肥姐小食店

营业中

休息中

肥媽，我老公一去親好景波鞋街附近都要去探下佢！就算轉頭去食飯都要去幫襯下佢，當然每一個時刻都咁多人排隊的確有佢吸引力！肥媽真係好嘢！街邊小食做到人山人海！他們絕對係味道行先！其實他們有好多選擇：大腸小腸鴨腎魷魚....我最愛就係他們三寶，20幾蚊有三樣！他們做出來的味道的確出邊食唔到，很入味也不會太鹹，加埋黃芥辣同埋甜醬，10分好味, 簡直令人想食多幾串由於他們生意太好，流動快，能夠保持食物嘅質素同味道！所以真係抵佢讚！

平時係葵涌廣場三樓食開，今次就試下好出名既肥姐小食店。今次星期五五點半左右去食，排隊都打曬蛇餅咁。但估唔到排左唔夠10分鐘就可以落order 今次就試左個大皇牌，最主要原因係因為想試下佢個大生腸，好似好正咁肥姐大皇牌一拎到上手發現佢落醬落得好多，尤其係啲芥辣醬。本身我唔係太食得辣，所以覺得個芥辣醬有啲刺激講返啲食物先，食物好爽口，尤其係魷魚，算係幾鮮味。美中不足既係我覺得個大生腸唔夠凍，食落口暖暖地唔太完美。

每次來旺角家樂坊附近都一定會幫襯下「肥姐」，過一下口癮，估唔到而家水準每況愈下。剛剛加左價，食三串至愛街邊墨魚，生腸，鴨利已經盛惠$36 足夠係附近茶記食個 set lunch 了！樣樣有 $108！街邊檔都有最低消費 $12，真係串得起既肥姐！排隊很快，沒有從前很長的長龍，只排了幾個人就到了！墨魚🦑大生腸，加芥末醬份量少左好多！墨魚味道質感差左極多！墨魚不新鮮，有「梅」的感覺，有點”un”. 生腸就普普通通，從前的爽口不復見！

每次路經旺角依個彎位，總是見到長長的人龍在排隊在等侯買依間叫肥姐的小食店。由於朋友未來到，我又預早咗出門口，決定照排長龍，試下依間小食。眼見都有小內地遊客在排隊光顧，香港顧客也有。排咗约15分鐘，终於排到店鋪前，我便叫咗本店出名的墨魚串，约有4串。由於食物是預的。職員很快便用纸包好，然後放入膠袋。流程就好似工廠一樣。雖然是凍食物，但墨魚串好新鮮，又加上調味醬。好好食。口感爽口。唔怪得每次都排長龍。就算附近都有類似食物的小店。生意都比不上肥姐小食店。我相信會再來光顧。但一個月最多來一至二次。

排隊的人龍總是長長的皇牌(墨魚、細生腸、火雞腎)加串豬脷，少甜醬多芥醬呀唔該。態度一如以往的不太友善了味道沒有太大的特別及驚喜價格其實不算便宜了也不是什麼驚為天人的美味只是偶爾就會心癢癢的想要吃...《肥姐小食店》旺角 登打士街55號4A舖

唔知由邊日開始，每次經過都好多人排肥姐，有次放工後見得三四個人，終於到我出手喇，好耐冇食 😋(到我買嘅時候，後面又黎一條長長人龍 😂😂)點左墨魚同生腸，要有芥辣醬，正👍👍墨魚煙靭 生腸爽口，不過今次姐姐落甜醬落得重手左，下次要記得叫少啲醬 (但都唔知要等幾時😢😢)，但食到底個秘汁好味，又唔太咸唔會搶唒其他味👍呢間舖一直出名唔污糟，你食落就知，有啲滷味店整得好唔乾淨會有陣味 🙄🙄🙄如果你少過黎呢邊，都可以排下肥姐 😅😅😅

次次經過都排長龍，但係真係好好味，所以點都要排隊買黎食。生腸，墨魚同雞腎係每次都必食。因為好多人買嘅關係，食物去得快，自然食物都新鮮。自問係一個玻璃肚嘅人，食過咁多次，都未試過出事就知道佢地衛生程度有番咁上下。

