豆公館

营业中

休息中

豆品都是由細食到大，以前放學就會去買嚟食😋近年豆品店舖愈來愈少，這店老闆就特別將香港簡單但特色美食帶回來！ 小店空間都幾大，木系簡約設計，整體清新整潔玻璃窗仲可以見到製作過程，煎豆腐煎蛋餅一眼睇哂～除咗柴魚花生粥，其他如豆腐花、豆腐、豆漿、炒麵、蛋餅等都唔超過$50。 豆腐花仲有十多款揀！早餐亦只係$20 炒麵/米粉加豆漿！招牌麻婆腐皮蛋餅，外皮幾煙韌，餡料豐富有口感。麻婆醬唔算太辣，都幾惹味。黑芝麻豆腐花真係好滑，上面加咗芝麻粒，味道更香濃。 老乾媽炒米粉都幾乾身，唔算太油，有豆豉嘅鹹香，辣得好香口。柴魚花生粥及煎魚肉豆腐就有待改善。

豆公館的美食真係令人回味無窮！佢哋嘅肉鬆蛋餅外皮鬆軟，肉鬆滋味豐富，每一口都充滿驚喜。蘿蔔糕嘅質感非常好，外層輕微煎至金黃又脆，內裡蘿蔔細膩香甜。來到豆漿，真係每一口都感受到自家製嘅新鮮同純淨，溫暖又慰藉人心。滷水豆腐同魚肉煎豆腐都非常入味，豆腐質感滑嫩，魚肉鮮美多汁，滷汁香濃，完美融合左各種口味。每次光顧豆公館，都能感受到員工嘅熱情同專業，令人每次都想再黎。無論係想食早餐、午餐定係晚餐，呢度都係一個好選擇。強烈推薦俾喜歡嘗試傳統與創新結合嘅美食嘅朋友！

滷水豆腐滑嫩可口，豆香濃郁，鹹淡適中。杏仁豆腐花是我個人最喜歡的，杏仁味濃郁但不會過於甜膩，甜度恰到好處。無糖豆漿口感醇厚，沒有添加糖分，更能品嚐到大豆本身的香味，非常健康。炒米粉鑊氣十足，調味適宜。肉鬆蛋餅的餅皮煎得金黃酥脆，內餡除了肉鬆和雞蛋之外，竟然還有蘿蔔絲，增添了口感的層次，非常驚喜！這個搭配讓肉鬆蛋餅的口感更加豐富，鹹香中帶著蘿蔔的清甜。整體而言，「豆公館」的環境舒適，價格親民，出品也保持了高水準。他們家的豆製品選擇多樣，從傳統的豆腐花、豆漿到創新的麻婆豆腐花、肉鬆蛋餅，都能滿足不同顧客的需求。下次有機會還會再來嘗試其他菜式，例如他們推薦的招牌麻婆豆腐花和老乾媽炒麵。推薦給喜歡豆製品的朋友們！位於旺角的「豆公館」以每日新鮮製作的加拿大優質大豆製品為主打，提供多款營養又美味的豆類料理。這次我點了滷水豆腐、杏仁豆腐花、無糖豆漿、炒米粉和肉鬆蛋餅

旺角豆公館，主打豆品類，豆腐花、豆漿、煎豆腐一應俱全，仲可以選擇唔同口味既豆腐花、豆漿，另外仲有特色蛋餅、炒麵、炒米粉和柴魚花生粥。肉鬆蛋餅：現場人手即煎，由打蛋開始，一路加配料去煎，蛋香十足，餡料勁多，加埋小店秘製醬汁，滋味無窮。魚肉煎豆腐；豆腐無添加任何調味料，全靠頂頭塊魚肉，雖然薄左少少，但鮮味十足。滷水豆腐豆卜：豆腐和豆卜索滿濃郁滷水汁，加埋蔥花，色香味俱全。豉油皇炒麵：炒得很有鑊氣，麵條夠乾身不油膩，配上韭菜、紅蘿蔔絲、蔥花、芝麻，更加惹味。黑芝麻豆漿：超級香濃。杞子元肉紅棗黑糖豆漿：養顏滋潤，女仕必點。黑糯米豆腐花：豆味濃郁，質感嫩滑，配上彈牙煙韌既黑糯米，口感豐富。總結，餐廳位置方便，豆製品健康好味，值得支持既小店。

店員態度親切友善~試左佢地既招牌麻婆豆腐花、原味蛋餅、魚肉煎豆腐、杞子元肉紅棗黑糖豆漿同薑汁豆漿都都很不錯！👍🏻值得推介既係麻婆豆腐花呢個配搭幾新鮮面頭有少少辣椒油有少許辣但配搭香滑既豆腐口感味道幾特別（因一般甜品店很少出甘既配搭😆）杞子元肉紅棗黑糖豆漿裡面有加原材料係裡面，飲落味道唔太甜好岩女生飲黎補下！👍🏻💯

