自助山

营业中

休息中

因為打風，同小朋友多左一日假，所以諗住行落樓下合和中心食野、唔知食乜所以一家人諗住食自助餐啦不如，點知一肚氣！ 電話📞致電超過15次都無人聽！又話熱線由11點開始！到到有人聽之後態度極為惡劣！好似欠左聽電話個位女士咁！我地一行6個，問佢會唔會因颱風影響左食物新鮮？求其hea答我都係咁上下，我話你唔清楚可以問問，佢話轉頭覆，就切我線！！！因為我同老公同4個小朋友一齊食，咁緊係想問清楚多兩句！！我就由11點半我等到佢3點都無覆、即叫我唔好黎食啦、唔怪得啲同事都話間野走下波！比貴啲落返qre食鐵板好過 、趕客的不知所謂呀！！！🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬

好多年冇上過旋轉餐廳，希望今年的生日會特別啲。但是食物完全係普通到唔想講，款式又少，攞咗三次食物之後，已經唔想再去攞。最過分係杯飲品，等咗半個鐘头，叫侍應帮我睇睇，都仲要等多15分鐘。 侍應的态度是好的，但是，整野食啲師傅就一般啦，話曬都係一份工作，可唔可以敬業少少。 仲有一樣嘢要提嘅，餐廳的照明，忽明忽暗，我都好明白一路旋轉的關係，但係可以唔用聚光的照明，用散光的照明咪冇啲噉嘅問題。 一次不愉快的經歷。

光顧自助山有不少次，因為它的環境跟食物都不錯，所以才一再光顧。可是，這次的經歷，我決定不會再去！用錢買難受！我跟朋友1744分取了枱，帶位的人沒有跟我們說要等他們通知後，才能取食物，因此坐下後便很自然地去取食物，忽然有一個侍應大聲吆喝我，說自助餐未開始（要17:45才可以取食物），你不能拎食物，當下我已告知他，我不知道原來是這樣，出於禮貌，我也說了對不起，但他仍大聲呼我，算啦，你都拎了，繼續拎啦⋯⋯我當下真的呆了。我明白早了1分鐘就是早了，但首先餐廳員工要清楚告知，其次侍應當然要提醒顧客，但不是呼喝！我是真金白銀光顧，而不是偷跟搶，那侍應好像喝罵小偷的態度，令人感到相當失望！真的不會有下次！

自助山一直想試好耐，但係因為永遠都好難book位所以一直無試。加上被佢既價格嚇怕。上次生日真係好想試下佢咩料，所以就提議去食個lunch buffet，平d起碼真係唔好食都無咁肉痛啊嘛。早幾日打去，點知真係比我book到位，價錢都唔算好貴，300幾蚊。佢有幾個area, 你真係要make sure自己係行曬XD因為每個小area都有驚喜佢有埋點心呢個真係好正！而且係好多款而唔係得一兩款做下樣比你睇。其他熟食無咩影相，但係咩都有d，而且質素都唔錯。lunch buffet黎講都算幾多選擇。甜品就真係好多款又係質素全部都幾好。食完一次之後真係會想再黎！

第一次黎，個景係唔錯，可惜d 玻璃窗勁多霧一路食， d 燈光又變光又變暗咁，唔知佢想點尼到食物既款式ok la, 不過樣樣都好普通真係冇野食完想再食D 海鮮唔新鮮，好多放完入口唔對路到要吞出黎海鮮種類ok, 但冇生蠔食熟食好普通甜品正正常常冇驚喜成餐最好食竟然係個榴槤焦糖布甸Waitor 服務都好一般，問都唔問，未食完就收碟700 幾蚊一位，尼個價錢我唔會食尼個質素完全明白點解尼到星期六晚都咁少人，其實唔洗book 台都會有位

