讚好台灣

营业中

休息中

今日去開黃埔區，就揾下有乜好食，想食啲湯麵類，見人氣高就揀左呢間台灣菜，試下個lunch set。先係牛肉湯麵，麵質有咬口嚼勁 ，幾鐘意個麵質。麵既份量不算多但也是飽肚的，牛肉有俾牛筋同腩肉，肉質都淋身，夠入味。湯底唔算話好濃但都係好味既。另一個就滷肉香酥排骨便當，正正常常，勝在多餸，排骨普通，未致於好乾，外層炸皮幾好唔會太乾，但就唔算話好出色，屬可接受範圍。滷肉份量偏少，正常味。便當仲跟埋啲生菜,豆,咸菜甫同滷蛋。珍珠奶茶都ok，珍珠都有甜味既。整體黎講都好味既，可以再encore

間唔中經過都見到依間台灣餐廳特別多人排隊，今日早咗出嚟食lunch見冇咩人就決定試吓～佢哋嘅午餐都算抵食，叫一個主菜加幾蚊就可以飲埋珍珠奶茶。交完張紙過5-6分鐘我個蕃茄牛肉湯麵就到了😋蕃茄牛肉湯麵一上檯就已經聞到好濃嘅蕃茄香味而且色澤紅潤，飲落亦理所當然哋濃味。牛肉牛筋份量充足，口感夠腍夠入味。珍珠奶茶都係水準之上，奶茶濃味；珍珠亦都夠多口感煙韌，可以唔洗額外再去其他飲品店買嚟過口癮😂整體來講午餐非常唔錯，值得再去試其他主菜

冇得飛唯有去台灣菜餐廳食嘢。早幾個月嚟食過一次嗰時要排隊。今次同朋友再嚟食，星期日一點左右嚟到，可能新店熱潮過左，唔使等位，幾好。叫咗肉燥排骨乾拌麵同埋滷肉鹽酥雞飯台灣排骨即係豬扒，豬扒同鹽酥雞炸粉唔厚，啖啖肉，同埋有落胡椒鹽粉，好香口。不過豬扒肥肉佔左四份一，有一塊成舊都係肥膏，我冇食到整體都好有台灣的味道，而且份量岩岩好，我地兩個為食女仔都清晒d麵同飯。另外仲叫左兩杯飲品，一杯朱古力咖啡波波同小麥胚芽奶茶，但餐單冇的揀甜度，我在旁邊手寫微糖少冰，但黎到都覺得幾甜下，飲唔晒成杯。埋單15x，唔洗80蚊@1，下次再想食台灣野可以再黎過既

有無人同我一樣好掛住去台灣旅遊周圍食啊？經過紅磡嘅轉角位，見到有一間台灣嘅食店，二話不說就入去啦🤣🤣🤣我地叫左滷肉飯同牛筋腩麵，滷肉飯上面有半隻滷水蛋，飯量有些許多，滷肉嘅鹹味啱啱好用嚟送飯...呢個飯$46 ，喺香港來講價錢同一般嘅台灣店差不多，但同台灣嘅比起來，就無得比啦🙈牛筋腩夠林，唔痴牙..仲可以揀湯底，我地揀了紅燒牛肉湯，湯好夠味，讚👍最後加了杯珍珠奶茶，奶茶偏甜，好大杯好抵飲🤣呢間舖幫我止左一下去台灣的隱👍👍

