豊勝手丼 (已結業)

銅鑼灣岀名多美食，短期內都冇得去日本搞到心思思，咁就揾間日本餐廳去解下思鄉。查到豊勝手丼既好評都幾多，咁就不妨試一試。前菜先來一客薄燒牛肉沙律，個汁底酸酸甜甜非常開胃。而牛肉方面則燒得剛剛好，肉質非常嫩和肉味好香濃。然後第二道上菜既係就係九鼎丼，係餐廳根據當天食材既新鮮程度來發辦，有九個小魚生丼飯，但從相片中都可以看岀魚生既份量都好多，完全遮蓋整個碗面。味道方面都係無得彈，每款魚生都非常新鮮，尤其要讚三文魚籽同海膽同拖羅。一口食晒非常滿足。第三道係豐盛壽司盛合，有十二件壽司，魚生質素同九鼎丼一樣咁好，而且份量都係大大件，絕不吝嗇。鰻魚既長度等於兩件普通壽司。而海膽壽司入面既海膽同九鼎丼入面既海膽係唔同既。不過都一樣creamy，唔會有腥味。另外再加點左銀鱈魚西京燒，魚肉嫩滑唔會老。再配上甜甜既醬汁非常夾，好味。最後就加上一碗鯛魚湯烏冬，湯底滿滿都係鯛魚味，烏冬又彈牙，食到飽到捧住個肚走

上星期同朋友去完銅鑼灣行街，見到附近有一間日本嘢，睇吓個餐單覺得好吸引，於是就入咗去食啦。首先叫左薄燒牛肉沙律，侍應同我哋講啲牛肉係慢煮嘅，食落去都好重牛味，而且非常嫩。沙律醬酸酸地非常開胃，而沙律菜非常新鮮好爽口，食完呢個沙律前菜令到我胃口大開。跟住就嚟到重頭戲九鼎丼啦！呢個九鼎丼個賣相真係非常吸引，每一個丼都係少少哋，可以試足九款唔同口味嘅魚生，啱晒我呢啲咁鍾意食嘢嘅人。每一個丼啲魚生都多到滿瀉，而且樣樣都新鮮！我最鍾意就係海膽丼，海膽味好重，好creamy，食到停唔到，好想再食多一個。另外蟹膏丼又係一定要食，蟹膏真係非常濃！豊勝壽司盛盒（12貫），呢度都有一件海膽壽司，但係同啱啱海膽丼入面嘅海膽係完全唔同味。海膽丼入面嘅海膽味道比較重啲，而呢個海膽壽司嘅海膽味道相對冇咁重，而且甜味較重，重點係兩款海膽都好好食！拖羅就唔洗講，幾乎入口即融呀！銀鱈魚西京燒，銀鱈魚煎到好嫩滑，外皮煎到脆脆地，好好咬口，正！銀鱈魚本身都有啲甜甜地嘅醬汁一齊去燒，所以唔使點沙律醬都已經好好味。最後係鯛魚湯烏冬，鯛魚味好濃，飲得出係落咗好多鯛魚落去做個湯底嘅，而且烏冬都好彈牙，為呢一餐畫上完美句號呀！

好味得不斷豎起拇指👍🏻之前朋友向我極力推薦呢間食丼飯的地方，今日一試，真的令我十分讚嘆！忌廉蟹肉薯餅首先送上嘅係忌廉蟹肉薯餅，熱辣辣嘅薯餅外脆內軟，蟹肉餡料好足，而且雖然混合咗忌廉，但一啲都唔會膩。建議點埋伴碟嘅特製醬汁食，可以將薯餅嘅美味程度再提升高一個層次！👍🏻厚燒牛舌本身唔係好鍾意食牛舌，但見到燒得幾靚，比佢嘅賣相吸引試咗一塊，入口幾腍，而且幾入味，於是接住即刻食多一兩塊！😋豐盛壽司盛盒總共有十二件嘅壽司盛合，我同朋友一人一半各吃六件份量啱啱好！佢嘅壽司飯係經過特別醃製，同一般嘅壽司飯味道有啲唔同，特別之餘亦可提升上面唔同食材嘅鮮味！豐盛刺身盛合雖然刺身盛合嘅種類都係來自普遍嘅組合，即係都係三文魚、吞拿魚、帶子、蝦、螺肉，但係每一件都好鮮甜，同埋厚切嘅緣故，令到每件刺身入口嘅感覺相當充實，重點推介係有「賣飛佛」嘅海膽，簡直冇得輸！完熟白桃梳打我本身係白桃控，見到drink menu有白桃梳打即刻叫一支嚟飲，白桃味好出，配搭梳打，成個感覺好fresh！今晚真的令我很滿足呢！

