莆田 (荷里活廣場)

营业中

休息中

唔係返屋企食飯既我, 每個月都會搵1-2日同媽咪同街食飯..媽咪咁岩唔太舒服.. 咁我今次就同佢食清d.之前路經荷李活, 見到莆田出左一個紫紙為主既餐今日係個好機會黎一試莆田雖然係黎自新加坡但其實係福建菜黎仲係2016年既米蓮推介tim8點幾去到.. 場內都好熱鬧而咁岩現在係頭水紫菜節所以我都選擇左好多頭水紫菜既菜式而大家應該好好奇...咩係頭水紫菜其實就係每年首次採割既紫菜呢d紫菜量少而營養價值高所以 及譽為紫菜中既黃金紫菜羹感覺好同飲緊紫菜般..但加入左蠔仔.. 令到個湯多左個鮮味另外..附上醋... 如客人覺得蠔仔有''腥"味.. 可以加點醋落去又有另一番風味蝦苗半頭水紫菜 配上小蝦米以及香醋爽口開胃係一道好清新既前菜一品紫菜煎將紫菜加雞蛋煎非常香口.. 撈飯食既好配搭冰鎮苦瓜苦瓜切得好薄,再冰鎮, 令到苦瓜質感更爽口由苦瓜微苦另外附上一碟蜜糖將苦瓜沾蜜糖一齊食..可以遮去苦瓜既苦味..變得清甜另外, 下午亦有D好抵食既套餐賣面吸引!!下次可能再帶媽咪黎試下

口感 9.5/10小腸嘅口感真係一銀流😱彈牙得黎唔會韌，非常有口感！彈到可以用黎打乒乓波😍食到個個停唔到味道 8.5/10成碟野冇乜花巧嘅調味，但就因為咁，保留住腸嘅香味係入面！每一啖都好似食緊小腸嘅精華而且係癖走異味方面亦落左唔少功夫，所以完全冇餲味或內臟嘅異味！抵食 7/10啲份量真係少得可憐隻碟就大到Hihi，但係啲腸就得十舊到一人幾舊冇晒！想食多舊都唔得😭仲要咁岩之前👅食過啲十蚊串嘅豬大腸搞到相比之下真係好貴！不過真係幾好食，所以值嘅☺️口感 9.5/10外面層炸皮非常薄，但係仍然好內層嘅肉亦非常嫩非常鬆軟！傳說中外脆內軟就係咦啲☺️可能平時食嘅咕嚕肉都係cheap雞野，所以佢算係👅食過最好食嘅咕嚕肉😋味道 9/10醬汁除左係咕嚕肉嘅酸甜味外，仲會滲出淡淡嘅荔枝香味😍同肉嘅味道同酸甜味非常配外層嘅脆皮亦成功鎖住內層嘅肉汁而且唔會比酸甜醬搶晒所有味！完成度真係幾高😋抵食 6.5/10雖然真係幾好食，不過價錢真係...加上又係份量唔係好多，所以要抱住一個重質不重量貴精不貴多嘅心態去食😅

同朋友黎開飯，4大2小，叫了豆腐肉碎，炸豬手，芋餅鴨，煎蠔餅及米線。 比較出色的是豬手及蠔餅。豬手炸到好脆口，蠔餅炸到乾身，一點都唔油。芋餅鴨食1件已好濟。整體ok, 環境坐得都舒服。

以地名“莆田”作為餐廳名稱  及  門口“新加坡米芝蓮1星”  令人感覺好吸引實際 好伏＃炒米粉 。。。。。。早知就揀黃花魚燜飯。。炒米粉。。不知所謂。。又乾身又傑。。福建炒米粉不會用呢種米粉（係粗d，滑d架）。。。味道又好清淡。。。最後完全係靠狂加辣醬先食得落碟米粉。。。成晚覺得最最最最好味嘅就係呢個辣醬。。。。。。＃扁肉湯 1例＝3碗＋ 好肚餓 於是乎 大大啖飲左一啖湯先，結果。。好鹹，偏酸。扁肉雖然同系福建食到嘅唔同，但口感還算OK。＃椒鹽豬手 炸得好香，但係都好油。口感外脆內軟 ，但調味好唔夠，可以更加出色。＃xxx筍  同五花腩一齊炆，入味，不過不失被炒米粉嚇親，總之係一間絕對唔會再嚟嘅餐廳。

