茜廊餐廳 (樂富廣場A區)

营业中

休息中

今日和太太往樂富茜廊食晚餐, 我們點了忌廉汁挪威三文魚菠菜煙斗粉, 白酒煮藍青口, 經典凱撒沙律、野菌忌廉湯、比利時朱古力雪香、葡式烤BB朱和吉士醬燴梨。忌廉汁挪威三文魚菠菜煙斗粉三文魚魚肉入口即熔, 魚塊份量十足、菠菜新鮮、煙斗粉煮得剛剛好, 好滑；白酒煮藍青口, 青口好新鮮彈牙, 酒味香濃, 食口青口鮮味和陣陣酒香；經典凱撒沙律上桌時大大份, 有羅馬生菜, 蕃茄、車厘茄和面包配上沙律醬, 羅馬生菜新鮮, 蕃茄和車厘茄食落不太酸, 面包碎脆脆, 好味的沙律；野菌忌廉湯, 湯好香濃, 配上忌廉汁, 食落又香又滑、味道一流；比利時朱古力雪香賣相一流, 朱古力香濃、忌廉加得好滑, 甜度剛剛好,飲落去不口乾；葡式烤BB朱卯朱燒得脆卜卜, 皮脆肉滑有油花, 而且好香朱肉味, 配上的忌廉湯好幼滑、千島醬沙律羅馬生菜爽口, 車厘茄鮮甜, 千島醬帶出沙律美味；最後吉士醬燴梨, 梨好清甜, 裡面釀了lemon雪葩, 口感特別, 而且配上熱辣辣吉士醬, 好清新好好食。餐廳座位舒適, 環境不俗, 食物份量足, 賣相不錯,適合三文知己相聚地方。P.S: 席間附近有一老婆婆和女仕食dinner, 期間老婆婆問

今晚同阿媽去左樂富果頭行街，行到 6 點幾，佢話今晚想食好 d，於是我地就去茜廊 ~我記得茜廊好似有幾間分店，印象中天水圍同九龍灣都有，2間都聽朋友講過話ok!今次我都係第一次食，估唔到樂富呢間咁多人等，不過好彩等左 around 半個鐘到就有位！入到去真係好多人，full 哂咁滯 ~ 一坐低先睇個 dinner set menu，抵食 d ~我地點左２個餐，加錢食青口同飲品，另叫甜品！ dinner set 送餐包同餐湯~ 我地都揀左紅湯，費時白湯會好 creamy 同好飽！ 青口份量超多，味道都好清甜，唔錯！ 主菜叫左葡式烤BB豬～烤豬好大份，有點似中式乳豬，豬皮超煙靭，而且唔會好肥膩！而豬皮下既豬肉，香濃又爽口，食上口啖啖肉，好滿足～ 另一個主菜我地叫左炭燒美國肉眼牛扒～呢塊牛扒有成吋厚，好似一隻手掌咁大，7 成熟，咀嚼上來唔會覺得韌！ 之後再食埋個甜品，個甜品我就唔recommend，d cream 擠到好核突~但其實香焦朱古力布朗尼雪芭既設計本身係好吸引，朱古力同香蕉既配搭都好合適，如果個賣相好d 我應該會食得哂! 另外套餐另外加錢叫飲品，阿媽點左個士多啤梨雪香，我就點左朱古

裝修嘅磚牆本身迴音勁，再加上音樂又大聲。結果人人鬥嘈。嘈到頭都痛。食乜都冇心機。雖然個人覺得意粉唔錯，但係咁嘅氣紛完全唔值咁嘅價錢。絕對不適合情侶。一定不會再食。