自助山。The Grand Buffet合和中心的多國菜自助餐TSxLife |今年的大快樂派對，在自助山舉行。它是香港唯一擁有醉人景色的360度旋轉餐廳。看到這兒，令人期待在「自助山」吃好東西，不但可以品嘗到包羅萬有的國際特色美食，更加重要的，令心情更輕快，眼睛更有多姿多采之景色令人難以忘記呢。聽起來都覺得很吸引，所以很早就已經想來了！訂座方面今年並沒有好點，還是打了幾百通電話都打不通，預訂座位也要用上３個月呢。說真的，如果要週末且靠窗的座位已經訂到也是很難的事。感謝，因為細心的預定，我們可以同時看日落和夜景，真的好美！但這晚有一點霧氣，令人也看不清楚外面的景色，失了預算。餐廳位於合和中心62樓，前身同樣是經典的旋轉餐廳，相信是很多香港人的集體回憶呢。然這次更是強勢回歸之自助山由葡京集團接手，看來會提供非常見的美食喔，我知道這裡更有廚師在食客面前新鮮烹調！當我們準時到達餐廳的時侯，已經有不少食客入座了。這邊的員工很勤快，服務也很好，換碟子的速度快。可試的是燒味部。味道很傳統，肥瘦均勻，送飯的確也不錯，但就少了一點驚喜。在旁邊還有燜小鮑魚，雖然有點韌，味道不錯。再試的是在燒烤部裡的鵝肝

生日聚餐，一個半月前就book 好左一間好正既餐廳。半年前食過一次，就決定左好朋友生日就帶佢來呢間食自助餐，應該是我食過最滿意既自助餐，真正既任食。之前去過既都系平野任食，貴野就得一份或者一件。我愛既鵝肝同龍蝦都系任食五怒，兩樣都系豪華份量，食五停口。鵝肝厚得太過分，食上去比平時食到既更加入口即融。龍蝦五只大隻，一叉就一大塊肉出曬來，好鬼滿足，non-stop 排隊再食。小插曲，行錯左地方去拎龍蝦，忘記左呢度系旋轉餐廳🤣有得玩有得食😂雖然都五平，但要食自助餐，我絕對願意貴d來呢度😋😋😋

家人三月去食時發現物超所值，極為推薦。尋晚舉家再去晚餐，發現質素大不如前，少了選擇不再話下，中西式食品、甜品非常普通，沒有一樣覺得特別好味，如為夜景當然推薦，如為食物，相對幾個月前，不用再來了!最有趣的是自助紅酒機，非常特別!

自助山好耐都冇去，除非有朋友生日或特別聚會！因為七月之星比較多，所以相約一起去大吃一頓！雖係星期日，都有充足食物、唔會有搶或排大隊的情況！其實食物款式都冇特別變、依舊有龍蝦、蟹、螺等，魚生、帶子、甜蝦等等好新鮮....有我最天喜歡的榴連雪糕、榴連布丁....朋友好高興！甜點一流、特別有朱古力、閃電捧的棉花糖、一口一件的特色蛋糕仲有係夜景-無得彈！慢慢地望著窗外的夜景自動的轉、坐下來發一刻的夢都不失係一件樂事！原來香港真係好漂亮！

每次有生曰聚會都會選擇自助山，今次也不列外，昨天6:30到達，窗外景色如畫隨即開始攞食物，首先攞咗三文魚，帶子，甜蝦，很鲜甜。隨之又去攞龍蝦，在這裡值得一讃是龍煆，長腳蟹，源源不斷的提供，但龍蝦及蟹不新鮮及無味，放棄了再吃第二隻再排隊（有很多人排隊）攞鮑魚花膠，味道一般上次有同事即場開生蠔，但分次欠奉😔仍然有炒雪糕，燒牛扒，燒味，無特別但對小朋友有小小驚喜，棉花糖放在營光棒上，大人，小朋友都攞來吃及拍照👍好享受這裡的環境，但食物須要改進

