薔紅

营业中

休息中

好耐冇過海，今日出開銅鑼灣，黃金周周圍都係人，冇一間餐廳唔使排，諗咗陣，決定行去灣仔食薔虹。星期六晚7點，等10分鐘就有位啦，必叫就梗係燒春雞啦，我係為咗佢先嚟，生痱滋都要食，勁多肉汁，我最鍾意就係食個雞皮，脆卜卜。朋友叫咗個黑椒豬手，豬手皮都超好食，但我最鍾意都係燒春雞。埋單兩個人都唔使$200 ，記得薔虹未滿$200係唔收信用卡㗎，記得帶夠現金，唔夠都有八達通，或者再叫多樣嘢食夠$200啦🤣🤣🤣

呢個星期嘅Family Day，我哋一家四口去開灣仔，咁當然要食餐好先再去玩啦💜朋友介紹之下，嚟到莊士敦道一間係一樓嘅茶餐廳。樓梯上去嘅環境同感覺已經好有年代特色了😊入到去，我哋好快就揀咗個卡位嚟坐。再望望餐牌，見到朋友極力推薦嘅食物 - 脆皮燒春雞 - 就係佢喇！朋友話係必試ITEM嚟架，咁梗係一試究竟啦！老公就揀左個鐵板雞扒配白飯，兩隻小魔怪就揀咗個常餐比佢哋SHARE脆皮燒春雞🍗🍗餐廳寫住燒春雞係佢哋餐廳「必點」之選！當然亦都就係我朋友嘅推介🉐可以選配茄汁意粉或薯仔沙律或炸薯條，真係好邪惡呀！哈哈哈我最終係揀咗薯仔沙律🥗講返隻燒春雞，嚟到個賣相已經好吸引！唔會炸得過火或者唔夠火喉，手撕嘅食法係佢哋推薦，所以餐廳會提供埋一次性手套比客人。雞皮燒得好香脆，撕開裡面肉汁仲會流出嚟，肉嫰而且夠味，真係推薦得無錯！絕對係必點呀！而個薯仔沙律係令我諗返以前細個「餐廳沙律」味道(而家已經唔多餐廳會整沙律了，有都只係沙牛菜之類)所以真係好令人回味又LAM LAM脷😋😋😋🥘鐵板雞扒配白飯煎得金黃嘅雞扒放上燒到熱辣辣鐵板上，再淋上黑椒汁，即時香味四溢呀！兩個小魔怪都即刻係咁索索索🤣🤣🤣雞扒係鐵板上K

以前學校係附近 經常都食今次再食 味道水準都keep 到今次食黯然銷魂叉燒飯偶然都會好掛住呢間冰室既黯然銷魂飯，兩隻流心煎蛋 撈飯食加上好肥美多汁 份量十足嘅叉燒，大大碗飯都可以食到！

份量雖然多，但質素差。order左魚柳鐵板餐，有兩塊，但沒魚味，黑淑汁尚算可以。魚柳肉質鬆散，外皮唔脆，一切就散開。而薯菜方面，薯條雖多，但偏幼身，冇口感可言，而菜就冇乜，得D菜粒，完全唔似薯菜。凍檸茶冇茶味，又冇咩色水，淡而無茶味。服務態度又其差，繁忙時間多客，理解要搭枱，請人坐埋一邊，都已經移動當中，但服務員喺我行嘅時候呼呼喝喝，多次吹人，又鬧客人行得慢。落單嘅時候又吹客落單，服務態度非常惡劣。

今日同小朋友出開灣仔書展，即係諗起YOUTUBE有人介紹過呢間餐廳，終於有機會試到呢間人氣茶餐廳，好開心呀!呢到最出名係脆皮燒春雞，心諗一定係必點之菜!!今次同小朋友叫左二份燒春雞，一上枱已經聞到好香的氣味，心諗一定係即燒的佳品，小朋友見到都味蕾大開，最正係有手套供應比你，預咗你成隻雞用手撕開嚟食，個感覺好鬼正!!佢蘸料有椒鹽同泰式辣醬，烤雞係脆皮雞質地，撕開雞脾果陣，有好多雞油慢慢流下，令人垂涎欲滴，雞肉都非常嫩滑，就算係雞胸肉都唔會好鞋。薯條好多人話係唔熱嘅，可能我係下午茶時段，唔係喎！！新鮮炸，小朋友食到停唔到口喎。如果出開灣仔，真係值得再去的好地方。

