莆田 (荷里活廣場)

营业中

休息中

一行10人（8大2細）去食lunch,本來在馬鞍山食過lunch set好抵食，今次在鑽石山店無左個set,唯有叫晚巿6人餐，開頭仲怕唔夠食，但份量比想象多，真係喜出望外！食飽飽又坐得舒服。唔係太記得餸 名，但呢度既小菜都好有特色，食材都好新鮮，前菜既蝦苗紫菜酸酸甜甜好開胃，香酥芋條有d似反沙芋，但係係咸既，小朋友好喜歡！甜品花生湯唔太甜，有一粒粒原粒花生但入口即溶，好有驚喜！特別一提係佢店外有免費薑茶提供，等位時覺得份外窩心！

The lunch set comes with prawn in a small pot, the prawn is marinated with Chinese herbs, which it is quite tasty. The Fujian deep fried shrimps ball, it is really crispy even after it has been placed quite a while. For the rice with vegetables in a pot, the presentation is quite interesting, but I think it would be much better if the rice can comes hot, rather than just warm. The plus is the rice is not that oily. For the dessert, there is a yam with peanuts soup, I like the dessert most, it is

和朋友行開荷里活商場，到晚飯時間了，行到一間叫莆田的食店，見到門口個招牌寫一星米芝連，好少餐廳有啵，咁就入去試下啦，我們只得兩人，所以試得不多，叫了四個菜，莆田的菜式原來有季節性的，呢季原來是食海濿，咁就叫了個像煎的和燘的海濿，煎的好香口，燘的好有膠質好彈牙，另外叫了一個魚湯黃花魚，好清淡，剛好洗去剛才的煎和燘的油膩感，不錯，最後叫了個像反沙芋的芋頭菜式，感覺像飯後甜品一樣，呢餐不錯，不愧叫做米之蓮餐廳呢

小編之前係大陸公幹時，已經品嚐過莆田依個來自新加坡既過江龍食完認真好回味果然配得上新加坡米芝蓮一星既美譽百秒黃花魚-可謂普田其一主打菜色，調味剛剛好，魚既鮮味也相當足夠。真的不過，但美中不足是魚的骨也相當多，所以大家如果想嗌依個菜色要小心d食啦肉鬆茄子🍆-依個菜色係莆田之中小編最喜愛既菜色，炸粉厚度適宜唔會太厚粉或薄身，配上鹹鹹甜甜既肉鬆，小編保證你一定食唔出係茄子好新奇有趣既味道芋香鴨-如果你係芋頭愛好者，依個菜色你非點不可好好食，炸左既芋頭泥配上好濕潤夠味既鴨肉，口感100分爆燈。小編以為食完會口乾，誰知1d都唔會超級大推

聖誕完咗，難得假期，就同屋企人黎莆田食午餐。平時放假都好鍾意黎莆田食野，但係今日嘅食物水準真係同平時有天淵之別，係咪原先廚房啲班底放曬假，臨時搵左個人黎頂？😪其實個味道唔算太差，只不過係平時水準高，先形成強烈對比。我哋今日選擇咗二人套餐，$198包曬前菜，菊花茶同加一。首先黎既係涼拌水紫菜，個人覺得係必食菜餚，酸酸地，好開胃。不過今日嘅水紫菜實在太酸，酸到有點膩。平時嘅扁肉湯都係帶點微酸，熱辣辣，好好飲。而今日湯底淡如水，但扁肉依舊係香口既。百秒黃花魚，亦都係必食嘅菜式之一。平日嘅黃花魚軟滑，魚香滿溢。而今日魚肉煮得太熟，上湯份量太少兼薑味過重。洋燒排只有單一嘅酸味，老實講真係非常一般。興化炒米粉，配上辣媽醬係ok既，呢個醬汁類似蘸生蝦既泰式酸辣醬，入口先係酸味，慢慢有辣既後勁，個種辣係歷久不散，但唔會辣到食唔到。炒米粉會配上海鮮，海鮮就不過不失，味道普通。其實我比較鍾意食芥菜粥，希望莆田可以考慮加入套餐內。最後黎番個甜品👍🏻夠冰涼，成餐飯我最滿意既食物。希望食物可以快啲回復平日水平。

