薔紅

营业中

休息中

今日同朋友嚟試一間灣仔好出名嘅燒雞！咁啱喺Peak hour之前嚟到 唔使排隊直入但過多10分鐘已經見到門口開始排哂隊想食嘅朋友嘅預早啲嚟🤣✨招牌脆皮燒春雞+茄汁意粉 $88等咗冇耐燒春雞已經到咗！果然係快靚正😚一食落去勁脆皮 平時唔食太多雞皮嘅我都忍唔住食晒雞嘅份量啱啱好 雞肉唔會話太嚡 雖然係半隻雞 但係啖啖肉食每一啖我都覺得好好味！佢嘅茄汁意粉 我覺得味道唔算太濃但係因為雞嘅味道已經好出 所以呢個配搭我覺得啱啱好✨青紅蘿蔔例湯 +$8天氣好熱 所以加多咗個例湯今日嘅例湯係青紅蘿蔔老火湯好足料有四嚿蘿蔔 而且飲得出唔係味精嘅味道一嘢就已經飲晒🤣唯一嘅係餐廳嘅冷氣好凍 嚟嘅朋友記住帶多件褸🙈

灣仔有好多平民美食，今日專登黎左依間好出名既老字號食個飯。中午時間人超級多，人氣爆棚既原因等左20先有得入。二話不說黎依度吃一定係要先試燒春雞。燒春雞配白飯賣相唔錯，有另上甜辣醬 and 椒鹽粒。餐廳都好有心甘提佢濕紙巾，唔錯👍燒雞皮好薄而且真係燒到皮脆！脾位切開時仲有大量肉汁流出黎，好正！雞肉非常嫩滑，係肉眼可見既爆汁，好有水準！雞肉本身無特別既調味，所以因應口味落椒鹽，我就選擇整到手撕雞甘一啖啖肉，再配住飯黎食，真係一流！整體黎講非常滿意，燒雞絕對值得一試！

被譽為灣仔名物之一，之前喺呢邊返工都冇食過，真係說來慚愧🙂‍↕️假期前夕嚟到，果然有唔少人排隊，試下餐牌上面嘅必點菜式😎▪️脆皮燒春鷄 配 炸薯條 （8/10）💲88曾經睇過介紹話日賣超過五百隻，認真誇張😱應該即叫即整，等咗十五分鐘左右，一份半隻已經好巨，直情熱到辣手，外皮滿佈油光，食落係薄脆，連雞胸位都夠嫩滑，可以沾上泰式酸辣醬或者淮鹽😛配白飯、意粉、薯仔沙律或炸薯條，波浪型薯條比較乾脆🍟▪️黯然銷魂叉燒飯 （7/10）💲63叉燒偏瘦，口感軟嫩，但係缺乏焦脆燶邊，同埋蜜汁香味，感覺平凡一點🧐🔎 整體評分（7.5/10）

趁去開灣仔慶祝中秋節，順道去試吓呢間出名燒春雞。節日關係，晚餐時段都比較多人，等咗大概5分鐘都可以入座。半隻好大隻，可配飯、意粉或沙律，燒春雞皮好脆，熱辣辣，肉多，但雞比較肥，拆開後都要搣走啲肥膏肥肉，一人份量非常足夠，有膠手套提供，咁唔怕整污糟對手。

