薔紅

营业中

休息中

今日（31-5-2025 Sat）端午節，同老公實踐由西環行到北角，但由於晏咗，就取消，改喺灣仔呢喥食咗晏至出發，我哋嚟到時，都算多人，老闆俾我哋坐四人枱，睇完menu，就一定要佢哋嘅招牌$88.00嘅金牌脆皮燒雞配薯條，$8.00嘅羅宋湯，$8.00嘅熱奶茶，$90.00嘅酥炸脆皮牛腩配意粉。落完單，即到嘅就係金牌脆皮燒雞配薯條，然後係兩個飲品，我即飲啖奶茶，澀，要落糖，落咗一茶匙至叫做攪得掂。1分然後食薯條喇，熱騰騰嘅粗薯條正常冇問題，金牌脆皮燒雞熱到老公戴手套都撕唔到，寧願用叉，個皮真係好脆，我食雞上脾，佢嘅雞油好夠，肉質又滑又juicy，枱上有好多調味料俾客人自己落，我就落淮鹽食，之後食雞胸位，嚡啲係正常嘅。5分然後我飲羅宋湯，料都多嘅，味道唔錯。5分酥炸脆皮牛腩配意粉到嚟，睇見意粉另上，同有一兜咖哩汁，意粉用茄汁撈過，唔太酸，口感係香港人口味，唔係中間硬嗰隻，啱我；酥炸脆皮牛腩個皮真係脆，牛腩夠腍，味道亦濃，咖哩汁濃唔太辣，幾好味。5分服務：落完單，即刻俾膠手套，濕紙巾同碗。等客人食完晒嘢至一次過收嘢，唔會太騷擾或有趕客嘅感覺。環境：呢喥設有兩間私人房俾客人。3.5分其他：枱

久唔久都會做下的士睇更，灣仔膠原更之後一定會嚟呢度食佢嘅燒春雞，皮脆內軟唔使講夠juicy，佢嘅薯條我都好鍾意食，我覺得個味道好特別唔係到到食到，凍飲質素亦都唔錯，凍奶茶走甜見真章，唔澀口，入口順滑，而佢嘅特餐宵夜餐亦都唔錯，喺灣仔附近返工嘅你，邊可以錯過，一班的士行家，坐下，飲下，食下，又一個愉快嘅晚上，餐廳亦都好貼心，燒春雞有透明手套，唔會食到污糟邋遢，價錢亦都好大眾化，營業時間又長，喺呢個低迷嘅市道，實屬首選

適逢要外出灣仔工作，所以就順便試吓當區嘅人氣炸雞🤩平日12:45到達拎飛，等左一陣就有得入座，落完單13:15已經有得食，超有效率.ᐟ.ᐟ/🐔金牌脆皮燒雞配薯條 $88炸雞新鮮炸起熱辣辣，餐廳溫馨地提供了膠手套，用手食份外滋味🤤一開始用手撕十分辣手，外皮香脆，不過十！分！咸！因此內裡也很入味(*/ω＼*) /肉質是出色的：雞腿位置又嫩又多汁，雞胸也不會鞋口，而且滑得嚟又唔怕有好紅熟唔透嘅部份👍🏻/食到一半已經覺得好漏，不過為免浪費都好努力食得乾乾淨淨！/曲身粗薯條正常茶餐廳質素👌🏻/總結來說肉質出色，調味卻偏重，食完頂唔順即刻買左大枝水隊隊佢💦$88半隻黎緊真係抵食嘅，食到好飽(薯條只係食到1/3)，加上出餐快，難怪有這麼多打工仔捧場客！/個人嚟講試過便心息(´･з･)同區cheat meal會覺得新景園開心啲🥰

終於係番工日子即lunch食到啦每次黎灣仔都會去拎位但每次都要排好耐隊由於時間關係 迫於無奈要轉場今日我地就趁行雷閃電落大雨嘅日子再試一次 一班人黎食燒雞真係好開心燒雞餐餐飲要加錢 燒雞配凍檸茶正好飽好滿足既下午 蛋白質爆燈入去時係陽光普照 食緊個陣行雷閃電 食完就停左雨

每個侍應都態度好，其實對一間餐廳嚟講算係幾高難度，叫咗隻雞，兩個人share食其實唔係好夠。隻雞一搣開爆曬汁，啲皮超級脆，雖然食完覺得有少少油，但真係好值得食，到底點樣可以整到成隻雞好脆好多汁，so far已經翻桌咗兩次！可惜佢個牛扒就一般，un咗少少，個汁都唔係太好食，不過就幾大塊。.建議淨係食雞，仲要係一人一隻如果淨係食雞嘅話佢呢個價錢真係CP值超高我諗我會返去食第三次！btw, 唔好外賣走，啲雞新鮮即刻現場食會好食啲。

