莆田 (荷里活廣場)

营业中

休息中

呢日星期六無特別事做，hea到2點來到荷里活廣場遊走兼食Tea。無特定想食d嘜(咁就麻煩 有排諗食d咩)在window shopping間 行到去『莆田』 問過店員居然無下午茶食 但有此抵食2人前午餐，埋單只係$198全包 就入去試試因為想食魚 我地選左A餐 蝦苗拌頭水紫菜 當作冷盤上 食落紫菜無沙仲好幼滑 用上酸酸哋既醬汁撈起 令人好開胃 大白菜燉軟豆腐 用小瓦煲上菜 内裡就是白菜豆腐湯 豆腐索晒d湯汁 又夠熱好好味 剁椒蒸黃花魚 好耐無食黃花魚 好滑好正 不過好多小骨 要小心食 興化炒米粉 米粉極幼炒得乾身唔油並用上好多配料去炒 層次好豐富總括黎講 #兩個人系食唔晒#真系好抵食#唔系揸流灘#可以反兜

Happy Dinner for my wife after body check, so I choose Hollywood plaza to dinner.The reason is they have 3 hours free car parking without any shopping .When we walk though the plaza, we find that one of restaurant which is Michelin one star. The food is delicious and valuable.

久不久就會想去食炸野而莆田既蝦棗就馬上在我腦海閃過莆田既蝦棗係外脆內軟的脆槳包住了蝦肉豬肉皮旦及小許蔥味道豐富再點埋個甜甜的汁 真的叫人越食越想食的。今天見到餐廳電視上不斷介紹佢地既蟶子見佢只是9x元當然試一試啦。 蟶子蒸到剛好非常鮮甜再加上蒜碎如果加個米粉或白飯就真係一流。但因為要留肚食埋個煎交魚,所以沒有點到任何飯麵。交魚買相好像有點煎過火甘但食落去仍然是有魚肉汁的。如果可以比我加小小檸汁會更好但無也不影響甚麼。非常滿意的一餐,埋單只係2xx元十分抵食。

有陣時一個人食晚餐， 選擇的確比較少， 有好幾次經過莆田， 覺得餐牌嘅選擇比較適合二人以上 所以冇入去， 最終係荷里活廣場食到冇乜好食就嚟試下啦 😅餐牌上嘅菜式並唔係平時順口都噏得出的名字， 最後都係從十大精選果版選出: 莆田扁肉湯(加醋) & 蝦苗拌頭水紫菜. 扁肉湯內有很多細細隻餃子， 樣子很可愛， 個皮好滑溜， 雖然餡比較少 但是 亦食得出肉嘅鮮味， 湯底加了醋， 第一碗飲嘅時候覺得 幾好飲，酸度可以接受， 由於自己一個人飲曬 之後就覺得 真係好酸 😂😂😂紫菜都係酸嘅， 但比起個湯， 呢個係令人開胃嘅酸味， 紫菜鮮甜， 蝦苗加了一點口感。😋😋😋ps 蒲田正在做迷你蟶子的推廣, 以前在街市見到好多迷你蟶子都係鋪滿泥的， 所以唔夠膽食。但是餐廳的電視正播放迷你蟶子的成長過程， 好似好天然好乾淨咁， 隔離枱又點了一碟烤蟶子， 香氣四溢真係好想食， 下次有機會會嚟試下 😆😆😆飢point : 7/10#hungermarch #非飢詩 #飢詩

在FB見到有推介，我爸媽係地道福建人，我同老公先去試下，再决定帶吾帶佢地去食。首先有碟花生前菜，無咩特別主菜有土筍凍味道好好，只要你吾知入面係咩材料，你應該會試，但$38文一個，我覺得好貴今次要特別介紹聖子，我吾知佢本土叫咩，我們選左用盐焗，超鲜甜，肉質又嫩又多汁，好味，但好似係季節性既，要留意仲有小腸必試，好爽口食落去又無渣，好乾淨，但我爸爸未必喜歡，因對爸爸來說，太乾淨無晒原有既味ok既里餐反

一家人食晚飯，叫左呢間招牌菜，有麥片蝦，好脆好好食，我第一次食，令我印象深刻。仲有脆豬手，您無諗過會係咁，外脆，入面軟淋淋，好過癮，吾肥的感覺。個飯都ok,個聖子都幾特別，鹽底上，味道ok!

