莆田 (荷里活廣場)

营业中

休息中

我地食過三間不同地方的莆田，所以再去食多次，今次來到鑽石山的分店，星期六晚七點幾，唔太需要等位就入得。服務員需然好忙，但都有心待客: 1) Order 白飯不會即上，餸上後會主動出飯。2) 餸太耐未上會主動追order。而且點餐時會主動介紹一下菜式。飯菜味道不錯而且份量適中，適合少食食客。我們二人點了三個餸，份量剛好，但要留意茶水需額外收費，還有前菜，所以費用會比預期高少少。不過整體來說，除了環境比較窄外，其餘都可以給滿分。

每年4月至6月 莆田都會搞蟶子節 推出多達8款不同蟶子吃法少食蟶子的兩口子 當然唔執輸 即刻黎試下啦！雖然話就話蟶子祭 不過齋食蟶子又點得呢所以除左以$198嘅價錢點左1）叄巴爆蟶肉 同 2）冰爽酒糟蟶子 都仲叫左幾款招牌福建菜試下！不過話明係蟶子節 咁就評下啲主角先啦～首先係凍食嘅冰爽酒糟蟶子 用酒浸過 仲有微量嘅陣陣酒香一口咬落去嘅時候仲會噴酒 非常好食！每隻都起碼有兩節手指咁長 而且肉質彈牙飽滿 啖啖滿足！而另一款就係熱食嘅叄巴爆蟶肉 叄巴係馬拉新加坡果邊常用嘅調味醬 加上韮黃爆炒加上起碼十幾隻蟶子 絕無欺場 四個字--惹味抵食！主角咁驚艷 配角一啲都唔失色架我地就點左前菜冰浸苦瓜($52)、家鄉燜豆腐($79) 同大大碗農家擦粉($88)先講下個冰浸苦瓜 將苦瓜刨成一片片長薄片 再蘸滿附送嘅蜜糖水(相片後方)唔會琴過苦瓜特有嘅苦澀味 但又有蜜糖嘅清甜中和一下平衡取得相當恰當 雖然兩口子都未到愛食苦瓜嘅年齡但我相信呢道菜連小朋友都會鍾意食！再黎就係兩道熱食第一道燜豆腐選用福建當地嘅鹽滷豆腐第一下聞有少少似臭豆腐味 不過一啲都唔臭 係濃郁嘅豆香下面配上粉絲 索哂水份 好入味 唔錯！

莆田又有蟶子節啦！每次有蟶子節都一定會嚟食！因為啲蟶子菜式好多時都會賣晒，所以我哋今晚早啲嚟食蟶子節餐牌~$198兩道蟶子菜真係幾抵食！蒜蓉蒸蟶子～好大碟好多蟶子～蒜蓉味好香！每一隻蟶子上面都有蒜蓉！超好食！～如果有埋粉絲就更加好啦！冰爽酒糟蟶子～蟶子肉好大隻！非常肥美～酒味香而不辣莆田扁肉湯～每次都必叫嘅推介～個紫菜湯好好飲～扁肉肥而不膩～肉味濃金銀蛋莧菜～可惜今日啲莧菜有啲老包菜飯～分量多～飯好入味～不過就冇乜餸喺入邊～係因為個紫菜炆飯賣晒我先叫呢個琵琶啫喱總括來講，我真係好鍾意食呢度啲蟶子

離譜程度，天堂級美食，食完會流兩滴眼淚，笑住感謝主個仲好味道。之前攞過米芝蓮，而家依然有米芝蓮嘅質素。佢最好食嗰個應該係扁肉湯，佢話啲皮都係用肉去做，食落去好有咬口。唔識講，總之就係好好食啦。叫咗個炒芋頭，唔係講笑，真係地獄級好食。芋頭炒到好熱，外皮有一層糖，咬落去係脆嘅。芋頭入面都係軟淋淋，唔生都唔乾，食到好enjoyable.set dinner最後有一碗芋圓，真芋圓嚟，用真芋頭整，唔係好似街邊咁得一舊麵粉。食喇，無介紹錯㗎呢個。

就黎生日，就約閨蜜食飯。閨蜜既家鄉係福建，佢又提議食莆田就去食。撞岩係蟶子節，鐘意食海解既我當然要試一試！$198兩款蟶子食法，我揀左薑蔥炒蟶子，閨蜜揀左花雕蒸蟶子。兩個試完後我都係比較鐘意食薑蔥炒，可能因為港味啲，係平時大排檔食開既薑蔥炒蟹味。不過最驚喜既都係啲蟶子既size！每隻蟶子都好似手指公咁大粒架！係香港咁耐都無食過咁大粒！啖啖肉堅好正！另外再叫左個農家拆粉同九轉小腸，拆粉第一次試，好似糊仔咁，幾好咪唔錯。總結下，野食係幾好食，蟶子有驚喜，唯獨係服務麻麻地，一開始坐左廿分鐘先有人上茶。