今日相片重溫，見到兩年前自己在這個時間，同朋友喺日本浸緊溫泉、食緊剌身、掃日本貨，於是今晚就決定和朋友吃一餐高質的日本餐。厚燒牛舌牛舌口感Q彈，咬落多汁，好味得令人吃完一口接一口。忌廉蟹肉薯餅蟹肉餡料份量豐富，外層非常香脆，食落一啲都唔油膩，十分滋味😋！豐盛壽司盛盒壽司盛盒有12款不同的壽司🍣，一次過可以滿足喜歡吃不同種類壽司的人。壽司飯好香，賣相都好吸引！要點名讚的就是這個黑松露帆立貝壽司，帆立貝又大又鮮，加了點點的黑松露便提升了整件壽司口感和味道。豐盛刺身盛合刺身盛盒總共有六款刺身，每款兩件。無論三文魚抑或鮮蝦刺身，款款都非常鮮、非常甜！我個人就特別欣賞海膽刺身，與靑瓜一同進食都幾特別。完熟白桃梳打、信州蘋果梳打呢兩款梳打我都好鍾意飲，邊飲邊吃令我和朋友都十分滿足呢！

高質素的日本丼飯專家。之前朋友介紹了這間專門吃日本丼飯的店鋪。除了環境非常nice之外，食物也是非常精緻！這次，我和女朋友三人共吃了兩個丼飯及一沙律一小吃！1. 九鼎丼 - $368 由 九個小丼飯組成的，每款小丼飯都由廚房當天根據食材新鮮程度來發辦。所以絕對有驚喜！而且每個小丼飯都非常新鮮2. 廚房發辦丼 - $278顧名思義！ 而今天我吃的有鮑魚，拖羅，其其它三種時令刺身！質素高，口感佳！而且米是日本米！3. 吉列炸蠔 - $42 及 薄燒牛肉沙律 -$68坦白說，炸蠔不厚粉，剛剛好👍🏻牛肉沙律的牛肉好吃，沙律欠缺一點汁整體而言，雖然價錢不是便宜，可是這餐廳絕對有質素！值得大家一試！

星期日去了銅鑼灣食日本菜-豊勝手丼，店內裝修非常有日本居酒屋feel，感覺幾舒服。坐低叫咗個簿燒牛肉沙律配和風汁，出奇地燒牛肉是新鮮製作的，入口暖暖地，肉質幾柔嫩有肉汁，配上沙律菜同酸甜和風汁，味道十分配合又開胃。前菜七味炸手羽，新鮮製作，入口香脆香口，七味粉味不算濃，味道剛好，不會蓋過雞的原味。豐盛刺身盛合，有六種時令海鮮，甜蝦，赤貝，三文魚，大拖羅，油甘魚及海膽，刺身非常新鮮，拖羅油甘魚油份充足，魚味濃郁，而且仲要係厚切，口感十分好。海膽味道甘甜有回甘，海水味道餘韻悠長。日本壽司盛合12貫，火炙左口魚邊，充滿油香，火炙後表面更甘香，充滿撲鼻香氣。帶子彈牙滑嫩，飽滿鮮甜。海膽入口即溶，口感棉密，海水味在口中慢慢地綻放。比較少見嘅海穴子，肉質鮮嫩細緻，魚味明顯。餐廳魚生水準不錯，每樣都是用心製作，無論芥辣（不是牙膏支裝）或豉油（有鮮味黃豆香又不太死鹹）都食得出是高級貨，上枱擺盤亦非常高級，壽司飯用上赤醋，就知道佢哋唔係普通壽司店。唔怪之喺門口見到佢有咁多人推介啦！

