荳子 (PopCorn 2)

营业中

休息中

The salted egg crabmeat spaghetti lunch set is my all time favourite. The salted egg added flavor to the spaghetti, making it savory and delicious. The crabmeat is also very tasty and satisfies my cravings. I really like the texture of spaghetti, since it’s chewy and not overcooked. The lemon honey that goes with the set is also great, having the sweetness and sourness balanced.

忙裡偷閒，難得平日放一天假，午餐時間路過將軍澳POPCORN的BEANS，難得沒有很長的人籠，便決定進去食返餐好! (要好好報答平日辛勞工作的自己)進去看MENU才發現，原來星期一至五11:00 – 18:00是有LUNCH SET MENU的 ，實在太好了！一直喜歡北京鴨的我點了一份<PEKING DUCK BUN 北京燒鴨蒸包漢堡‧薯條‧沙律>，LUNCH SET 只係 HK$ 84，好像比DINNER 平很多，心想不知會不會比DINNER細份好多，結果是沒有很大分別的。我很喜歡這款菜式，特別是兩塊蒸包都是一邊脆的，而另一邊又保留到中式蒸包的鬆軟。片皮鴨比一般北京鴨多肉，但皮仍是很脆的，加上配菜的薯條和沙律，是一份令人夠飽肚很滿足的午餐。這次餐飲是點了招牌的檸檬蜂蜜，酸甜比例非常好，又滿有茶的清香味道，絕對不會叫人失望。

在這段時間，希望香港人能夠盡快得到口罩，渡過難關😭話說有朋友已經因為沒有口罩而唔出街了🤦🏻‍♂這天約了一位朋友聚舊，並到附近吃午餐。今次光顧了一間連鎖咖啡店，提供全日，午餐及茶餐，而且也有不少咖啡、飲品和甜品選擇，款式非常多元化👍🏻1. 黃金蟹肉意大利粉 $68雖然蟹殼已經冇哂肉，但作為擺設已經大大加分🤩在意粉上的是忌廉鹹蛋黃，很香而且不會太鹹，和洋蔥粒、蟹肉和菇一齊食，味道很夾和好味😋2. 黑松露軟殼蟹意大利粉 $74軟殼蟹炸成金黃色，咬落非常酥脆，放在意粉的正中間，非常吸睛🤩黑松露醬汁又多又香，對於我這個黑松露愛好者來說都幾滿意🤤👍🏻

哩間餐廳經常都好多人，所以特登晏就早d來排隊食一食。嗌左一個黑松露軟殼蟹意粉，雖然食左好多次，但係都食唔嫌，因為都係咁好味。意粉軟硬適中，黑松露忌廉汁好香好濃，一個人食可能有d膩，最岩同朋友一齊share。軟殼蟹就係成碟意粉既精華。一上枱既時候就已經聞到好香既味，外殼炸到金黃色，望到都好想食。一咬落去外殼來軟，蟹肉甜，送埋d意粉最夾。第二碟又係好岩分享既千島醬帆立貝薄餅，薄餅分4份，每份都有一粒好大好鮮甜既帆立貝，加上一d洋蔥同蟹柳，再配埋好開胃既千島醬汁，令到人食唔停！個餅底都值得一提，唔大厚又唔大薄，熱辣辣又脆扑扑，不過可能就有d熱氣！最後要講下就係杯野飲，原來佢地有同隔離既飲品鋪-我想和你無所事事合作，可以減8蚊飲到佢地既台式飲品，我地就叫左濃過特濃可可拿鐵。可可味好重，個賣相十分唔錯，唯獨係佢既lattle味唔係好出

去將軍澳搵食見到呢間睇落好好食就排呢間好彩下午茶去食比較少人唔洗排咁耐排左大約5分鐘就入到職員好貼心帶我地入去我地兩位各叫左一碟意粉同一杯野飲仲有甜品軟殼蟹意粉 $74一擺上枱 勁靚 加上坐窗邊光線充足 影相勁靚呢碟唔只靚仲好好食 係分量少左d然後發現佢同隔離間手搖飲品有合作於是叫左一杯芒果梳打$22同一杯屎橋珍珠奶茶$20芒果梳打好好飲同行朋友飲屎橋珍珠奶茶 話一般般最後呢個甜品係流心抹茶芝士撻 $58個雪糕好食 但蛋糕同芝士撻一般般總括而言食物大部分好食 擺放都好有心機環境坐得好舒服職員個個好有禮貌好推薦呢間