光顧莆田不下5/6次，剛逢蟶子當造，便點了個蟶子二食。豉椒炒不夠濃味和鑊氣，淡而無味。但是花雕酒蒸的那款卻很不錯，味道一流，酒也很入味。遺憾的大部分都有沙，大家都不太想吞入口。

莆田是福建沿海的－個小城，「莆田」餐廳雖然來自星加坡，賣的卻莆田菜，是閩菜的－個分支。雖然冠著米芝蓮一星之名，但位處荷里活廣場的「蒲田餐廳」卻是廣場中最容易有位的食肆， 通常中午約朋友去荷里活廣場吃飯而又沒有事先訂位，不管假期或平日，蒲田近乎是唯一一間不用等位的食肆。用膳之前可以自行到門口斟用一杯薑茶，暖一暖脾胃。平日午市有套餐供應，獨個兒吃飯的選擇也繁多，筆者當日和友人想吃得經濟之餘又想多點選擇，放棄了＄198的二人套餐，分別選擇了＄68和＄88的單人套餐。前菜六選三， 我們分別選擇了蝦苗拌頭水紫菜丶鹵水嫩豆腐和家常燜筍乾。頭水紫菜是指第－輪採摘的紫菜，鮮甜爽口， 十分清新 ， 是前菜首選，豆腐香滑入味、筍乾帶脆，兩者用來送飯也不錯。漁民紫菜燜飯，看以簡單的米飯，以水紫菜和蠔豉烹調，珍珠米細小飽滿，容易入味，蠔味濃郁， 滿載漁鄉風味。包菜飯，味道雖然較清淡，但因加入了鹵水腩肉條，吃來也有油香。荔枝肉，份量較少，但－人份可以接受，味道似咕嚕肉，但少了－份酸味，外脆內淋。水紫菜豆丸湯，配料十分豐富， 豬肉以白糖丶 豉油， 與其說是一個湯，不如說在吃一道窩仔菜。荷里活廣場午市消費並不便宜

星期日去到鑽石山拜山，回程去到鑽石山廣場，親友建議去食莆田，我即刻舉腳贊成。我們一行四人去到大槪十二點半，仍有很多枱，不用等便可入内。這間莆田座位較濶落，比尖沙咀及馬鞍山舒服。餐具也很精緻。門口設有黑糖薑茶，是自助模式，旁有紙杯供客人或等位人士自取。雖然免費，味道濃郁，有很香的薑味兼暖胃。餐前小食有雲耳或花生，我們選了花生，味道唔錯，脆脆地兼有花生味。我們叫了五個菜，包括金湯時蔬（$79-）丶莆田荔枝肉（$89-）丶咸香黃花魚（$79-）丶黃金荷葉包2個（$64）及莆田滷麵（$86）。金湯時蔬是用咸蛋黃加上湯和蒜子，浸熟莧菜。莧菜十分之幼嫩及新鮮，，加咗高湯，不單鮮味可口，亦很有益。👍🏻👍🏻👍🏻莆田荔枝肉味道唔錯，酸酸甜甜的很開胃，豬肉也夠稔及無骨。我只略嫌嫌肉粒不夠大及太少荔枝，得2粒，印象中馬鞍山莆田做得更好。莆田滷麵是我的至愛，這個麵的做法似上海煨麵。湯底較濃及稠，有很多海鮮，如魚丶蜆及蝦，濃濃的海鮮香味，Yummy! 這個麵亦加有很多小棠菜，一啖麵丶一啖菜加埋海鮮，美味無比。黃金荷葉包也很香口，包的表面加了芝蔴，炸得外脆內軟，夾埋洋蔥炒豬肉，可隨自己喜好而加多D肉或洋蔥，正！

冰浸苦瓜 ($48).. 😙 苦瓜冰爽, 蜜糖清甜, 沾上後剛好不苦, 不錯的前菜- 九轉小腸 ($78).. 😛 坐熱上, 鹵水汁不過鹹, 夠入味, 口感稍彈牙- 興化炒米粉 ($79).. 😋 米粉極幼, 不油不乾, 足料味道不錯, 只是有點普通[*通常炒麵d 菜都好硬, 但此米粉的菜生度剛好, 呢個細緻位已經贏左我個心 ^^]- 極品椒鹽豬手 ($38x1).. 😳 外皮脆, 做法先煮再炸, 內裡雖然夠軟身, 但可能炸得唔好有少少乾; 不入味, 太膩

兩個人想食個輕鬆的午餐，又想坐得耐D同舒服D既，莆田都是一個區內幾好的選擇。午市套餐68元每位，可以有一主食，另配3個小食，當然都係好細碟淺嚐一下的份量啦。中午十二時去到，可以坐到兩點，因為平日的午市原來真係冇咩人，我估全場都冇一半係有人的，是次點了個農家撈粉，原來仲有個湯送，不過個主食就同餐牌上既樣有D距離，上菜時都要核對一下，先知到底佢有冇上錯。撈粉第一次食，有D似上海菜既煨麵，都係D麵好碎而且比較糊狀的。所以如果喜歡吃爽口麵的人士，可能真係唔係咁O岩口味了。午餐不用加一, 並已包茶水費，所以真是68元埋單走得。