下午大概3-4點的時候經過見到有一間疑似新開ge餐廳本身有少少飽飽地 但見到佢個menu d野好似幾得意就入左去食佢ge選擇唔算多 由於我飽飽地我剩係叫左個招牌麻婆腐皮蛋餅 因為出面少見等左大概5分鐘到 食物就到左黎到ge時候會覺得有少少細份同平平無奇蛋餅上面ge醬就似係麻辣醬 少少辣辣地咁而佢ge腐皮就係夾左係中間咬落去ge口感其實幾特別 因為會有陣豆香但個人口味會覺得醬太少 成個蛋餅有少少淡口不過如果鐘意淡口蛋香同豆香係ok ge

旺角新開嘅人氣小店「豆公館」！裝潢好有懷舊香港嘅味道，食物選擇又多，主打各款豆製品同埋鑊氣小炒，真係令人眼花繚亂！🤩我哋叫咗好多嘢食，款款都咁吸引！首先，必試嘅當然係佢哋嘅招牌豆漿系列啦！椰汁豆漿🥥🥛香濃幼滑，椰香同豆香完美融合，真係一試難忘！鍾意清淡嘅朋友仔就可以試吓無糖淡豆漿，豆味香濃，健康又好飲！👍🏻甜品方面，我哋叫咗杞子元肉紅棗黑糖豆腐花同黑芝麻豆腐花🖤🤍。杞子元肉紅棗黑糖豆腐花滋潤養顏，啱晒各位靚女！黑芝麻豆腐花就香濃滑溜，芝麻味超香！兩款都好出色！😍小食方面，我哋叫咗蘿蔔糕、肉鬆蛋餅同埋炒米粉。蘿蔔糕煎得金黃香脆，外脆內軟，口感一流！肉鬆蛋餅就充滿台灣風味，蛋皮軟熟，肉鬆鹹香，好滿足！炒米粉鑊氣十足，夠晒惹味！😋最後，我哋仲叫咗滷水豆腐豆卜同魚肉煎豆腐。滷水豆腐豆卜滷得入味，豆卜索晒滷汁，送飯一流！魚肉煎豆腐外脆內嫩，魚肉鮮甜，豆腐滑溜，好有住家風味！🤤總括嚟講，「豆公館」嘅食物質素高，價錢合理，環境舒適，服務態度又好，絕對值得一試！💯 推薦俾所有鍾意食港式小食同豆製品嘅朋友仔！💖

煎釀豆腐$28極細件，係等於一件薄豆腐切開四舊，咁就要$28，仲要肉同豆腐分離左，豆腐食落一pat好多渣好粉，有陣怪味。深水埗知名豆品店$14/4件，1件等於呢間4件，大大舊。花奶豆腐花 $26睇圖就知勁水，完全無花奶味。豆腐花又唔係滑，餐牌無寫凍定熱，黎到係又唔凍又熱。店員話係暖，要客出聲先會俾凍，但落單無人講過有凍同講過係暖。暖既豆腐花真係第1次聽。無花奶味店員解釋話可能倒d花奶到底水啲，睇落似係溝左水，我買花奶返屋企整布甸倒到底都唔會有呢個情況。真係係荃灣食$8/碗仲好食過佢足料過佢。原味豆漿$12本身係想叫薑汁豆漿，但加個薑汁要多$10，仲要好似平時熱飲杯咁細杯，極之唔抵！叫返原味，但個味似無糖。 無下次!大伏！

喺家樂附近搵嘢食見好這間餐廳又有粥又有炒米粉又有蛋餅仲有啲甜品價錢唔貴就入去試一試都幾多人食喺門口望入去見到餐廳都乾淨就入去坐低主要係見到有粥食就走入嚟柴魚花生粥， 冇想像中咁咸，我幾喜歡配多個蘿蔔糕真係非常合拍飲品朋友就揀咗無糖豆漿我就要咗杞子圓肉紅棗黑糖豆漿， 原本驚好甜最尾覺得甜度ok， 略嫌唔係好夠凍煎蘿蔔糕煎得都好香口朋友唔食粥就叫咗個炒米粉冇平時嗰啲粥舖咁鹹，味道好適中，食到最尾唔會覺得好油膩見到隔離枱叫蛋餅我哋又叫一個肉鬆蛋餅都幾足料同平時嗰啲台式蛋餅又有一啲唔同有啲似手抓餅最尾甜品我哋每人都叫個豆腐花朋友要咗椰汁豆腐花， 朋友話好多椰絲好重椰汁香味但係又唔會冚咗豆腐花的香味我要咗薑汁豆腐花， 冇諗過有咁充足嘅薑汁，薑汁夠辣好推介呢度嘅豆腐花因為豆腐花係分開自己再加糖對於我哋呢啲唔想食咁多糖嘅人就冇太甜嘅煩惱整體餐廳味道比較淡口，我覺得係適合自己嘅口味， 希望可以再繼續食到呢啲感覺比較健康嘅餐廳

