花漾

营业中

休息中

秉承住香港人嘅購物精神，又跌入時代廣場嘅輪迴coupon消費陷阱……拎住一手Dining Coupon, 咁岩經過依間新開嘅馬拉菜餐廳，就決定試吓啦！白胡椒肉骨茶麵線($98)肉質肥瘦均勻…佢地用咗煨麵做底，軟林林既麵增加左吸收湯底嘅能力。仲有一整粒蒜頭，食落好重蒜頭既香甜味。古法炒蘿蔔糕($96)味道一般，有啲偏鹹…斑斕咖也多士 ($32) 多士烘得好好好脆，好似食緊餅乾咁 (個人比較鍾意外脆內軟)烤馬來蔥餅配咖喱 ($62)蔥餅偏油…咖喱麻麻，唔係特別香…大蝦喇沙米線 ($118)湯底好重椰汁味，米線非常煙韌。食落非常野味，係咁多樣嘢唯一食晒嘅一疊。對於依間野嘅評價: 就腳嘅新屎坑💩

閒日晚上兩個人去基本上唔洗等位整體上都冇咩特別 冇咩好或者唔好嘅感受對於一餐好一般嘅星馬菜黎講 價錢唔算平 建議如果用優惠卷食會比較開心椰子雞湯 好重椰子味 好油 兩個人黎講都好大份 建議多幾位人先好叫喇沙都還可以 有得揀麵身 湯底都冇咩特別 配料比較粥 開邊蝦 肉質唔爽 幾粒魚蛋片頭同半隻蛋 誠意唔係好夠巴東牛肉正正常常 偏貴 不過份糧搭夠 肉質幾好 唔會多筋多肥炒通菜好大碟 味道正常 冇咩好評價總括嚟講 唔洗排隊可以試下 不過附近絕對有更好食 😌

銅鑼灣時代廣場兩間新餐廳鮮有地開在6樓服裝樓層，其中一間叫花漾，餐廳主打新加坡菜，當然要試一試啦。餐廳風格帶有東南亞味道，裝潢以綠色及木系為主，餐墊印有花花圖案 🔔雖然餐廳門外燈箱顯示午市套餐，但星期六日只可以單點 海南雞飯拼喇沙米線 ($138)新加坡菜入面我最鍾意就係海南雞飯同喇沙，見到呢個餐已經唔洗諗，即刻叫🤣好快上菜了，份量都多🤭油飯都夠油但偏咸海南雞無骨，肉質還可以，不太鞋，配3種經典嘅醬汁(甜豉油、辣椒醬、薑蓉)至於喇沙米線雖然只係配菜但都好足料，有大蝦、雞蛋、魚片、芽菜，米線，好夠味😋食完好滿足

銅鑼灣新餐廳😋好耐冇食馬拉嘢，門口裝修、餐紙，全部都非常igable🤓 冰鎮鮑魚 $1684隻大大隻😚冇諗過咁大隻，一開為二，爽口好食，必嗌。配埋個醬汁更顯出鮑魚獨有的鮮味。 香辣大蝦串燒(5隻) $92 中規中矩，沙嗲醬香口惹味，蝦肉新鮮彈牙。 新加坡鹹蛋黃單骨雞翼(8件) $88超級好食，鹹蛋黃配乜嘢都冇得輸，唔會太鹹，濃郁蛋黃味，亦唔會過多醬汁😎手快有手慢冇，我一個人食咗三件。 新加坡炒粿條 $138份量意外地多，有層次得來富彈性，炒得剛好不濕不乾，入口煙韌充滿彈性。配料豐富豆乾、芽菜、花生碎等等。🧡適合多人聚會的餐廳，可以叫多款唔同食物一齊share，咩都試吓。地點坐落銅鑼灣，非常方便!

Been to Times Square recently and found this newly opened place which is serving Singaporean cuisine 🥳 Definitely loved their signature 𝙇𝙖𝙠𝙨𝙖 ($118) which was super good, a must try 👍 Soup base was really good and included quite a variety of ingredients inside. Also tried their 𝙎𝙥𝙞𝙘𝙮 𝙁𝙧𝙞𝙚𝙙 𝙍𝙞𝙘𝙚 𝙎𝙞𝙣𝙜𝙖𝙥𝙤𝙧𝙚 𝙎𝙩𝙮𝙡𝙚 ($118) which is fried rice with squid and some crabstick, slightly bland compared to laksa 🙈 For dessert, coconut is a no-miss 🥥 𝙈𝙖𝙡𝙖𝙮𝙨𝙞𝙖𝙣 𝘾𝙤𝙘𝙤𝙣𝙪𝙩 𝙄𝙘𝙚𝙘𝙧𝙚𝙖𝙢 ($56) is served in a cute coconu

見到時代廣場6樓開咗間食肆, 諗住用埋啲coupon, 去試一試 . 雖然呢排開咗好多間星馬菜, 但其實自己都好鍾意. 夜晚八點去到, 好多人排隊 . 撳完飛仔用Gulu嗰個app 可以睇到幾多號, 行下街睇到近啲號數先至返嚟. 卒之九點十分可以入座. 叫咗杯凍奶茶Tea Terik 飲落去完全冇茶味, 好似杯奶咁, 已經覺得有少少中伏. 間鋪頭好忙碌, 啲侍應都做得好辛苦. 整體嚟講啲食物唔夠熱 , 都唔夠香口. 馬來西亞炒貴刁完全冇鑊氣 , 啲粉有啲黐埋, 唔夠黑豉油. 個麥片蝦更加唔掂, 啲蝦入面凍凍地 , 完全唔脆 食完兩嚿真係唔想再食. 唯一馬來咖哩雞的味道唔錯, 碗白飯反而又熱又淋又香, 係全晚最好食嘅一樣嘢. 同埋馬來西亞芽菜啲味道唔錯. 我開始懷疑呢間餐廳嘅食物係唔係喺呢個餐廳入面煮, 而係喺外面工場做完攞返入嚟翻熱. 最令我哋反感, 就係食食下九點幾 , 有個員工推著一大桶垃圾由廚房走出正門, 最慘就係前後去咗三次. 經過曬啲食物, 有啲唔係好衛生. 雖然位置好好 , 裝修都算唔錯, 但係咁嘅價錢嘅東南亞菜, 我真係唔會考慮再返去. 行多兩步去隔離Asam算吧