茜廊餐廳 (樂富廣場A區)

营业中

休息中

呢間茜廊餐廳係樂富廣場M記隔離，價錢平民，但有富豪既感受！餐廳裝修都幾靚，帶女朋友黎食飯氹佢開心，一點都唔失禮架，餐廳都好寬敞，座位設計闊落，仲有得揀sofa位，非常舒服！西西里海鮮意大利粉: 份量比較細，但貴精不貴多，茄味十足又充滿海鮮的鮮甜，海鮮的份量簡直同意粉既份量差唔多，有蜆肉，蝦，魷魚同青口，食到最尾，碟底都係滿滿既蜆肉，十分有誠意。煙三文魚水牛芝士蕃茄薄餅pizza個餅底又簿又香脆，雖然食材比較簡單，只係芝士，蕃茄同三文魚的配搭，但好食指數爆燈，蕃茄仲食到非常juicy, 芝士既份量亦十分足夠，想一食再食！香蕉朱古力布朗尼雪葩: 呢個甜品拎黎影相一流，見唔見到個碟非常artistic, 其實佢d杯杯碟碟既選擇我都十份欣賞！至於味道，呢個份量係夠4個人食的，因為每人食少少就夠了，如果唔係就會太甜太膩，雲尼嗱雪糕既下面係朱古力布朗尼，附近再加多一圈香甜既cream,出面就係加上了糖衣既香蕉，我要特別介紹下條蕉，因為條蕉外脆內嫩，唔知有冇人bbq鍾意燒埋蕉，熟咗既蕉更加香甜幼滑，淋上焦糖後，咬落去就有外脆內嫩既感覺，非常美妙！

在本地有多所分店的老牌西餐廳"茜廊"，最近卒之殺到來公司附近的樂富區，開了她另外一間舖....對於一向被小弟視為冇啖好食的樂冨來講，這亦可帶來一個新的衝擊。起碼令小弟有一個衝動去花五至十分鐘的腳程走過來此池去找東西吃....話說有一日欲過來食個lunch。一喵門口的餐牌，才赫然發現一個午餐竟要索價接近百大洋.....在樂富地段，您要老子付百大洋去食lunch? 不要說笑了吧....窮等人家，絕不願意花那麼多在這一個地方吃。要花也寧願花在值得的餐廳....於是退而求其次來吃份早餐。縱然一份也要收接近四十大洋，但於我而言，還是花得來的....一塊多士加上兩只煎太陽蛋，多士軟塔塔的沒有太多烘過的痕跡，最多只是包邊有點脆而已；太腸蛋就正常過正常。若然邊邊可以煎到帶脆的話，就更好....通粉用上了港式茶廳早餐極少見的煙斗粉，咬起來十分的al dente相當的令人受落，而且其嗦湯能力是遠比我想像中的厲害；材料主要用上脂肪量較少的雞胸肉，吃來少不免有點嚡口；湯底是偏走向羅宋及意大利菜湯的一路，酸酸中滲著來自菜蔬的甜味，蠻good的....同樣少有地可以在飲料中不用揀極"行"的咖啡奶茶，換來的是一小杯

行經樂富見到此店，以前只光顧九龍灣店，今日過了午膳時間，仍然坐無虚席，好不容易找到位置。我們倆人叫了［炭燒肉眼牛扒］～七成熟，誰知誤打誤撞，變了［炭燒西冷牛扒］$188，上桌牛超過七成熟，略帶韌。反而［三色迷你椒］配菜很精緻@@，額外椒是連籽的，如能除掉内裏的籽更好。［葡式BB豬］$168外皮極香脆，肥瘦適中，入口鬆化，正焗田螺（$38）個薯蓉好香好滑好好味，必食之選。最後來了白酒煮青口（$58），份量都算多，落了檸檬汁，帶出青口鲜甜味道。亦分別點了比利時朱古力雪香（$38），濃濃的朱古力，甜度適中，為朱古力狂喜爱。抹茶雪糕牛奶好以飲冰水（$35）這杯無乜抹茶奶香味且太多粒粒小冰。額外：可能真係多客唔休做，店員態度似足快餐店服務，即係最緊要一個字：快！

