茜廊餐廳 (樂富廣場A區)

营业中

休息中

細細個就食開的茜廊，最近進駐屋邨商場，不再要到九龍灣或天水圍才有得食！可以話為一眾街坊帶來極度邪惡美食！任何套餐只要加$24就可加配香煎鵝肝配法包，鵝肝煎到金香色，表皮脆卜卜，咬落入口即溶，內裡軟滑綿密，啖啖油脂香味！鵝肝size都唔細, 同法包差唔多大美國牛柳薯菜 (黑椒汁) $148葡式烤BB豬 ($168)寶雲酥羊架 ($158)

呢間西餐廳都有好幾間分店, 好耐無黎食啦, 今日黎到感覺同以前唔同, 好有清新, 乾淨, 舒服既感覺, 客依然係咁多, 今日我地叫左2個SET LUNCH, 先黎2個餐湯, 一紅一白, 再配上牛油多士, 罹宋湯好足料. 跟住我叫左個芝士白汁焗銀雪魚食, 用左呢個鍋黎盛載可以保持飯既溫度, 另外出面多數都係焗龍利柳, 但呢到係用銀雪魚, 超正, 魚肉超滑, 外皮仲會有輕微的脆. 朋友叫左個咖哩漢堡扒煎蛋飯, 咖哩味香, 送飯一流. 最後仲有餐茶.之後可以再黎食, 質數唔差.

本身夜晚行到好累，就係附近揾野食。見呢間野都幾多客人，睇黎唔會太差。但係一食，先知冇想像中咁好。首先d職員既服務態度就真係麻麻，比杯水都黑口黑面咁。好似佢地先係客人咁。跟住點左個set dinner, 係牛扒拼北海道帶子。北海道帶子係用芝士焗出黎，好大隻。芝士份量係好足。牛就點左7成熟，仲有少少肉汁，唔太差。配左照燒汁，用黎點薯角同瓜菜就一流啦。餐湯係一個磨茹湯，味道係幾好。唔算太差。整體黎講，味道幾好，但服務就唔好期待啦。

在樂富只有領匯商場，沒有太多餐廳選擇這間西餐廳價錢略貴了一點，但質素是有保證芝士焗雞飯作午餐是令人很開心的不過有一次廚師重手了，好咸白汁帶子煙斗粉味道有點淡，清清地都唔錯~帶子有委多粒，但不夠入味晚餐牛扒的厚度也是滿意 忘記了拍照了呢^^”不過有次吃豬仔脾，唔知點解燒烤汁有點苦下午茶也挺出色的$40內有沙律，牛角包 & 蕃茄煙斗粉好滿足的Tea!炸雞肶及薯條，好香脆，令人好有罪疚感呢最近Facebook按讚還送甜品👍

12月1日寒風初起，這天相約了中學同學，來到茜廊享受聖誕前夕的聖誕大餐！一進餐廳，是溫和的燈光，並已充滿了聖誕氣息，誰不喜歡充滿氣氛的餐廳呢？！可能是平日關係，六時多人不算多。7點半後愈來愈多人！那天我們吃了紅白湯西蒜蓉西多士紅湯偏咸。白湯奶味香濃加錢的青口，白酒較重，青口夠鮮嫩，比起餐湯更好紅蝦鮮蟹肉天使麵這個天使麵實在太失望了！這外觀不錯，紅蝦肉甜爽口！味道卻過咸！現在想起早知更換一碟新的！蟹肉用大量鹽醃。鮮味就沒有，海鹽蟹肉就一碟！火焰燒春雞看一看應該是炸春雞，但是切開肉汁即流出來，外脆肉嫩滑多汁！不會過咸，剛剛好！薯條分量充足！配上沙律，感覺健康又清新！飲品生薑蜜糖茶。今天天氣凍，想飲一杯熱飲，又不想飲一般熱飲，例如熱檸水阿華田朱古力奶茶，所以選了這杯！味道不會得濃，是淡淡的生薑和淡淡的蜜糖，不會太甜，但很熱！日本紅豆冰。這是朋友飲的。而我不知道日本和不是日本的紅豆有什麼分別！甜品朱古力心太軟配雪糕加58元的心太軟很大件。可以3個人吃沒有問題，不會過甜！不錯的心太軟呀！

