越男仔

营业中

休息中

是日到沙田食lunch，lunch menu好多選擇，叫左3樣野。海膽檬紙卷$56身為uni愛好者，一上菜已經見到海膽份量好多！當然新鮮程度一定不及日本餐廳嫁喇，但都不俗！$56 食到呢個質素仲想點呢！個海膽炙燒過所以幾香！我地覺得呢道fusion 幾有創意，海膽濃味，但紙卷好清，兩樣野好夾好fresh! 值得一提個透明酸汁都做得好，可以調起個味又唔會喧賓奪主！❤❤❤❤❤❤❤❤8/10越式鴛鴦雞配黃薑飯$65個海南雞唔夠嫩滑，扣左分！個炸雞味道幾好，但都有點乾不夠嫩滑多汁！係個黃薑飯拎番唔少分，好香又唔會太油，食到停唔到嘴！❤❤❤❤❤❤6/10胡志明市椰汁酸湯四寶湯檬$64四寶係豬排、豬頸肉、扎肉同脆豬肉。先講湯底，幾惹味，好開胃，但唔夠椰香，不過不失。豬排幾入味，豬頸肉正常，扎肉都係一般貨色，個脆豬肉較為細件，無咩咬口同埋略帶油。❤❤❤❤❤❤❤7/10值得一讚既係間店有超多款set lunch，都係50-60蚊左右，我地選都選左10分鐘😂 整體都ok! 會encore 既！

 今日天氣幾好唔太熱，又出黎食飯啦！特別鐘意食東南亞菜，未食過呢間，今次就黎試下食。始終覺得食飯飽肚啲，就揀左個飯無揀檬粉。嗌左個雞飯，越南米卷同埋熱奶茶，黎個時唔算多人，上菜有少少慢。杯奶茶好香好滑幾好飲，同平時啲奶茶有啲唔同，有種特別ge香味，可能係茶底唔同個雞飯啲甜酸汁不過不失，無乜特別，啲雞唔太乾個皮有少少脆，偏咸左少少，個餐份量偏細。至於個米卷都無乜特別，反而米卷個配菜醃蘿蔔幾好食，酸酸地咁。整體價錢有少少偏貴，服務正常。

手撕雞椰汁酸湯檬粉，很久以前在附近工作，同事買過這個粉的外賣給我，那個時候很好吃，可能是堂食的湯汁太多，反而不夠入味。胡志明市紅番茄火車頭，其實就是一大碗用鮮蕃茄煮成的材料，內裏都是牛肉製品。茄汁非常之濃郁，只是內裏的食物，除了牛肉牛筋煮得很腍外，其他都沒有太大驚喜。小食拼盤A - 有春卷有燒豬頸肉有鳳爪沙律有米紙卷，兩個人來說小食拼盤也很大了。適逢餐廳有周年紀念，晚市全單都有折，埋單嘅時候感覺幾抵。

同朋友去科學園維修機頂盒，順度去沙田吃越南菜，因為之前系旺角吃過，好好味，有新派清爽的風格。越男仔，在沙田勵城花園地鋪，河畔花園後面，鋪頭門口，是芥末黃的顏色，好有新穎的感覺。內部裝修，看得出，放了不少心思，當中還可以尋找到不少驚喜。法式芝心蝦多士，濃郁芝士，面頭鋪滿芝麻，香脆美味，食不停口。牙車快(柚子手撕雞肉)，清新爽甜，不會重口味，雞肉嫩滑入味。紅蕃茄四寶湯檬粉，豬頸肉份量超大，湯底蕃茄味濃郁。燒吞拿魚柚子檬紙卷，包的好精緻，有點不捨得吃它，吞拿魚有燒烤味，柚子甜甜酸酸，絕配。

今朝工作有阻滯，又錯過了午飯時間，還好下午的預約取消了，變相提早收工，同事說在沙田找一家越南菜吧，給我們找到勵城花園那邊的越男仔。這店原來有點遠，從沙田市中心走了近25分，在河畔花園後面。套餐挺划算的，50至70元，我們先點了些小吃。牙車快沙律，法式芝心蝦多士，燒吞拿魚柚子檬紙卷。主食點了紅蕃茄四寶湯檬。牙車快沙律有手撕雞，柚子，柚子不酸，挺清新的。芝心蝦多士很好吃，芝士邊咬邊溢出來，只4片真不太夠。燒吞拿魚跟想像有些不同，燒完的口感似燒豬頸肉，但配著柚子檬紙掋消了油膩感。四寶湯檬原來是豬扒，扎肉等全豬宴，配蕃茄湯不像一般酸酸的湯檬。

