荳子 (PopCorn 2)

营业中

休息中

Beans係一間主打西式餐食嘅連鎖cafe,由於食物質素一向有保證而選擇亦好多,所以Beans長期都人地人海。Beans而家有7間分店,除九龍灣店外,其餘都開係新界地區,可能就係新界區cafe競爭較細,所以Beans越開越多！。。🔘 黑松露薯條 | $25評分: 🌕🌕🌕🌑🌑評語: 黑松露量比較少,望落似普通薯條,但黑松露醬就有濃郁黑松露味。。。🔘 焦糖單骨雞翼 | $54評分: 🌕🌕🌕🌕🌑評語: 焦糖味好重,食落甜甜地。雞翼應該用焗或者油炸嘅方法烹調,食落不油不膩。。。🔘 黃金蟹肉意粉 | $98評分: 🌕🌕🌕🌕🌗評語: 蟹蓋係裝飾嚟😂不過意粉入面都有好多蟹肉,而蟹肉味都好鮮甜。醬汁好香濃滑口,好似有d蛋黃味，每一條意粉都被包裹住,非常好味。份量啱啱好,一個人食一份就夠。。。🔘 黑松露什菌意大利飯 | $102評分: 🌕🌕🌕🌕🌑評語: 黑松露味道同蘑菇配搭得好好,意大利飯好creamy,醬汁果濃郁。。。🔘 手切美國肉眼扒、新鮮蔬菜、薯仔| $248評分: 🌕🌕🌕🌕🌑評語: 肉眼扒冇得揀生熟度,但好彩上枱時牛肉都好嫩,估計都係5至6成熟左右,如果想食生d嘅朋友,可以嘗試同店員講。肉眼扒好

其實定期都會去下呢間咁有水準嘅餐廳食野，今次去到有驚喜呀！因為menu加入左新元素!即刻試!先試咖哩海鮮意大利飯!外觀精緻，令人食慾大增!除了青口之外，其他海鮮都係炸過嘅，有扇貝，魚柳，蟹柳!唔會覺得腥，唔錯!飯底唔會過，入面加左d洋蔥，有d咬口，有返正宗意大利飯嘅口感。至於咖喱偏向似葡汁，唔辣，咖喱味唔係大重!如果呢個飯可以偏向返印度咖哩個種風味我會梗喜愛!再試另一個新菜：焗釀魷魚筒意大利飯呢個一食落口即令我兩眼發光呀！好驚喜，味道出色!令人想食完再食!魷魚軟硬適中，每一圈魷魚都包住意大利飯，飯有少番茄味，好清新，呢個配搭一啲都唔會膩!意大利飯嘅質感都係好好，有咬口，份量剛好!極度推薦呀！

Beans(荳子)係一間連鎖cafe，現有7間分店，分別在九龍灣、馬鞍山、沙田、大埔、荃灣及將軍澳。以咖啡. 甜品. 輕食 (Coffee. Dessert. Light meal) 為主 。雖然係連鎖但食物質素好高👍🏻👍🏻.牛油果蟹肉意大利飯($108)飯軟硬適中，配上大量醬汁都唔會一pat咁。 夾埋蟹肉同牛油果， 令到味道更加有層次！😻不過食多有啲膩，份量都幾多。.芝士焗比目魚柳($148)焗到好脆好香既芝士片，魚皮煎過嘅比目魚柳，配上南瓜蓉同紅菜頭醬，係好fresh嘅味道。 不過佢嘅份量比較少， 食量大概朋友未必啱。.每個套餐包檸檬蜂蜜/黑糖薑母茶/美式咖啡一杯其實佢嘅甜品真係好靚，不過我哋太飽冇食到，下次有機會再試下餐廳冇得book位去拎飛，只可以喺出邊排隊，如果唔想等咁耐就避開繁忙時間去。

今日晏就見到門口唔使等位.就去試吓.坐低之後睇餐牌發個餐牌選擇都多.之後我哋分別點左一個牛油果意大利飯同一個黑松露軟殼蟹意大利麵.裝修環境不錯.可以喺等上菜嗰時影吓相.等待上菜時間亦很快.牛油果意大利飯好似係新出嘅菜式.好有牛油果味👍🏼.不過牛油果嘅份量少咗啲如果係男仔食就可能要多少少. 黑松露軟殼蟹意大利麵好creamy.軟殼蟹都好脆卜卜.可以值得下次再嚟.買單嗰時有個信封原來個信封係拎嚟捐錢嘅.

