越男仔

营业中

休息中

行經沙田河畔諗住搵外賣自取，發現呢間越男仔外賣自取有九折，仲要買滿$80加一蚊有海南雞？ ！就揀你啦😂😂😂————————————————————————其實佢舖頭入面嘅裝修都幾有趣味性，望落去都幾舒服丫👏🏻👏🏻————————————————————————蒜香牛油雞扒飯🔥濃郁嘅蒜香味，再加埋炸到熱辣辣又大塊嘅牛油雞扒，兩個字，滿、足！👍🏻👍🏻👍🏻————————————————————————手撕雞沙律👍🏻👍🏻小清新嘅味道，足料嘅食材，好味🤤🤤————————————————————————登登登櫈！$1海南雞！有4-5件喺入面，$1加到佢返嚟都真係唔講得笑！雞味濃郁，不過啲皮就有啲肥得滯🤫🤫點返個醬就冇咁油膩啦👍🏻————————————————————————其實啲食物質素嚟講佢算唔錯㗎啦👍🏻又平又大份仲要優惠多多，不失為晚餐嘅一個好選擇❤️

9月1日（WED)話說屋企要裝修要全家人去酒店住一個月咁岩Check in 之前有d 時間Lunch就係河畔呢到搵食揀左呢個越南仔餐廳既裝修幾有特色 feel 到好用心佈置同埋欣賞佢地方窄窄 但好多卡位同埋綠色既Sofa 軟熟 坐得舒服既！Menu 可以話係花多眼亂因為實在係太多選擇啦(如果佢排版design 可以好少少就更好）我揀左set A配。。沙律&手撕雞米紙卷呀爸食生牛PHO媽就要蕃茄四寶3杯餐茶都叫左越式拉茶首先送來既係拉茶個杯就好有型 不過味道同平時既熱奶茶係一樣都幾失望 我嫌澀 飲左兩啖唔要了再飲夜晚會訓唔著 haha我個無骨海南雞飯最先到份量真心多 , 雞唔算好滑果種不過好啖啖肉， 黃薑飯香口好食有趙頭媽見到佢個麵係咁話好大碗好大碗佢個碗既蕃茄湯好香濃而爸既牛河原來係用上牛骨湯好好笑呀爸食完d 河粉後仲一羹一羹湯係咁飲到停唔到口我見佢飲湯咁投入 叫佢比啖我試試牛骨真係幾香濃最後佢仲飲晒d 湯 乾乾淨淨 認真捧場呢間野既份量認真多特別係我個個仲有小食要食呢兩個小食比較普通， 唔算好食🥺呀媽佢都食唔曬 我地三個都好飽飽了下次如果識得嗌可能三個人食兩個餐都足夠了不過因為餐廳太

當晚原本諗住去食日本菜，點知屬意嘅日本餐廳太多人排隊，所以後尾改左去附近嘅越南餐廳越男仔，一入去即刻有位坐，本來心情都幾愉快，點知遇著一位態度甚差嘅侍應，我地好意提醒佢落返某個菜式(見佢好似無落到)，佢已經串串地咁反問：我而家先啱啱落咋ma，咁都算，之後嚟哂其他菜先發現原來佢侍應真係無落到果個菜式……其實我想講：串人唔緊要，但唔好串人嘅同時又做錯野，咁樣嘅話係一啲說服力都無架！最後埋單果時，佢可能發覺自己落漏野，所以突然有禮貌左勁多，又賠不是又盛，但係我覺得咁做都係於事無補，始終我對呢間餐廳嘅印象已經差左好多，日後有機會嘅話寧願去其他越男仔分店，都唔會再去沙田呢間，費事再有不愉快經歷啦~食物質素方面，我地點左一份蕃茄湯鍋物、一份避風塘味雞翼同埋一份芝心蝦多士，全部菜式嘅味道都唔錯，份量都比我想像中多，所以係完全值得呢個價格嘅！環境方面，我地三人獲安排坐喺卡位，非常闊落，唔會有壓逼感。店內嘅裝飾以歐陸mix港式餐廳為主調，用色偏向復古嘅感覺，都幾有特色架！整體而言，食物質素、價錢同環境都相當唔錯，但係服務態度就真係令人不敢恭維。如果自問唔太care服務態度嘅朋友，可以嚟呢間餐廳一試嘅~

今日經過河畔，走左去越男仔食野坐低望下個餐牌，見到佢個全牛火車頭河粉好似幾吸引下，咁就試下佢la價錢就$108，心諗沙田區收依個價應該有d 質素掛，但食完真係極度失望，唔係味道普通咁簡單，係未食過咁難食ge 火車頭河粉佢碗野d 材料完全唔掂👿D 湯一d 都唔熱，只係微微暖，又咸到爆牛柏葉同牛根完全冇味，又硬牛丸質素好差，有雪味，係最cheap 果隻牛丸味熟牛肉ge 感覺就係好咸好咸ge 沙嗲牛肉生牛肉正常d, 但由碗河粉上枱到我食完都仲係半生熟狀態，究竟想點ar😤依d 材料撈埋落一碗微暖河粉度，真係難食到呢🤢🤢最過份就係杯椰汁冰，應該冇技巧la，點知都係咁難飲，都唔知點溝岀黎。最後埋單$135🤣🤣中伏中到應一應唯一可取係收銀員工態度真係唔錯ge。希望佢之後有所改善la

