莆田 (荷里活廣場)

莆田一直系我心目中「有质素但唔浮夸」嘅中菜代表。最近去咗钻石山分店，食完真系有啲感动，唔系夸张——系𠮶种「你唔讲，我都唔知原来福建菜可以咁有层次」嘅感动。🥢【山泉水煮活鳗鱼】呢道菜一上枱我已经闻到阵阵清香，鳗鱼系即㓥即煮，肉质滑得嚟唔腥，山泉水煮法真系有啲神奇，唔加多余调味，反而带出鳗鱼本身嘅鲜甜。食落口系暖暖地，好似喺山林间饮紧一碗静静地煮嘅汤。🌊【虾苗头水紫菜】呢个系我意料之外嘅惊喜。紫菜唔系平时𠮶啲干干地嘅货色，系头水紫菜，入口嫩滑得嚟有海味，虾苗加落去就好似海洋嘅精华浓缩咗一碗咁。清清地但好有层次，唔系普通汤可以比。🐟【软煎大黄鱼】大黄鱼煎得啱啱好，皮脆肉嫩，冇过火。最正系佢冇落太多酱汁，保留咗鱼本身嘅鲜味。食落去有种「妈妈煮畀你」嘅温柔感，唔系餐厅式嘅华丽，而系家常嘅真诚。🍠【酥炒芋芯】芋芯炒得酥香但唔油腻，入口有啲似炸芋头丝，但又唔系咁重口味。系一种好有技巧嘅火候控制，炒到外酥内嫩，仲保留咗芋芯嘅香甜。呢道菜真系好考功夫，莆田做得好靓。🍜【兴化炒米粉】压轴一定要讲呢个。炒米粉睇落平平无奇，但一入口就知唔简单。米粉唔会断，炒得干爽但唔干柴，仲有好多料——虾仁、瘦肉、蛋丝，全部炒得好均匀。系𠮶种你食完一碗会想再叫多碗嘅感觉。莆田钻石山分店，环境唔算豪华，但干净舒服，服务又有礼貌。最重要系，佢哋真系用心煮每一道菜，冇花巧，冇浮夸，系用味道讲故事。如果你钟意食得有层次、有情感嘅中菜，莆田真系值得一试。…查看更多

餐牌以闽南菜为主轴，不时推出期间限定菜式今期系鳗鱼主题，蒸、煮、炸、焗样样齐，好有新鲜感🎈山泉水煮活鳗鱼以清水煮鳗鱼，令鳗鱼原有鲜味完全发挥呢个煮法仲食到鳗鱼肉嘅滑嫩，相当有惊喜点啲豉油同姜蓉酱，味道更有层次🎈闽南五香卷福建家常小食，里面有猪肉馅同马蹄粒外层香脆唔油腻，，啖啖都食到丰富内馅五香味好够浓，单食都好够味，点啲蒜蓉辣酱更加惹味🎈 酒香竹筒虾竹筒装住，卖相好特别汤底加有当归，味道特别香浓虾肉结实有弹性又够入味🎈大白菜炖软豆腐汤底鲜甜材料足，以砂窝上枱保持温度除咗大白菜同嫩滑软嫩豆腐加上咸肉、蛏子、干贝、虾米等海鲜，越食越有惊喜…查看更多

今晚黎到钻石山荷里活广场「莆田」晚餐，呢度食正宗福建菜，几啱香港人口味。话说荷里活呢度泊车优惠几多，好容易就有几个钟免费泊车，呢间莆田系主打福建菜嘅餐馆。气氛轻松、座位阔落几舒服，员工都有好亲切嘅笑容，未开始食已经心情放松哂。一嚟两杯特色饮品先，叫第二杯仲有半价，好抵饮！「曲氏健康果汁」颜色清亮，唔会太甜腻，有草青清香，作为开胃前奏不错不错。第2杯半价，「椰奶雪耳冰」椰子味香浓，雪耳口感滑而且有咬感，层次清甜，饮完一啖接一啖呀。话说呢期鳗鱼做推广，好几个菜式都系专为鳗鱼新设计，好钟意食鳗鱼啖啖肉，十分吸引！我点咗普宁豆酱烧鳗鱼：鳗鱼煎到微焦好香口，里面肉质鲜嫩，豆酱香浓份量控制啱啱好唔会太咸；豆香与煎香嘅鳗鱼互相衬托，福建风味尽显。香辣炒花蛤：花蛤新鲜，配中芹配特色辣酱，辣度掌握得啱啱好，花蛤鲜甜非常惹味。糖醋黄花鱼：糖醋酸酸甜甜好开胃，鱼肉炸到外脆内软，酱汁覆盖均匀，呢度菜式功夫好多，可以食得出厨师嘅心机，要控制酸甜味同鱼嘅淡淡鲜味互相配合实在不容易！鲜元贝烩丝瓜：元贝细细粒但鲜味十足，丝瓜清甜爽口，比我㨂多次要叫大份先得。福建海鲜面：面条软熟，汤底够浓有海味但不会太咸，搭配几种海鲜，有特色，好味！整体感觉港式口味与福建特色混合，风味层次齐全，海鲜够新鲜，酱香到位有特色，侍应服务态度亲切，价格亲民。想试福建菜烹调各种海鲜鲜味，呢间莆田绝对值得一试。特别推荐普宁豆酱烧鳗鱼同糖醋黄花鱼最有这家店铺嘅风味。…查看更多

喜欢吃鳗鱼的我每次都会留意莆田几时出鳗鱼，终于有得食当然叫朋友一齐去食啦，价钱合理之余份量仲要唔少黑金蒜烧鳗鱼，黑蒜味劲浓又香，入面有不少鳗鱼十分厚身好新鲜弹牙，酱汁配上白饭十分适合，配菜不少淮山和长葱都入晒味小炒黄牛肉，第一次在这里吃，份量都几大份而且好香口，牛肉不太大旧所以劲入味，微微辣香送饭一流辣汁花蛤，这间的海鲜不嬲不错，今次当然都十分新鲜，辣度小辣都可以够惹味，份量正常芥兰豆皮差不多每次都会叫，因为价钱不贵又健康，豆皮豆味都几浓燕皮扁肉汤，紫菜不少，汤式味道不错，有点似细版的鱼皮饺…查看更多

今次去咗莆田餐厅试新嘢，佢哋系主打嚟自新加坡嘅福建菜，用当季最新鲜嘅海鲜做食材，呢一期嘅主题就系鳗鱼！普宁豆酱焗活鳗鳗鱼好肥美，肉质嫩滑无腥味，普宁豆酱嘅咸香味渗透到鱼肉入面，焗得刚刚好，唔会过咸但又有层次感，不过食𠮶阵要小心有骨莆田荔枝肉呢个系福建菜经典！外层炸得金黄酥脆，入面嘅猪肉爽口，配埋酸甜嘅酱汁同荔枝肉，一啖落去真系好正芋香鸭外表炸到劲酥脆，芋头蓉非常绵密，加上丝丝鸭肉，咸咸甜甜，完全系一个好好嘅配搭福建特色牡蛎煎蚝仔新鲜饱满，煎得外脆内嫩，蛋浆包裹住每只蚝，食落去好有咬口，真系好惹味小炒黄牛肉用咗大量嘅辣椒同芹菜去炒，黄牛肉味道非常鲜味，外层微微焦香，内里又有肉汁，加上辣辣地，送饭一流餐厅真系将福建菜嘅精髓带咗嚟香港，每样菜都有佢独特嘅风味，值得一试…查看更多