越男仔

营业中

休息中

疫情有啲反彈，仲未踢得波住（老婆唔批），就只好繼續行吓山，出身汗。今次由小弟帶路，同老友由黃大仙上獅子亭，再落番另一邊嘅水泉澳邨，最終目的地喺沙田圍。小弟對新界區唔太熟，所以，由家住新界嘅老友帶路做我嘅搵食指南，嚟到佢推薦嘅「越南仔」嘆番餐下午茶，啱啦，我都好似大半年未食過越南嘢。 走進餐廳，裝修方面走少少東南亞復古風，而比較重越南元素嘅喺啲竹笠吊燈罩。我哋就選上卡位，因為大大張墨綠色懷舊款式嘅梳化，份外好坐。雖然走啲懷舊風，但牆上及好多位置，都擺設咗好多港式潮語句子牌，好多都好抵死，但如果對啲句子牌認真你就輸，就好似以下專登影低呢一個。 餐牌有好多張，加埋貼晌啲間板呀，牆上呀，真喺花多眼亂，不過既然過嚟食個下午茶，就聚焦番下午茶餐內啲平靚正選擇，而飲品有升級優惠。 越式生牛肉湯河粉 $48老友想食啲濕濕哋嘅嘢，所以，最好喺湯河粉，加上生牛肉喺越式粉麵嘅特色。河粉未嚟之前，店員先送上調味架，除辣醬，仲有辣椒、蒜蓉及青檸，自由取用。 老友先喝啖湯，佢話保持水準，個牛骨湯濃香不膩，而河粉份量勁多，口感又夠滑溜，而生牛肉啱啱好浸熟，所以，入口口感嫩滑到不得了，肉味亦唔失禮。 凍檸茶 +$3老

調教。朋友｜越食 「越式」 食😋話說呢個星期…小編被友人捉左去車公廟求簽去參透下來年既事業運同姻緣…㊗️ 黎到沙田區，為食既小編又點會放過呢個機會去食好西呢！？點知就發現到呢間越南菜啦👉🏻🍽 越男仔🥗雙拼小食-牙車快沙律+手撕雞檬紙卷(跟餐+33)沙律清新，雞肉亦撕到一絲絲，配埋煙韌米紙卷及檬粉再加上越式撈檬醬汁食，作為前菜黎講真係酸甜開胃。👍🏻🔥串燒沙嗲拼盤(跟餐+39)拼盤分別有豬、牛、雞各一串，仲加埋一串大大既燒菠蘿，串燒帶有少少既香茅味，但又唔會搶左原本肉類既味道，加埋特製既花生沙嗲醬汁一齊食，夠哂惹味。當然菠蘿味道夠哂鮮甜，剛剛好可以中和串燒中既肥膩感，果然真係Prefect Match，小編絕對推薦太家一點要orer黎食! +1🍲越男仔火車頭湯檬($82)火車頭湯檬粉量好多，有生牛肉、燒牛肉、牛筋、牛丸、牛柏葉，係滿足既感覺牙。🤩而且佢牛骨湯底味道夠濃，燒牛肉肉質軟腍而牛丸都夠彈牙，加上配料仲會有洋蔥、炸蒜以及蔥粒，口感真係夠哂豐富，真係牛魔王既必點之選!👍🏻👍🏻👍🏻💡小知識：唔講都唔知原來成日食既越南河粉又會被稱為火車頭，主要係舊時坐火車提供既食物；而當初只係用上生牛肉及配

Sea urchin rice rolls 🌯海膽檬紙卷 $75 呢一個海膽檬紙卷融合左越南菜同日本海膽，幾新鮮特別👍🏻，檬紙卷入面仲有酸紅蘿蔔🥕白蘿蔔絲、檬粉同生菜🥬，夠清又好食French cheese and prawn toast 法式芝心蝦多士 🦐🍞 $49 呢款法式芝心蝦多士係餐廳嘅熱門小食🧀，香脆可口嘅多士包住新鮮嘅蝦蓉🍤，最裏面嗰層就係流心芝士，真係幾吸引Coconut chocolate 椰香朱古力 🥥🍫 $31椰香朱古力係新鮮椰汁同埋朱古力🌴，上層係白色好重奶香嘅椰汁，下面就係濃郁嘅朱古力，一齊飲好夾啊！Vietnamese pork bologna tomato vermicelli noodles 胡志明市紅蕃茄扎肉湯檬粉 🍅🍜 $59蕃茄扎肉湯檬粉用咗新鮮個蕃茄黎熬製湯底，夠鮮甜健康😍，配料方面有原隻蕃茄、生菜、四五塊扎肉、大量洋蔥🧅等，而檬粉嘅份量都好多，性價比高