日日都掛住鄉下，唯有搵啲壽司刺身食，慰藉一下心靈啦。行過銅鑼灣登龍街，發現一間地舖，叫豊勝手丼，門口有很多推介，咁就試吓啦。於是就叫咗兩個前菜，一個壽司拼盤一個刺身拼盤，再加兩杯嘢飲。薄燒牛肉沙律配和風汁，上枱時牛肉仲有微暖，配合沙律菜爽脆，又夾又有和風的感覺。另外前菜係七味炸手羽，其實係炸雞亦，調味剛好，即叫即炸，裏面仍然有肉汁，開胃前菜唔錯。再上枱嘅就係豐盛刺身盛合，總共有六款，每款兩片：包括有三文魚腩、甜蝦、油甘魚、中拖羅、赤貝及海膽。每款都新鮮有光澤，當中以中拖羅油份最豐富，赤貝爽口鮮甜最出色👍最後上枱是豐盛壽司盛合，同樣是12件，但就沒有重複，和朋友分享，每人都試到唔同種類。當中以牡丹蝦，帶子及海膽最出色。牡丹蝦非常爽口，帶子鮮甜，海膽則有濃濃的海水味。但當中最出色的就是有一隻筷子長度的海鰻壽司，絕對不能一口把它幹掉。上面鋪滿鰻魚汁，肉質細緻配合壽司飯，令人回味無窮😋整體來說店舖位置方便，光猛開揚，有居酒屋的感覺，但食客主要是享用丼飯及壽司魚生，沒有一般居酒屋的嘈吵，適合家庭客幫襯。在銅鑼灣地舖來說，價錢亦算適中合理，相信會再幫襯😋👍

呢間日本料理店已經經過左好多次，今日終於黎試下原來呢間餐廳都幾多人，好彩我地入黎果陣岩岩有位餐廳既環境放左D日本清酒樽做裝飾，另外天花仲有繩網，好似魚網捕魚既感覺我哋叫咗鹽燒安格斯牛肉、九鼎丼、三之国雲丹丼同埋2支飲品鹽燒安格斯牛肉大概煮到五成熟，有沙律菜做配菜再加上燒肉汁同炸蒜個安格斯牛好嫩好腍，肉香好香九鼎丼呢個丼係限量供應，咁岩又比我地食到！呢款丼既特別之處係一共有九款唔同嘅食材，分別有三文魚、三文魚籽、蟹肉、蟹膏、油甘魚、海膽、真鯛、赤身加拖羅同鰻魚係用清酒杯盛載，每一杯都堆都滿滿的，食材高質，幾特別值得一試順帶一提餐廳用嘅係赤醋飯三之国雲丹丼作為海膽控，見到呢個丼真係會心心眼，因為佢有韓國海膽、日本海膽同埋加拿大海膽三款海膽裏面我就比較鍾意日本海膽，因為佢嘅味道最鮮甜，加拿大海膽味道就比較香同濃每一個丼既配料都咁豐富，分分鐘會唔夠飯食但係餐廳會提供免費添飯，非常好呀飲品我哋就叫咗波子汽水同埋蜜桃梳打今日同梳打味道幾正，好香桃味我同朋友都食到好飽，不枉此行

呢間壽司店開12點，星期日未開門嗰陣已經有人排緊隊，睇嚟應該好好食等我都試吓先～一開店食客已經差唔多佔咗半間舖頭。餐廳環境好有日本風格，餐牌裏面嘅食物全部都好吸引呀！薄燒牛肉沙律 $68蔬菜沙律新鮮清新爽口，切得碎碎地容易分配，加咗少少醋，食落酸酸地幾開胃。牛肉每一塊都非常均勻，7成熟食落軟軟的，又有濃郁牛肉味。豐盛壽司盛合 $238有12件壽司，油甘魚最好食，魚油脂豐富，入口即溶。海膽軍艦份量好多，海膽堆起滿滿的。 入口甘甜，好正丫！海鰻壽司非常之大條，成隻手掌咁長！唔係太多細骨，肉質滑嫩🥰 好好味😋 佢地啲壽司飯全部都浸左醋，唔使加豉油已經夠味🤣海之幸 $298就係我手上拎住嗰碗啦🤣 吞拿魚，三文魚，蝦，比目魚，蟹鉗，海膽，蟹籽，好豐富呀！刺身全部鮮味十足，又厚切，蟹籽好多，好容易送晒啲飯😍