見佢裝修簡潔都幾靚，間舖咁大，豆腐嚟講價錢偏貴，講到招牌咁應該OK啩，所以就試吓。本身都鍾意食麻婆豆腐，見佢有個招牌麻婆豆腐花，講到係招牌咁勁，即管試吓。叫咗外賣，$26/碗外賣+$1，份量極細諗住係好嘢嚟啦，點知返到屋企試，冇肉碎嘅？可能係我自己誤會，以為麻婆豆腐係一定有肉，算！點知食落去，好似加咗水嘅辣椒醬加幾條榨菜同蔥，好難食！咁都夠膽叫招牌？哪來的自信？招牌都咁難食，其他都唔駛試，唔會再有下次。早知試前d嗰間$10豆腐花。唔怪得佢嗰間舖頭成日都冇乜人，前d嗰間$10豆腐花長期排隊。

見新開張，裝修幾好，就試下買個外賣，點知就中左伏😮‍💨煎釀豆腐28蚊得4小嚿，已經唔平仲要難食，豆腐硬實冇豆腐味，魚肉又粉亦冇魚味，完全唔知食緊乜，食淨兩嚿掉左，而個炒米仲勁完全冇咸味，甚至咩味都冇，懷疑只係落左老抽上左個色，食左幾淡亦已掉本以為最正常係杯無糖凍豆漿，點知十零分鐘後即肚痛+瀉，究竟呢間野係開嚟做咩，真係想呃人食一次賺完一轉冇回頭❓️❓️❓️總括價錢唔平份量少味道差.....

10 月10 號晏晝去食，見到間餐廳新開 ，主打賣豆製品/鐵板炒麵。💢💢❌無服務，人手不足一坐到去，跟店員指示坐低左。當我諗好叫食哂野之後 ，就叫了2/3 次，店員才過嚟❌店員缺乏經驗下單時 已重複了兩次，隔左一陣 店員又再問 係咪掂咗 邊樣邊樣❌❌味道差劣，份量好細「有圖有真相」叫左一個 「老幹媽炒米粉」一上枱，心知不妙！炒米粉，一睇就知係炒燶嗰隻。食上口，唔係即叫即炒咁熱，而係暖嘅！重點係，所謂老幹媽 炒米粉，炒到燶晒！💢💢💢💢❌❌❌餐廳睇得出沒有經營經驗最後，食到成肚氣，想埋單走人，等左5 分鐘先埋到單；明明當時前面只有3 個人埋單聽到隔離枱食客 忍唔住，係咁開口鬧「好差好差！」普通炒米粉26 蚊，老乾媽炒米粉要36 蚊我仲以為加10 蚊有幾咁與眾不同！

因為工作關係之前成日要飛台灣, 返工之前好中意去當地早餐店食蛋餅, 飲豆漿，但發現香港原來好少, 咁啱經過見到裝修幾懷舊feel ，廚房開放式，用鐵板炒麵好似幾唔錯就點黎試下, 炒麵可能係用鐵板炒過嘅關係, 所以好有鑊氣, 麵條亦較挺身, 不似港式粥麵檔既炒麵再點埋杞子元肉紅棗豆漿又係出面少見, 都唔錯, 可以少甜些更好, 杯底真係有杞子元肉, 女人啱飲, 以為份量不多, 本來想點埋蛋餅, 但原來食落都夠飽,😂， 要下次先再黎試了~蛋餅

魚肉煎豆腐入面係冰嘅，豆漿凍到完全入唔到口。肉鬆蛋餅疑似有頭髮碎，起碼五六條，同店員反映佢話係肉鬆碎，但確實唔似(偏直同黑色)。最後店員答應可以取消，收走咗蛋餅，但同一時間我朋友原來幫我埋左單，店員亦照收多左蛋餅錢，直至我臨走喺收銀處店員亦沒有任何表示有收多蛋餅錢定點。。過程唔超過5分鐘，店內亦唔多人，冇可能係唔記得咗。。講咗取消嘅時候朋友埋完單但未離開，係有足夠時間退返錢，但店家仍然選擇唔岀聲。。呢間嘢唔會再黎，好唔老實，店員態度亦不友善。

肉鬆蛋餅分量少，冇味，價錢貴$38豆腐花吾夠滑，分量少，價錢貴$18抽風系統差，食完成身油煙味見鋪頭新開張，特意去幫襯，鋪頭用木傢俬，坐位空間都夠，到時候祗有我一位客人，之後有另外一檯客人及一份外賣，但我坐了10分鐘，另外一檯客人及外賣都己做好，我還未有食物，後來問店員，他們解釋是食物都是接單才做，但我是第一位客人入座，為什麼最後才有食物上枱？ 食物落單時間管理十分差。再者食物吾得，又貴又份量少，不會推薦😂😂😂