以前同同事每個月都去，起碼兩三次，今日食完決定以後都唔使再去。加咗價都OK ，一個燒春雞套餐要$86， 加埋汽水就係 $96，話晒都比半隻雞你食，唔箅過份。但係薯條係返炸嘅，又硬又乾，牙肉都被插傷。隻雞炸到燶哂，都照俾人食，望吓個伙計，佢啋你都儍，行咗去。大家都在慨嘆，今非昔比，隔離枱兩個食客都同一感受，望住隻雞，只有大家你眼望我眼，搖哂頭，薯條食咗幾條，都係選擇放低。一句講晒，真無奈，無下次 ！ 講完了。再見

服務態度方面，嗌肉眼扒嗰陣，一個瘦瘦矮矮戴著口罩嘅侍應極之唔耐煩，仲不時反白眼，佢話講嘢啊，講啊繼續，一次過講曬。大佬啊你係侍應，寫嘢係你嘅工作，點會expect客人自動波完成曬所有嘢，等你連問都唔使問，而且當時餐牌喺我朋友嗰邊。第二樣嘢，當隔離檯問呢位適應想要樽水，佢係可以問都唔問就直接喺我哋張檯拎走樽水俾隔離，毫無禮貌可言。食物質素方面，燒味拼盤完全唔得，燒腩仔個皮潮曬，叉燒又全部都係瘦。肉眼扒同脆皮牛腩算係正常普通。記得1-2年前嚟幫襯質素都唔係咁差，咁樣嘅餐廳唔食都罷。

灣仔人氣茶餐廳，必食脆皮燒春雞😋🔻脆皮燒春雞 💰86 +10%呢間茶餐廳嘅烤雞出名平靚正，今日終於有機會試啦❤️一上檯就聞到好香嘅烤雞味，蘸料有椒鹽同泰式辣醬😝烤雞係脆皮雞嘅質地，雞皮烤得薄而脆。而撕開大大隻雞脾果陣，雞油慢慢流下，令人垂涎欲滴🤤雞肉都好嫩滑，就算係雞胸肉都唔會好鞋😯因為烤雞係一輪一輪烤好多隻，以確保每一隻烤雞上檯都熱辣辣香噴噴😍如果錯過左上一輪，就要等得比較耐啦🤔不過啲薯條係一早炸好嘅，食嘅時候已經凍曬啦😕👅味道：8/10💡抵食：8/10📌環境：6.5/10

之前睇YouTube見到啲人介紹呢一間茶餐廳，其實我搭電車成日都經過，不過有冇機會落車去食，今次就專登嚟食佢最出名嘅燒春雞。佢隻燒春雞堅係好好食，皮脆肉嫩，又唔會燒得好乾，隻雞好多肉汁好Juicy。最正係佢俾埋手套你，預咗你成隻雞用手撕開嚟食，個感覺好治癒。佢仲有華鹽同埋類似麥當勞嘅泰式辣醬俾你沾嚟食，不過我覺得唔使沾都已經好好食喇。隻雞個份量唔細，都係賣$86，真係超抵食！不過喺環境方面就真係扣晒分啦，入到去唔知係邊度傳來有一浸煙味，同埋個感覺都幾污糟，餐廳嘅夥計都比較粗魯，不過將貨就價啦，俾咗佢隻雞份上，呢個價錢都係值得嘅