食在樂富! 以前在浸記上學時, 一大班同學仔放break時就落樂富行吉之島揾好野食~ 轉眼又一段日子了, 這天忽然想念這地方, 於是和好友來樂富看看它的樣子如何~ 樂富已變得不一樣了~食店云集, 而且街道改了多呢~行起街來很舒服~~走着走着又到晚飯時間, 看到這間開了業只有一個月的西餐廳 - 茜廊很多人在外邊line up, 入面坐滿人, 想必食物一定不錯吧~, 好, 今次就來這間試試吧~ 人真的很多, 在門口按了票後就靜心等待~一會兒就可以內進~ 店子這裡真的很大, 空間感很重, 而且裝潢很美!! 看得出店子用上一番心思來裝修, 讓大家吃得更舒服~ (題外話: 其實觀塘很多cafe都不捨得拿錢裝修, 有時覺得有些cafe 馬馬虎虎, 雖然不影响食物質素, 但視覺上好像缺點什麼....) 在和侍應言談間, 知道原來店子在天水圍, 樂富和九龍灣都有分店, 遲些有空才去其它二店嚐嚐味道吧~ 食物方面, 選擇不少, 大路的安格斯牛扒, 羊扒, 豬豚肉固然有, 經濟抵食的套餐連湯/沙律飲包也有, 不過一些刁讚的珍貴的都可在此中找到~ 我看到餐牌上有700元的牛扒喔!! 真的很想食呢,

訂左野要黎樂富拎，一出地鐵沿路見呢間餐廳格局唔錯，店內亦差不多錯爆~於是呢晚晚飯就係度解決自家製羅勒蕃茄pizza $128俾menu既圖片吸引住，結果現實比圖片更多芝士更吸引，餅底好薄好脆，一拉起超級牽絲,勁多芝士啊，而且好香！岩哂我呢個芝士怪！葡式烤bb豬 $178 (套餐)見差唔多每枱都叫，唔係唔試掛？外皮烤得金黃十分吸睛，皮脆肉嫩，肉汁豐富，好味啊跟餐既湯，另外仲有跟飲品鹽燒原條鱸魚 $188呢個無得跟餐，友人係魚怪，見到"原條"2字就衝著要試，一上枱，好多人望過黎啊因為條魚著火，燒左咁上下經理就幫忙拆骨起肉魚質嫩滑，配埋酸酸甜甜既醬汁食，味道好夾最後仲有驚喜，每人一粒馬卡龍！不過勁甜唔係咁岩食..總結，原本諗住街坊西餐，不抱太大期望，但係味道唔錯有驚喜！下次過開樂富會再幫襯

約了在九龍灣上班的友人飯聚，本來打算去德福平台的《茜廊》，不過後來在食評網發現原來餐廳近日在樂富開了新分店，由於我倆都是個貪新鮮、愛嘗新之人，所以就決定搭多幾個站，即時轉場。新店位於樂富廣場，店內設計以北歐簡約風為主，地方頗闊落，而且椅桌擺放得一點也不密麻，令室內看起來更具空間感。安坐後再環顧四周，湖水藍襯白色牆身，觀感和諧舒服，加上牆上掛滿了單車、滑板、背囊、籐籃、廚房用具和盆栽等，為裝潢添上一抹動感。入坐後還沒拿起餐牌，服務員已率先為我倆送上每人一杯甘筍橙汁。好奇一問，原來為慶祝新店開張，凡於 9 月 30 日至 10 月 26 日到訪的食客，都會獲贈飲品及甜品。拿起喝一口，紅蘿蔔的味道不太突出，反而入口有陣陣香橙嘅甜味，很適合不愛吃紅蘿蔔的小朋友。晚市的套餐共有十款，由 $118 至 $238 不等，包餐湯或什菜沙律和麵包。至於散點方面，項目就包括有沙律、湯品、頭盤、小食、意粉、飯、特色主菜、薄餅、甜品、飲品及酒類。由於友人想吃三文魚沙律，而我就想食蒜蓉包，所以就決定在 à la carte menu 內自選菜式。挪威煙三文魚沙律 ($88) 先上，分量頗大，可惜三文魚不多，只得

舊朋友移居台灣已經有一段日子，前陣前回港渡假休息，沒有入住酒店，返而住在我們的小天地（她外婆的家），這天舊地重遊，確實有點感慨，總覺得這位老朋友笑容少了，人也變得世故，不再像以前一樣，愛笑愛哭，整天吵不停。時間不知不覺過去，只是在她家談閒了一會，就已經來到食飯時間，下樓後決定到附近走走，看看有什麼好吃的，發現這裏開了"茜廊"，記懷中我曾經到過它們在天水圍及九龍灣分店，覺得食物質素不錯，所以決定到這裏試試。約7時左右到達，人客已經不少，門外更出現少人龍，我們等了一段短時間，終於開始入內坐坐休息。坐下後，職員即時為我們送上甘荀橙汁，表示新店開會為客人送上welcome drink及甜品。餐牌上的食物選擇挺多，而當中set dinner 的價錢較化算，除了包括餐湯／沙律 + 蒜蓉包，還可以用半價升級飲品。朋友在店內的大電視看到三文魚扒，打算點一客試試，可惜在餐牌上看不到，查問下才知道lunch set才供應，有點失望，不過，店員即時為我們推介其他菜式，服務專業又細心，感覺非常不錯。最後，我們決定各自點了一個主菜，再確外點了自家製三文魚薄餅分著來吃。放棄餐湯，點了沙律菜來吃，沙律菜入口爽脆，感