同家人黎到樂富商場行街, 行完之後覺得餓, 發現樂富每間餐廳都好多人好近地鐵站既茜廊, 雖然有人等緊位, 睇過MENU 都幾啱食, 就決定揀呢間排隊啦Main course款式都多, 款式都幾合家歡, 所以都幾多成家人黎食想食牛扒&BB 豬, 發現單點同set dinner 差唔多價錢, 咁set 有包有湯有飲品, 抵食D餐湯有紅白湯選擇, 紅湯, 辣辣地, 又夠茄味白湯就比較大路, 都OK配埋蒜蓉包, 十分脆其中一個set dinner 係葡式焗BB 豬, 好快就有得食, 唔係擺凍左好耐先出, 因為仲好熱, 應該係啱啱燒好 豬皮好脆, 就好似脆肉乾, BB豬亦無咩肥膏, 肉又淋, 配埋黑醋汁, 食落唔會好油膩另外叫左set 炭燒美國肉眼牛扒, 7成熟, 都燒得幾靚, 肉質紅紅地但無血水, 拿捏生熟度幾好， 用牙籤對比，又真係幾厚切肉質都幾有牛味, 醬汁係另上, 唔使淋上去, 要食到牛扒原汁原味, 當然係落黑椒&鹽, 不過要問WAITER拎, 都好快拎黎由於叫SET DINNER,仲可以用優惠價加小食, $38白酒煮藍青口, 青口雖然唔係好多, 不過都幾大隻餐飲可以加$18 -$22升

前天晚上, 我和朋友到了樂富一間西餐廳進食晚飯, 我們六點半到了, 當時不是太多人在裏面。我們點了兩個套餐, 套餐跟了飲品及沙律或餐湯。被炸過的鰽魚的魚皮呈微脆質感, 魚肉嫩滑, 但白汁的份量略多了點。我們飯後再點了朱古力心太軟配雪糕。心型的心太軟流心程度頗高, 朱古力味道濃郁突出, 甜度適中。

又差不多到月尾這個尷尬的時份，既然要相聚吃頓晚餐，既不想花費太多，又不想太寒寒酸酸地得過且過，茜廊餐廳也是其中一個選擇。Gathering少不免點杯house wine摸摸酒杯底，邊喝邊聊。餐酒易入口，既不酸又不澀，較適合初學者，味道中性只欠層次，以餐酒來說算是不錯。葡式烤BB豬 ($178/ 晚市套餐): 餐湯餐包那些不用說。BB烤豬脾有六大件，既然是豬脾，肉嫩也是理所當然，另一方面豬皮烤至極脆，形成外脆內嫩的效果，而且肉汁豐富，相當juicy。別以乳豬來比較，因為這BB豬味道好得多。特級美國牛柳 ($198): 這年頭人們不是吃安格斯肉眼，便是西冷牛扒，牛柳可真沒吃一段時間。牛柳五成熟，中間澄紅色滲透絲絲血水，raw得來又有濃郁的肉香。厚度也會影響味覺，西冷/肉眼較薄，而牛柳較厚，口質較佳，相比之下更出色。

今日做野做到好夜,就是旦入左茜廊食dinner,點知有驚喜!同同事食~可能過左晚餐時間已經餓到無咩感覺,就叫左凱撒沙拉,一上抬,勁大盤,好誇張!味道就普通,不過不失啦!同事叫左炭燒肉眼牛-好厚身好JUICY!!同事話唔會過熟,好淋身!叫左2款小食焗田螺-配埋焗薯,好match好好味! 田螺有差唔多十隻,有咬口!黑松露薯條-岩岩炸起,好香口,食到會上癮!!叫左杯比利時朱古力-強烈推薦!!!勁濃勁香!!又夠大杯,好滿足!!估唔到呢類餐廳都可以做到咁出色!!而且價錢平都有呢D質數!邊有得輸!

今日經過見到門口有好多人排隊，八卦之下睇下個餐牌，見到都有幾多選擇，所以決定係依到食飯。入面既裝潢好型格，坐得都算係幾舒服，環境都幾好。睇左menu一陣，叫左個二人晚餐。二人晚餐包括前菜、湯、餐包、主菜、甜品、飲品。湯（紅湯/白湯）：紅湯係羅宋湯，白湯係粟米湯，我地分別叫左一樣一個黎試。紅湯紅蘿白煲到好淋身，湯亦有好濃既牛味，紅湯飲完勁開胃。白粟粟米味好濃郁，好甘甜。餐包：蒜蓉包烤得好脆口，蒜蓉味重，配埋湯一齊食，好味！前菜：煙三文魚温泉蛋沙律，煙三文魚好肥美，蕃茄、沙律菜配上醋，好開胃。再加埋温泉蛋一齊食，撈埋沙律同醋，好味！主菜：炭燒美國肉眼牛扒-牛扒叫左七成熟，牛扒上面亦有網紋，牛味濃郁，入面既肉剛剛好七成熟，肉質一d都唔靱，火喉拿捏得好好，配埋黑椒汁黎食，正！海鮮闊條麵：海鮮有青口同蝦，青口好鮮甜，好爽口，而闊條麵好彈牙，配埋白汁，好味！甜品：朱古力蛋糕-朱古力好香濃，唔會太甜，yummy!

