越男仔

今晚约咗住喺沙田嘅朋友，嚟到位于励城花园嘅越男仔食晚餐。入到去环境舒适，座位宽敞，都坐得几舒服。Menu上面嘅食物同饮品选择都非常之多，我哋都花咗一段时间先至拣到🤣。⭐️ 三鲜椰汁酸汤粉丝煲酸酸辣辣，似足越南街头小店嘅风味！汤底浓而不腻，椰汁同香茅平衡得啱啱好，饮落暖胃又开胃，食得辣嘅仲可以加埋蒜蓉同辣椒，完美提升汤底嘅层次。粉丝爽滑，吸晒汤汁精华，三鲜分别有生蚝、生虾、滑鸡，虾弹牙，鸡肉嫩滑，生蚝胀卜卜，呢个三鲜椰汁酸汤粉丝煲配碗白饭一流！⭐️ 太平烧鸡（例） 鸡肉外皮脆卜卜，咬落多汁，带点越南香料嘅独特甜香，似系有蜜糖同鱼露嘅调味。鸡皮同鸡肉比例啱啱好，唔会太肥。虽然我哋叫例牌，份量都好多，抵食！⭐️ 串烧大拼盘（猪x3串＋鸡x3串+菠萝x2） 呢个串烧拼盘真系越男仔嘅亮点！猪肉串同鸡肉串烧得香喷喷，表面微焦，肉质嫩滑，腌料入味，带甜甜嘅香茅同蒜头味，啖啖肉，食到停唔到。菠萝串系意外惊喜，烤过后甜中带焦香，仲帮到其他串烧提味。份量稍为多，建议2-3人Share。⭐️ 三柠七三柠七用三种柠檬（青柠、黄柠、咸柠）同Seven Up调成，饮落酸酸甜甜，够晒清新！青柠同黄柠嘅清香好突出，咸柠加咗一丝咸鲜嘅层次，解辣解腻一流。炎炎夏日或食完辣野，呢杯饮品真系救星，推介同朋友一齐试！⭐️ 薄荷青柠梳打薄荷叶同青柠片望落已清凉感爆棚！饮落青柠酸爽同薄荷嘅清新味好夹，呢杯饮品简单但好有风味，特别啱食完串烧或酸汤后饮，解腻又醒神。呢五道菜式各有特色，酸辣鲜香嘅越南风味真系好正！三鲜椰汁酸汤粉丝煲同串烧大拼盘系必试之选，汤底浓郁同烧烤香气令人回味；太平烧鸡皮脆肉滑，饮品三柠七同薄荷青柠梳打清新解腻。整体嚟讲，越男仔嘅菜式新鲜、环境舒适，价钱亲民，好啱朋友或家庭聚会。#devietson #越男仔 #越南美食 #越男仔旺角店 #旺角美食 #香港越南餐厅 #香港越南菜 #香港越南美食 #香港越南粉 #香港越南粉旺角📍 越男仔 (沙田)沙田沙田围路1-7号励城花园地下1号舖…查看更多

呢间真系好好食！🥺🥺🦐 虾片 （送嘅）可以加埋腌萝卜一齐食🥕🐟 烟三文鱼檬纸卷 $69咸嘅烟三文鱼🐟 配埋清爽嘅米纸卷 再加埋酸酸地嘅鱼露 好夹😋🦐 招牌虾多士 $69新鲜炸起热辣辣🔥 外皮配埋芝麻超香口👍🏻 虾肉好弹牙 仲有芝士流哂出嚟🧀 好邪恶！必食🍢 秘制沙嗲串烧拼盘 $88 （鸡x2+猪+菠萝）串烧烧得好香 肉仲好嫩🍗 配埋沙嗲酱好香浓 食到有啲腻嘅时候 有菠萝可以解腻🍍🦀 黄咖喱大脆包配软壳蟹 $158软壳蟹份量好多🦀 炸得好酥脆 包入面仲有好多配料 洋葱薯仔整到好腍🧅 重点系咖哩系分开上 所以面包食到尾都系脆嘅🍞🥥 椰青 $45够大够清甜👍🏻店员好nice 介绍左好多🥰好多卡位 而且环境几得意😂 私心大推沙田围店食过其他分店 但冇呢间好食😢…查看更多