去到灣仔當然要嘆吓燒雞喇，餐廳主打平、快、靚、正👍🏻，裝修就係茶餐廳囉，侍應咪HK style, 落單要快，諗好先好叫佢，廢話免問😅，食完請速離座因為有人等位，不過不得不說出品合格、無揸流攤👍🏻✨🍴金牌燒雞$88連飲品： 大大份半隻燒雞，熱辣辣，撕開仲有雞汁流出，完全色香味俱全，唔怪得張張檯最少都點一份。✨🍴鐵板西冷牛扒$95: 黑椒汁另上自己淋，鐵盤很熱，黑椒汁一淋上去就蒸氣四濺。牛扒🥩切開肉嫩鬆化，很有童年回憶。

位於灣仔莊士敦道嘅呢間薔紅， 之前都有好多youtuber介紹佢呢度嘅脆皮燒雞，係佢哋呢度嘅招牌菜式，佢menu寫半隻係有一斤半重嘅，而且佢燒好之後原隻上枱。燒好咗上枱嘅半隻燒雞，點餐嘅時候可以跟飯、意粉、薯條或者沙律，如果叫野飲就加10蚊。呢個燒雞個雞皮係有啲脆嘅，因為啱啱燒起，不過雞皮就鹹咗啲，但入面啲雞脾肉係ok正常味，類似平時酒樓食個d炸子雞， 但個雞胸呢就整得有少少鞋。整體黎講我覺得不過係一隻普通燒雞， 少少gimmick嘢，未食過可以嚟食一次，但我覺得唔係好食到會特登再嚟第二次。之後仲嗌咗呢個咖哩雞飯，下午茶嘅價錢50蚊，但個味道都係偏鹹，而且冇乜咖哩嘅香味，啲雞食落好嚡同埋好韌，下午茶黎講價錢叫做合理，但係講味道就真係麻麻地。。。

灣仔必食燒雞！如果去到港島區食燒雞，一定係呢間！長期爆紅係有原因，薔紅金牌燒雞，採用3斤重既三黃雞，加上20多種配料調味醃製，再經過數小時既上皮及工序，令到每隻雞都皮脆肉嫩多汁，回味無窮！金牌脆皮燒雞，真係唔誇張，通常入到去10檯9檯都係食燒雞，連好多做Gym人士都好鐘意嚟食，食完好快又想去食。 原汁牛腩飯，牛腩大大舊夠曬厚切，附送既菜譜都好好食，辣辣地好送飯。秘製黑椒豬手飯，豬手好香脆有種食緊德國豬手既感覺，黑椒汁都好味，無得挑剔。維他奶紅豆冰，我覺得係必點既飲品，對比普通既紅豆冰，呢杯更加正！維他奶麥精紅豆冰，視乎個人鐘意麥精還是維他奶，兩款都好飲。

薔紅燒雞真係我嘅guilty pleasure🥹久唔久就會掛住呢隻皮脆肉嫩嘅雞😋脆皮燒春雞 配意粉（$88）一定係用手撕黎食先夠知味！不過一開頭真係好熱，起碼頭五分鐘都係熱到出晒煙🔥舊雞一撕開就咇晒啲汁出黎🤤連皮食是重點！啲味最主要喺層皮到！點埋個泰式甜辣醬，食到停唔到口😋淨係食隻雞已經飽，加埋個意粉真係食唔晒😂個意粉就真係普通茶記茄汁意粉，可以唔食😀88蚊有半隻春雞加意粉真係唔怪得有咁多回頭客，希望薔紅可以長做長有，保持水準🙏🏻

唔聽朋友講都唔知灣仔有間咁抵食嘅茶記，夜晚好似開到好夜，有好多唔同嘅小菜款式，基本上每枱都會叫嘅一定係呢個燒春雞！$88包咗湯、燒雞、嘢飲同埋飯意粉薯菜揀一個，隻燒雞上枱超大隻，而且熱辣辣。切落去嘅時候都feel到佢好脆！啲雞肉都好嫩，無論係蘸泰式辣醬定係淮鹽都好好食！