小編今次就去左讚好台灣叫左👍🏻讚好牛肉湯麵🐮同埋鹽酥雞肉🐥燥湯麵飲品當然就係台灣野唔小得啲🧋珍珠奶茶啦小食就食左涼拌小黃瓜🥒🍭🍭🍭🍭🍭🍭🍭🍭🍭🍭🍭🍭🍭🍭叫得👍🏻讚好牛肉麵一定係舖頭啲👑王牌啦🐮牛肉麵麵質偏向上海麵質地🐮牛肉炆到好淋🐮牛肉係半肥瘦湯底用左🐮牛肉煲啲味道偏淡🍬🍬🍬🍬🍬🍬🍬🍬🍬🍬🍬🍬🍬🍬鹽酥雞肉🐥燥湯麵麵質同樣似上海麵湯底係用清湯鹽酥雞肉🐥炸得太長時間肉被炸到有d干食落有d硬🍬🍬🍬🍬🍬🍬🍬🍬🍬🍬🍬🍬🍬🍬涼拌小黃瓜🥒⋯⋯醃得入味同出面果d差唔多🍹🍹🍹🍹🍹🍹🍹🍹🍹🍹🍹🍹🍹🍹食得台灣野就一定要試下佢地啲🧋珍珠奶茶🧋啦珍珠煮得岩岩好👍🏻😞奶茶茶味唔夠奶味香滑😋🍹🍹🍹🍹🍹🍹🍹🍹🍹🍹🍹🍹🍹🍹🍭🍭🍭🍭🍭🍭🍭🍭🍭🍭🍭🍭🍭🍭🤵🏻🤵🏻🤵🏻🤵🏻🤵🏻🤵🏻🤵🏻🤵🏻🤵🏻🤵🏻🤵🏻🤵🏻🤵🏻🤵🏻侍應唔夠主動💁🏻‍♀️但都叫有禮貌🙇🏻‍♂️環境尚可🤔乾乾淨淨🤫🤵🏻🤵🏻🤵🏻🤵🏻🤵🏻🤵🏻🤵🏻🤵🏻🤵🏻🤵🏻🤵🏻🤵🏻🤵🏻🤵🏻💰40~70💰💭💭💭💭💭💭💭💭💭💭💭💭💭💭💯🐷🐷🐷🐷🐷💬舔脷指數:😋😋😋抵食指數:👅👅👅吸睛指數:👁👁推介指數:🐷🐷🐷環境服務:🗣🗣🗣💭💭💭💭💭💭💭💭💭💭💭💭💭💭✨資訊欄✨店舖名: ⚡️ 讚好台灣⚡️📌地址:

星期日在黃埔新天地購物後，行到紅磡灣中心對面見到讚好台灣，有幾個人排隊等候，在羊群心理下，邊排隊邊上網睇吓食評，好評如潮，在推介下，叫咗碗紅燒牛肉麵$59，賣相已經好吸引，厚切長條型牛肉炆得又腍又入味，配上雪菜及香蔥粒湯味濃郁，麵條軟硬適中有咬口，好滿足加$10配珍珠奶茶，茶味夠濃，超水準

今日去到依間黃埔嘅人氣台灣餐廳，嗌咗個牛肉麵，牛肉麵個湯好濃，應該用咗牛肉同埋牛筋煮咗好耐，上面有酸菜，中和返啲濃湯嘅油膩感，牛筋就軟而有咬口。之後我嗌多個夜市小香腸乾拌麵，上面有青瓜青蔥，顏色好吸引，啲面呢冇想像中咁乾身，佢加咗啲醬汁落去，加埋啲腸落去呢成件事就好平均。餐廳裝修好新穎，而且空間感好足夠，仲成日幫住台灣音樂，好有特色！價錢亦都適中。我哋兩個人食都係百零蚊落樓。大家去黃埔嘅話不妨去試吓！

超級鍾意食台灣野嘅我又發掘啲新嘅餐廳😆😆今次呢間餐廳係黃埔嘅🤤🤤見到舖頭係分左2個舖位估到應該幾好生意🤣我去嘅時候係平日嘅lunchtime 12點左右唔洗等位可以直入🙆🏻‍♀️Lunchtime有午市套餐落單係自己係張紙到圈低再比店員🤣今次叫左逢甲鹽酥雞便當($48)飲品加左8蚊飲珍珠奶茶另外加配左份椒麻牛肚絲($20).先講鹽酥雞便當雞嘅份量都幾多😆應該都有6-7舊個飯係有個模咁樣砌出嚟應該係台灣地圖嘅樣？側邊仲有少少配菜😛味道幾好💓珍珠奶茶正常不過不失🙌🏻有少少多冰🥺最後就係椒麻牛肚絲☺️以$20呢個份量都ok面頭有少少葱花食落唔會好乾 係有少少汁嘅都唔算好辣唔食得辣嘅朋友仔都可以試😚食飽出嚟嘅時候大概係1點已經要排隊啦🙈睇嚟都係黃埔區人氣小店💗

