花漾

营业中

休息中

好耐都冇行過Times Square，原來多咗好多新嘅餐廳，我同朋友經過門口就俾佢嘅裝修吸引住，入去坐低睇Menu先知道原來係新加坡菜🤭我哋揀咗松露茶葉蛋，好得意第一次食有松露味嘅茶葉蛋，感覺好新鮮好特別，而且係好味嘅🙌🏻冰鎮鮑魚，呢個鮑魚一開二，方便容易食👍🏻而且好有咬口，配埋個汁點嚟食酸酸地幾開胃花漾海南雞飯，雞肉好嫩滑，而且好香好有雞味，雞油飯亦都好入味，唔會有太油膩嘅感覺一人一杯嘢飲，熱香茅鮮橙茶，凍桔仔話梅冰恐龍蛋，甜品好食，本身應該係兩隻唔同味嘅雪糕🍦奶茶同椰子味，但咁岩冇晒奶茶🧋味所以俾咗兩個都係椰子我哋🤤好重椰子味，配埋可可球一齊食，真係好滿足😋整體都好滿意呀，環境坐得舒服又靚，食物又好食😋下次會再encore

今天和朋友一起，去铜锣湾时代广场shopping，见到六楼有一家新开的新加坡特色餐厅一花样。装修风格带有东南亚绿色主题的风格，给人非常干净舒适的感觉，门口有一个很醒目的大餐牌，餐厅大厨自马来西亚。招牌菜无骨海南鸡：鸡选材由正宗海南文昌鸡，肉嫩皮滑有鸡味。有三种调料，可以按照自己的口味来选择，點上调料酱，口感丰富而有层次。餐厅特色新加坡大虾喇沙掺摻必点不可，带有少少辣浓郁喇沙汤底，加上清香的椰汁味道正宗，还有蝦、糖心蛋、鱼片、鱼蛋、豆卜、芽菜好足料呀，掺掺是米粉和油麵两溝，大大碗。马拉盏炒通菜：够锅气，菜绿爽脆，火侯恰到好处。这样不用去新加坡旅行，也可以尝到正宗新加坡的特色菜，是一个更好的体验。

喺時代廣場新開嘅新加坡餐廳有好多當地嘅美食，今晚就試左幾款，果然好有風味🥰 呢度係新派裝修，而且餐具別緻 新加坡大蝦喇沙摻摻 $118有蝦、魚蛋、魚條、豆腐干、雞蛋及豆等，喇沙湯底濃而鹹鹹地，有椰奶香味，摻摻係油麵同米線混合 檳城蝦麵 $118呢個湯底唔同，材料有蝦、豆腐干、雞蛋及豆等，無魚蛋但有豬肉，同樣湯底濃而鹹鹹地 烤馬來蔥餅配咖哩 $62濃烈香咖喱，蔥油餅薄身又香 街頭雞肉串燒 $82雞肉串燒香後有口感，沙嗲醬好特別，少許辣味

海南雞飯加肉骨茶套餐 - 海南雞雞肉幾滑，配有三款醬汁：甜豉油、薑蓉同甜酸辣醬。加埋雞油飯超惹味！星加玻版肉骨茶湯裡有一件排骨，煲得幾腍幾入味，仲有埋豬肚同蒜頭，湯嘅胡椒味好重，飲落有少少辣。冬天飲完呢碗湯好唔暖胃👍🏻☺️另外一個套餐配一碗迷你喇沙，但份量一D都唔細！喇沙湯材料有魚片條、豆卜等材料，湯汁香濃帶有微微辣味，椰子香非常香濃，米線口感爽滑而且勁大碗，好滿足！烤馬來蔥餅配咖喱 - 蔥餅香酥鬆軟食落好煙韌點埋咖哩汁食好正！下次黎一定要試埋其他小食😆！另外點左杯馬來拉茶，茶香奶滑味道較甜。

