肥姐小食店

由细听到大嘅“肥姐小食”，以前细个唔识欣赏港式淡卤水卤味，而家长大咗就发觉食嘅原来系一个集体回忆🥹。⠀从未食过生肠同生肠花嘅我，睇YouTube见到有人“扫街”(街头小食)试过生肠花，表示好脆口亦冇内脏味。所以今次！决定嗌生肠花同“卖飞佛”嘅墨鱼🦑，睇吓系咪好似坊间咁讲，排队都值得买呢？！⠀当日平日下午茶时间去、人潮唔算多，排咗五分钟都冇⏱️，价钱写晒出嚟，你话$15蚊一串贵唔贵呢？个人觉得唔系成日食、只系过吓口瘾嘅，呢个价钱算系咁啦😌，佢嘅墨鱼同生肠花拎出嚟仲系有𠮶种冻冻地嘅感觉，重点系冻得嚟冇雪味，墨鱼亦完全唔韧，但同时有咬口😬。食小食最怕督住竹签好难齿开，但呢个完全唔会～⠀生肠花都令我好impressive🤩，一嚟我系第一次食(惊有内脏怪味)，二嚟唔知口感如何🤔⋯ 试第一嚿嘅时候，发觉一啲内脏味都冇，生肠花清洗得好干净，而且十分爽脆！再加埋芥末、甜酱、豉油一齐食，滋味满分👍🏻(下次再去食一定会再嗌生肠花😻！)…查看更多

肥姐小食店系香港街头小食嘅名店，今次试咗佢哋嘅生肠，有啲失望。味道同坊间流传嘅有落差，口感普通，无特别惊喜。价钱偏贵，份量又唔算多，性价比唔高。可能系期望太大啦，觉得唔系几值呢个价。…查看更多

网上超多人讲好好食，平时经过亦都见佢大排长龙，今次就特登过海嚟旺角试吓佢有冇真系咁好食，结果系超级有惊喜㗎！今次试咗大大皇牌$50先讲中间啡色𠮶个 佢系鸡肾，佢个口感超级烟韧，劲有咬口，食食吓味道就越来越浓。右边橙色𠮶个应该系生肠唔知点解有少少螺丝粉嘅味道，口感好Q弹烟靭，左边𠮶个应该系鱿鱼 好有弹性 个鱿鱼嘅肌肤仲嫩滑过我 鱿鱼味唔重但系口感好正总括 好钟意甜豉油𠮶只味 上面啲酱配搭得好好超级惹味 每一个都好烟靭有唔同嘅口感 要我拣一个最好食我会拣鸡肾因为我超级钟意佢个口感 最惨净系得旺角有 好正！…查看更多

我食呢间串烧店食咗都有10年，佢嘅位置位于广华医院对面的登打士街，主要售卖卤水串烧。自己好钟意食生肠，原来系猪的输卵管，串烧用唔同啲卤水汁制作，生肠和大肠都是橙色，口感爽口弹牙，配合秘制酱汁、甜酱和芥辣，味道复杂多层次，令人回味无穷。其他部份有猪肝、猪心、猪肺等，其实我唔系好识分辨，总之就好味，好似至少食三四串。不过三相经常好快售罄，要买就趁早。店舖外面冇以前咁多客人排队，但经营咗咁多年，挨埋个疫情仍然屹立不倒，证明佢嘅实力。…查看更多

呢个都唔洗我点讲,基本都知....每次经都排满人~~呢间铺年年都会拎米芝莲,但对香港来讲对米芝莲系又爱又恨,因你一米芝莲就要加租~~所以好多时店主宁愿唔拎米芝莲,好食ge野,唔拎都会排满人食..最出名3宝(生肠,鸡肾,, 墨鱼),我左个大皇牌$40,味道同以往食开一样冇变到,好多都系企系侧边食完先走.旅行经过可以去试下!!…查看更多