其實已經喺beans食過數唔清咁多次，但次次都被美食吸引，快快開餐，無影到相，所以一直無同大家推薦呢間餐廳!呢次終於記得影相啦！就同大家share下啦！晚飯時間7:30去到，遠遠已經見到長長嘅人龍，好彩前面突然有3至4組嘅客人離開，所以唔洗等好耐!未到8點就入得啦！都叫快啦！好鍾意呢間餐廳，因為d侍應哥哥姐姐永遠都好貼心又好禮貌!每次來都會點龍蝦湯，龍蝦湯好濃郁，味道香濃，入面仲加左少少海鮮，有蝦、帶了、蜆!一定要點呀！(呢個又唔記得影相)仲有兩個main course!八爪魚燴飯同咖啡汁西冷!八爪魚燴飯係原條大大隻八爪魚鬚上碟，上菜嘅時候真係嚇左一跳呀！外觀真係100分呀！味道方面都好好。成個味道有d似西班牙海鮮飯!八爪魚鬚好大隻，係個皮有少少韌姐，d肉都係好好食嘅!呢個飯都好推薦呀！咖啡西冷之前就已經食過啦！今次再食，揀左medium，不過都係會有d邊位熟左d囉！但唔影響個味道，牛肉味夾住少少咖啡香，真係齒頰留香呀！d配菜一d都唔差，尤其係d薯仔，好入味呀！讚!期待下次再幫襯呀！

今晚我很高興 一家人可以一齊食飯我選擇了這一間 其實我已經不是第一次來 ，次次都要排隊 但係我仍然堅持等嘅餐廳今次我叫了個 pizza , 一個招牌蟹肉意粉 ， 一客冇骨鷄翼 ， 一客羊扒。， 一份藍梅窩夫， 一個綠茶蛋糕 和一個綠茶梳夫里。羊扒味道處理方法好好。窩夫下次可以不用叫真是一般 窩夫我想不是即時做 是來貨 有些失望綠茶蛋糕賣相靚不在話下 個綠茶味道濃。正冇骨雞翼入味。招牌蟹肉意粉也是水準之作叫主菜都送飲品算是不錯 價錢也是合理好味😋

呢一個平安夜，又嚟呢度食，因有得收早，五點幾來到還有lunch price，感覺好掋😛 但好可惜，不論係服務、食物全部都差唒⋯⋯🤨 所以今次要俾劣評！ 同埋應該唔會再嚟呢間分店😑睇住我杯飲品出咗係水吧枱成十分鐘，期間仲要有兩、三個 staff 行過都無人拎俾我哋😒 就算唔由熱變凍，都吹咗唔少塵係面啦🙄 我係咁望住我兩杯野，我啲火就係咁出⋯⋯🔥🔥 咩事死都唔拎俾客人呢？再跟住，隔離張枱剛落完單，佢個飯就即到⋯⋯唔該晒！一定係錯啦，因為我都係order 咗呢個飯，除咗上錯個個有問題，接收個個都有問題，你坐係快餐店咩？ 個店員剛行開你個位，點嘅食物就即到🙄🙄 快餐店都無咁快啦⋯⋯之後等多一陣，就追下店員，佢話廚房攪錯，心諗一定係錯啦緊係😒😒 未食都已經🔥唒！女友食緊嘅緊軟殼解意粉，亦都無咁味，是真的！ 我哋已經唔係第一次食，女友最近亦係新開無耐嘅坑口分店食過，確實好味好多！我女友食完個意粉，我個飯先到😑😑 係新菜式，同榮華臘腸cross over 嘅意大利飯⋯⋯都幾好味嘅，成個飯都有臘腸味，鐘意食臘味飯嘅人都應該會鐘意😅是日平安夜，所以都加$25叫個cake ，揀咗栗子撻，好味😋👍🏼

今日整完蛋糕，去咗朋友屋企附近食晚餐，今次係第二次食呢間餐廳了，上次是叫外賣的，終於有機會坐低食了！我們一行三人，等咗大概二十分鐘左右就可以入去坐，餐廳環境唔錯，坐得都舒服，服務員很有禮貌。我們食量唔大，點咗一客薯條，一個Pizza，一碟雞翼，一個意粉，同三杯餐飲，剛剛好。薯條很脆+配肉醬汁很夾Pizza 份量材料足 ，朋友推介焦糖雞翼，好好味，朋友每次嚟都必點牛柳意粉蕃茄味濃，有水準跟餐飲品點了熱檸蜜，好飲很好的一次晚餐經驗，餐廳各款菜式都好有水準，賣相吸引味道好，價錢合理，適合朋友聚餐。

呢個系列嘅餐廳水準不嬲都幾高，好似呢個商場嘅分店，我都成日幫襯。set dinner 會跟一杯嘢飲，兩個人，一份三文治，一個意粉，夠晒飽，又好味。煙鴨胸三文治$96，個三文治🥪包係意大利包，煙鴨胸煙熏味、新鮮生菜、沙律醬汁， Mix埋一齊，配搭新鮮又幾好食。黃金蟹肉意粉$98，我諗好多幫襯過呢個系列餐廳嘅都有食過呢個意粉，個醬汁好香蛋味，夠杰身令意粉掛汁，蟹肉份量都恰當，蟹殼裝飾令意粉生色不少。熱and凍檸蜜，唔苦澀味，給Fresh，上枱幾靚。