樂富依家改變好大，自領展會接受個商場之後，感覺煥然一新，行完街之後，我就去咗茜廊餐廳度食飯呀餐廳裝修得好靚，我哋係坐卡位，牆壁就係酒木箱做成，另一邊就係用白色做主調，放咗單車，雜物咁，白色tone, 感覺非常之特別點咗個特級牛柳配阿根廷紅蝦價錢128蚊,牛柳嚟講算平, 冇幾耐我餐就到咗，先飲嘅湯， 羅宋湯我覺得幾足料，同埋個味道都幾濃，ok不錯主菜終於來到，特級牛柳配阿根廷紅蝦，牛柳個色澤還可以 ，切開個陣吾使點用力，咁一定係鬆化啦， 雖然係七成熟，但口感都不錯，鬆化得黎好juicy,, 味道都幾濃，紅蝦肉肉質 都幾q彈 ，同埋都好大隻，足足成個手掌咁大，128蚊 真係好抵食，意大利飯裏面，有紅椒，黃椒，青椒 ，再加d野菜, 咬口遠得嚟又有爽脆，口感非常之複雜，好得意

光掍節同媽媽搵食 去左据扒 7點鐘唔洗等位直入 好好嘅一句對白媽媽要求嘅三文魚沙律 沙律菜係新鮮嘅好爽甜 不過如果可以多少少三文魚就好了叫左西冷扒 有牛味 可惜過火了 老了😔 套餐嘅南瓜湯同蒜蓉包 我的肉眼扒都同樣過火了 口感比較靭⋯看來餐廳要努力一點在控制火喉方面⋯

跟友人當了半天熱血的訓練員，餓感來襲，我倆便到樂富廣場醫肚。看到<茜廊餐廳>門口有人龍，抱著人排我排的心態，決定一試。等了約15分鐘，終於可以進入餐廳。內在環境很光亮，石磚牆上的牛仔壁畫，似乎暗示牛扒是餐廳的主打，掛牆的粉筆繪圖十分可愛，而不同顏色的木椅令整體感覺更清新。我倆安坐於舒適的卡座，染上全白色的單車、鍋子和各款廚具排列整齊的變身成掛飾，有特色之餘，別具時尚玩味。餐牌上的選擇各適其適，饞嘴的我點了整枱美食，當然也少不了招牌的炭燒牛扒，趕快開動吧! 炭燒美國西冷牛扒薯菜 $198看著燭光，吃著佳餚，浪漫非常。炭燒西冷牛扒的賣相已叫人垂涎欲滴，西冷牛扒十分厚切，份量足足比我手掌還要大，2個女孩子吃也綽綽有餘。七成熟牛扒上的金黃色網紋，凹凸有致，紋路清晰，表面的油脂被炭火迫出，充滿光澤。切開厚而肥美的牛扒，紅色的肉汁慢慢滲出，肉質入口軟腍而鮮嫰。我很喜歡吃邊緣焦脆的位置，帶少許肥膏，牛味特別濃郁而焦脆可口。伴碟是有燒過的黃椒、青椒和椰菜，最後當然少不了炸薯塊。燒過的青椒脆而乾身，但中間的青椒籽十分辛辣，建議餐廳挖光所有的籽，令人感覺更貼心、怡人。炸薯塊脆卜卜，絕對是吃

烤原隻春雞隻雞幾大隻，表面個浸入味好食，但裏面D肉就冇咩味。其實用刀叉都唔係好方便食，建議送埋手套，用手食更姿味。辣肉腸焗飯用咁大嘅煎PAN上好特別。飯得幾好食，但D肉腸就有D乾。Macaron賣相好靚好吸引，有6種唔同味道，鐘意甜嘅一定要試吓。