是晚不想煮飯，又想在附近食野。老公建議去新開的茜廊。都好，試下新餐廳，好耐之前好似在九龍灣食過一次。晚餐價錢由$100-$198左右，都有十多款選擇，已包括餐湯、蒜蓉多士、主菜、餐茶、甜品。老公選了西冷牛扒 （$138）有驚喜！ 大塊得不得了，肉質也不錯忌廉雜菌意大利飯 （$98）不過不失，味道尚可。另加小食 - 炸馬介休球，如果加三十幾蚊得兩件⋯CP值低D lor但作為樂富新食店，已比其他餐廳食物味道、餐廳環境好。會繼續幫襯，科科另外最like 有遙距攞飛（foodgulu)，食飯時間攞咗位先行去餐廳，good

環境裝修幾特別，幾獨特帶個性！令人有舒服既感覺！一坐低侍應就提供杯甘筍汁。幾特別口味清新！好過飲水咁dry啦。叫左個沙0爺雞串燒，原來仲玩少少卓頭玩意。有個小火爐再將d雞串燒到香脆~再配埋汁醬食！好惹味~雞肉都幾樕滑，幾好味。炭燒美國肉眼扒7成熟，超驚喜。肉質香濃唔起筋，少少脂肪位增強口感！配菜有d青紅辣椒幾惹味增強食慾。份量大大碟！夠哂飽肚。跟餐加左份白酒煮藍青口，雖然白汁味不強~但青口都幾鮮！無沙無怪味。唔錯喔！飲品要左杯芒果雪香，味道唔算好甜，幾清新。

小時候間中都會幫襯九龍灣茜廊，但印象中是愈做愈差，所以早已從心水之列剔走。今天早放，見時間尚早可以試下午茶餐，又是新開張，試試吧。漢堡飽餐，份量足，以同等價錢而言，擺盤/食物質素亦okay，我已收貨，雖知現今很多西餐廳收高級餐館價錢，但服務及食物卻是茶餐廳質素！見其他枱面食物，看似意粉及湯類較差，但扒餐及沙律賣相都好吸引，希望下次有時間可以試一試。服務而言是滿意的，侍應會“主動”追單、友善對答、不時留意你需要，唔知點解而家好多做街坊生意的餐廳都好少做到吧。

我今早在樂富新開的茜廊餐廳打算試這間新店的早餐，因為以前曾在德福幫襯了10年，對佢哋滿懷信心。但是今早不快的經歷已令我改變，以後都唔會去樂富這間幫襯。我是第一個客人入去，點了炸魚柳早餐，餐茶好快有，但之後另外5至6枱客入來，紛紛有4枱已食緊，我心想炸魚柳或許耐啲，再等，一直冇人行過來通知或跟進。原來是漏單，我沒有怪責厨房，因這是樓面要跟進，見個客咁耐冇餐出，應主動跟厨房問吓，佢哋冇做，只顧傾計。我投訴後幫我跟進了又冇人話我知，仲好惡咁話已经煮緊啦！點知仲要煮錯，比碟漢堡扒我，我馬上說只比餐飲錢即走，經理才黑口黑面話唔好意思，唔使收我餐飲錢。唔該貴 公司做好啲培訓工作，服務性行業禮貌和態度都係好緊要，厨師幾叻都要出面把關，樂富區有能力食得起48元或以上早餐的大有人在，唔好以為旁邊係公屋，有附近區域嘅人來的。唔好大教壞細，經理唔掂就另請有質素的。