星期五同朋友👫去咗沙田一间叫「越男仔」嘅越南餐厅，装修走简约风格🪑，墙身加入怀旧元素📼，灯光柔和💡，整体气氛舒服🛋️，啱晒朋友聚餐🗣️。最加分系地点够方便🚗，揸车嚟都唔使烦😌，附近有标位🅿️，泊车唔算难揾🔍，唔使兜几圈先落车，对平时开车出入嘅人嚟讲真系一大优势👍。🍽️ 食物方面有唔少惊喜： 🐮 火车头煲牛味道香浓，材料足料，汤底酸甜开胃，配白饭🍚一流。 🐔 海南鸡皮滑肉嫩，自家酱汁酸甜醒胃🍋，食落非常讨好。 🥬 石锅蛋牛生菜包清新有层次，蛋汁混入肉碎同香料包上脆口生菜🥚🧄，夏天食特别啱🌞。 🍗 三色鸡翼香脆松软，椒蒜🌶️、金蒜🧄、牛油🧈三种口味各有特色✨。 🧊 龙眼冰唔会太甜，饮完清爽，系完美收尾🎯。「越男仔」唔止食物有水准🍽️，环境舒服🛋️，装修有心思🎨，渣车方便🚙，服务有礼🙇‍♂️，价钱合理💰，绝对系沙田区值得推介📍嘅越南菜餐厅🇻🇳。下次会再嚟试埋其他菜式！…查看更多

我约好友去位于沙田沙田围路1-7号励城花园地下1号舖的<越男仔>食晚餐，环境舒适，装修别致，装饰有好多牌！我哋点咗：📍手撕鸡沙律 $75沙律菜新鲜，上面铺满好味手撕鸡，口感丰富又好食。📍越式生虾沙律（阿根廷红虾）（五只）$138：阿根廷红虾好新鲜，味道鲜甜，沙律菜新鲜好好味。📍河内三鲜.椰汁酸汤粉丝煲（生蚝、生虾、滑鸡） $168：椰子味香浓，汤底酸酸，粉丝蔬菜打底，面头有生虾、生蚝、鸡件的迷你火锅粉丝煲，份量不少，配白饭，味道鲜甜好食。📍越南仔鲜水果茶 $33：水果味浓，清爽好饮。📍龙眼花蜜茶 $38：龙眼肉好食，花蜜茶润喉好饮。…查看更多

呢间越男仔已经系沙田开左好耐，算系沙田区比较出名嘅越南菜，咁岩今次行经，一于去试下！✨ 主菜🦪河内三鲜（生蚝，生虾，滑鸡）椰汁酸汤煲 ($168)一上枱已经闻到好香椰汁味，加上醋嘅微微酸，粉丝吸晒汤汁精华，捞饭食一流！生蚝肥美鲜甜，一啖咬落去爆汁，完全冇腥味；生虾新鲜够大只；滑鸡嫩滑得嚟又入味，三种食材夹埋一齐食，完全系鲜味盛宴，果然系皇牌菜！🦑招牌原只鱿鱼酿咖哩炒饭 ($138)原只鱿鱼酿满咖哩炒饭，单单卖相已经满分！鱿鱼弹牙有咬口，炒饭粒粒分明，咖哩味香浓但唔会辣，加埋外层包裹嘅鱿鱼，层次感丰富，正！🦐手工越式虾饼 ($75)虾饼足足有8件咁多，外皮炸到金黄酥脆，入面虾肉扎实又鲜甜，点埋个甜酸酱，真系食到停唔到口！🍤越式炸脆脆虾片适逢越男仔8周年，店员姐姐每枱送左一盘虾片，虾片超级脆口，虾味好出，仲唔会好油腻，抵赞！✨饮品🥥原只椰青 ($45)清甜解渴，椰肉嫩滑，饮完仲可以刮埋啲肉食，够晒满足！🍍鲜菠萝白雪 ($13)菠萝味好fresh，加埋椰汁甜度刚刚好，夏天必点！埋单仲发现呢杯做紧优惠有半价，所以只需要13蚊！劲抵！总结：呢间越南菜真心高质，食材新鲜，味道正宗，每样菜式都有惊喜，一定会再encore！…查看更多