情人節到處食飯都貴只有提早慶祝咁就可以省番一筆係人都知樂富其實都係食物沙漠黎唔想食連鎖既選擇都係得幾間今次我地兩口子就選擇左食呢間一入到去好彩係早左到都唔洗點等位就有得食我地兩個就點左二人晚餐價錢來說有D係可以去到7百幾我地只好嗌平民一點的一個扒加一個飯今次嗌既係炭燒美國肉眼牛扒+黑松露雞肉意大利飯作為二人晚餐一上到的當然會是湯和沙律白湯加左D菜碎使得這個湯不那麼平凡個人幾喜歡呢隻口味沙律都幾大份而且有隻半熟蛋係上面撈黎食口感更佳再黎係主食我食既係黑松露雞肉意大利飯黑松露味很香 而且意大利飯濕濕地再加上上面有磨菇等等既配料味道幾正中另一半吃既係炭燒美國肉眼牛扒我試左幾舊肉質好嫩滑 最特別係佢個醬汁好MATCH到個肉味!!係一個加分位!!!!價錢來說並不算便宜但性價比高 5百幾就食到兩個美味既菜式情人節好難搵到呢D架啦所以我個人是幾滿意

今天到樂富拜年友人帶我來這吃飯我們點了有葡式烤BB豬 新奧爾良雞翼 串燒沙嗲葡式烤BB豬食評：一見到menu張圖就好想食 因為佢影到好似雞脾 黎到同相一樣樣, 食落去果然皮香又脆, 而家諗起都想食番, 可能係因為bb豬既關係, 肉質好嫩, 而且係豬脾肉, 嫩滑度加100, 超好味新奧爾良雞翼食評：個醬汁既味道有d似水牛城雞翼 醬汁既味道, 唔會整到好老好un, 而且好入味!! 正串燒沙嗲食評：超估唔到呢個, 原來佢會成個炭爐直接送上黎, 點完醬汁再燒多陣, 更香更好味, 我地點左係雞肉, 肉質嫩滑, 最加分係d醬汁, 無得頂!!

廚師絕對用心，每樣食物的擺設也花了心思，味道也好。菜式也算多樣化，唯一美中不足的是如果坐不到卡位，其他座位會比較逼，不是談天的地方。紫薯蓉很讚，牛扒出奇地好吃，老實說 沒想過這類集團餐廳也不馬虎，抵讚。性價比很高的一間餐廳

經理和侍應講野一舊舊，完全唔知道講咩，每講一句都要重覆問一次，而且態度冷淡，呢方面確實影響我對Side Walk 嘅印象。👎呢間SideWalk唔係開咗好耐，所以都幾新淨，裝修都幾靚👍🏻今晚叫咗兩個餐- 特級牛柳配阿根廷紅蝦- 香煎鵝肝牛肝菌意大利飯(1) 南瓜粟米忌廉湯，蒜蓉包份量夠，又夠熱，有粟米味，個湯幾杰身，甜甜地幾好飲。👍🏻蒜蓉包比較乾硬，但好脆，蒜蓉味亦足，算佢啦。當剛飲咗一半湯，個特級牛柳配阿根廷紅蝦餐就到咗，上菜時間太急了，呢方面一定要改善。👎(2) 隨特級牛柳配阿根廷紅蝦上碟嘅黑椒汁太稀，味道淡，要扣分👎，我亦唯有改為點些芥辣。牛柳本身幾軟熟，又有牛肉味，不過有啲筋，有啲剎風景，阿根廷紅蝦都算幾大隻，味道新鮮，唔錯👍🏻，伴碟嘅薯仔做得幾出色，味道正，伴碟都用心做，要加分👍🏻(3) 香煎鵝肝牛肝菌意大利飯，份量足，鵝肝雖然唔大舊，但外皮有些脆，鵝肝味道香濃，無馬虎👍🏻，至於個飯嘅質地就唔似意利飯果種黏稠和半熟硬硬嘅質地，而係似荷葉飯果隻😓，如果一心諗住食果種黏稠和半硬嘅質地，應該會失望，我個人就覺得味道尚可，算好食嘅👍🏻，係佢改錯名，應該叫香煎鵝肝牛肝菌燴飯就算。(4)