/ /去唔到旅行緊係要食番啲日本野止下癮🇯🇵真係好耐冇食過啦！呢度有冇壽司控🍣廚師發板壽司九貫🍣次次見到廚師發板都覺得好正😝有我最鐘意食嘅海膽同帶子同埋魷魚食落都好脆身好足料又好食☺️好滿足呀！海之幸丼🍚見到呢個可以食到超多款式，緊係要試下油甘魚、左口魚群邊、吞拿魚腩、三文魚籽、赤蝦、松葉蟹鉗、日本海膽🤩樣樣食落都好新鮮！三文魚腩好厚身啲飯本身已經有味，配埋魚生真係好夾炸蟹肉薯餅呢個好意外，中間啲餡係半溶食落好creamy，皮炸得好脆，係即叫即炸悠久之梅雫梅酒🥃呢款係新出咖，店長推介✨又真係幾好飲喎！好重梅味，酸甜度適中好少地方見到有得飲，嚟到可以試下

媽媽一向最鍾意食日本野，所以出去食野食日本野就一定冇錯！今次就係銅鑼灣試下豊手勝丼！餐廳裝修係日本風格我哋叫左限量既九鼎丼，好彩我哋叫到！仲有三之国雲丹丼九鼎丼有九款唔同嘅刺身小杯丼！款式未必每次一樣，今次我哋有三文魚、三文魚籽、蟹肉、蟹膏、赤身加拖羅、油甘魚、海膽、真鯛！1次過食到9款唔同刺身真係好正，每一款都新鮮味美之後我地叫左個三之国雲丹丼，呢款丼有三款唔同嘅海膽，分別係韓國海膽、加拿大海膽同埋日本海膽！韓國海膽相對另外兩款淡少少，日本海膽比較鮮甜，加拿大海膽就相對濃味鮮味，包埋紫菜一齊食真係好正！最後我地叫左個燒雞泡魚乾，甜甜去又唔會腥！然後去銅鑼灣想食日本野又多咗一個好地方

今晚同老公去完Shopping, 經過銅鑼灣登龍街搵食, 見到✴豊勝手丼✴嘅丼飯好吸引，就入去試下.......果然不出所望!!用料每日新鮮空運到港用岩手縣大米仲有壽司飯任食添丼飯款式好多我地揀左2個皇牌丼飯丼飯可以加錢追加溫泉蛋, 前菜, 沙律....海の幸丼 **$298由7款刺身組成日本海膽、兩隻大赤蝦、炙燒比目魚邊、兩件油甘魚腩、兩件吞拿魚腩、三文魚子、三件松葉蟹鉗，用料夠豐富用料絕不欺場，件件厚切大大顆日本海膽，味道鮮甜有回甘，極新鮮！油甘魚腩肉厚，魚肉甘甜，入口即融炙燒比目魚邊，輕輕火灸過，滿滿魚油香，仲好香滑。吞拿魚腩味道甘香，肉質鮮甜 。松葉蟹鉗, 赤蝦味道鮮甜，肉質爽滑。三文魚籽經醬油醃製，無腥味，粒粒飽滿, 配埋香菇, 海藻, 醬油壽司飯, 滋味無窮 !廚師發辦丼 $278吞拿魚腩，磯煮鮑魚，3款時令食材主角食材磯煮鮑魚切片上，煙靭彈牙帶甜，吞拿魚腩, 吞拿魚, 鰤魚, 鮭魚件件厚切好肥美，又重魚脂香味。帶子鮮甜厚切，食曬啲刺身再食埋個醬油飯，超級滿足!另外我地仲追加燒雞泡魚乾，芥辣八爪魚，正宗日本風味，送酒最啱!店員仲叫我地即場Download Storellet