嚟到灣仔一定要試下薔紅嘅燒春雞！食晏時間嚟到呢度一定會見到好多人排曬喺門口等入座，唔好俾等入座嘅人龍嚇親，因為絕對值得等。$88半隻燒春雞配埋飯/意粉/沙律/薯條。半隻燒春雞原件上，餐廳會俾埋膠手套你用手享用最原始嘅風味。唔駛覺得咁樣食嘢無儀態，因為在場嘅無論男女、男領白領、工人OL都係咁食，個個都食得津津有味。雞皮烤到勁香脆、充滿油份嘅脂肪下卻係熱辣辣、仲出緊煙嘅嫩滑雞肉，啱啱上枱嘅時候會熱到焫手。用手撕開隻雞大大啖咁食超好feel，跟埋碟華鹽及泰式醬，令到d雞再提升左一個層次！半隻雞聽落好似好多咁，實際上係啱啱好，唔會太飽。 （10/10）今次加左十幾蚊跟杯麥精紅豆冰。（9/10）紅豆冰嘅紅豆煲到勁淋，而且份量好多，勁好食。除左跟麥精之外仲可以揀維他奶，但我覺得都係椰汁紅豆冰最好飲。$88唔跟嘢飲食個晏，喺灣仔區唔算平，但呢半隻雞就絕對值呢個價錢。可以encore再encore😋

《本次為自費用餐食評》灣仔名物薔紅燒春雞！1999年開業至今已經有二十五年歷史，老字號港式茶餐廳，供應各式各樣茶記美食。說到薔紅必試肯定是招牌脆皮燒春雞，原件半隻雞上，可選擇配飯、意粉、薯仔沙律，或炸薯條。燒春雞上菜時熱辣辣，皮脆肉嫩，但雞肉沒有任何調味，需要沾上附上的胡椒鹽及泰式甜辣醬一同食用。整體來說，食物不錯，但更多的是食情懷～-🔘 脆皮燒春雞 | hkd$88-🍽️ 食物 | Food: 3.8/5🌅 環境 | Environment: 3.5/5💆🏻‍♂️ 服務 | Service: 3.5/5💰 價錢 | Price: 3.5/5📝 總結 | CP Value: 3.5/5-A foodie documentation of dining experience in restaurants based in Hong Kong 🇭🇰.

灣仔薔紅出名燒春雞有好多人都知道，有時我會睇網上睇吓啲飲食介紹，飲食KOL推介薔紅同，燒春雞好食之餘，話黑椒牛柳絲炒意粉有有驚喜＇今日食下午茶就上去試一試啦😌上去坐低梗係嗌咗黑椒牛柳絲炒意粉先，望望餐牌熱飲加$8凍飲加$10特飲加$18，見佢特飲有維他奶紅豆冰同麥精紅豆冰就嗌咗麥精紅豆冰試一試大概5分鐘黑椒炒牛柳絲意粉就已經係我面前，啲牛柳醃得啱啱好有牛味，再試意粉炒得乾身，有鑊氣，條條軟硬適中，食到尾碟底冇油又好乾身。食完嘢就飲麥精紅豆冰，甜度適中，紅豆煲得好腍，份量都有一半，唔錯唔錯，你想同除咗食燒春雞之外又多一個選擇

🍴 脆皮燒春雞特登嚟食好出名嘅燒春雞雞皮無咩脂肪 又脆又薄 裡面嘅肉keep到嫩 但無咩肉汁佢有配味椒鹽同泰式酸辣醬個人覺得要放少少味椒鹽先夠味 雞肉裡面無咩味而個日搭配嘅薯條品質相當差 凍又唔脆 無薯條味 (聽其他人講佢之前食過唔係咁 可能係個日先咁？)🍴美式鐵板雜扒見幾檯客都有嗌扒餐 唸著試下除咗意粉食得下個扒簡直係垃圾 伏伏伏伏伏啲肉韌到呢….