之前經過一直想入去，見到宣傳單張寫住是得獎名店，所以期望較高！但去完之後，覺得服務人員的態度一般，d野食無麥特別，味道較咸！價錢亦較貴！無什麼特別之處！！唯一好處是環境不俗

平時同屋企人去食晚飯都會揀中餐多，今次就食呢間莆田，之前食過一次，自己單點，屋企人都食得好滿意。但因為今次唔想煩，就直接叫左個6人餐，但就普通，幾個餸屋企人都話唔好食。所以下次去食都係唔好叫餐，單點好d，成個餐，最好食係個芋頭同聚寶盆。

先講地方係超級乾淨舒服坐喺度同朋友聚會傾計係一流。 以前啲嘢係好貴嘅而家做緊68蚊一個人粉麵飯揀一樣跟住揀三個前菜再送一個湯。 嗰個涼瓜皮有蜜糖汁配出奇地好味。 紫菜同 筍 都好入味。 嗰啲水晶肉 細細粒入口就溶... 佢嗰啲好特別嘅爛 飯 味道 啱啱好 而這個份量一啲都唔 小， 大大碗真係好飽。 茶係配菊花熱茶。 成個 午餐一個價錢乜嘢茶芥加一都已經包埋入面， 咁嘅地方咁嘅質素係值得推介嘅。 商場有三個小時免費泊車商場內個wi-fi喺餐廳入面都收得到。

間唔中我都會約班由細玩到大嘅buddies去搵食，今晚揀咗去莆田，其實我哋已經係第2次去，皆因大家都覺得味唔錯，所以好多時攻打完四方城就會去開餐！每年4至6月呢度都會有以蟶子做主題，因為呢段時間嘅蟶子係最肥美！(唔好意思，我近排實在太懶寫評語，所以我係2018年6月初幫襯！)而莆田賣嘅係來自福建哆頭村嘅哆頭蟶子，成個menu有8種唔同嘅煮法，我哋最初叫咗兩款，後尾唔夠食，再叫多兩款，每款都各有特式！蝦苗拌頭水紫菜蝦苗，我覺得其實係蝦皮，而蝦皮就即係蝦嘅骨骼，不但高鈣低脂而且質地柔軟，好容易咀嚼，從中可以吸收豐富鈣質，喺一般街市雜貨店都可以買到。而頭水紫菜，則係第一次長成嘅紫菜，頭一次採割，食落去係比平時d紫菜柔軟，口感係無咁粗糙！不過，因為佢加咗少少醋，所以我就麻麻地呢個味道。九轉小腸則係豬小腸，夏季最適合食嘅涼菜，佢唔似豬大腸咁有濃郁嘅內臟味道，油脂亦無豬大腸咁多，但始於都係會有d人會唔鍾意食，因為..........不過，我哋又唔多怕，話晒餐廳放得入menu，佢實會處理得好好！鍾意食嘅人就會覺得佢好好味！鐡板鹽焗蟶子鐵板上堆滿鹽，一隻隻蟶子鋪插喺鹽入面，然後焗熟！唔好以為佢咁樣鹽焗

平時都有幫襯莆田，初二個日好懶，唔想煮野食，所以就去莆田試下佢個新年套餐，叫左個4人既鴻運套餐。「鴻運發財撈起」新年流流梗係要撈起喇，撈起都係新加坡人過農曆新年嘅賀年菜式，寓意「撈到風生水起」。呢盤撈起將蘿蔔絲、糖瓜絲、香柚同煙三文魚等材料舖喺碟上等我地可以自己撈。配埋特製嘅醬汁，酸酸甜甜好開胃，但係其實唔多好食，都係食個意頭。「海參大蝦聚寶盆」湯底係胡椒豬肚湯，豬肚洗得好乾淨，但係唔夠淋身，個湯飲落好重胡椒味，正！湯料好足，有好多遼蔘、大蝦、仲有特色魚旦同豬手。遼蔘食落爽口，但係煮得唔夠入味，食唔到湯嘅味；特色魚旦就唔錯，有啲似台灣既魚旦，入面有餡，食落夠淋身，幾特別。「清蒸龍虎斑」餐廳好好咁將條龍虎斑開邊起骨蒸，方便食嘅時候可以啖啖都係肉。條魚好新鮮，蒸嘅時間掌握得好，所以魚肉夠曬滑，而且配埋爆過既香蔥，同滾油，將魚既鮮甜帶曬出黎。「脆皮蒜香雞」「媽祖平安麵」「紅豆沙芋圓」