放工行經Times Square見到呢一間裝修好靚嘅新加坡餐廳，就入去試吓😆 環境好大有好多卡位，坐得舒服😌溫泉蛋配班蘭咖央多士🍳🍞新加坡經典早餐就係呢樣，之前喺馬來西亞食過一次好難忘😳 咬一啖塗上獨特班蘭咖央醬，香脆可口嘅吐司🍞 在沾上溫泉蛋液，perfect🔥牛油真係超級大塊好邪惡，不過好味😆新加坡炒粿條🥘特登冇叫到海南雞，想試吓其他菜式，炒粿條都係星馬菜嘅特色之一，有啲似乾炒牛河🤣 本身係會有辣粉喺上面，多得店員提醒，我哋走左辣☺️ 入邊有好多配料，蝦，蛋，魷魚，芽菜花生等等，醬汁偏濃味，加上少少青檸汁就更加開胃👍🏻參峇醬燒豬頸肉🐷豬頸肉夠嫩滑，點埋酸酸嘅參峇醬好正！🤤烤馬來蔥餅配咖哩🫓🥘兩大塊蔥餅，咖哩冇印度嘅辣，將蔥餅點咖哩令人停唔到口🥲椰青🥥

顏色鮮豔奪目的門面令人駐足，原來是新家坡菜。東南亞菜餚一直惹味吸引，值得一試。不單裝潢色彩繽紛，餐廳用具同樣鮮豔斑斕，強烈色彩襯托美味佳餚，感覺熱帶雨林送到面前。叫了最愛的肉骨茶，味道不錯，沒有中藥味，肉煮到離骨，配上炸兩。清湯雞麵是比較清淡，熱熱的滿足口腹。通菜少許辣味，食落爽脆。最開心就是選擇多，上菜快。加上活潑的環境和各樣飲料甜品，令人感覺開心，不知不覺吃下不少。餐廳開在7樓賣衫的樓層，估計還不算多人知道這層有食肆所以暫時不用排隊。

假日既下午茶時間三點幾係銅鑼灣搵食😝誤打誤撞黎左食呢間星馬餐廳餐廳位於時代廣場6樓，假日人流都唔算多，唔洗等位餐廳裝修同餐牌設計都好似另一間星馬餐廳Kaya，唔知係米姐妹餐廳呢🤔假日餐廳冇Tea Menu，都係單叫餐牌上既Item味道出奇地好唔錯👍🍜海南雞飯拼喇沙米線（$138）揀左呢款有麵又有飯😍本身諗住麵應該得細細碗兩啖食晒點知都有幾大碗，一個人食都應該食唔晒兩樣🤣喇沙湯底偏辣，但可接受，亦好濃味😋而且好有誠意好足料，有流心蛋、蝦、魚丸米線亦都彈牙，唔會話浸得耐林晒👍海南雞亦都好嫩滑，點埋啲醬一流油飯就冇乜油香味整體黎講係有驚喜，好食💯🍝李先生辣椒板麵配魚丸湯（$92）呢個就似係雜錦拌麵，有肉碎、花生、菜脯同唔同既脆脆有驚喜既係加左啲脆香既魚仔，好香口❣加埋半熟蛋撈埋一齊食好豐富😍另外魚丸湯就似清雞湯，配埋重口味既拌麵就可以平衡返/😋食物質素：8/10🍽️用餐環境：8/10💰性價比：7/10👣回頭率：8/10/📌花漾銅鑼灣勿地臣街1號時代廣場6樓625-626號鋪

去完時代廣場Shopping行到累要搵翻間餐廳醫肚見到呢間餐廳裝潢好靚就入去試下打開Menu先發現原來係星馬菜
有卡位坐得好舒適
野食估唔到都好有驚喜🔸新加坡炒粿條 $128一碟份量好多！職員落order時，好溫馨咁提醒我地會有🌶辣椒粉係面頭。由於我地唔食得辣，就要求左走辣。份量好多，配料亦好豐盛呀😆有魷魚、臘腸、蝦，都幾足料！粿條炒得好入味😋如果份量細翻少少就啱一人食啦！🔸街頭雞肉串燒 $82雞肉串燒有炭燒嘅香氣，雞肉醃得好夠味，一碟有4串，兩個人食啱啱好呀😋肉質非常嫩滑，每串都啖啖肉！🔸參峇醬燒豬頸肉 $96參峇醬其實係娘惹菜辣醬一種。個人覺得唔係好辣，甜甜地，幾開胃！配埋豬頸肉一齊食好惹味～肉質嫩滑，斜切得好好，每片都厚度適中👍🏼🔸烤馬來蔥餅配咖哩 $62有兩大塊蔥餅，蔥餅烤得好香脆！娘惹菜嘅咖哩比印度菜咖哩差別幾大！呢款咖喱椰香味較重，比較濃味！將蔥餅沾上呢個醬好惹味😋如果分好一塊塊就更出色