第一次寫食評就俾咗你地呢間蒲田，叫蠔餅賣哂唔緊要，但點解可以有炸蠔？叫2碗扁肉湯，一碗多，一碗少，唔緊要，阿經理答我份量一樣，只係湯多同少，大佬，一碗有16粒，另一碗得8粒。你都可以同我講係一樣，我真係俾個like你丫。叫黃花魚湯飯，賣哂我覺得正常可以接受，但最差係呢間餐廳可以8點鐘同你講白飯沽清。真係好野！我唔知佢地係真係甘好生意定係真係甘差，但呢餐飯完全係食到我成肚氣！好嬲。我唔俾差評你地呢間分店真係過唔到自己

平時去莆田食晚飯覺得佢定價都有啲小貴，不過佢一出啲一人餐時真係非常抵食！佢嘅午市一人前莆田頭等餐只要$68就又有湯、又有3個前菜，仲有一個主食，最正係佢仲免收茶芥加一，既豐富多選擇性價比又高🤩🍵首先有每天指定款式嘅莆田地道湯品，星期四嘅款係大白菜燉軟豆腐湯~ 湯入面又有蝦肉又有大白菜，而且又夠清同埋新鮮熱辣，味道唔錯~🍢每人可以喺6款小菜入面揀3款，我地除咗冰浸涼瓜之外，都有叫到~滷水嫩豆腐：豆腐夠入味蝦苗拌頭水紫菜：酸酸地幾開胃~ 喺幾款張菜入面小編最鍾意食呢款鹽焗豬肝：豬肝唔算好入味，同埋偏硬身，所以覺得一般家常燜荀乾：味道一般水晶豬蹄凍：好似啫喱咁，幾彈牙🍲主食方面共有7款，我地一共試咗4款~興化炒米粉：米粉好幼細，十分足料有蝦肉、蜆肉等，配埋莆田嘅秘製辣醬10分夾又夠晒惹味包菜飯：係一個有啲肥豬肉有啲菜嘅醬油飯，都好食嘅不過唔係會令人好回味嗰種漁民紫菜燜飯：似係用珍珠米，但又唔會煮到太淋，仲做到粒粒分明媽祖麵線：唔知係咪製作程序有啲咩特別，等到食晒所有嘢先嚟🙄 作為湯麵佢索咗湯得嚟又唔會太淋，味道口感都唔錯~🌻套餐仲包埋菊花茶，唔好諗住佢只係好似普通茶樓是但開壺茶比你，哩度嘅菊

今次蜜桃小丸子來到荷里活廣場的莆田，雖然銅鑼灣的才有米豬蓮，但分店的質素應該相差不太，便來試試福建菜。食物的價錢中上，見到有套餐，可以一次過試招牌菜式，便叫了。前菜是蝦苗拌頭水紫菜，酸酸甜甜的，紫菜很滑，蝦苗應該真係好細，因為唔講唔知有蝦，頗開胃好食。九轉小腸：下面有小蠟燭烘著它，所以吃下口是暖暖的，不會因為凍了而有古怪味。爽爽的，又頗彈牙，美味。藥膳竹筒蝦：寒冷的冬天喝一口熱湯真是暖胃，湯裏有杞子、薑和兩隻蝦，清甜可口。閩香洋燒排：整得好冧好入味，連骨也可以食埋，肉很柔軟，不錯。莆田撈麪：有小白菜、蝦、蜆、冬菇、豆腐卜，煮得好入味，有一種家的味道，因為蜜桃小丸子都是福建妹呢，家中也會煮類似的撈麪，不錯！甜品是芋圓之類的湯水，不會太甜，正常吧！總括而言食物質素不錯，但不時會有服務員嬸嬸過來問我們加不加餸，但兩人餐兩人食確實是足夠了，應該讓食客靜靜享用會更好。