見到餐廳樓梯位置有下午茶的易拉架，就入餐廳，個老板好好，好有禮貌搵位我坐低，坐低睇餐牌唔見易拉架嘅餐，個女侍應喺隔離，問佢係咪有天使麵嗰個餐，佢話無嗰個餐，我話見出邊易拉架有，我都仲以為自己睇錯，去返樓梯位置再確認，真係有嗰個餐，就指俾個女侍應睇我想要嗰個，佢話無呢個餐！無呢個餐！未推出！我問咁又放樓梯位俾客睇（呢間餐廳樓梯位係等入座位置，好正常擺得呢度都係俾客睇對嗎）佢話只係放喺嗰度！未推出！未推出！你睇返餐牌啦！你睇餐牌好唔好！嘩咩事 我係咪唔應該問呢條你令到客人有混亂嘅問題？係咪我得罪你？ 無嘅話 你可以友善啲表達嗎？我唔需要你超級好服務，但你係服務行業，可以注意吓你嘅語氣同字眼嗎？以前食過呢間餐廳食物係ok ge, 但個女侍應真係好難頂，差一步就鬧客咁有禮貌嘅老闆就咁俾啲無禮嘅員工拆招牌！已經唔想幫襯，攞返自己物品就走

黎到灣仔呢邊行完街之後就準備搵野食，知道呢邊有間出名既脆皮燒雞既薔紅就上黎睇下多唔多人等位，結果就只有幾台客等所以就決定食啦，等左唔駛5分鐘就有位。最後都有點左出名既燒春雞食，配飯。脆皮燒春雞，還算唔錯。自己本身唔食皮因為怕肥不過見到佢既脆皮關係就所以有食左幾塊雞皮，食落都算係有啲脆既，唔係全肥皮既感覺，不過如果再脆啲會好味更多。雞肉算係滑既，而且味道都算係濃既，可以接受。反而係啲飯唔夠熱，呢個會係比較失望。。。。總結。。。脆皮燒春雞算係唔錯既，未食過所以就試一次。

呢間長期爆紅嘅燒雞店，真係名不虛傳！第一次試佢哋嘅招牌燒雞，當然要叫個$88燒雞餐，仲揀咗沙律同埋凍檸茶。整體埋單$90，性價比極高！打電話落單後，自取速度快到驚人，唔使10分鐘就攞到。打開個餐盒，燒雞嘅份量真係超驚喜——大隻得嚟又香氣四溢。雞皮燒得極薄，微脆之餘又鎖住濃郁肉汁，每一啖都嫩滑無比。食到中途，沙律可以中和返少少油膩感，雖然味道普通，但配搭埋就剛剛好。至於凍檸茶，清爽解膩，食得更滿足！整體來講，燒雞絕對值得試，味道出色、份量驚人，加上出餐快，絕對係灣仔必試嘅美食之一。下次經過，一定要再食返！

一上到去門口真係好多人，以為要等好耐點知哥哥仔話兩位即刻有，咁我就9衝咗入去。都未坐底就見到好多人食炸雞，唔好執輸，一坐底就叫咗炸雞拼薯條同海陸空拼意粉，即係魚柳雞扒同豬扒。大概 15 分鐘之後炸雞先到，以當日嘅人流，一啲都唔耐。脆脆嘅雞皮同啱啱好嘅調味仲好食過某啲中餐館啲咩咩當紅炸子雞，一撕開就冒出嚟嘅熱氣同辣手嘅表面好清楚咁話你知，新鮮起嘅。雞肉嫩滑多汁仲好夠味，好食到會不自覺咁逐啲逐啲骨拆出嚟啜，可惜真係太熱，唔係嘅話唔帶手套仲過癮。冇耐之後鐵板海陸空都到咗，汁分開上，可以享受到親手淋汁嗰嘢有幾爽皮。小聰子叫咗意粉，喺港式茶記整嘅茄汁撈意粉，有一種地道香港先有嘅味。三種扒都有驚喜，炸魚柳夠爽脆，仲有少少彈牙。雞扒個皮煎得好脆，豬扒醃得好入味表面有煎得焦焦的很好。整體兩個餐性價比高，舖頭坐得舒服，服務員有禮貌，出餐時間合理，有機會一定會再嚟。

呢間燒雞已經食咗好多好多次，但係依然食唔厭同埋水準依然係好穩定每次嚟都係非常之熱辣辣，皮脆雞肉又唔會乾。燒雞本身調味都都好入味，每次嚟都係咁多人食一定有佢嘅原因。燒雞可以揀配飯意粉或者薯條，雖然已經加價到$88但間唔中都係會想嚟食。另外呢度嘅炒粉麵亦都係幾唔錯，星洲炒米非常大碟而且炒得好香，配料雖然唔算得上係好多，但整體嚟講都係好食嘅。