返咗咁耐工都係第一次食12:40左右嚟到 都幾多人等緊位 最後等咗20分鐘先有位脆皮燒春雞 $88個個都係嗌依個咁我哋都嗌咗一人一隻+薯條 同一份西多士share用手食 係特別好食的個皮都真係幾脆 都燒得幾香不過肉質無話好嫩 都無ho juicy嘅感覺🤔跟淮鹽同泰式辣醬 正常嘅味道啦 配雞又無話好食咗 同埋隻雞本身都有調味overall中規中矩咁 又好似未去到吹捧一口西多士 $40每舊都頗大件 完全唔係一口size😂炸到脆卜卜 加花生醬牛油煉奶 是幸福🦦

之前叫過一次外賣，啲雞係ok嘅但今日再嗌呢，就出晒事喇：搵啲下欄部位拼湊成一盒，骨位又多肥膏又厚，雞翼啲毛長長幾條都唔清，咁嘅質素話自己專賣雞？ 定覺得外賣客唔係客所以先畀啲咁肉酸嘅雞我？！大陸是但搵間食雞嘅都好過呢間！

去開灣仔做嘢唔知食乜好即時問朋友朋友推介呢間食茶餐廳，但係竟然係食燒雞嘅咁我就膽粗粗去試吓晚飯時間都要稍等位一陣見到場內有好多遊客以為中伏啊咁但係難得嚟到就照坐低試食吓我當然叫最出名嘅燒春雞套餐配意粉我想話個份量都幾大呀一個女仔其實未必食得晒，其實個燒春雞都真係幾好食，啲雞都幾滑，意粉就係一般我哋食嘅茶記意粉偏甜，但都可以接受。算係嚟到此一遊😆見其他人都有嗌炒粉麵份量都係偏大嘅，可能價錢佢比一般茶記貴，所以俾返足料啲。

好耐之前已經聽過老公話要食灣仔薔紅，但我其實唔係好鍾意食茶記，所以一路都冇去過。今次約左朋友食飯，佢竟然決定去薔紅，好就去試下。一入門口竟然要等位，真係有d難以置信，不過好快就有位，安排左門口附近位比我，竟然仲要對住我偶像慧嫻張poster食，即刻加左分先。我地叫左燒春雞，呢到基本上每枱都一定會食，上菜勁快，金黃色嘅皮，一撕開勁多肉汁，而且口感外脆內嫩，非常好食。薑汁芥蘭，本來想叫黎中和下雞嘅油膩，點知芥蘭非常多油。終於明白點解間舖咁多人等位，咁抵食又咁好食，已經夠啦！

今日3點去買咗兩個外賣餐加一份脆皮燒春雞，A餐磨菇汁吉列魚柳鷄串，變咗洋蔥汁吉列魚柳鷄塊，B餐茄汁梅扒配牛脷飯，變咗茄汁柴皮豬扒飯好失望，冇磨菇汁冇牛脷都應該講俾客知才落單，外賣客唔通要打開飯盒嚟check咩。燒春鷄就尚可，皮脆嘅，但味道就一般，好似冇落醃料。唉，因為睇到電視介紹，山長水遠由九龍搭巴士去灣仔試吓，點知都係假嘅評語，唔信喇

行完美食博覽，夜麻麻要係灣仔搵食醒起薔紅有燒雞， 諗住咁夜應該無乜人啦點知9點幾去到都仲要排隊， 不過都好快等左大概10分鐘就有位必食脆皮燒春雞，可跟薯條 or 薯仔沙律 or 白飯 or 茄汁意粉， 意粉之前食過， 正常茶餐廳意粉今次揀左薯條❤️❤️燒雞一如以往高質， 好嫩滑 好juicy Yummy 雞胸部份都唔算好嚡 可以接受另外叫左個晚餐set 紫菜湯浸雜菜， 跟一個白飯湯底比較重味 ,偏咸避風塘豬手， 非常惹味炸得勁香口，豬手係有骨 不過都好淋身但偏辣，唔食得辣真係未必食到 題外：我兩次食d staff 叔叔都好好成日都話裝大d 碗飯俾我😂😂😂

去到排隊唔緊要。門口個呀姨話等陣等陣，執枱執左20分鐘環境一般，食物又一般般。咖哩牛腩不知所謂、無一舊食得落口🤮👎🏻👎🏻👎🏻👎🏻。燒雞賣相唔吸引，員工態度差又撞聾。第一次亦都無下次..伏伏伏