荳子 (PopCorn 2)

营业中

休息中

之前食過$38特價餐，今次再食荳子外賣，不過食返主餐牌，都有7折架！·💛帆立貝蟹棒蟹籽薄餅 $64 (原價$92)帆立貝應該有4/5粒左右、仲有啲蟹柳、海量嘅芝士、同埋一堆蟹籽😚呢種pizza係個種厚身少少嘅，食完好飽肚個種😆味道幾好，趁熱死仲可以拉到芝🧀份量算好足，兩個人食加埋個飯就好飽飽·💛蟹肉牛油果意大利飯 $76 (原價$108)呢個飯夠哂creamy，味道夠濃，蟹肉份量都唔少，係唔錯嘅👍🏻牛油果🥑望落就開始爛爛地，可能咁啱呢隻唔靚啦😟·🌟Tips：即場落order會等比較耐，建議可在openrice先叫定，再過去攞😉$38餐都值得支持下架！

價錢以cafe泥講算唔錯黑松露軟殼蟹意粉好味👍🏻醬汁足夠雖然個軟殼蟹麻麻不過整體唔錯另外加錢叫左個甜品唔記得咗叫咩名🤣不過係蘋果味🤣🤣🤣🤣做飯後一點甜也不錯👍🏻整體來講，lee間cafe係會再食👍🏻👍🏻

將軍澳一間別緻、舒適又好味既cafe—荳子Beans The Backyard，經常有人係出面排隊等候，全香港有6間分店，總有一間係附近，一啲都唔難搵😋 Beans既意粉🍝一向大受歡迎，特別係黃金蟹肉、黑松露軟殼蟹意粉等等，而小食類亦都非常香脆滋味，特別係焦糖雞翼真係好重蜜糖味，令人食唔停口🍯每次去都一定會點～ 另外將軍澳分店同開係側邊既台式飲品店”我想和你無所事事”合作，轉飲佢地既飲品可以優惠價錢購買💛

日日行過都見到大排長龍，真係忍唔住自己都去排，試下係咪真係咁好食，今次叫左個carbonara 意粉，同埋earl grey 既麵包磚，carbonara都係正常好食，但份量少左d，重點係個麵包磚，非常好食，earl grey味好香，唔會太甜，好有茶味，麵包磚又一早切好一舊舊，方便你用叉吉黎食，一分開d麵包，earl grey 就流心咁流哂出黎，好靚，食完呢個唔會想再食茶木個隻，一路對呢間beans念念不忘。

星期六假日12點幾估唔到咁早已經排晒長龍 都等左20-30分鐘先有位 就試吓係米真係咁好食啦😄環境服務都唔錯 用餐時間90分鐘⏱同朋友2個人叫左2個餐 首先係火炙西冷牛扒漢堡🐮$128 好大個漢堡 啲肉都好多 有基本既生菜🥬蕃茄等 個西冷牛扒係切開一條條 肉質雖然唔算好嫩 但未至於全熟 火炙燒得好香口😆肉既調味都啱啱好 ☺️加埋蔬菜食落都好FRESH 👍🏼另一樣係黑松露軟殼蟹意粉🍝賣相的確幾靚✨打卡一流📸 黑松露真係好多食到黑松露既香味 唔係得個名 意粉彈牙 另外飲品叫左黑糖薑母茶☕️薑味重 甜甜地都好好飲 另一杯係Mocha 🧉呢杯要額外收錢跟餐價$31 朱古力濃又唔會過甜 而且外貌都幾靚整體來講都好好 不過價錢就偏貴左少少

之前經過呢間店成日都見出邊排了長長人龍，今日星期日早上竟然冇人排隊，咁就要入去試下個早餐先真係估唔到唔使排餐廳內環境佈置簡潔，令人有種舒適感覺差不多包場食早餐早餐有8款可以選擇。1. 班尼迪蛋(雙蛋)、煙肉、新鮮沙律($79)。整體覺得唔夠熱，好似擺咗好耐咁。切開有流心蛋黃。2. 炒蛋牛油果吐司($76)，熱辣辣好好味3. Mocha 朱古力咖啡(+$15)，朱古力同咖啡味好濃郁美味美式咖啡(跟餐免費)無特別。整體來講，班尼迪蛋唔熱令人失望，而炒蛋牛油果吐司可以再 Encore。

好耐冇食Beans呢家疫情關係，都冇點出街食見到佢有外賣優惠咁就打算同屋企人食餐好既叫左個All Day Breakfast 同 蕃茄意粉本身想食佢個白汁意粉但好快賣曬，就唯有轉食蕃茄意粉。本身店員話要一個鐘先攞得但半個鐘左右就有得拎攞到返屋企樓下，發現原來有杯野飲冇蓋好搞到冇左半杯成個紙袋都濕晒好彩d野食都唔差，All Day Breakfast 個牛角包好好食， 蕃茄意粉都好香，肉碎都好足料。沙律既材料都好新鮮，冇爛菜但d黑醋略嫌太多油同份量太多，如果可以減少份量就唔會做成浪費啦加配薯條可能攞到返屋企都有一段時間，所以都淋淋地，但都好粗身。飲品方面，黑糖薑足料夠味價錢都合理，可以一戰

呢間好出名，次次見到門口都排哂長龍，朝早夜晚都係，第二次去就排一陣就有得食啦。呢間價錢係一定中上，而食物水準好高。1.黑蒜蜆肉白酒意大利粉係食得出蜆肉，唔會食到沙，加埋白酒食落幾惹味2.火炙西冷牛扒漢堡牛扒鎖到肉汁，唔會太乾太硬啱啱好，啲料好多，成個包都大大舊，配埋薯條同配菜，一個人淨食呢樣一定超飽3.Green Tea Combo望落係好細個嘅撻，裡面係雪糕，綠茶同朱古力嘅配搭都ok 4.榛子朱古力/mocha朱古力香濃味道都有，讚一個