越南🇻🇳菜離不開撈檬、米紙卷、串燒等等，但呢度既推薦菜有啲唔同，仲估唔到有新鮮生蠔添！🥢生蠔椰汁酸湯檬：生蠔🦪都幾大粒，仲好甜好肥美😋。椰汁酸湯就夠醒胃，同生蠔幾夾。🥢法式芝士蝦多士：外面沾滿芝麻，蝦膠又厚又彈牙，加埋芝士調味剛好👍🏻🥢窩蛋燒牛肉生菜包：牛肉帶點辛辣，配埋洋蔥和香料就惹味。味道：🔅🔅🔅新鮮：🔅🔅🔅🔅衛生：🔅🔅🔅分量：🔅🔅🔅速度：🔅🔅🔅

身為沙田友嘅我見證住河畔花園越嚟越旺越來越多食肆連24小時 gym 都開埋我成日都去河畔醫肚..「越南仔」原來已經開咗13年見到佢個13週年優惠先知..秘製豬頸肉手撕雞檬紙卷 ($78) : 肉同配菜比例balance，好清爽，加少少魚露食就perfect 手撕雞椰汁酸湯檬粉 ($82) : 好大碗，椰汁湯底好香，個人覺得唔酸，夠晒開胃；手撕雞都幾好越式拉茶 (熱 $19) : 茶味夠濃，會有浸衣喺面，浸衣係好飲嘅象徵..

位於沙田一帶嘅隱世越式餐廳💛• 牛+豬PHO紅蕃茄湯檬 $89配料有生牛肉、烤牛肉、豬頸肉同炸豬排，本來以為咁多款餸應該每樣得少少，點知CLS地勁足料，大份到直頭嚇親我！當中我最鍾意豬頸肉，大大塊夠厚身，油香味重！除此之外個set仲包咗兩個小食，揀咗牙車快沙律同手撕雞檬紙卷，配上酸酸甜甜嘅汁食落好開胃，成個set超豐富又夠曬飽！• 新鮮椰青 +$39餐飲加咗錢要椰青，個椰青雪得夠凍，清甜解渴又消暑✨• 厚肉生蝦 +$72用上西班牙紅蝦非常揼本，隻隻都好厚肉彈牙，點埋個酸辣汁好有風味，蝦頭就拎咗去炸，勁香口，裡面仲有膏同少少肉食！

-越男仔 👦🏻上星期去開沙田附近行街醒起有睇過youtuber 介紹有間高質越南野有好野就當然要試下係咪真係咁好！呢日夜晚8點去到 差唔多full house岩岩好入到最後一張枱✌️✨串燒沙爹拼盤 （$142）想講呢度既串燒好有驚喜！ 特製既沙嗲醬好惹味 聽聞係加左蝦油 每串既串燒都係燒到剛好 有脆脆邊 食落又唔會覺得硬柴柴 真心好食🫰✨手撕雞椰汁酸湯檬粉 （$82）本身係度諗呢個組合會唔會係伏但黎到聞到陣味係頓時覺得開胃左！即使我黎呢間前2個鐘先食完炸雞😌早落椰子香好突出 飲落比較重奶油感 好creamy之後陣陣酸味滲出黎 但唔係果種突然酸到眼都突出黎果種 係比較溫柔慢慢滲出 成個組合真係好夾！呢個湯頭 我可以為左佢再回頭 最後仲有飲晒🤌另外手撕雞肉質嫰滑 充滿麻油香 好味~

🏠 越男仔 (沙田)沙田沙田圍路1-7號勵城花園地下1號舖😆有friend話上次嚟過呢間食下午茶幾好食所以帶我過黎食😆➡️手撕雞椰汁酸湯檬👅酸酸甜甜惹人開胃，手撕雞好入味➡️芝士蝦多士👅蝦好多料，芝士流心，好食➡️三色炸雞👅有甜辣炸雞，避風塘炸雞，蒜香炸雞，三隻都好食，最鍾意係甜辣口味➡️炸軟殼蟹👅外脆內軟，仲有海膽做點綴，好食➡️椰青水👅喺咁熱嘅天氣，飲啖椰清水真係好清涼📝評分：4分（5分最高）

今日去咗出名嘅良心小店越男仔😋💛 款式多，幾好食而且價錢親民! 餐廳嘅裝修我都非常之欣賞，好多句都好抵死，好貼地~豬扒拼雞翼撈檬 $79🍲豬扒炸得酥脆，粉極薄，部分位置仲有少少脂肪，咬落去好香🤭🤭🤭檬粉份量好多，所以我地2個人先係叫左一個主食😋配埋雞翼大滿足！蜜糖燒豬軟骨 $68話明蜜糖一定係甜甜地😋佢地嘅汁唔會太重手，汁嘅份量剛好，夾起身仲好乾身。更重要係好大碟，好多好抵食燒芝士珍寶大蘑菇 $89 (買一送一)驚喜🍄🍄🍄✨✨好抵食，平時出街食烤大蘑菇都好貴，呢到有買一送一😋仲有得選配餡料(牛肉/生蠔/茄子)。個人感覺牛肉餡好食啲，蘑茹厚肉，面層芝士包住厚厚牛肉🤭芝士熱辣辣熔曬，非常推介

