盤，裡面有春捲，胡椒豬肉串，蝦卷，扎肉。春捲香脆，胡椒豬肉串惹味，蝦卷清新，扎肉正常。蜆港蝦餅，肉質彈牙，味道鮮甜，好味。很滿意的一餐。

今日同媽媽去到上環食晚餐，去了皇后大道西那邊，選了這間好大又好多客人的越式料理。好搶眼的餐廳！位置好方便落地玻璃、幾型的設計！取票的位置，可以讓客人自家取票地點裝修好舒服又寬敞，設計雅緻，以藍色白色作主色，好清潔乾淨！以玻璃、掛燈作裝飾，實用又美麗以越南的食品作擺設！背景畫報好有型又有越南特色餐牌好靚的藍色，圖畫好靚好吸引！大部份的越南美食都可以食到，湯粉、撈檬、小食、紙卷、沙律、甜品；更有帽子火鍋、豬手、烤魚、海鮮、雞及牛腩等等的選擇連餐具小碗都是一種色系，綠藍色的！（清沅蒸粉包）好特色木架放了4卷粉包，熱辣辣又顏色美麗上面放面，更有脆口蒜片！口感豐富美味一卷都唔小份，外皮滑滑有厚度粉皮，包著紅蘿蔔、木耳、沙角、肉粒，口感豐富又健康好味媽媽超讚的（越式炒金邊粉）好大碟好香噴噴、足料又正宗！調味有：香辣粉粒、花生碎、半個青檸、芽菜；金邊粉炒得好香唔油膩、配料好多，如：煎香蛋絲（香口野味）、扎肉（爽口有口感）、雞肉（香又多）、洋蔥（清甜爽口健康）、翠綠韮菜等等，賣相及美味度都好好（怕辣的朋友就記得取走些辣粉粒先撈啦）服務態度唔錯，有禮主動，快手加水及給碗碟這邊的水是用青檸加香茅加水的，好