依晚兩個人食飯，兩個都吾系好餓，所以叫左吾系好多野食。個人認為菜式走精緻路線，包括埋份量都系 好彩我地吾系肚餓，如果吾系應該要叫多兩個餸先夠我地食！前菜揀左依個蝦苗拌頭水紫菜，蝦苗細粒到吾系好覺眼。。不過紫菜好開胃，愈食愈想食，正莆田荔枝肉，系我諗多左，以為系用荔枝肉加埋落去炒返，點知粒一千零一粒 除左多粒荔枝，成個餸同出面酒樓無咩分別，甘既價錢吾系幾抵！黃花魚燘飯，飯粒系油身既，所以好香味，吾錯！九轉小腸，正因為佢用左九轉既整法，令到小腸好實淨有口感

閒時間中都有嚟呢度食吓飯，喜歡佢嘅餸菜精緻較少油。晚市時間唔使點等，即入座，侍應姐姐俾咗壼菊花茶，感覺好清新，而且菊花都好香。見佢地推介緊黃花魚，於是就點咗黃花魚燜飯(細)。黃花魚件鋪在飯上，魚肉好實，好鮮味，而飯亦滲入了魚香，加上蔥花，味道幾好。   食飯又點可以冇菜呢，於是點咗金湯莧菜苗(細)，菜苗加入上湯、皮蛋、蒜頭一齊煮，將平凡嘅菜苗煮得好鮮甜；而且皮蛋亦唔會碎濕濕咁，可以皮蛋黃and皮蛋皮一齊食，好正啊!   聽到鄰枱個個都點豬手，咁我又跟風點咗。豬手椒鹽炸到非常香脆，但是勁多油呀！！！鍾意香口嘢嘅人一定非常like，只是唔係好啱我啫。其實隻豬手好大隻，有成隻匙羹咁大，仲有呀，成隻豬手充滿骨膠原，啖啖骨膠原，而且味道都唔錯，簡直係大滿足，怪不得點這道菜係指定動作啦。不過唔知係咪有味精呢，返屋企好口渴，飲咗好多好多水都仍然好口渴呀!

莆田是一間來自新加坡的福建菜餐廳, 獲獎無數, 除了食物質素高之外, 服務亦很好, 亦會重視每一項細節, 例如會供應薑茶予排隊候座的客人, 店員亦會主動添水加菜, 態度有禮誠懇. 享譽全城,自有道理.奉上前菜及菊花茶, 菊花茶味濃而沁心.綜合蔬果汁 ($29)由鳳梨, 綜合蔬菜, 話梅調製而成, 鳳梨和話梅味突出, 味道酸甜, 容易入口之餘, 又可以吸收來自綠色蔬菜的營養.蝦苗拌頭水紫菜 ($52/ 例)紫菜每年可以採收多達12次, 頭水紫菜是指每年第一次採收的紫菜, 營養價值特別高, 而味道亦特別好.紫菜口感爽脆, 不會有黏口的感覺.加入香醋, 令味道酸酸甜甜, 令人有醒胃之感. 另加入蝦苗, 令味道鮮上加鮮.莆田燜豆腐 ($89/ 例)採用福建當地上等食材- “九月珠”黃豆, 以人手磨成豆漿, 再以傳統鹽滷點製而成用冬菇, 紅蘿蔔, 蝦仁等配料, 煮成鮮味的湯汁. 配以吸汁力強的豆腐同吃, 寧舍匹配. 豆腐豆味濃郁, 但味道帶點焦焦的, 個人不太喜歡.酥炒芋芯 ($88/ 例)有點像甜品的菜餚, 鹹中帶甜, 味道甚有驚喜. 採用當造的檳榔芋, 而且特別選取中心部份, 口感特別軟糯,

今晚book咗枱同屋企人食飯，因為中秋佳節關係，我地都一早知道8點15分要交枱，但一名部長名叫Emily，無笑容，黑口黑面，我地已經一早通知佢地可以上蛋糕，但係遲遲都無人理，之後問佢地，佢地就話攞緊，轉個頭有人要我地埋單，但講緊個蛋糕都未嚟，我地都照埋單先，因為我地都唔想影響之後嘅客人，但前前後後講緊已經20分鐘啦，個蛋糕終於嚟啦，但呢位部長Emily已經黑口黑面，重話我地左住佢，又唔早啲叫佢地安排，又話自己俾門口嘅客人鬧，重要切到我地個生日蛋糕爛晒咁，真係忍唔住要爆啦，服務性行業有呢啲咁嘅服務員，真係死得，一啲禮貌都無，重話做部長喎，super bad service👎🏻👎🏻👎🏻