好耐無食越南美食喇，經過見到午餐有$1🐔，幾特別，於是就去試下，不過要買夠$90先有得買$1雞。叫左個燒豬軟骨+煎蛋配🍚，性價比不錯，燒豬軟骨同平時食開既豬軟骨唔同，有少少似燒排骨既口感XD，都係要比個Like👍🏻

沙田 河畔花園越南菜———————————-夏日炎炎 無乜胃口$48酸辣無骨鳳爪沙律最岩夏天食 冰冰涼涼易入口酸辣無骨鳳爪啖啖肉加埋番茄🍅 酸甜又開胃串燒沙嗲拼盤$39豬 牛 雞 三種一次過嘗試肉感沙嗲香濃多汁配埋串燒既燒焦感一流雞肉嫩滑 牛肉香氣四溢嫩口 豬肉口感爽脆鮮香茅青檸梳打$18夏日炎炎配番杯飲番啖有氣梳打即刻清除炎熱感手撕雞椰酸湯檬粉$39湯底酸酸地好開胃 帶有少少椰香味手撕雞同檬粉吸收哂湯汁手撕雞嫩滑

今日突然好掛住越南粉及越式小食味道，就去左沙田越南仔食lunch。今次叫左招牌無骨雞配黃薑飯，小食揀左無骨鳳爪沙律及手撕雞檬紙卷，餐湯有牛骨湯同餐飲凍檸茶，仲有越南仔火車頭湯河粉，配椰青同埋越式素春卷。無骨雞啖啖肉而最緊要雞肉幼嫩一d都吾肥，點埋特製醬汁配黃薑飯食一流。無骨鳳爪沙律酸酸辣辣超醒胃，手撕雞檬紙卷好有越式傳統味道，鍾意越南小吃一定 like。牛骨餐湯一小碗但好鮮味。火車頭粉有生牛、牛根、牛丸、烤牛、牛百葉，真係又多又豐富，係牛魔王嘅至愛。椰青及越式素春卷係食越南野必叫，又fresh又有越式感覺。

住呢頭附近，呢間餐廳食過好幾次，都唔錯。今次見到有機蘑菇釀買一送一，就叫左一個釀牛肉，一個釀茄子試下。就咁睇，就睇唔出兩者嘅分別，上面有一塊芝士，望落去非常邪惡😂😂再喺上面擺一啲炸蒜、洋蔥、葱做配料。先試牛肉，一切開，啲肉汁留晒出嚟🤤🤤🤤用刀叉切，以為自己食緊飽魚😂😂個菇好香好厚肉，配上牛肉，好味😋另外一個釀茄子，反而無牛肉咁好色。茄子個味偏淡，但蒸得軟熟補得番👍🏻👍🏻另外叫左兩個椰子沙冰，第二杯半價！大大杯好抵飲，夏天咁熱，真係要叫個沙冰涼一涼快先得😂😂唔係好飽，再追加個豬仔包，皮脆內軟，但散叫有d唔抵，跟餐叫或者會好啲！😉😉

首先我其實好少食越南菜因為我覺得好濃味，又覺得會好重味，所以一直都好少食，但今次朋友揀咗呢一間越南菜，開頭自己都有少少唔想去但係咁耐冇食過越南嘢，咁就比次機會佢啦點知冇令我失望之外仲令我想成日去食因為完全唔重口味呀！手撕雞椰汁酸湯檬粉！極度推薦大家食呢一個！唔重味之外個椰汁加埋呢啲粉好好味呀真係淡淡我都會加湯飲呀！ 三色脆雞翼平時真係好少食咁多雞翼，但我竟然一個人係可以食晒😂🤣😂😂芝心蝦多士配沙律蝦多士好脆仲熱辣辣😂總括好想每個星期都嚟食🤣🤣🤣

首先我其實好少食越南菜因為我覺得好濃味，又覺得會好重味，所以一直都好少食，但今次朋友揀咗呢一間越南菜，開頭自己都有少少唔想去但係咁耐冇食過越南嘢，咁就比次機會佢啦點知冇令我失望之外仲令我想成日去食因為完全唔重口味呀！手撕雞椰汁酸湯檬粉！極度推薦大家食呢一個！唔重味之外個椰汁加埋呢啲粉好好味呀真係淡淡我都會加湯飲呀！ 三色脆雞翼平時真係好少食咁多雞翼，但我竟然一個人係可以食晒😂🤣😂😂芝心蝦多士配沙律蝦多士好脆仲熱辣辣😂總括好想每個星期都嚟食🤣🤣🤣