第一次食呢間餐廳係荃灣, 我好記得當時佢既綠茶甜品係最出名🍵 事隔多年, 已經進化到多左咁多唔同款既食物👍🏽德國燒豬手🐷($192)呢個燒豬手非常出色, 份量十足, 而且幫你甩曬啲肉, 所以可以不費吹灰之力就食到香脆既豬手😌 豬手既皮燒到脆卜卜, 夾埋中間充滿骨膠原既肥膏同埋豬肉, 超級好食呀🤤手撕豬pizza🍕 ($92)其實呢個pizza 帶左少少驚喜俾我🤗 佢既pizza邊好似麵包既果種脆口, 薄薄既餅底上面舖滿左融曬既芝士同埋滿滿juciy既手撕豬, 口感同味道都超級豐富👍🏽焗魷魚筒意大利飯🦑($138)其實佢既每樣食物都意想唔到咁正😌 滿滿既risotto 塞滿左個細既魷魚筒🦑 佢既risotto 偏軟身, 係我鐘意既果個口感😋 呢道菜既擺盤係超級artistic, 唔講唔知以為自己食緊法國大餐😂檸檬芝士幕絲焗美式芝士蛋糕🍰($25)呢款甜品既造型係一舊卡通版既芝士🧀 雖然細細舊, 但係整得好精緻🤩 檸檬味既蛋糕外層包住香滑既芝士蛋糕, 口感好有趣👍🏽 成個甜品酸酸甜甜完全唔會覺得”漏”黑糖奶蓋卷蛋🥛($25)近期Beans同賞茶做緊合作, 所以出左兩款聯乘甜品, 而我地就

今日同老公仔賣甩小朋友去食個二人晚餐，我哋大概6:00去到，已經有三班人喺前面排緊隊，大概等咗5分鐘就入到去，其實裏面有好多空位，但佢話後場唔多人，所以未入得住。啲座位都係用易拉架分隔好。我哋嗌左晚餐德國豬手、黃金蟹肉意大利粉，加咗$25要黑松露薯條。德國豬手嘅份量幾大，啲皮係脆嘅，啲肉鹹鹹地又唔太硬，但意粉嘅份量就少啲，蟹肉嘅份量都好少。黑松露薯條，其實只係果醬有黑松露味，我反而好鍾意佢杯跟餐嘅檸檬蜜糖水，啲蜜糖係真蜜糖嚟嘅，整體來講都幾滿意👍🏻

哈哈，唔好問我個分數點計出嚟🤣近近地今日就去咗呢間餐廳食個下午茶。其實今日已經係第三次食咁就寫篇食評拉😋 今次兩個人食，咁就帶咗三個餸兩杯嘢飲，呢個焦糖雞翼仍然係我嘅首選。整到好脆再加上蜜糖，好開胃呀💕意粉就食開都係黑松露意粉，咁今次就試黑蒜白酒煮硯肉意粉，賣相好靚，面上仲放咗啲食用花，但係味道方面呢就有點淡，黑蒜同白酒嘅味都唔出，自信咁覺得自己煮仲好食🧟‍♀️咖啡方面，就嗌左杯cafe latte,咖啡唔香，普普通通嘅一杯咖啡。因為賞茶同beans合作出甜品之外，仲可以以優惠價錢叫賞茶既飲品，今次就試呢杯芝士奶蓋四季春，茶味唔太濃，清清地好解渴，奶蓋就我覺得芝士太濃🥱 不過食個下午茶就唔好要求太高啦，呢間都係一個好好嘅選擇。

今日同朋友出去食個tea 😖星期日嘅特別多人排隊今次等多大概35分鐘先入得，由於係屋企附近所以都唔係第一次，以往水準都唔錯。未試過嘅意粉：黑蒜蜆肉白酒意粉（味道一般好淡 有點失望 而且海鮮好「聲」）真係不了😟😟相反佢嘅焦糖雞翼就真係好好味😋暫時係我食過咁多款雞翼中最好味嘅一款👍（味道好甜 而且仲好脆 ）我哋重點左一杯咖啡，味道濃郁但係有少少苦雖然落咗堂但係都仲係有啲苦澀嘅感覺😅 都係叫返抹茶拿鐵好啲😛😛😛 呢個車打芝士薯條就真係一般般，因為味道芝士十分十分濃郁 食得多會有點油膩嘅感覺 😿

Beans咁出名，都食過好多次，pasta樣樣都唔差，基本上無咩伏。不如就講下beans既甜品，由於跟餐可以加錢叫甜品，所以都試過好多款，奈何每次叫親都唔太好食。今次就唔嗌跟餐加錢既甜品，改叫單點甜品。🍴caramel banana waffle $58對waffle既印象都係一格格、方型個種，beans呢隻就唔同，食落無咁外脆內軟，但都唔錯。香蕉上面放左d爆珠，增加甜度；雪糕下又鋪左餅碎，撈埋食豐富口感。整體配搭感覺有用心，味道比單件蛋糕出色。

難得有時間食下午茶，就試下呢間啦～之前食過佢既晚餐，都好好食，睇下今次其他野食好唔好食先今次一共點左2個餐，每個餐包一杯$40以下飲品（8成飲品都叫得）1）開心果馬蘇里拉芝士簿餅配蜂蜜呢個Pizza不得了好好食！熱辣辣、會拉絲、脆卜卜、唔點蜜糖都甜甜地～味道真係超正2）焦糖單骨雞翼配薯條呢隻雞翼都好好食，好夠蜜糖味，都係熱辣辣！薯條唔洗講，同樣好脆，新鮮炸飲品方面青檸梳打正正常常，都幾好飲，如果有匙可以吉埋粒青檸就更好玫瑰茉莉紅茶幾好飲重玫瑰味，我好鐘意！但甜左少少總結：樣樣食物都好新鮮，即時整，下午茶都抵，可以試