閒日晚飯初試鑽石山荷理活廣場分店，鋪面一貫大型連鎖食店裝潢，座落尚算舒適，主打星加玻版閩菜。坐落即有員工送上熱茶同小食，剛好本喵鐘意飲菊花茶類，免費茶水黎講 飲落算可以接受，小食係炒花生🥜，唔鐘意可以好似我咁轉雲耳。餐牌顯示清楚簡潔，二個人食飯叫左招牌滷麵，大白菜燉軟豆腐，椒鹽柯仔，炒芋心等總共四樣。實品滷面上枱係賣相欠奉，但味濃汁稠有鮮味，保得住招牌菜名譽。大白菜燉軟豆腐就尚算合格，大白菜煮到好焾吸收晒上湯既咸鮮味，但豆腐就比較失色，只算做好本份無油益味，但其他湯料如蝦蛤之類就算比較少。椒鹽蚵仔，本身想叫煎蚵仔餅但話賣晒，唯有轉叫椒鹽炸，椒鹽同炸粉雖然無搶左蚵仔味，但就可能由於蚵仔細同濕身，每粒上左既炸粉都算幾多，食多兩食有d滯感，多人叫黎食或送下酒都ok。炒芋心，呢個菜比較特別，芋心切成擦子膠既大細再用糖漿封邊，放入口前聞落似有一陣口水味，芋心好粉但乾，本喵要一啖芋心送一啖湯去食，可以回帶我會叫第二樣。整體黎講不過不失，有機會會去其他分店試下其他菜式😸

移居外地的哥哥剛回來，我們一家三口及另一位哥哥相約出來晚飯，選了中間位置的鑽石山，於是就在莆田訂位，之前去過馬鞍山分站，今次來這間試試。雖然訂了位，但也得等上十五分鐘方可進去。地方比馬鞍山店大，但仍然坐滿客人。今次由他們去點菜，點了兩條百秒黃花魚($138)、酥炒芋芯($89)及莆田滷麵($82)，都是上次試過的，此外，還有大白菜燉軟豆腐($109)、砂鍋紅糟雞($78)及漁民紫菜燜飯($78)。多年不見，自然話題不少。餸菜亦陸續上來，上次食過的也不多講了。大白菜燉軟豆腐用的豆腐是長身呈豬腸形帶黃色的滷水豆腐，也很軟滑。湯底濃郁，內有津白、芹菜、蟶子及蝦米等，味道不錯。漁民紫菜燜飯用紫菜及蠔豉來燜飯，沒有炒飯那麼乾身，飯是頗為大粒，似是珍珠米，加了蔥，味道不會過鹹，剛剛好。砂鍋紅糟雞的山岜雞肉嫩滑亦很入味，份量也不少，還有爽口的雲耳。可能是加了南乳，顏色很紅，酒糟味香，但舀少少來試，味道又不鹹。店內的電視在重複介紹採摘紅菇及扁肉的製作過程，於是就加了一碗傳統扁肉湯($19)，一碗只得7隻，而且很細小。原來看似餃子的扁肉之所以不稱為餃子，是因為它的皮也是用肉做的。據介紹，是用荔枝棒槌打豬

食物的確不錯, 但座位安排及回應客人的態度麻麻。點了五樣菜，落order時已說明「就要這五樣先」, 怎知來了一樣沒點的菜。向傳菜姐姐說我們沒有點這樣。她很忙碌的回應:「已出了order, 沒辦法！」這都我第一次聽到侍應用這種語句回應客人。我們問另一位侍應check單，單據上顯示落了我們沒點的餸菜。這位傳菜姐姐走過來解釋，她說我們有落。但我家人皮膚敏感，我們怎會點蝦類貝殼類的東西呢？最後她唯有收回她落多了的餸菜。還有7：30晚巿安排混亂，人手嚴重不足。未清好枱就安排我們入座。安排我們6人先坐4人枱，說待隔離枱埋單後才執拾給我們，但隔離枱埋單都等了多於5分鐘，隔離枱走後要我們提醒才記得要留給我們。食物再好，但因人手不足而導致服務欠佳，不會留得住客人。