春雞！！！配薯條講返隻燒雞，小心超熱仲會熱到出晒煙。雞皮薄脆而肉很嫩滑多汁重雞味，而100都唔洗認真抵食，可以點淮鹽或者雞醬食，配搭粗身波浪薯條可問姨姨拿茄汁舊香港茶記，效率超高但估唔到姨姨叔叔幾有禮貌 😂 仲教我哋點食係最好食，所以唔只食過一次，但每次都會叫春gggg。---## 評分標準食物:4.5/5環境:3.5/5服務:4.5/5性比價: 👍🏽pp$50-100回購率:👍🏽地址：灣仔莊士敦道194-204號灣仔商業中心1樓

我去咗薔紅試咗佢哋嘅炸春雞同薯條，真係要話一句，份量真係好大！炸春雞啲肉咁大，手掌都攞唔晒，口感都好香脆，肉汁都好豐富。真係一啖咬落去，滋味爆炸！薯條數量少得驚人，不過每條都好粗身，炸到金黃酥脆。裡面仲係軟綿綿，好開心食到咁好嘅薯條。整體嚟講，薔紅嘅炸春雞同薯條真係好出色。唔止份量大，味道亦都好正。不過，如果唔係好鍾意油炸嘅食物，可能就唔啱你口味。不過如果你鍾意炸嘢，呢度絕對係一個值得嚟試嘅地方。希望薔紅可以繼續保持好味道同大份量，令更多人可以享受到呢份美味！

懷舊茶餐廳，而聽聞呢度嘅燒雞都好出名。上到去已經即刻有位。不過要同人搭枱。見到大部份人落order都係燒雞半隻。我當然跟隊啦上菜時間快到難以置信。12:54落單，1分鐘就上咗菜。因為同好多人搭枱，而個個都係食燒雞。所以冇諗過個餐原來係我嘅。結果俾個職員「吱」咗一下。😂燒春雞，可以選飯，意粉，薯條或沙律。半隻燒雞，撕開雞髀，熱到出晒煙。雞皮很薄，但很脆。雞髀肉很嫩滑，亦有雞味。雞胸不鞋。食完半隻雞後很飽。薯條份量唔多，但係是波浪紋薯條。薯條味道正常。另外點了杯凍檸茶，但發覺唔係好抵，加咗$10。凍檸茶是用細杯。味道普通。

灣仔薔紅馳名嘅燒春雞真係好抵食，啲肉嫩滑，不過係會有啲油膩，午餐去食，份量足夠，平日Lunch去食都好多人排隊，所以唔好太晏去，食完離開餐廳嘅時候出邊都排晒長龍,灣仔名物

帶大馬來港旅遊朋友到這兒享用美食，剛到時得返兩個位塔枱剛剛好，再遲一點要排長龍了。我推介這兒最出名燒春雞，但最後我地散叫四樣餸，分別係1. 椒絲腐乳炒通茶，鑊氣夠，香氣十足，絕對是天花板級數。2. 椒鹽豬脛肉，椒鹽鮮魷，色香味俱全，肉質鮮嫩多汁，一流3. 黃金蝦12隻，每隻蝦掛上簿簿一層黃金炸醬，蝦肉同樣鮮嫩多汁。4. 柱侯蘿蔔牛腩煲，野味，牛腩縕牛但有十幾舊，份量十足，蘿蔔都清甜，個汁收得剛剛好，我朋友食哂支竹（其實這也我最愛，但朋友愛吃只好割愛🥲），作為香港仔，呢味餸絕對百食不厭。綜合來說，這間店是我介紹外國朋友香港正宗美食的第一站，唯一不完美係裝修有點舊，但服務反應及態度今時今日仍然保持到高水準。食物水準同樣，價錢絕對超值。

🍗脆皮燒春雞配薯條$86半隻燒春雞，熱辣辣即燒，皮真系好鬆脆👍🏻，肉嫩juicy，點泰式辣醬或者鹽，好岩鍾意食雞的朋友，薯條🍟系港式冰室的波浪紋薯條，不過個人會覺得偏油膩🫢.✨茶餐廳佈局，餐廳會提供手套同濕紙巾，唔怕食到狼狽😉