讚好台灣

营业中

休息中

前日收工買左兩個便當：紅燒牛肉飯，小香腸滷肉飯。點知返屋企一打開盒滷肉飯，有張熱感落單紙竟然黏住左喺堆香腸度😡😡😡完全接受吾到，攞開張紙一睇，d字原來已經俾香腸d油吸到融哂，請問有無人會想繼續食盒便當？咩胃口都無哂。即刻打去交涉，女職員即刻話今晚已截單，係個新人整錯，最多下次食，送杯野飲比你。甘馬虎求其既食肆，仲會下次幫襯，吾係卦？

呢間又係我食咗好多年嘅小店!見住佢由一個鋪位 開到宜家有兩個 lunch set永遠大排長龍 可以話係黃埔嘅人氣小店!佢哋嘅下午茶都好抵食！~$34有三款小食+小碗麵/飯+飲品-🍽【肉燥排骨乾拌麵】✨推薦✨一定要試佢哋嘅乾拌麵！！！以前我一直都係食魯肉飯 自從試咗一次朋友叫嘅拌麵 變咗每次去只食拌麵😍呢間嘅拌麵好彈牙👍🏼 撈左肉燥調味啱啱好 唔會鹹個麵齋食其實已經好正😋個麵睇落份量唔算好多 不過食完係勁飽排骨就普通正常 幾大塊, 台式炸粉酥脆都唔錯-🥤【檸檬紅茶】$6 (單點冰$18 熱$6)-✨推薦指數：8.5/10

對於Poly學生黎講應該冇咩人唔識讚好🥰無論係午餐下午茶晚餐大家講起想食咩都一定會有人提起佢～價錢唔算好貴環境都舒適嘅台灣菜😋今次同朋友嚟食下午茶~早啲食冇咁多人價錢亦都抵啲！除咗可以揀一個主食：拌麵同飯都有！仲可以揀三個小食🤩啱晒選擇困難嘅我💛下午茶份量唔係好多，但係女仔當晚餐都足夠😋

由於揸住架車朋友推介呢間台灣野好食，咁就泊架車喺門口入咗去啦，超快有位，三大一小，友人食鹽酥雞飯，我食滷肉飯，男朋友食牛肉麵，飲嘢就飲珍珠奶茶，同埋熱咖啡，珍珠奶茶如常好味，熱咖啡係有驚喜！總括嚟講成餐飯上菜好快，由於架車泊喺出面，都係想快啲食完快啲走，侍應態度好好，見到小朋友都主動俾多隻碗，如果下次食台灣嘢而門口又有得泊車，都會選擇佢，個咖啡真係唔錯，價錢唔算貴，食個晏都算係咁啦！個女勁鍾意食個鹽酥雞👍🏼

食物的份量一般，男士有機會吃不飽。味道不太覺得有什麼特別，鹵水拼盤不會死咸，鹽酥雞真的一口一個，麵食麵質是有點咬口的，不會有糊掉的感覺。餐廳與台灣的關係大概覺得是環境裝修比較文青吧。

朋友介紹呢間台灣菜，必試滷肉飯及台灣牛肉麵。咁啱見到冇人排隊，就抱住試試無妨心態一試台灣菜。menu 有好多台灣地道菜色同地道小食，俾佢既滷肉便當飯照片吸引咗，忍唔住就叫左個便當加皮蛋豆腐。一黎到果然圖文並茂，除咗啲飯唔夠熱，其他伴菜都好好食。

呢間台灣野相信起開紅磡黃埔嘅朋友大家都知道😛 🧜🏻‍♀️仲係由細食到大🤣見好耐無食 前幾日又行左入去試下佢啲野😚-🍴口水香辣鹽酥雞乾拌麵 HKD60🍴口水香辣排骨乾拌麵 HKD60兩款麵都一樣就一齊講啦🙆🏻‍♀️個底都係有花生醬去撈 所以撈撈下個麵都會變左一舊野😹不過加左口水汁辣辣地 連埋青瓜肉碎食都唔錯🙈鹽酥雞一如既往都係比較細粒同份量唔多 不過肉質都嫩🧐而排骨就相對份量多啲 兩樣都炸得好香口😋🍴珍珠奶茶 (加HKD10)奶味較重 偏淡茶味 正正常常咁啦☺️🧜🏻‍♀️起呢間食過好多款 不過成日覺得肉燥飯啲肉燥真係比得好少 所以之後就無再係佢到叫肉燥飯😹

所有麻醬嘅食物都係我嘅心頭好，仲要越濃越好，因為我係濃味怪，今朝起身，突然好想好想好想食台灣嘅麻醬撈麵，但係喺香港冇乜地方做得好似台灣嘅水準，不過為咗止毒癮都要去食，所以就去咗屋企附近來自台中嘅讚好台灣朝下聖，呢間小店由兩間連住嘅店舖組成，空間唔大，座位同埋枱比較細，不過冇所謂最緊要好食，我哋今日未夠12點去到，咁啱有位，唔使5分鐘已經爆曬，不過食客流量好快，因為坐得唔係好舒服嘅關係，食完即閃😂▪️麻醬乾撈麵 $49麻醬做得非常不錯，非常濃香同埋好掛麵，每條麵都被麻醬包住，至於麵條方面幾彈牙，都好食嘅，不過個人係比較鍾意食偏幼嘅麵條，加埋清爽嘅青瓜一齊食，好味💛▪️肉燥香酥排骨湯麵 $49豬扒調味幾好，炸得鬆脆，但係就偏瘦咗少少，麵條同麻醬麵嘅面質一樣，湯麵個湯我估係雞湯嚟嘅，幾清甜，加埋湯面上嘅少少肉操同埋葱花一齊食，唔錯▪️路邊攤拼盤 $43呢個拼盤有鹽酥雞，炸花枝丸，台式香腸鹽酥雞係台灣街邊嘅口味，炸得酥脆，雞肉嫰滑👍🏻，不過我最鍾意係炸花枝丸，食到有粒粒墨魚肉，好好味，兩粒實在太少😂，台灣腸就冇乜特別正正常常▪️高山冷泡烏龍茶 $15 （跟餐加錢）呢個茶好好飲，好清香嘅桂花同烏龍茶味，