本人一向討厭吃節日餐但估唔到2月12號去Side Walk 諗住食個西式晚餐點知經理話係得呢三張餐牌㗎嘞，咩態度？一睇，無供應平時嘅Set Dinner，而換嚟嘅係情人節晚餐😡乜唔係情人節當晚而係早兩日都只係供應情人節套餐？好有被屈感覺，但一場嚟到費事轉地方就求其叫個特級牛柳配阿根廷紅蝦餐😤首先個湯嚟到係用個膠碗裝，以為去咗茶餐廳🙄。未飲到一半個主菜已經嚟，真係激死！ 牛柳同蝦味道算ok但當然係凍咗...餐後甜品仲離譜，件士多啤梨超mini蛋糕得隻麻雀咁細，咁少氣不如唔包啦！！！！！最後，咖啡水準亦強差人意，究竟呢間餐廳想點？ 服務係由侍應到經理都係一樣 - 完全無心serve啲客人，只係工廠式。 無下次😡😡😡

招牌烤雞沙律 ($98)份量好大，除左沙律菜，入面仲加左薄荷葉🌿、車喱茄🍅、合桃同埋烤雞🐔，材料好豐富同埋都幾新鮮，非常開胃。-黑松露香脆薯條🍟 ($38)薯條炸得夠香夠脆，黑松露醬加左酸忌廉，黑松露味道香得黎酸酸甜甜👍🏻，好惹味，配埋薯條一流。-葡式烤bb豬🐷 ($178)Bb豬嘅外皮烤到好香脆，但係肉質仍然保持到好嫩滑，而且有肉汁💦，口感唔錯。配埋黑醋汁，少許嘅酸味，仲可以減低油膩嘅感覺。-葡萄牙龍蝦海鮮飯 ($338)大大隻開邊龍蝦舖係飯🍲嘅上面，加上大量海鮮炒成意大利飯，材料豐富，賣相好好👍🏻。飯嘅口感唔錯，唔會太硬，不過味道就一般般🤔，雖然用左好多海鮮去炒，但食落無咩海鮮味，整體調味清淡左啲。

屋企附近開左茜廊一段時間，都未真係去試過。平時經過親都好多人，有時仲要等位🤔今日男友提議試食呢間，lunch set menu又有去到邊我地都要嗌嘅carbonara，就放膽一試啦😀入到去因為都好多一家大細，所以餐廳氣氛都幾嘈吵🤔我地咁啱2點去到，lunch time好似過左，但問問staff，lunch2點完，但tea2點半先開始，真係搞笑😀最尾我地都係嗌lunch set ge🤔餐湯餐飲主菜唔洗5分鐘就到喇，的確好快手👍🏿先講餐湯，唔鐘意食南瓜嘅人都可以試下呢個南瓜忌廉湯，因為一啲都唔南瓜，反而似甘荀🤔至於個蒜蓉包，超級硬，冇咩蒜蓉香味👎🏿兩個主菜令到成餐飯更加不堪😑先講carbonara，真係睇個樣都知唔會好好食，但冇預到咁難食！呢個未必關廚師事，而係成個combination都9唔搭8，蛋汁還蛋汁，意粉還意粉，極度奇怪！最9唔搭8係竟然落冬菇片，真心未食過咁伏嘅carbonara!!!😡另外嗰個吉列豬扒滑蛋飯更加難食到一個點！我以為嗌呢啲實穩陣啦，實在太天真🤓豬扒係大大舊兼幾易咬，但一啲豬扒味都冇！！唔新鮮嘅豬扒食過唔少，但起碼都有味呀！冇味真係完全唔知自己食緊乜！😡洋蔥汁亦都