同朋友總共8個人去食，入到去見冇乜人，亦都仲有空枱，而我地又拎住勁多野，所以打算分三張枱坐。之後店員行過黎話：你地幾個係識加嘛？四個人坐一張啦！俾返張枱我地做生意啦！乜我地唔係生意咩？你嗰段時間係人多，態度好啲我地坐逼啲都ok，我地都係見你仲有幾張空枱出面冇人等先想坐得鬆動啲食得舒服啲🙂係咪要扮大家唔識嘅先可以？最後我地起身走人。咁你覺得我地阻你做生意咪走囉🙂唔會幫襯你地！真係唔知你地平時做開嘅生意係幾大張單

河畔花園依頭好多餐廳都成日排長龍，好彩越男仔唔多人食，即刻有位。午餐選擇成廿幾三十個，仼君選擇，仲要唔貴。最後叫咗一個黃薑飯同一碗湯麵。估唔到黃薑飯超香，好有黃薑味，食物質素好好。仲有杯滴漏咖啡，好濃郁。

食越式的海南雞及炒金邊粉，必試河畔的越南仔，環境舒服，有越式味道，加上服務一流。今晚一家人再踩場，叫了三道菜：越式海南雞飯，越式三寶飯，越式海鮮蝦油炒金邊粉。連加一，$314埋單，算中價的越南餐。越式海南雞飯這個馳名河畔的越式南雞飯，今次有點失望，雞雖然滑嫩但淡而無味，好彩個油飯椰香味很濃，而且夠熱，勉強算合格。越式三寶飯三寶是豬頸肉，豬扒及扎肉，這個穩穩陣陣，豬頸肉鬆軟，豬扒入味，扎肉有厚感 。越式海鮮蝦油炒金邊粉這個炒金邊粉有驚喜，鑊氣夠，色香味俱全，而且炸蝦彈牙，兩囡爭住食，下次會encore。今晚因晚了來， 豬牛雞串燒已售罄，未能再嘗，否則都是高推之選。

樣樣都好想試但邊有咁多個胃先🤷🏻‍♀️唯有簡招牌先✨法式芝心蝦多士 $68賣相勁吸引芝士流晒出黎架個人認為芝士濃味啲就prefect池～✨椰汁酸湯浸滑雞粉絲煲 $108大頭蝦有兩隻滑雞就得幾件但就滑嘟嘟既😙加埋粉絲不過粉絲就好似唔夠入味✨咖喱軟殼蟹濃夫粉絲大脆包 $148隨包附醬～基本上軟腳蟹幫你分好晒如果個口細啲就可以剪細啲咁😁入面都有粉絲架 仲勁入味tim食晒後可以搭埋個包皮脆脆 點埋啲醬冇得輸呀食到個碟空空如也🥰✨招牌原隻魷魚釀咖喱炒飯 $138其實就係普通燒魷魚既味道冇話好唔好食不過入面既飯好似煮過龍淋晒成碟質素即時下降我地就冇試到野飲喇本身想叫杯椰子沙冰爽下可惜沙冰機壞左唯有機會再試啦☺️

係附近搵外賣，見到呢間好多選擇，朋友話係旺角食過椰汁酸湯推介，於是就揀左呢間。晚市單點逐個嗌都唔貴，叫主食仲送越式拉茶，唔會太甜又好香茶味我地嗌左四款主食同小食，店員見我地五個人就話送多杯俾我地，人情味滿分另外餐廳都做緊滿$80加一蚊有海南雞，我地要左兩份，份量都有六七舊雞，超級滑唔駛每人一舊水就嗌到成枱野 好豐富芝士蝦多士夠熱夠香脆，蝦膠甜，芝士仲會流出黎椰汁酸湯檬個湯底酸酸地好開胃，真係幾特別，唔會好漏。手撕雞份量都好足。虎蝦檬紙卷既口感好豐富，用米紙卷包住生菜、檬粉同埋彈牙蝦肉，好清新咖喱軟殼蟹粉絲農夫包非常好味 咖喱香濃惹味唔辣，仲額外俾多杯咖喱汁俾我地蘸包。軟殼蟹都好香脆，放係包入面都唔會腍哂。不過因為太多料，進食既時候難免有d狼狽