趁周末與囡囡去樂富廣場逛下街 逛街前，當然要餐飽肚先 ~~ 一出地鐵站，轉個彎就見到呢間好熟面口的茜廊 原來除了九龍灣德福廣場，樂富都開了分店 午餐選擇都不少 ...我們點了一份午餐 ... 鐵板西冷牛扒薯菜 (燒汁) HK$118午餐跟湯或什菜沙律 + 麵包 + 凍熱飲品另外，點了客焗田螺薯蓉裡面有很多煙肉粒，與田螺一起多了份咸香，惹味又好食鐵板西冷牛扒薯菜與燒汁分開上，咁就唔怕太多醬汁搶哂牛扒的味道喇 !!!我點了七成熟，切開後就是粉嫩又 juicy 的牛扒 ... yummy+HK$18 改了杯特飲比囡囡 ... 比利時朱古力雪香不只賣相精緻，味道都不錯，朱古力味夠濃，但又不會太甜女孩子就是鍾意食甜點，囡囡點了這份好吸睛的 ... 馬卡龍配雪葩6 款不同口味的馬卡龍 + 青檸雪葩 ... 一個甜和一個酸，這個甜品的配搭都幾特別飯後先食帶酸的青檸雪葩可以解膩滯，感覺清爽又舒服再食埋甜滋滋的馬卡龍，咁就滿足又幸福喇 !!!** 以上分享是以我的口味、喜好和情況作出分享及感受，一試 / 合用與否請自行決定

同朋友黎食晚飯，揀左茜廊餐廳，佢話以前係葵涌返工成日食，好掛住塊扒喎。點了一份晚餐，一個pizza再加$28轉餐，再點了小吃，哈哈，好豐富啊。先上餐湯，是日餐湯有羅宋湯同南瓜湯，羅宋湯酸酸的，蔬菜已煮得很淋，很好味。朋友要了南瓜湯，微甜，很香很滑，都好飲。仲有蒜蓉多士，勁香口。西式焗田螺 $38朋友大力推介呢個，佢話勁正喎，等我又試下先。薯蓉下了不少牛油，好香呀，上面仲有芝士同酸忌廉，一啲都唔漏，田螺鮮甜，真係好好味喎，無推介錯。鮮甜的田螺加上香口嘅薯蓉，一口接一口食唔停呢。三文魚薄餅 $1389寸size，都幾大個喎，上枱時勁香呀～滿滿的芝士超正，三文魚咸香，仲有水牛芝士同蕃茄片，好juicy，餅底很脆，味道做得很平衡，好好味。炭燒美國肉眼扒 $238朋友話肉眼好食好多，貴少少都抵。要了五成熟，切開後果然肉嫩，紅色的肉勁吸引喎，肉味濃郁，有口感但無筋的，好正好正。有點意猶未盡又加了甜品，朱古力心太軟配雪糕 $58，心型的，好大個喎。都幾流心，蛋糕烤得香軟，濃濃的牛油味，朱古力醬甜美，熱烘烘的蛋糕配上凍冰冰的雪糕，一熱一冷好好味呀。熱檸茶同朱古力牛奶抹茶 (特飲跟餐加$18)檸茶不過不

以前不時都會去葵芳間茜廊食下晚餐，後來執左就一路無再食過，最近樂富開左間新分店，就同朋友去試下。可能因為新開張，未到六點已經幾乎滿座，好彩仲有一千零一張卡位，唔洗等，但因為近廚房，整理餐具同出餐嘅嘈音都幾大，鍾意慢慢食慢慢傾偈嘅朋友要注恴喇。裝修係文藝風格，淺色主調，牆身有仿酒箱設計，枱面又會擺小蠟燭，到晚市時間仲會調暗燈光，如果唔係咁嘈應該幾有FEEL。菜單好豐富，講得出嘅類別都有咁滯，扒餐、意粉、焗飯…Pizza都有，多D人黎食可以試多D，但今次得兩個人，食唔到咁多，就叫左個SET再揀個飯，一個野菌忌廉湯同炸籃。肉眼扒單叫要$218，SET貴廿蚊但有湯同餐包，湯係全晚亮點，跟餐嘅羅宋湯微辣 (一直覺得羅宋湯一定要有D辣先啱)，料多，牛肉好大舊，而且夠腍又入味；野菌忌廉湯質地類似麥皮，啖啖都係碎菌，好香忌廉味，但又唔會膩。炸籃有薯條、炸蠔、魚柳同炸蝦，都唔厚粉。炸蠔雖然細細粒，但係爆哂汁，好香；魚柳偏乾身，肉質較實，其他都不過不失。成個炸籃調味都較淡，薯條好似連鹽味都無，係無咁大罪惡感嘅，但重口味人士就可能唔夠喉嘞。肉眼扒味道都較淡，連個汁都係淡；配菜個茄子反而令人有驚喜，有烤香味，