放假梗係要去食好西啦，星期日就去咗食我最鍾意嘅日本嘢。呢間位於銅鑼灣登龍街，位置好方便。我點咗一個魚生丼飯，我妹就選了omakase壽司九貫，我哋都加咗$25要買前菜、沙律、麵豉湯。另外我哋再叫咗兩款小食，非常豐富。海之幸丼$298魚生有油甘魚、左右魚群邊、吞拿魚腩、三文魚籽、赤蝦、松葉蟹鉗、日本海膽，賣相吸引，款款都好新鮮。魚生我最鍾意左口魚裙邊，火炙過後魚油充分散發出來，食落非常甘香，入口即溶。另外油甘魚非常厚切，口感爽滑，細嚼後魚油滲出，鮮甜美味。壽司飯加入赤醋，仲有一啲冬菇片，我鍾意將海膽同埋三文魚子撈飯，鮮甜美味，唔會腥，一口接一口，令人難以抗拒。Omakase 壽司九貫$328我妹嘅壽司都好吸引，有赤身，赤蝦、帶子、墨魚、小穴、三文魚腩、鯛魚、池魚同埋海膽軍艦。佢分咗赤身壽司同埋海膽軍艦俾我食。手握壽司飯掐得力度剛好，夾起嚟唔會散，食落又唔會死實實，赤醋的調味好好，配上冇筋嘅赤身，好好食。我最鍾意食海膽，呢個海膽軍艦不得了，滿滿的海膽非常creamy，鮮甜甘香，一整件放入口中，好滿足。燒雞泡魚乾$68燒得微熱，口感唔會太乾硬，雞泡魚乾甘香，淨食又得，沾上蛋黃醬食又係另一種風

今日與姐姐在銅鑼灣逛街，午飯時間來多很多餐廳選擇嘅登龍街，揀咗我哋兩個都好鍾意食嘅日本嘢。呢間餐廳我好耐之前食過一次，印象好唔錯。海之幸丼賣相一流，非常吸睛，一定要打卡。材料非常豐富，有吞拿魚腩，油甘魚，左口魚裙邊，赤蝦，日本海膽，松葉蟹鉗，三文魚籽。吞拿魚腩好濃魚鮮味，左口魚裙邊火炙過，魚油甘香出晒黎，入口即溶，赤蝦爽口鮮甜，日本海膽creamy，冇腥味，三文魚子粒粒脹卜卜。松葉蟹鉗就較為遜色，冇乜鮮味。壽司飯以赤醋調味，軟硬適中，混合埋啲海帶，加上魚生一齊吃，鮮味十足。廚師發板壽司九貫今日食好啲，揀咗omakase 壽司share。手握壽司飯握得實淨唔會散，口感不會過硬非常好。魚生大大件，好新鮮，魚生完全覆蓋壽司飯而且傾瀉出嚟。我食咗帶子，帶子好大隻，鮮甜軟滑。小穴口感綿密，一啲細骨都冇，海膽軍艦好邪惡，佈滿滿滿嘅海膽，甘香creamy海膽輕輕火炙過，令其更香。三文魚腩好肥美，如有魚油甘香。雞泡魚乾熱辣辣，口感好好唔會好硬，本身已經燒得好惹味， 沾少少蛋黃醬吃，更加滋味，好唔錯嘅小食。忌廉蟹肉薯餅炸得非常香脆，內裏忌廉醬混入蟹肉，口感香滑，沾上少少廣島燒上面嘅燒汁一齊食，更加香口。

近日朋友大推銅鑼灣豐勝手丼，今天決定一試，第一次吃，還是保守點選人氣之選No.1海之幸丼🍣。海之幸丼🍣相當豐富，有油甘魚、左口魚群邊、吞拿魚腩、三文魚籽、赤蝦、松葉蟹鉗、日本海膽。每件都是二件起，份量相當不錯，性價比高。不得不提那松葉蟹鉗飽滿嫩滑，肉質彈牙，相當鮮甜美味。兵庫縣士蠔價錢頗吸引，四十多元便可享受由日本新鮮空運到港的生蠔，頗肥美，蠔濃郁爽口，鮮甜十足，生蠔已處理乾淨，所以不用起蠔殼，可原汁原味一口享受，還保留了海水味，不錯不錯，差點還想追加。最後，還被我發現了此店可‘提供壽司飯免費添加’此服務真的既大方又細心，體貼我這個大胃皇😍