話說有個朋友妒忌心重，令朋友之間的約會和感情大大打擊。化悲憤為吃量，找個好吃的地方好好發洩一下。門旁邊的玻璃牆上張貼了大量相片，相中可見有不少名人幫襯，相信水準不錯吧。一進去就見到有調料外賣。當中是蝦米乾和魚露。作為無飯家庭，所以沒有打動我心。蝦餅$72越南料理怎麼會少得蝦餅，鮮味十足。味道剛好，直接吃也不會覺得咸。而且好彈牙。根據店家的推介，試一下這個招牌菜，招牌椒鹽軟殻蟹$108，蟹肉連殻都可以一起吃。味道鮮美。講到飽肚又美味的，我比較推薦這道菜：原只魷魚釀咖哩炒飯$148。讓我想起某部電視劇唱的咖哩歌。咖哩飯和魷魚非常配合，爽口又彈牙，簡直讓人垂涎三尺。新鮮椰青$45。清甜多汁，帶走一切油膩感。又解渴消暑。作為一個完美的句點。

沙田圍有好多小店，今晚試下這晚越南餐廳😆餐廳裝修幾別緻，燈子像是越南帽的設計😊點了這個「招排原隻魷魚釀咖哩炒飯」，真是有整隻魷魚喔！魷魚應該是用火槍燒過，表面有少少黑，魷魚頭燒到很乾，很香，吃是像是在吃魷魚乾一樣，裏面的咖哩炒飯也幾好味，咖哩味幾濃，最尾的魷魚腳也燒很香，肉質也淋，也會很難咬。又點了「小食拼盆A」，有雞肉米紙圈，無骨白雲鳯找，豬頸肉和炸春捲，炸春捲外皮幾脆，裏面有很多雲耳，用來放汁的小樽幾別緻。

香港人喜歡旅行，人所共知。朋友剛由峴港回來，手信當然不少得，同時對越式料理念念不忘，決定一行三人來到沙田回味一下。位置都算方便。港鐵出來行幾分鐘就到達。附近也有巴士站，若然揸車來，附近也有很多泊車場，很方便。牆上的裝飾，充滿藝術氣息。顯示出獨有的風格。馬拉盞肉炒通菜，$78。青綠翠嫩，很是有鍋氣，顯然很惹味。招牌椒鹽軟殻蟹，$108。椒鹽味配合得剛好，蟹肉味鮮甜可口，連殻都可以一起吃掉。岩鹽燒虎蝦，三隻$108。大小適中，每隻大概有7寸長吧。經過岩鹽燒之後，肉質鮮嫩帶點爽口。招牌原隻魷魚釀咖喱炒飯。$148。招牌果然是招牌，魷魚鮮嫩，肉質美味，炒飯非常入味，如果淡味少少會更健康。鮮香茅青檸梳打，$35。解渴之餘帶來清涼感覺，令整個晚餐變得更加完整。

珍寶拼盤 $188芝心蝦多士一如以往，蝦肉夠彈牙，半溶芝士餡，外層嘅芝麻令到成件多士更香口。呑拿魚柚子檬紙卷：整體感覺好清新，好適合夏天食，加上佢細細件，好容易令人一件接一件咁食，可惜只有4件。蒜香牛油雞翼：雞皮炸得夠香脆，雞翼亦都夠多肉。法式牛粒紅飯$98牛粒鮮嫩，搭紫洋蔥都好夾，食落有少少辣，唔係好食得辣嘅我，都覺得幾開胃。椒鹽軟殼蟹$108軟殻蟹都有唔少蟹肉，整體好鬆脆，都係屬於令人食唔停口嘅餸菜之一。

即興约去咗兩個朋友喺河畔花園食晚飯， 朋友推介去越男仔食。 可能因為晚餐時間，入到去幾乎滿座。 我哋三個人要咗幾樣餸。 馬拉盞炒扎肉通菜 ， 炸蝦餅 ( 想要埋酸甜醬但係竟然冇)， 豬軟骨 ( 燒得夠香夠膿真係好好味)， 金菠蘿炒飯， 仲有每人一杯特飲 ( 我要咗杯咸檸沙冰，原來杯沙冰連埋咸檸一齊打碎所以好好味； 反而朋友嗰杯朱古力就淡咗啲)。