久仰聞名的Beans荳子終於有機會試~~由於餐廳不設訂座，每次經過都很多人在排隊我們一行2人17:50便到達，不用等位便可進入餐廳餐廳裝潢舒適，氣氛不錯~~~我們叫了1款小食，2款主食，及1款甜點芝士肉醬薯條，主食+$25便有一客肉醬味濃郁，價錢便宜~~黑松露軟殼蟹意粉味道不錯，雖然軟殼蟹份量只有2小塊，但一分錢一分貨~ 海鮮pizza~帆立貝+蟹柳~~口感豐富!熱檸蜜&熱薑母茶~主菜附送的飲品~全晚重點~~green tea combo仙氣十呎，打卡一流~~抹茶心太軟加上抹茶雪糕，絕配~整晚用餐體驗很好，會再來光顧~~

分店越開越多的Beans，很用心地不時推出創意之作。這次Tea Time時段來到，點了：黑糖薑蜜蘋果批配雲尼拿雪糕餐Shakerato 冰搖咖啡焦糖檸檬荔枝紅茶蘋果批是薄身Style，配上黑糖薑蜜很有聖誕氣氛。不過薑蜜味道有點重，容易蓋過了蘋果批的味道，要小心別放太多薑蜜。飲品很驚喜。Shakerato咖啡味香濃，就是份量少了點。焦糖檸檬荔枝紅茶附帶煙霧效果很有趣，就是少許太甜亦不夠荔枝味。食品飲品算不出超高質，不過，Afternoon tea set 58+10% 有齊食物跟HKD40以下飲品（差不多可選9成以上飲品），真的物超所值。性價比超值下，Afternoon tea set值4.5星。同價位下5星：即使排隊亦要一試再試4星：甚佳，可以一試3星：同價位有不少更佳選擇

最鐘意同朋友黎beans食下午茶，因為坐得舒服，傾計hea下一流.......每次下午茶餐都會嗌「焦糖單骨雞翼配薯條」，除左好食之外，貪佢份量岩岩好，食完唔會太飽，可以再去食晚飯😂雞翼痴滿蜜糖，再加小小黑椒，好食😋薯條同沙律菜就普單正常味道跟餐可以揀一杯$40以下既飲品，要左「荔枝玫瑰花茶」，可refill，好飲👍

是晚和友人慶祝生日，事前問了餐廳，可order蛋糕及要求在碟上寫上祝福語，不用事前預訂，安排很有彈性。試了薄餅、飯、意粉及雞翼。主食都配熱飲一杯，除了咖啡，還有蜂蜜飲品或黑糖薑茶，感覺很養生、很健康。價錢只是一百元左右，晚餐來說算是很划算。薄餅小小一份，分成四件，女士的話份量都夠吃，而薄餅新鮮焗製，芝士呈半溶狀態，味道不錯。黑松露意大利飯的醬汁香濃，飯軟硬適中，不過配料就少了點，有點吝嗇。甜品方面，有蛋糕、布甸等等，款式很多，選了比利時朱古力蛋糕，有不同層次，有軟心朱古力、慕絲、薄脆、果仁，很好吃。

今日有緣跟朋友去beans食下午茶，想坐得舒服可以傾下計。星期六既下午茶時段唔算多人，我地唔洗等位就入得去啦😎亦因為我地都唔算好肚餓，所以一人叫一樣之後share一齊食。第一樣叫左手撕豬仔骨漢堡，價值$116(包基本飲品)。有薯條，洋蔥，蔬菜和洋蔥做配菜。漢堡都大個，所以兩個人share食剛剛好。薯條外脆內軟，熱既薯條配茄汁好好食。不得不題重點豬仔骨，非常充料，十分惹味🌟起初以為過百元要一個漢堡有少許貴，但豬仔骨充料既程度很滿意，是值得的。第二樣叫子GAT，是期間限定的甜品。本身是隨心選擇，見到有期間限定就揀左佢， 點知上菜既時候充滿驚喜🌟 首先成個presentation已經好好，底下放左一d乾冰，所以會噴d煙出黎。右上角係乳酪雪糕， 清清地酸酸甜甜，感覺清新。 輪到重點三個桔仔，用咗薄荷葉黎扮桔葉。 桔仔係熱嘅麻薯，內裏係奶皇，感覺都幾得意。 桔仔係好味😋，不過食得多就有d濟。 另外仲有d柚子醬同朱古力碎做配搭， 加埋士多啤梨令顏色豐富。唯一要挑剔既地方，就係我地坐既位置比較細。因為我地二人只分到一張小枱， 勉強放下兩樣嘢食就已經冇曬位。旁邊既枱既距離有d近(GAT相可見兩枱相隔的