今日黑雨，被困鑽石山荷李活廣場！我真係好相信「開飯啦」網址係收廣告費的！😂😂😂一間排頭位的米芝連一星餐廳叫莆田，位置在荷李活廣場，是食福建菜的，居然一入嚟擺咗碟菜莆係度，我問收唔收錢的？佢話收，咁我問果壹茶呢，都收，茶位9蚊！好有強國作風哦！😓😓😓跟住我點了全餐廳最平的套餐$68嚟食。第一樣嚟的米線，淋bear bear的，肉絲居然配洋葱炒，真係中西合璧！估唔到福建菜都用洋葱。😂😂😂

其實我很少到訪荷里活廣場，今天與友人到這裡看電影，看戲前決定先吃個午飯。我們在商場裡四處逛逛，看見這間福建菜餐廳的午市套餐也不錯，環境新穎，便入去試試。原來莆田在香港已有數間分店，我卻從來沒見過。午市套餐$68位，餐牌寫明如想轉下列的食物可加$10。侍應向我們解釋$68是包括全部食物，無需加$10，我們半信半疑下也相信了侍應的話點了 "無需加錢" 的食物。食物質素也不錯，結帳時卻收多了我們每項$10。。。十分無奈。海蠣春卷和酥香黃金磚三寶湯麵福建炒飯冬瓜薏米水(無限添飲)

一家八口, 來了莆田試下新口味, 初頭以為是新派的中菜, 原來是新加坡閩南菜, 雖然都唔係好知即係咩菜式...😅我們點了紫菜(好開胃), 海哲頭(爽口), 魚湯(超鮮甜), 紅糟鷄(味道一般), 炸芋頭(好好味, 好似潮州菜果d反沙芋), 豬手(招牌菜, 超香口), 黃花魚(肉質好滑), 麥片蝦(d麥片口香口, 甜甜地, 好好味), 仲有花雕蒸蟶子(蟶子好厚肉, 仲有好香嘅花雕味); 至於環境, 坐得都算舒服, 服務亦恰到好處, 價錢也很合理, 是一家人中菜以外的選擇!

4月初的一個星期五7:30pm我訂了鑽石山的莆田,我們四位早了點到，但竟然冇位還讓walk in 客先入,最後我們要8:10pm才有位，也算了，沒有寫食評！今天晚上，我早了兩個星期訂五人位，慶祝母親節，說明了有老人家，可否安排較靜的位置，訂了7:30pm, 今次早了5分鐘，門口的waitress 已猶疑地問，你訂7:30喎，我驚訝地說係呀，so?她才不情願地俾我地入，點知竟然係廚房門口的四人卡位，要爬高的，普通年青人坐都有困難，我話可否轉附近的圓枱，而且卡位怎可迫五個大人？那個經理堅持不可說那些四人圓枱全部要坐六人的，五人一定要坐卡位，無辦法咪唯有就範啦！在1小時的晚餐期間，卡位全部只坐4人，那兩三張圓枱全部只坐5人5人中仲係有小朋友！只有我地張卡位要迫住5個大人，仲要被卡位一巨型枱燈阻住，食得很痛苦，餸菜也放不下，我老公半個身坐咗出去！本來很喜歡去莆田，每次有人問或有親朋從外地來也帶他們去試，但他們的服務態度真的很爛，不是惡形惡相，但明明可以安排好點，但就是知你要好啲，佢偏唔俾你。我走的時候同那經理講，「你話要坐6人？全部都得5人，有一張仲得4人」佢竟然仲話係6人，我話「你咁都得」！

蠣餅嘅蠣10隻手指數得晒，size細過手指尾，個碟有1.5個手掌咁大，只係得大量蔥和面粉，仲特別比多d油補返d蠣，真細心，$119食碟蔥油餅九轉小腸就好d啦，有手指公咁大粒，仲要凍凍地，所以上枱時好細心咁加左個小爉燭整返暖佢，但半個手指尾嘅火量要整熱個幾粒細少嘅腸真係需求d時間，我覺得即刻食左佢可能會比等佢熱仲暖，$79/12粒，好波包菜飯的包菜都有5塊嘅~只不過冇其他配料咁解，有豉油味，好。莆田滷面，即係極大陣油煙味嘅一pa結他他嘅面糊，照舊菜同肉絲都仲有幾條唯一食得嘅就係芋香鴨啦陰公，我覺成餐淨係得依樣係值得比錢食。唔講整體啦，菜唔好食其他野做得幾好都係假