和老公去黃埔行街 ，行到下午茶時段。想食少少野，上網見到呢間台灣野，咁岩想想滷肉飯，就去咗呢間「讚好台灣」食飯。下午茶時段，人唔算多。我哋食左2個下午茶set ，加咗特飲，每人先$40 ！非常抵食叫咗滷肉飯和擔擔面，每個餐可以揀3款小食！我哋叫咗牛肚絲，香腸，炸豆腐，炸蕃薯和鹽酥雞！全部都好好味😋雖然係下午茶，但份量都唔少，我同老公都食得好飽。而且裝修都好文青風又抵食又好味又靚，下次一定再嚟食過

香港有很多台灣的東西香港全是我吃過差不多最差的我會議三個重點總是對這間舖的方法第一價錢不便宜吃一碗麵也要坊間七十多元的價位單是完全不好吃第二吃了個半面完全是很難吃他的肉燥拌麵完全沒有味道第三吃的東西和喝飲的飲料完全也沒有熱度冷冰冰.自己算是半個台灣人經常去台灣吃東西這個東西完全不像台灣吃過的那樣完全係遠低於水準underprivileged東西完全沒有味道叫了幾個小食也完全是垃圾份量有小超級不建議去這間東西吃飯

紅磡成條街都好多野食，好幾次經過都見到呢度排哂長龍，難得今次見到唔洗等位就入去試下紅燒牛肉湯麵 🐮$59牛腩醃得好淋，一咬就斷，好入味，湯底濃郁，係台灣既味道肉燥鹽酥雞乾拌麵 🐔$55鹽酥雞既炸粉好薄，雞肉唔鞋口，亦唔會食到成口油，肉燥醬就比較少，令到個拌麵食落比較淡味+$6配台灣奶茶茶底唔濃，唔係好飲到茶味，似平時飲到最尾啲冰溶哂既味道，不過唯一優點就係都幾大杯下🔸餐廳內唔夠冷氣🔸枱與枱之間比較逼

啲嘢食又真係幾好食 多選擇 唔伏！ 值得推薦 可以一試既台灣野 奶茶好飲 麵啱啱好 鰻魚汁濃 魚好食 有生果送 真抵食 好啦我講嘢九唔搭八 但係佢呢個濕9野一定要我寫八十字 所以大家可以參考下 完

想食到台灣原味道？你們就有福了🥰#小胖遊紅磡🐠 —————————————————🔹豐盛牛肉乾拌麵 $75 (另加麻醬$10) 小編最中意麻醬撈麵真係撈都咁好食，配料又豐富😚😚麵質煙韌有咬口🍜.🔹鮮蕃茄牛肉湯麵 $65🍅味都香但湯底都偏多油(減肥人士就唔啱)🐮份量唔孤寒又軟又冧，啖啖肉😉.💡台灣特飲 (正餐另加 $10) 分別有芋香奶茶同小麥胚牙奶茶🧋芋香奶茶好正，淡淡的芋香同好滑奶茶質感完全融合(微糖剛剛好，又唔會食到好多芋泥纖維😆）—————————————————🧜🏻‍♂️口水度：🌕🌕🌕🌕🌑🤑CP值💰：🌕🌕🌕🌖🌑🧚🏻‍♀️打卡值：🌕🌕🌕🌑🌑🥰舒適度：🌕🌕🌖🌑🌑👅再食指數：🌕🌕🌕🌖🌑.♟Overall♟性價比之選🤗你諗下飲杯珍奶都差唔多$30🤔呢間晚餐加野飲都係$70幾蚊都真係好可以🤪

       讚好台灣自從裝修完以後就好受學生哥的歡迎，午餐下午茶同晚餐經常都大排長龍。沒裝修前一直都有幫襯這家鋪頭，裝修完後，鋪頭這麼漂亮，當然都要重新再打卡返啦。今次揀咗滷肉鹽酥雞便當， 鮮茄三寶湯麵同紅燒牛肉拌麵。鹽酥雞一直是他家的皇牌產品，炸得好香口，一點都不油膩，食落停不住口。便當仲搭配了滷肉，滷蛋，蓮藕同青菜，真是好豐富。     三寶湯麵的番茄湯底好濃郁，飲得出是落咗新鮮番茄來製作，食完仲不會口渴，應該未有落好多味精。紅燒牛肉拌麵就普通，不過勝在清爽，夏天都食得落。晚餐仲可以加10HKD搭配台式飲品，珍珠奶茶都是大大一杯，真是抵食！

前排有個weendend要去紅磡做d事, 由於要12點去到同埋都要4點先有一下餐, 所以諗住食個Brunch食多少少野, 見 讚好台灣 已經開左門就入去試試啦~~📍路邊攤拼盤鹽酥雞香脆都算juicy 唔會太乾身, 另外兩樣就一般~ 花枝丸都算係彈牙📍排骨湯麵 可以揀新竹米粉或者係麵, 排骨(炸豬扒)炸得太乾身, 所以都唔係太好食茶類我揀左高山冷泡烏龍茶, 飲落係好濃茶味同埋好涼爽讚好台灣  Zanhao TW紅磡湖光街1-7號聯成大廈鴻運閣地下13及14號舖