睇完屍殺烈車 驚魂未定 哈哈。諗住去飲茶 全部勁多人。呢間唔洗排隊 所以先揀。冇咩期望。唔想諗食咩 叫個二人餐最好。$8茶位 菊花 幾清香。頭盤*凍苦瓜 堅係好甘苦～但我都食到苦既 所以覺得OK. 最好係夠凍 亦都夠凍。配埋蜂蜜食 新嘗試。蝦米紫菜 ～ 紫菜幾軟熟 幾香口 不過咸左少少。另外一款其實我食完都冇咩概念係乜 啫喱口感配好像沙茶醬既汁 普普通通 醬汁偏咸左少少。椒鹽豬手 ～ 炸得幾香口喎。唔乾 而且外脆內軟 又夠入味。👍🏻自家豆腐 ～ 呢個好味喎。豆腐香而且滑。藥膳醉蝦 ～ 麻麻地。只有酒味 唔好飲。但隻蝦幾新鮮。炒米粉 ～ 讚！米粉好幼但有咬口 炒得好乾身 好足料 有蛋 芹菜 小棠菜 旺菜 肉片 蝦 花生 炸蒜。配埋佢地自家製酸酸辣辣醬 真是yummy!

入去坐低, 開壺茶＄29（冇諗過要＄），菜蒲＄8, 門口set lunch＄65, 寫免茶免加一，再叫一碗豬手麵＄58,埋單加一，飲品又話無限添飲, 結果冇人理，冇下次，騙人！！

第一次黎食，因係係福建食過，一見到有土荀凍所以即刻叫黎試下，個醬汁好好味好有當地風味，但d蟲仔有好多黑色野 唔夠乾淨咁 ,但味道都唔錯啊 個麵幾好味 可值得一試個曼頭包住d肉食 男友就好中意 但我覺得肥膩左少少：) 我地仲叫左個鹽焗聖子 好細隻

莆田剛開張，不少電視的飲食節目，常介紹此店食品。故此，我一直都想試。今天跟Honey到來。侍應推介多款茶類，Honey選了菊花茶。菊花香濃，味甘，真材實質！飲到尾，更有甘澀。兩款點心：白糖糕和牡蠣春卷白糖糕和黃糖糕都無什味道，非常微甜。不知用什麼｢送口｣，有點｢寡口｣。是前菜？還是甜品？牡蠣春卷則不錯，即炸，不算油膩。但，找不到牡蠣的｢縱影｣。Honey點醬爆肉絲麵線。麵線是福建的主食，我在不少福建朋友家裡都吃過。但，當麵線上桌……湯是溫溫呑呑的！湯面一陣泡……彷彿未煮滾似的。而且，味道太淡！我選福建炒飯。這個炒飯就很好。炒得夠乾身，不油膩，米飯粒粉分明。材料也足，有蝦、蜆、鷄肉。炒很香口，夠鑊氣。冬瓜薏米水尚好，薏米夠稔。但，薏米水太淡。同樣有｢寡口｣之感。整體而言，食物有好也有可改善之處 。未算令人滿意。

環境吾錯，D位舒服，服務都好莆田扁肉湯味道微酸，開胃吾滯鐵板鹽焗蟶子👍🏼一上台別心急即食，要放十分鐘D蟶子至吸到鹽味，食落更鮮味椒鹽豬手👍🏼豬手先煮到夠軟滑再炸，外層好脆吾乾身，味道都好興化炒米粉👍🏼吾油吾乾身，米粉好幼，味道幾好😊加埋秘製醬汁開胃，米粉再彈牙D就100分莆田鍋邊糊👍🏼好中意佢個湯底夠鮮味，好多配料😋酥炒芋芯👍🏼推介外層微甜煙韌，內層鬆軟，芋頭香味濃😍九轉小腸睇食評落單，味道末如食評咁正，可能㕑房食品品質吾夠穩定🙁有D失望黃金紫薯泥😞被賣相呃咗，只有淡淡祡薯味，入口吾滑之餘，個黃金汁食吾到咩味，伏👎🏻伏👎🏻伏

< 黃金紫薯泥 $28 >每次食莆田都要食呢味紫薯甜品，我幾鍾意食薯仔蕃薯呢類野！專鍾意食埋啲肥野！呢個甜品無可置疑就係成舊都係紫薯，唔太甜，而果啲黃金就係南瓜汁，食落覺得好清新，甜而不膩！

嚟到荷里活廣場，呻無乜特別餐廳呻悶嘅同時，比門口嘅蟶子吸引到，無心插柳地黎咗呢間莆田。福建菜，唔知係咪正宗，但味道同食物對我嚟係特別嘅。吸引我地入去嘅鹽焗蟶子，果然不負眾望，好鮮甜，最鍾意食到少少鹽嘅咸味。 不過可能係seasonal 菜，下次未必有。椒鹽豬手係我平時少食嘅菜，怕佢太肥同油膩。呢度炸得唔錯，不過對我黎講食半件都滯。其他嘅都好令人回味，例如湯浸莧菜嘅咸蛋湯，炸冰凍榴連嘅榴連香同興化米粉。Btw 佢啲餐具同menu 都好靚。