作為一位沙田友，經常四處尋找美食今天相約朋友到勵城花園一起食晚餐， 因為平時發覺香港的越南菜餐廳比較少，所以經過這家“越南仔”便進去一試進去後發覺餐廳裏面設計特別而且光線充足，而牆上面的設計也很特別有一些彩色的瓷磚及特別的標語貼在牆上，像餐廳的菜一樣晚也是傳統中帶點新潮也特地使用越南傳統的帽作為燈罩也挺特別的，令人懷念曾去越南旅行和食過的食物主菜單的餐牌設計顏色設計得色彩繽紛， 很多食物也很想食可惜眼闊肚窄最後選擇了蜜糖燒豬軟骨$88很香脆的豬軟骨，蜜糖味不會太甜可帶出濃厚的豬肉味道，而熟度燒得剛剛好，當中的軟骨軟軟的可以咬完吞下去還有新鮮椰青$45即叫即開份量夠多，味道鮮甜清新，喝完後很開胃可以吃得更多金菠蘿海鮮炒飯$95表面好多海鮮， 不像其他餐廳大部分是雪藏海鮮，是用新鮮的海鮮同炒得熱辣辣珍寶拼盤B$188當中有芝心蝦多士， 燒吞拿魚柚子檬紙卷，蝦餅及蒜香牛油雞翼 有齊我最喜愛的，全部味道也很出色，炸得剛剛好又足料醬汁比檬紙卷點的其中的芝心蝦多士不得了，蝦味濃郁而且中間的夾心芝士勁多整體來說配搭很新鮮的Fusion菜，有不同的越南菜配料放在一起很配合，下次有機會再去這家餐廳更多不

今天中午到了越南仔餐廳吃中午飯，午餐選擇種類繁多，我比較推介扎肉雞絲撈檬粉，酸甜汁味道非常濃郁，另外亦推介越式牛油炸雞翼，價值抵食而且咬口鬆化，牛油味濃郁，而且價錢抵食。

講到好味既越男菜，我第一時間就會諗起越男仔！之前喺其他分店都試過一次，感覺非常良好。 所以今日黎開沙田同太太再次品嘗餐牌一面了，方便點菜呢度既醬料非常值得介紹，因為出面好少見到，秘制既蝦油蒜頭同辣椒，聞落非常香點咗牙車快 ，係越男既特式沙律前菜，入面足料好多手撕雞，調味加入黑椒、柚子 、生菜及紅蘿白絲，配合埋佢地秘制既醬料真係無得輸！酸酸甜甜嘅口感非常惹味再黎既主菜係招牌原隻魷魚釀咖喱炒飯，竟然係完隻魷魚 ，非常落足本，而且魷魚係燒到金黃色，入邊包住香味撲鼻嘅咖喱飯！魷魚可謂軟硬適中，而咖哩飯調得恰到好處唔會太咸，視覺味覺都非常享受最後係蕃茄焗咖喱牛腩，相信牛腩應該係用好靚嘅食材，入口甘香有口感， 一啲都唔硬，加入左刺激味蕾嘅蕃茄醬汁，真係prefect match!I可惜已經太飽，如果唔係必定點多兩碗飯送飯食今次第二次食,依然冇令我失望，仲會再黎

今天與朋友在附近經過，所以來了越南仔試試。我們8點多來到，幸好還有位。我們先點了一份珍寶拼盤B，當中有四件芝心蝦多士、四件秘製豬頸肉手撕雞檬紙卷、四件蝦餅、兩件蒜香牛油雞翼。芝心蝦多士十分香脆，而且芝士味濃厚。檬紙卷十分fresh。蝦餅炸得剛剛好。蒜香牛油雞翼的牛油味香濃。我們又點了一份咖喱四鳥煲，當中有手撕雞、雞扒、滑雞。上菜時，店員會點上爐火，待咖哩燒熱後就可以吃。咖啡味道香濃，雞件吸收了咖啡的味道，十分入味。加上白飯吃，十分滋味。今天很滿足，下次會再來試試其他。

夜晚同朋友去沙田呢間越南餐廳食晚飯，裡面掛在牆壁的牌很有趣，亦很特別😆😆我們點了一碟蝦醬西多士，濃郁的蝦醬配西多士，味道很夾我們另外點了胡志明市紅蕃茄四寶粉絲煲，配豬仔包，份量很足料，四寶全都是豬，豬肉都幾軟身，不會很韌，加上蕃茄味濃郁😍😍，配豬仔包都幾特別👍👍最後我們點了招牌原隻魷魚釀咖哩炒飯，魷魚很香口，裡面的咖喱炒飯也很惹味，值得推介👍另外，這間餐廳的店員態度都很nice，也很有禮貌，整體上，我們都幾滿意