好友約生日飯， 大家都身處將軍澳， 諗住下午時間去《Beans》 唔使排咁耐。好在都係排咗五六個人。因為太受歡迎， 店員提醒用餐時間90分鐘。食品主打意粉， pizza，cakes. 各款主菜 也包括餐飲， 轉另外一些茶飲也可減$8朋友這杯餐飲選美式咖啡， 味道唔錯。芒果梳打$30， 包一款配料，揀咗椰果， 味道一般。唔算好鮮嘅果味。熱荔枝鐵觀音$32， 相反係大杯裝～ 相當有趣黃金蟹肉意粉$98， 蟹肉唔算多，不過意粉嘅醬汁很香濃， 忌廉唔會太膩 啱啱好包住每條意粉。旁邊嘅蟹蓋乾淨得以為係裝飾， 到底佢同意粉裏蟹肉有冇關係呢？手撕豬薄餅$92感覺比較細份， 餡料味道唔錯，有中式嘅味道似叉燒醬， 批底鬆脆。雲呢拿梳乎厘等得比較耐， 佢話第一次出品失敗咗， 這個是第二個。 香草味濃郁， 梳乎厘就比較塌， 蛋漿好似未完全凝固，但好有蛋香！😋👍食物出品唔算快， 所以我哋都坐耐咗，還好冇被催促。第一次到訪印象唔錯， 餐廳可以自選特色飲品， 食物也比預期中美味。

📍Beans 黑松露軟殼蟹意粉 @ $72荳子Beans係將2澳既超人氣cafe趁係lunchtime前冇咁多人，快快腳去排隊，好彩等左10分鐘就入到去。-好多人話第一次食，一定要試吓佢個黑松露軟殼蟹意粉。好啦，難得嚟到，就一於試係唔係真係咁好食先。-個意粉係al dente，配上濃郁嘅黑松露，洋蔥，蘑菇整成嘅醬汁，口感非常之Richie，識落淡淡滿足。軟殼蟹炸得好香脆，又唔會好油。入邊有蟹黃，配埋個意粉真係好飽。-地址：將軍澳唐賢街9號PopCorn商場1樓F95號舖

今次就試咗呢個美國🇺🇸牛扒，我覺得價錢都合理而且牛扒味都唔錯！牛味好濃～而且最緊要唔好太老同埋太熟嘅情況如果可以揀幾多成熟就好啦再加上店舖環境都幾安靜但設計方面都好明亮簡潔坐得都舒服少少等位不過都正常嘅收工時間多人去食！店內都係用西餐為主冇咩其他食品甜品都好多！但真係好飽食唔晒啦，可能可以下次同朋友一齊再去食多啲多啲選擇！覺得份量都好足夠如果男仔食嘅話應該就唔會浪費～呢個我聽講好多連鎖店！多區都可以食到～

見裝修幾靚，就同朋友嚟呢度食下午茶。因為叫嘢食之前都做吓功課，知道呢度比較多人推薦嘅係黑松露軟殼蟹意粉，同埋黃金蟹肉意粉，所以就各叫咗一個嚟試下。講咗黑松露軟殼蟹意粉先，個軟殼蟹幾好食嘅，新鮮炸，不過個意粉就好一般唔知係我哋運氣唔好定點，碟意粉聞得出黑松露香味，但食落就一啲味都冇而黃金蟹肉意粉相比之下就濃味少少，一絲絲嘅蟹肉鋪喺面再加creamy嘅醬汁，係幾好食，不過都係比較淡味我哋另外加咗兩份薯條一個係芝士味一個黑松露味，兩份都好食嘅脆卜卜熱辣辣

限桌令彷彿係壓垮本港食肆嘅最後一根稻草。第一次於黃金時間去 Beans 荳子食嘢唔使等位，亦唔見有人龍🥺，職員於我哋入場前不斷數人頭，確定店內食客唔過一半先畀我哋入座，非常小心。今次試咗個新出嘅榮華臘腸香芋意大利飯，估唔到 East meets West 嘅組合係咁夾😋：甜甜有嚼勁嘅臘腸，香粉軟糯嘅芋頭，配埋 creamy 嘅意大利飯，成件事好完美。由於顧客人數驟減，甜品嘅選擇少之又少，我哋揀咗卷 • 山政小山圓同 Everest， 前者係紅豆抹茶蛋捲，抹茶味清香，紅豆軟甜，很好味；後者係瑞士蓮白朱古力咖啡 mousse 配以海鹽焦糖忌廉同咖啡蛋糕，少少鹹少少甜少少咖啡味少少朱古力味少少 mousse 質感少少蛋糕質感，味道及口感異常豐富。Beans 從來都唔會令我失望🤗。