今日起得早，特登去茜廊食早餐，點餐嗰陣時叫咗兩個早餐，嗰個男服務員（無穿制服）應該係高級啲，同佢講飲品遲啲叫，佢竟然話而家叫埋繁忙時間，好忙，呢度係做街坊生意，咁嘅服務態度下次仲敢去咩。

星期六晚諗住去九龍城食泰國菜，去到點知冇位泊車，兜左好耐唔對路，就諗住去第二度食。突然我醒起好多商場都係消費滿唔知幾錢就可以免費泊車，最後就去左樂富。知道係食晚飯時間一定多人，立即上網睇定。因為之前去美心酒樓食有download左個排隊app foodgulu，一開又見到茜廊餐廳個名，禁又去試下啦！去到好多人排隊，原來係新開既！等左10分鐘度啦，就可以入去。入到去裝修都幾靚，有少少似天水圍個間。而我爸就話真係時光飛逝，後生個時同我媽拍拖就係去九龍灣茜廊，兩間個感覺好唔同，呢間新潮左好多。我地一坐低就有侍應放低左3杯橙汁，原來係做緊promote入座就送飲品加甜品，都唔錯呀！最後點左3個晚餐，羊架、燒春雞同埋4色芝士野菌意粉！三份晚餐一上到枱真係好大份呀。羊架有4件禁多，燒春雞又成隻，意粉又好大碟！好抵食！羊架我地叫7成，都整得剛剛好，醬汁另上，最岩我呢d要食原汁原味既人啦。燒春雞就好好食，d肉唔老，好滑，我媽食到唔停口。而個意粉一對比起呢兩個菜就有d失色，所以唔講lu…埋單個時，就自動上埋甜品，係士多啤梨cake，少少地剛剛好，因為個main份量太大啦，個甜品再大d一定食唔落！每人都係

今日同老豆媽咪行完街去到樂富茜廊開餐，之前去過天水圍幫襯過一米pizza，諗住呢間都有，入到去坐低問個經理佢竟然話冇，一心諗住食，是但啦叫個肥經理介紹，見到隔離叫左個巨形牛扒嘩超大件，但本身屋企人唔食牛想試都唔得，佢話呢間主打牛扒，咁就叫左個黑松意大利飯，慢煮極黑豬，三文魚PIZZA，同一個辣肉腸XX飯，叫左四個忌廉湯，好快忌廉湯就到原來係南瓜忌廉湯，正，可能人多其他野都比較慢，第二個PIZZA到，一個字(脆),跟天水圍不相伯仲，跟住意大利飯到，食落去中間生生地，媽咪話唔熟我同佢講正宗先係咁，佢死都唔信捉左肥經理過來問，好在佢都話係咁，仲問我地使唔使煮過，到慢煮豬都係一個字(淋)，跟藍苺汁甜甜地，最慢就係個辣肉腸飯，追左幾次差不多成45分鐘先到，原個鐵盆上，問肥經理原來係用生米原個煮熟，熱辣辣好食，食完曬超飽，美中不足就係冷氣唔夠，但周圍環境新穎值得再來，下次約朋友來挑戰斧頭排

其實樂富附近已經無咩餐廳可選擇，見呢間餐廳新開幕，同屋企人一家四口去試下! 一睇個餐牌已經嚇親，無諗過樂富呢d地方食野都要百幾蚊一個餐! 好啦。老實講，呢個價錢都希望服務質數好少少丫，點知個侍應姨姨好似對西餐唔多熟識，同佢講塊西冷扒要七成熟，隔左陣先好似get到我講咩咁! 我地一行四個人，叫左四個餐，湯要2紅2白! 佢黎左1紅2白，加3個蒜蓉包。同侍應姨姨講爭一個湯同蒜蓉包，佢睇都唔睇就同我講「出緊黎架啦」，我忍唔住問佢，下，乜湯唔係一次過出，你地鍾意分開出架? 串一串佢先知道漏左！之後西冷扒上碟，人地d鐵板，一放汁既話，d汁會四濺！呢間野勁! 無呢種效果! 原因係d黑椒汁好「杰」，我同我隔離檯都問佢有無多d黑椒汁，但落完都真係無味，最後我放棄，拎茄汁算。Btw,佢個卡邦尼海鮮意粉係幾好食，呢個應該係唯一可讚既地方!