今天帶媽媽來這家食店吃lunch buffet。可是後來覺得期望過高。午市大約三百多元一位，能用這個價錢觀賞維港景致是挺不錯的，可是對食物的期望不應該太高。這裡沒用我最愛的生蠔和鵝肝。魚生質素一般，這裡比較好的就是燒味和點心。點心因為是即叫即蒸，故要稍等片刻才能享用。海鮮冷盤一般，太多海水味。甜品款式挺多的，有馬卡龍、各式慕絲、雪糕等。最特別的是榴槤月餅，榴槤愛好者一定不會失望。可是其他的食物質素一般，這餐廳整體來說還算及格吧。可能晚餐會更好一些。

之前已經決定今年生日大餐食自助山，所以早於2個星期前訂位，但訂位時打了幾次電話都無人聽，一個電話號碼長嘟，另一個電話號碼就只有留言，話如要訂位上佢地個網頁訂，於是我就在The Grand Buffet網站訂位了。自助餐有2輪用餐時間，我揀了第一輪17:45—20:00，並填上基本個人資料，及要求坐窗口位，完成訂位後，好快便有電郵回覆確定訂位，可惜的是她客氣地回覆已經沒有窗口位了，但說如果有人no show便會安排比我，鬼叫自己咁遲訂都無法呢。於用餐前－日也會send電郵比我，並說明價錢每位＄668+10％，男仕有dresscode,及要我回覆是否出席。我建議－定要填上自己電郵地址，而且我估他們可能不接受電話預約！終於等到今晚，我同黃兔懷著興奮心情，但又大鄉里擔心不識上去，好彩來到合和中心有清晰指示撘去自助山的lift，首先撘上去17／Ｆ轉乘，－出lift便見到自助山甜品店，直入搭lift去56／Ｆ，一出lift見到自助山sofa區，再直行撘lift去62／Ｆ。自助餐開始時間會多人等lift，建議提早少少去轉左兩次lift後，終於上到62／Ｆ，一出lift就見到侍應們－字排開歡迎客人及帶

失望 ＋ 生氣的自助山Lunch Buffet😤😡😠Book咗星期六Lunch Buffet，其實都預咗人多，但估佢唔倒咁混亂！😑😑首先，很多兒童客人，在餐區內走來走去，服務員沒有加以控制秩序，極之失望！😠😠其次，短短兩個半小時的午餐，倒瀉飲品三次，最後一次仲濺在我的鞋上，服務員不但沒有道歉，也沒有拿紙巾給我清潔一下，令我十分生氣！！！😡😡最後，餐茶叫了凍檸茶，竟然有茶葉在茶內，真係大開眼界，咁嘅質素和服務，真係令人十分極之失望😤😤

慶祝特別日子，就梗係要去D特別嘅地方。呢度就係特別高、特別好景、特別好食 - 旋轉餐廳。環境: 我地6:30pm準時入座。外面天色剛剛開始黃昏。大約7pm後慢慢開始變橙黃色。這裏的日落真的很美。食物: 超多選擇。頭盤:  西班牙凍湯、粟米蟹餅、泰式鳳爪、迷你魚生飯、2款煙三文魚、各式沙律...... 全部都好好食。份量少少的。有空間試多幾款。刺身: 三文魚、帶子(原粒給客人。並不是切到細細粒) 、吞拿魚，最驚喜居然有牡丹蝦。雖然唔係最頂級貨色，但都好好食。牡丹蝦嘅質感同味道係其他品種不能相比的。其他食物: 燒原條肉眼、田螺酥皮盒、西班牙海鮮飯、印式咖哩、港式燒味、中式點心、天婦羅、冬陰功、中式湯、西式湯、即煎鵝肝、即煮粉麵、原條蒸魚、冷盤海鮮……不能盡錄。甜品: 脆糖Puff、炒雪糕、麵包布甸、榴槤糯米糍、窩夫、彩燈棉花糖、大量蛋糕、Apple Crumble……不能盡錄。整體選擇多、質素高、有服務、環境掂。雖然價錢有點高，但值得。

Good environment and comfortable seating. Not too many people. Food generally are good and fresh but could do with more variety. Service is also ok but price could be lower for what they are serving. Overall good and would recommend to friends.