去到紅磡依頭，梗係去覓食啦。😋😋上網見到呢間黃店，就行咗去搵呢間舖頭，離遠見到排緊長龍嗰間舖頭就係讚好台灣啦！於是我哋就走咗去排隊。叫咗佢哋嘅滷肉鹽酥雞飯，係佢哋嘅最受歡迎菜式，佢哋個飯嘅形狀係台灣嘅形狀嚟㗎，真係好掛住台灣😭😭去唔到台灣夜市，唯有食下佢哋嘅鹽酥雞啦，鹽酥雞炸到外脆內軟，非常好味。有個溫馨提示，如果女士們唔想食咁多飯，可以落單嘅時候叫佢哋比少啲飯，如果唔係一定食唔晒😂😂😂

今日黎開紅磡就主試下呢間台灣野，朋友成日推介話好好食，咁今次黎試下，兩個人叫咗四樣野食，有麻醬撈麵，好好食，好香，然後叫咗3個小食有小食拼盤，滷水拼盤，同鹽酥雞，本身鹽酥雞小食拼盤都有，但好好食就叫多個，整體黎講都好食，會再黎多次

I frequently lunch and dine at this restaurant. in general, the food was good in relation to its price. however, the service was terrible. the waitress was kind of rude. they were rushing to take away your food even I had not finished it. On 1 Nov 2020, the waitress tried to take away my food twice even I DID NOT finish them. I think it would be much much better to provide a general service as most of the customers would leave within 30 minutes. Those waitresses, particularly the elders, were

首先鋪面方面，由於佢係新店嘅關係門面都非常靚仔👍🏻光猛得來位置亦都非常寬闊！ 食物方面嗰日就叫咗一個滷水蛋滷肉飯同埋一個紅燒牛肉麵，在外加咗皮蛋豆腐同埋一個台灣小食拼盤。滷肉飯來講可以話係非常普通🥱但勝在一個餐有埋嘢飲都尚算抵食。反而紅燒牛肉麵有驚喜！本身佢湯底已經有三款湯底揀，最後叫咗蕃茄湯底。湯底濃郁得來都非常入味好唔錯，可以一試👍🏻台灣拼盤入邊有台灣腸同埋炸雞等等，都算大份兼好食！整體來講都中上水平，價錢亦都合理

5:45PM🕕仲可以响尼渡食到茶餐因佢嘅茶餐去到6:00PM雖然加咗價！但都只係$34個茶餐！都仲算平！不過份量唔算多！下午茶餐，可選一款小碗麵/飯，三款小食，一柸飲品麻醬乾麵～係熱食！麵夠煙韌！個麻醬唔會太杰配埋d青瓜絲好夾鹽酥雞～只得3小件，微熱，唔夠香口木魚炸豆腐～都係唔夠熱！好似比起以前細咗！牛肚絲～唔熱，但味覺同個麵好夾，因佢有點辣！中和反個麻醬！再多點辣仲好熱檸茶～個色好夠濃不過其實唔係太濃！都算大柸

之前經常睇到朋友打卡呢間台式餐廳，門口裝修極有日式風格，為解決對台灣美食曉想念，於是就專程去一趟紅磡探個究竟🙋🏻‍♀️晚餐時間唔洗等位，但入面都幾多人有少少逼。🙅🏻‍♀️我地兩個人叫左一碗紅燒牛筋牛腩面，牛筋唔會”un”，牛腩夠”林”，湯底好濃既牛油香👍🏻魯水拼盤有豬腸，豆腐同埋蛋，極之入味，今日最愛🥰鹽酥雞香口，湯就有點太咸。整體黎講，所有食物都比比較偏咸、濃味，食完之後都幾口渴🙅🏻‍♀️🙅🏻‍♀️🙅🏻‍♀️🙅🏻‍♀️

中午同同事一行四人黎到呢間讚好台灣 等左15分鐘先有位 裝修幾靚有特色我叫左排骨麵 同事叫左牛肉麵 鹽酥雞麵同埋伴麵鹽酥雞食落有口感 唔太咸 牛肉麵湯底偏甜 牛肉都幾大塊排骨麵食落較遜色 無咩味 炸粉較厚湯麵比較清 無咩味道伴麵最好味係呢個伴麵 個醬汁幾好食麵質幾彈牙