自小家住九龍灣，小時候每逢生日節日老爸老媽總愛帶我與妹妹去茜廊大吃一頓慶祝，後來我們長大有了自己的社交圈子，這習慣便漸漸被遺忘，偶爾想起也頗懷念的。這天與老媽到樂富探訪親友，竟然發現了茜廊分店，當然要好好懷緬一番啦！ 對街的地鋪，大大的落地玻璃窗，來往的行人容易被勾起食欲吧？ 裝潢是漂亮的田園風，藍色沙發椅軟軟的坐得舒適。 設計得像英文小報的餐牌，溫暖可愛，特大食物照最吸睛。 廚師炸籃包括了吉列大蝦、吉列蠔、吉列魚柳跟脆薯條，新鮮炸起香氣散發，熱量超標也不管了！最喜歡吉列蠔表面香脆，裡面蠔肉仍然保持軟滑Juicy，火候掌握得不錯呢！ 西式焗田螺烤焗得表面微焦，田螺彈牙有嚼勁，加入了香草跟牛油的薯蓉又香又軟綿，一點也不比田螺遜色。 隨主菜附送的餐湯與法包，溫熱的忌廉湯味道一般但勝在口感細滑，配烤得焦脆的牛油法包剛剛好！ 主菜葡式烤BB豬外皮硬而脆身，肉質卻細嫩軟稔，脂香隨咀嚼慢慢溢出，食肉獸如我覺得皮連肉一起大啖咬下最滋味，質素有驚喜！要是肉吃得多了覺得膩，沾點醋汁或與沙律一起吃就能中和一下。整道主菜分量不少，與細食的老媽兩人吃得極撐！ 無論吃得多撐，都還有容納甜品的空

口感 8/10龍蝦嘅肉質幾實正，有咬口而且因為都幾大隻，所以可以有啖啖肉嘅滿足口感😍不過因為採用嘅係普通飯而唔係risotto，所以飯嘅口感稍為爭啲啲😕有啲偏濕同偏軟，同龍蝦都幾大對比😐如果可以硬身同乾身啲就好啦！味道 7.5/10整海鮮飯最首要條件係冇腥味！佢嘅各樣海鮮都算新鮮，所有野都合格連龍蝦嘅頭都完全冇腥味。至於海鮮同飯嘅鮮味就唔夠濃啦！整體都偏淡，不過仍然食到龍蝦味嘅。只係如果再濃啲就正好多啦🙈抵食 7/10隻龍蝦的確好大隻，幾多肉！對比起之前食到嘅大約大25%不過價錢真係高左啲呀😅雖然滿足到🕳嘅龍蝦引，不過要付上幾沉重嘅代價🙈

前陣子在樂富附近工作，放飯時間想吃DECENT一點的西餐，沒想到可以在這裡以平民價錢吃到。餐廳的裝潢其實算有點心思，不過坐下來感覺其實比較像高級一點的茶餐廳，和意樂的感覺有點相似。SET LUNCH 包一個主菜、沙律或湯以及餐飲叫了一個鴨胸肉配黑松露薯蓉，鴨胸肉太硬、太韌，有時甚至咬不開，黑松露薯蓉的黑松露香味濃郁，口感香滑卡邦尼意粉就有點失望了，不是正宗用CHEESE做SAUCE，感覺是比較鹹的白汁。另外覺得餐廳用的碟具都挺漂亮的，食物的擺盤也做得不錯。