就快到聖誕節，到處shopping購買聖誕禮物是常識吧😁Time square很多商舖都做緊christmas sale。 買完電子產品去到6樓換coupon， 見到間靚靚新開的餐廳， 充滿東南亞風味， 燈光柔和坐位舒適， 充滿花花圖案， 女仔一定會好鍾意。花漾海南雞飯新加坡風味海南雞飯， 無骨的海南雞， 肉質嫩滑 雞皮夠爽口， 三色醬汁 最鍾意就係薑蓉， 總是覺得海南雞配薑蓉是最perfect。 附送油飯和肉丸湯 ， 肉丸湯口味重一點。馬拉盞炒椰菜苗熱辣辣的炒椰菜苗份量不少， 馬拉盞味道夠惹味香濃， 鮮紅色的碟子非常漂亮，鮮豔奪目。輕量道地老鼠粉老鼠粉即是我們平時叫的銀針粉， 配料有菜脯、銀魚、花生、雞蛋， 充滿東南亞風味。烤馬來蔥餅配咖哩烤餅配咖哩真是無敵的配搭， 熱辣辣香酥的 蔥餅， 配上香濃美味的咖哩， 真的很惹味。美祿哥斯拉東南亞菜色當然少不了 美綠飲品， 加咗朱古力脆脆就更加特別， 味道夠香濃。

今日係時代廣場有coupon食晚餐，搵左呢間相對排得少啲人既東南亞餐廳，野食都幾抵食。.叫左「海南手撕雞$128」雞絲爽口有雞味幾好食，「斑蘭咖吔多士$36」勁正既多士，好脆得黎個班蘭香味勁重，「輕量地道老鼠粉$68」呢個比較濃味啲，但夠惹味。「烤馬來蔥餅配咖喱$62」佢個馬來蔥餅好脆身，烘到岩岩好，配埋咖喱🍛好夾又好食。.飲品必點「恐龍蛋$38」邪惡得來真係好好味😋，好有去左馬來西亞感覺。甜品「馬來芒果汁配芒果雪糕$42」全晚必點！芒果甜得來唔係死甜個種，好香又好味。

_____好味指數：🌟🌟🌟🌟抵食指數：🤑🤑🤑🤑喺時代廣場行街咁啱見到呢間餐廳，裝修新淨同幾fancy就去試吓🙆🏼‍♀️食物選擇繁多，而且不乏正宗新加坡菜式，而且價錢合宜，值得一試👍🏻✅海南雞飯拼白胡椒肉骨茶好豐盛嘅配搭，雞肉軟嫩雞皮爽滑🐔仲有好香嘅油飯🍚雞肉點埋醬送飯一流😋肉骨茶濃郁嘅白胡椒味令身體有股溫暖，好啱呢個天氣飲♨️✅新加坡炒粿條唔多見嘅地道菜式！配料豐富賣相吸引，粿條食落有鑊氣，仲有青檸、花生同辣椒粉喺旁邊俾你按喜好加入，口感更加有層次✅馬拉盞炒通菜炒嘅火候非常好，通菜保持翠綠濕潤，食落爽脆🌿加埋馬拉盞一齊炒更香口✅斑蘭咖吔多士看得香脆嘅多士入邊夾住斑蘭咖吔同牛油，邪惡又好味🥪✅燒魷魚鬚六條長長嘅魷魚鬚，燒得好惹味，特別係個吸盤位，脆卜卜好好食🦑