其實今次唔係第一次食肥姐 記得第一次朋友帶我黎食大小皇牌個陣 咁啱係電視見到有節目講起呢啲內臟其實係來自各種奇怪既部位 而唔係好似啲名寫咁 真係單純既腸所以一開始有啲抗拒食 不過作為一個食貨 見到間店長期大排長龍 無理由唔試下啦結果一食 就真係停唔到首先係啲生腸同墨魚相當脆口 完全無腥味怪味再黎就一定要讚佢個黄芥辣 多嗆之餘 同個甜醬又好夾 係會令人食唔停口 而且講真25/26蚊就有3款 完全係窮人美食我宜家都成日帶未試過既frd去食 從來無劣評

街頭小食當中，除了魚蛋、雞蛋仔外，港式的橙色滷味，亦為小妹大愛也！火紅的「肥姐」，基本上甚麼時間店外都出現人龍，但勝在店員手腳爽快，不消幾分鐘便排到了！「一個皇牌混醬！」店員純熟的動作，三兩下手勢，就為我端上了一份皇牌。所謂皇牌，就是墨魚、細生腸和火雞腎，上面蘸上了甜醬和芥末混醬。每次掃街，我總不顧形象，站在路邊，大口大口塞進嘴裏，此為速食文化。墨魚肉質緊實，經冰鎮處理，口感彈牙爽脆。生腸清洗乾淨，入口沒有丁點內臟的腥味，非常脆口好吃。火雞腎的滷水汁入味，單吃已相當味美。主角固然重要，其配角混醬亦不可忽視，芥末醬的微嗆和甜醬可謂十分疋配，當然要蘸著吃啦！

每次去旺角都想去食，例牌都会排下队，不过效率高，其实都唔需要排好耐。好似觉得又升左几元甘，不过份量味道依然。企下街食就是一道风景一种风味。经典皇牌：火鸡肾、八爪鱼同生肠。3个都系爽脆好味，如果3选1，个人觉得生肠最好食，最脆甘~

第一次黎試，原本我對內臟嘢無咩興趣，但呢間次次都見咁多人排隊，就決定去試試！呢三串嘢真係好爽口！扣埋啲醬好好味！食完都仲唔夠還想食，睇嚟每次去旺角掃街必食了。GOOD！

新年買新鞋，小人亂買東西系列之廉價波鞋，當然要到波鞋街走一轉。買了心水平價波鞋，很自然的到肥姐處朝一朝聖。可能因為太多人買的緣故，小食店都推出唯一的一款套餐 - 名為「皇牌套餐」，如此一來顧客不用想來想去要甚麼；二來亦無須那些店員落力地催趕客人光速地落柯打給錢取食物走人。小人順勢亦來一客皇牌套餐，齊醬。一個套餐三串小食：包括了鴨腎、生腸以及墨魚。鴨腎滷得非常入味，有醬或是無醬都極其可口。生腸和墨魚皆是爽的，要沾有豉油甜醬辣醬才更有味，所以這兩串是吃醬為主的。肥姐小食，確屬不凡；可是要慢條斯理地選擇是不可能發生的事。

走了好久找到这家小食店，要了王牌套餐，墨鱼比较好吃，但是太凉了，芥末加分很多，如果没有芥末，就没有意义，不如我之前在路边吃的另一家路边小食美味！我想如果要推荐我会推荐另一家！

無論係咩時候去肥姐小食店，都係排長龍，超受歡迎🤗皇牌套餐($26)一共有3串：墨魚🐙，大生腸和火雞腎☺️(Octopus, Large Pig Offal, Turkey Kidney)全部嘅口感十分爽口彈牙☺️，而且保持冰凍嘅口感，就算天氣凍都好食，而且生腸清洗得挺乾淨😚，沒有異味，安心食用，食過咁多次都無肚痛☺️每串都淋上秘製豉油，甜醬和黃芥末醬，芥末醬十分攻鼻😝，但食落好夾，十分惹味😚味道不錯🤤超好食

作為mk 兒女 肥姐間鋪排哂長龍已經係見怪不怪所以每次想試都即刻放棄同埋本身個人對凍既內臟呀生腸呀都唔係好熱愛講講講到而家先食到！咁因爲唔知食咩好 太多選擇啦我就叫左皇牌套餐一共有3串 有生腸 魷魚 同埋雞腎啲醬汁係秘制既 我想強調唔食得芥末既要小心真係好攻鼻呀呀呀！！但又好神奇地會繼續食就好似有被虐症咁 爽口彈牙 好過癮！3串之中呢我最鍾意係魷魚～相比起雞腎會軟熟啲 但又煙un過生腸配上醬汁就好夾啦！一路𡁻就一路吸氣（頂唔住芥末既解決方法）～好正呀哈哈