星期六相約了女兒在鑽石山荷里活廣場食晏，我地揸左車，行到志蓮淨苑附近已開始慢駛，心諗唔係排入停車場麻，終於轉入直路，真係排入停車場，因大女已在餐廳坐低，唔可以打退堂鼓，之後老公很偉大叫我和細女先上餐廳，他慢慢排。我地在莆田和大女匯合，這餐廳主理福建菜，餐廳裝修簡約舒適，我地被安排卡座更正。點菜後不久老公都到。黃花魚夠滑😍這骨夠晒林，味道不錯這頭盤幾特別，紫菜混入醋和小魚酸酸地荔枝咕嚕肉福建炒米粉，好幼既米粉，味道不錯，不過放湯或更適合小魚餃，不錯

今天在鑽石山中午搵食，聽講莆田吾錯，12點左右入去，裡面只有三四抬客，所以大家都是坐在近門口附近，原來裡面好大，好多大大小小的枱啊！距離也好寬闊，裝修也很新很漂亮，但到我走的時候也是只有不到6抬，一定有原因。綜合下面內容，和上次在鑽石山Bugis人滿比較，我覺得～價錢，味道，服務，裝修 應該不是問題。尤其是醬料配合得好好。～問題可能系 ～貨不對版，好像冰浸沒有冰。。。 ～所有套餐都沒有肉類，加上分量比較小，未到三點都肚子餓。入去時侍應也很客氣讓我們自己選擇位置，很快拿來免費菊花茶，但還是蠻香。看了餐牌，點了兩個$68套餐，每個有一個主食加三個前菜，還有一個湯蠔仔紫菜湯～裡面都有6，7只蠔仔，紫菜好多，是多左D胡椒粉。冰浸苦瓜～無冰喔!又呃左添，但味道甜甜地，都幾好鹵水豆腐～鹵水和豆味都好蝦苗伴頭水紫菜～又中伏，無蝦苗，但紫菜的醬料味道做得好好。鹽焗豬肝～味道系吾錯，但吾覺得系鹽焗水晶豬蹄凍～在福建食過，但哩度做得不凍，所以不夠硬度，用筷子差的客人好容易夾爛。莆田鹵麵～有蝦，蜆，魚，湯的味道做得很好，麵條也是軟硬適中。包菜飯～就是一個特別的炒飯，醬料味道也是用得恰當。

從三年多前開始成為葡田常客，因當時的食物美味，我帶著兩個小孩，經理及服務員很照顧，立即會送上兒童餐具及詢問是否需要兒童椅。但自從轉經理後情況，服務員人手開始不足，而且態度唔好，叫兒童椅必須最少叫兩次才送到，更別說餐具了，自始已經減少光顧。今天再光顧，竟然超級失望，連食物水準也下降，5碟食物3碟也是不熱的，連每次必點的荔枝肉，也變得難吃，肉細，不熱，粉多，太過份，我爸甚至說「請也不吃」，建議立即改善。

今日下午三點，帶阿女同朋友行鑽石山，阿女話想去呢間食。一入去佢哋俾張過道位大圓枱俾我哋，因為係两邊過道我又帶住個小朋友，我見仲有幾張四人位卡位就問可否坐卡座，個侍應話唔得已經俾人book佐，咁我哋只能坐到離行離列都算，我問個女侍應攞餐牌，佢話師傅落佐場淨係得下午茶牌啦，咁我哋唯有焗住叫两個下午茶。叫佢攞筷子第3次先俾到，忍唔住要自己去攞匙羹 ，食到一半見到後到嘅隔離枱有得嗌鱼食，叫個部長問，佢話除佐炒菜其它可以有。我嬲嘅係個侍應連個牌都唔畀我哋睇個部長送3隻紅雞蛋俾我哋，但我哋連枱上嘅嘢都唔想再食，俾返3隻蛋佢，同埋埋單又係嗌3次咁嘅服務連1粒星都唔想俾囉，唔會再去