影片
更多
2022-06-29
470 浏览
平時去沙田多數都喺市中心食飯今次去開第一城附近就試吓少有嘅越南菜🔹皇牌3+2撈檬 HKD68成日都有選擇困難症嘅我 諗都唔諗就揀咗呢個😆因為有齊 手撕雞 豬頸肉絲 扎肉絲 脆豬肉同埋烤牛肉 上枱嘅時候 啲配料多到見唔到檬粉🫣另外調味嘅有炸蒜 青瓜 生菜 同蔥油全部撈埋一齊口感豐富得嚟又清爽！本身配料都已經有調味 不過加埋越式甜酸汁一齊撈嘅話更加開胃😌🔸三色脆雞翼 HKD67-分別係蒜香牛油 金蒜 同 火辣蒜椒平時食開嘅越南餐廳大多只係得蒜香牛油味 呢度一個價錢就可以有三種口味雞翼新鮮炸起熱辣辣 外皮脆得嚟夠乾身蒜香牛油味夠突出金蒜咬落去有粒粒炸蒜火辣蒜椒惹味得嚟甜甜辣辣雞翼愛好者一定要試吓呢個三色拼盤😌🔹法式芝心蝦多士 配沙律 HKD47好耐都冇喺坊間餐廳見過蝦多士嘅出現🦐用上薄身麵包 夾咗厚厚嘅蝦肉食得出蝦肉新鮮又彈牙中間再夾住一層芝士(上枱時仲流緊🙊)芝士味唔會太重搶咗蝦嘅味道成個配搭都啱啱好 🤭沙律係酸蘿蔔絲 配炸物可以解膩🔸椰汁拉茶紅豆冰 HKD15 (跟餐)拉茶甜度適中 中意椰汁一定會中意呢個！🔹越男仔水果茶 HKD12(跟餐)飲品如餐牌一樣咁多水果😍茶味偏濃得嚟唔會太甜 夏
平時去沙田多數都喺市中心食飯今次去開第一城附近就試吓少有嘅越南菜
🔹皇牌3+2撈檬 HKD68
成日都有選擇困難症嘅我 諗都唔諗就揀咗呢個😆因為有齊 手撕雞 豬頸肉絲 扎肉絲 脆豬肉同埋烤牛肉
上枱嘅時候 啲配料多到見唔到檬粉🫣
另外調味嘅有炸蒜 青瓜 生菜 同蔥油
全部撈埋一齊口感豐富得嚟又清爽！
本身配料都已經有調味 不過加埋越式甜酸汁一齊撈嘅話更加開胃😌
🔸三色脆雞翼 HKD67
-分別係蒜香牛油 金蒜 同 火辣蒜椒
平時食開嘅越南餐廳大多只係得蒜香牛油味 呢度一個價錢就可以有三種口味
雞翼新鮮炸起熱辣辣 外皮脆得嚟夠乾身
蒜香牛油味夠突出
金蒜咬落去有粒粒炸蒜
火辣蒜椒惹味得嚟甜甜辣辣
雞翼愛好者一定要試吓呢個三色拼盤😌
🔹法式芝心蝦多士 配沙律 HKD47
好耐都冇喺坊間餐廳見過蝦多士嘅出現🦐
用上薄身麵包 夾咗厚厚嘅蝦肉
食得出蝦肉新鮮又彈牙
中間再夾住一層芝士(上枱時仲流緊🙊)
芝士味唔會太重搶咗蝦嘅味道
成個配搭都啱啱好 🤭
沙律係酸蘿蔔絲 配炸物可以解膩
🔸椰汁拉茶紅豆冰 HKD15 (跟餐)
拉茶甜度適中 中意椰汁一定會中意呢個！
🔹越男仔水果茶 HKD12(跟餐)
飲品如餐牌一樣咁多水果😍
茶味偏濃得嚟唔會太甜
夏天飲好消暑🍹
💬當日與友人飽到攬住個肚走
因為每份食物都好足料又大份
味道同份量絕對係經濟之選
💰約$100/人
🚩越男仔
沙田沙田圍路1-7號勵城花園地下1號舖
张贴