入去坐低得一個呀姐做樓面，想叫大餐牌野食，於是默默等呀姐得閒先。佢完全望都焐望下個樓面，等左陣唔對路自己行出問佢，都未講野，已經叫我「你等等丫」，我淨係想問有無大餐牌嘅野食⋯佢先俾左個餐牌我自己返埋位睇。好啦，㨂好野食，知呀姐忙，乖乖地等佢啦⋯⋯點知我又咁岩坐死角位，呀姐本身都唔望個樓面，揮手都無用。中間不斷有人入黎叫外賣（比我決定叫野食個刻遲），呀姐淨係掛住落外賣單，等於我不停俾啲外賣單打哂尖。中途有個男人職員離遠見到我揮手，只係講左句等等就走（事後知佢負責廚房），佢都無同呀姐講聲樓面有人客等落單。最後要我自己行出去同佢講，又係咁，我都未講野又叫我等！就係你連我等緊都唔知我先要行出黎！已經唔駛你行過黎架啦⋯⋯同時後面又入多幾個人準備叫外賣！我唔行出去，又等到2046。人手固然係最大問題（但一個做樓面都唔緊要，預左等），呀姐連樓面都唔留意，落單又唔分先後先最令人最嬲！野食都唔評論了，好食過米之連三星都無用。

同朋友仔做完facial 諗住係附近搵嘢食，其實附近都有好多出名食店，但係都大排長龍所以揀左呢間唔需要排隊既餐廳，上網睇食評覺得應該ok，點知真係中曬伏當日叫左兩個送，每一樣都好難食。珍寶套餐全部都係炸嘢，除左蝦多士其他都好難食。蝦多士算係幾彈牙，不過不失。其他炸物全部都乾爭爭好難吃，我同朋友仔都一人食左幾舊唔想再食。另外叫左一個胡志明市紅蕃茄四寶湯，顏色好似好濃好足料，但係食落得個喊字，完全冇番茄既鮮味，應該係落左好多茄膏落去。另外飲品叫左，越南咖啡，但係就太甜，練奶可以落少啲。總之呢間餐廳除左裝修比較吸睛之外，食物質素真係一言難盡。希望佢地可以改善食物質素，真正落力係啲食物度！

一直以來都好小介紹越南嘢直頭其實我係好少食越南因為我覺得食黎食去係生牛河或者淡茂茂嘅火車頭有次過咗6點無堂食，諗住求其叫碗粉番去食點知好驚喜，好味到我要再堂食一次吸引到我嘅係佢嘅手撕雞椰汁酸湯檬個湯頭椰汁味好香好濃又帶啲酸酸地好開胃，但又唔會覺得好奇怪啲手撕雞又好滑好juicy，唔會好鞋連我平時咁細食都可以食得哂成碗而越男仔火車頭湯河粉個湯頭又係好濃仲有好幾樣牛配料喺入面，啱哂所有牛魔王下次有機會會試埋佢地個蕃茄湯睇下係咪真係咁濃郁不過我去呢個地址對大家黎講，可能唔算好就腳大家有興趣可以去旺角分店試試

夜晚叫外賣自取要咗一個金菠蘿海鮮炒飯依家外賣自取有九折同埋滿$80會送海南雞(例牌)，再加多一杯奶茶總共齊頭$100一開頭覺得咁樣幾抵食，但原來係錯覺佢送嘅所謂例牌海南雞剩係得嗰兩三嚿雖然一開頭問店員都回應話細細兜但係冇諗過份量真係少得咁緊要.......如果係咁寧願你唔好送感覺更加好另外個金菠蘿海鮮炒飯都一樣係份量偏少配料方面都冇乜海鮮，得嗰幾粒蝦，如果唔睇返餐牌都唔知係海鮮炒飯飯粒都炒得唔夠，味道偏淡杯奶茶就同連鎖快餐廳嗰啲冇乜分別嗰日叫完之後都起碼要等咗20分鐘先有得拎天氣都未算凍，但係食物拎完即刻返去食都已經凍咗，整體感覺麻麻地應該唔會再支持

呢度嘅飯比我想像之中大份🤩🤩啲餸多到我要外賣攞走 最後食足兩餐其實埋單都係$50左右 覺得非常抵食 會再幫襯！兩個lunch set都有雞湯同飲品送雞湯有雞油浮面 算唔上清甜 但味道可口 正常水準📍蜜糖豬軟骨煎蛋飯侍應一擺到上枱 已經覺得有好多豬軟骨豬軟骨好香 肥瘦參半 加上隻煎蛋唔係全熟 所有餸都好好送飯大概食咗一半嘅豬軟骨 已經食晒所有飯😋📍豬頸肉配飯豬頸肉有六至七片 都係好香口不過比起豬軟骨嗰個飯 就比較乾身 冇乜汁但都絕對唔算係難食😌💛💛💛💛💛

第一次幫襯，有卡位坐得舒服叫咗幾樣招牌菜，法式多士香脆多芝麻香口，生蠔釀菇買一送一，味道唔錯，值得一試，招牌魷魚咖喱飯飯也幾好味，價錢略貴，但味道唔錯，可以再幫襯👍🏼