這餐不是在我預期這麼好食，我覺得最好食的是：精美四小拼、香拌海蟄頭、上湯時蔬、竹笙海參羮、興化米粉及百秒黃花魚。精美四小拼最欣賞是九轉小腸，一層層很有心機，又沒有肥膏，可以放心食；香拌海蟄頭完全比我在其他食肆食更入味，由外到內都醃得時間足夠；上湯時蔬是金銀蛋莧菜，咸蛋黃完全溶了，每一口很有咸蛋黃香味；竹海參羹不會太多獻汁，有很多竹笙及海參，但有點不足的是胡椒花味太重；興化米粉用了很幼的米粉炒，不會覺得沒有味道，再配上食肆的醬汁，不是出面食到的炒米粉，還有是沒有油淋淋的口感；百秒黃花魚是必選的菜式，肉質鮮嫩、有甜甜地的味道、新鮮的黃花魚，不錯不錯。至於其他呢：辣汁啦啦我覺得沒有辣味，如果比我們平時食開的豉椒炒蜆，我會揀豉椒炒蜆；莆田荔枝肉其實我都唔知是什麼肉，因吃不出是什麼肉味，粉漿又太厚了；脆皮蒜香雞沒有蒜香味，與出面食的差不多；莆田滷麵及媽祖麵線，為何會一併寫，因佢地有共同嘅共通點，配料一樣，有蝦、肉絲、冬菇、小棠菜、魚湯，其實叫了三個粉都有蝦、肉絲、冬菇、小棠菜，沒有了什麼驚喜，另湯麵的麵質太淋了，沒有彈牙感，兩款湯麵的湯都食到麵的麵粉滲入湯裡，不是太好食。總括，部份的食物是唔錯的

先個排去咗試呢間係星加坡拎咗米芝蓮一星既餐廳，可能因為係星加坡拎唔係香港拎，所以價錢仲停留係到與未到一星之間既價錢。講到食物，的確好好味，好多野都乎合水準，所以亦要付出對等既價錢食。不過依家係openrice做緊印張現金劵出嚟慳100，抵好多，可以再嚟而唔係我成日講既一世人一次(對我呢啲平民嚟講)。鍾意食榴槤就一定要試下個甜品，好香，超好味。另外最值得推介，排名分清先後，大腸，魚湯，蕉鹽豬手，炒菜，榴槤甜品，飯。可能個人唔太鍾意濕濕地既飯，所以唔識欣賞，都好味不過其他野更加正。最後服務，個人覺得一般，正常但唔係去到米芝蓮一星既層次。總括嚟講，會再嚟因為真係幾好味。

諗住帶baba mama食下新野，原本book左枱，星期六去到都因為太多人要再等多20分鐘入到去，其實佢啲阿姐好好人又有禮貌，前線人員都好盡心服務，不過個位類似女經理同男經理就冇咩禮貌落單時吹我講快d,叫佢又好似唔多想彩你咁囉嗦可能星期六太多人掛，不過這裡的魚湯就真的好好味。

今日落雨，揀咗去荷里活廣場食，其實之前都去過蒲田，但兩個人好難叫野食，今日有4個人，所以再試下。唔想煩叫咗個四人餐先上個家燜竹筍，遠睇有啲似腎片，食落去好爽，食唔停口之後上蝦苗伴水紫菜，都係冷盤，有啲似沖繩料理，都幾好味再黎每人一小盅藥膳竹筒蝦，隻蝦大家都覺得好新鮮，忍唔住飲唒啲湯，但應該唔係人人受到啲藥膳味因為頭幾味好細碟，我好驚唔夠飽好彩之後上咗軟煎黃花魚，幾香口，但我鍾意上海小黃魚多啲，每人可分到2-3件莆田荔枝肉，我以為真係得幾荔枝，原來係咕嚕肉，做得唔錯仲有個滷麵，其實有啲似上海煨麵，不過不失最後上咗個芋圓花生湯提大家，呢度無普洱、水仙，大家可以叫大紅袍，都幾好飲