因為疫情關係再一次work from home, 平時通常自煮，一星期一兩次外賣獎勵下自己Beans外賣自取係no.1 選擇，依家全日外賣自取7折唔係唔撐呀！想試左好耐嘅lobster roll, 依家$120就食到，最初以為細細份，原來跟埋細龍蝦湯和沙律，龍蝦包啖啖肉好正當然唔少得加埋件cake, 呢個係期間限定Beans x 賞茶黑糖奶蓋蛋卷，d cream好滑加上淡茶味，為wfh的又一天作結。

預訂取餐的時間頗長，實際餐廳已經很早完成訂單，已提前到達，未能給予客人提早取餐，員工亦並沒有任何提示，只知尚餘多少時間或等候時間，需要以取餐時間領取，絕對影響食物的質素。

Beans由開店後，一直都多人，每次去親幫襯或者經過都見門口排緊隊，由於屋企人不太忍到肚餓，所以就好少去排隊幫襯，每次都是見到甚少人排先會幫襯。而今日我就一個人去排隊享受一下輕盈英式早餐，因為去親都是鍾意選呢款早餐，最主要都是因為望上去好吸引，有多款食物:脆豬肉皮腸、沙律菜、煙肉、蕃茄、茄汁豆、黑松露炒蛋、麵包、菇類。套餐包一杯飲品（咖啡、菜、蜜糖檸檬茶）我就選左蜜糖檸檬茶。今次去食，發現唯一好似唔同左的係，沙律菜少左，菇類就多左，但是依然味道好，而店員的服務態度亦十分好，真係一間有水準的食店，食過就會覺得係值得的。

將軍澳難得的文青cafe，話說呢間都已經由2016開到而家，但佢到今時今日lunch & dinner hour都仲係好多人排隊。所以，我今日一於係朝早9點去食個早餐先😎staff安排我地坐窗邊，令人心曠神怡，醒一醒個人。It's a good morning🤩✨Special: 文青風、岩打卡！💓 煙肉軟芝士香蕉楓糖漿熱香餅：無諗過煙肉咁夾熱香餅，食落軟綿綿，厚薄適中，即叫即製！💓Light English Breakfast：Toast好軟熟、Truffle egg食落好濕滑。套餐加＄15就可以將野飲轉咖啡☕仲可以加＄10追加配料味道：⭐⭐⭐⭐⭐價錢：⭐⭐⭐⭐環境：⭐⭐⭐⭐⭐用餐時間：90分鐘

第一次食Beans係荃灣要排隊今次食就更加要排隊啦💛·雲石枱做background影相特別岩feelDeluxe Full English Breakfast。好耐無食過all day breakfast la，所以好貪心咁叫左deluxe，而且仲有窩夫，好鬼飽🙈Angus Beef Cheddar Cheese Burger。好少係牛扒直接夾係burger食，2樣野好似分開食好d，佢係好食既，不過難夾d😂FlatWhite。coffeelover 硬係要飲番杯咖啡先得☕️我地入到去先知係Beans轉飲”我想和你無所事事”飲品全日減8蚊，我地係排隊時已經叫左杯奶蓋茶飲，入到去再叫左杯水果茶，都唔錯👍🏼黑糖奶蓋卷蛋。黑糖味唔夠出，不過有奶蓋味係正既😆，但我覺得甜左d，鍾意奶蓋既朋友可以試下，Beans同賞茶合作既其中一款甜品，另外仲有賞紅茶奶蓋LAVA Toast

同媽媽撐枱腳既話媽媽成日都答beans原因係所有食物味道都好有水準一般既飯粉套餐都可以加配小食今次揀左芝士薯條芝士薯條太普遍可以食到無得突圍之處薯條熱辣辣香脆芝士溶邊拉絲不過就要趁熱食啦唔係d芝士會乾番主菜揀左黑蒜蜆肉帶子意粉好多黑蒜味道香濃但唔膩黑蒜配意粉亦都唔突兀反而仲幾好食另一個主菜揀左個牛油果蟹肉他他超級足料啖啖牛油果同蟹肉餅就得三塊 唔算多切成細細塊去配他他都唔夠配加多塊會更加滿足 岩岩好配趴所有他他他他味道好清新賣相亦都一流餐飲雙檸柑桔不過不失都係太普遍無突圍既感覺Beans期間限定同賞茶合作呢個紅茶toast一絕竹炭toast配流心紅茶食幾多都唔覺膩

Weekend 真係特別好瞓，起身已經過晒早餐時間，落街諗緊搵咩食之際，俾我發現呢間餐廳有All day breakfast!真係o岩晒我!即刻拉埋另一半入去~我點左一份焦糖香蕉all day breakfast，平時好似較少食.香蕉有薄薄一層嘅焦糖，一切開係好CRUCHY嘅聲音，唔駛講，焦糖配香朝味道好夾~~唔好睇個鬆餅外型好似好實淨咁，其實咬落去非常鬆軟鬆!附上cream或者蜜糖點黎食，好好味呀!。而且炒蛋同煙肉都處理得剛好，炒蛋滑口，煙肉香脆~另加$25蚊仲有黑松露薯條，食到停唔到口!令人大滿足嘅All Day Breakfast!另一半點左黑蒜蜆肉帆立貝白酒意粉，一上枱己聞到濃濃嘅黑蒜香味，有唔少蜆肉，食落有少少酒味，成個配搭都好match!!