⠀
從未食過生腸同生腸花嘅我，睇YouTube見到有人“掃街”(街頭小食)試過生腸花，表示好脆口亦冇內臟味。所以今次！決定嗌生腸花同“賣飛佛”嘅墨魚🦑，睇吓係咪好似坊間咁講，排隊都值得買呢？！
⠀
當日平日下午茶時間去、人潮唔算多，排咗五分鐘都冇⏱️，價錢寫晒出嚟，你話$15蚊一串貴唔貴呢？個人覺得唔係成日食、只係過吓口癮嘅，呢個價錢算係咁啦😌，佢嘅墨魚同生腸花拎出嚟仲係有嗰種凍凍地嘅感覺，重點係凍得嚟冇雪味，墨魚亦完全唔韌，但同時有咬口😬。食小食最怕督住竹籤好難齒開，但呢個完全唔會～
⠀
生腸花都令我好impressive🤩，一嚟我係第一次食(驚有內臟怪味)，二嚟唔知口感如何🤔⋯ 試第一嚿嘅時候，發覺一啲內臟味都冇，生腸花清洗得好乾淨，而且十分爽脆！再加埋芥末、甜醬、豉油一齊食，滋味滿分👍🏻(下次再去食一定會再嗌生腸花😻！)
1