《來吧！花漾吧》來吧食盡花漾   來吧花漾年華送走西餐 今天解放只想要吃坡菜來吧食盡花漾 來吧引爆大胃喉  全部親朋摯友  撘車不用氣油  陶導遊介紹這兒美食，一邊撥手，一邊話要高唱一曲，因為他表示無做律師樓的師爺，現在衹想自由，不需要思想爭鬥，只想笑不想深究，派對時至情至聖，就是未怕醜，好配合他人物性格，做人最緊要fun , 許！許！許！笑左先，面皮厚過喇沙入面約摻摻……第一道菜: 新加坡大蝦喇沙摻摻「摻摻」兩個字其實係「兩溝」的意思，所以摻摻麵就係油麵溝米粉，口感非常特別架。這兒叻沙，好好味，味道夠正宗，喇沙味不會太搶喉，有原始風味，那種「搶」對我而言剛好，有魚旦，也有芽菜，旦條夠稔軟、半熟蛋及一排大蝦，笑哈哈，我隻手不由自主地變成水撥，好似想對大蝦們揮揮手，今天衹想要自由！第二道菜:  海南鷄飯拼白胡椒肉骨茶這個雙拼之創作，是神來之筆！同時滿足了我兩個大慾望，無骨的海南鷄，點上三味醬，夾一口飯，吞入肚子，Yummy , 送走骨頭，啖啖肉，懶人必揀，爽皮！而且，白胡椒肉骨茶，最怕藥味過濃，完全引爆了煲茶，失真，但這兒的肉骨茶火喉剛好恰當，連塊肉骨也有藥材味但也吃出猪肉的鮮，絶不是也

半熟蛋配咖吔多士 $52半熟蛋非常流心，蛋味濃郁，咖吔多士香脆，加上厚切牛油口感一流。街頭雞肉串燒 $82雞肉嫩滑，加上香茅，燒得啱啱好，多汁唔覺得乾。招牌新加坡大蝦喇沙 $118喇沙絕對係星馬既招牌菜，大蝦已經剝好殼，仲有魚片、豆卜、魚蛋及糖心蛋，最好味既當然係個湯底，香濃帶少少辣，另外仲有一碟仔蝦油，加埋落去令碗麵更鮮味。花漾海南雞飯 $108雞肉鮮味，加上雞油飯，醬汁亦好夾，雞湯好出色，有濃郁雞味但唔會多油，非常抵食。

去時代廣場看展覧後，朋友提議去廣場六樓花漾吃午餐。花漾提供星加坡馬來美食。我和朋友分別選了兩個午餐，海南雞飯拼喇沙米線和海南雞飯拼肉骨茶。我們還叫了松露茶葉蛋和馬來街頭椰子雪糕。海南雞飯美味，大大碟雞去骨易食，雞肉鮮甜，有雞胸肉及雞肶肉。三種醬料增加雞的風味，還有爽脆的青瓜。雞油飯大大碗好味。白胡椒肉骨茶也出色合胃口，一碗有兩大件香軟的肉骨，還有豬肚和煲得淋甜的蒜頭，湯充滿白胡椒味暖胃有益。喇沙米線材料豐富，有蝦，魚片，豆卜，芽菜，糖心蛋等，湯濃香微辣好醒神，米線滑。跟餐的馬來拉茶香甜好飲。凍香芧鮮橙茶清新不太甜。松露茶葉蛋糖心好味，賣相食味佳。甜品街頭椰子雪糕又靚又好食。香濃的椰子雪糕配粟米粒和椰肉有口感又夾味。一份兩個人分很好。餐廳裝飾充滿熱帶風情，卡位坐得舒服，侍應有禮勤快。偷得浮生半日閑，今餐吃得滿意。下次再來吃其他特色美食。

餐廳係銅鑼灣 timesquare~有得用mall coupon，而且座位寬敞。餐具碗碟都好吸引到我🙈新加坡炒粿條 ($128)呢碟炒粿條真係色香味俱全，油麵同河粉一齊炒，口感豐富又好味。入面仲有啲臘腸係甜甜地好香，想再惹味啲可以加啲青檸汁同加埋小小辣粉。海南雞飯拼白胡椒肉骨茶 ($128)一個餐可以滿足晒兩個願望，首先雞油飯好好食，幾重香茅味。海南雞雞件就相當之嫩滑，點埋啲姜戎真係好好味！白胡椒肉骨茶好友驚喜，入面除咗有排骨之外仲有豬肚，味道都好重白胡椒味，飲落去暖粒粒。馬拉盞炒通菜 ($78)喺屋企永遠都差唔到咁有鑊氣嘅通菜，既然食得星馬菜梗係嗌馬拉盞炒，鹹香十足，推介。凍香茅青檸蜜 ($28)飲落仲有荔枝同薄荷味，好清新解渴，而且係用梳打水沖👍🏼👍🏼