翠亨邨 (美麗華廣場1期)

营业中

休息中

三蚊一個外賣盒，另加五蚊一個袋，茶唔夠熱，又冇人加茶，服務態度差，食物質素一般，價錢唔平，一定無下次。行街經過美麗華商場，諗住簡簡單單去飲茶，就去咗尖沙咀翠亨村，之前去開中環嘅都OK，原來尖沙咀有D唔同…食物質素一般，蝦餃冇特別，春卷ok 都係教熱的，黑松露排骨，媽咪覺得OK，XO醬腸粉一半，脆皮叉燒包OK，炒伊麵亦OK，整體來講咁嘅價錢嘅食物一般，如果當呢度係平價啲嘅酒樓，食物也可以，但兩個人食$550，我以為態度可以好些

完全失望的一餐。疫情之後，第一次七人生日飯局。杏汁豬肺湯以往是極出色，今晚本人做的還好過佢多多聲，沒有杏仁粉汁，求其放杏仁落去，淡到離譜。片皮鴨是我們喜歡的一間，今晚就是一隻普通鴨囉。失望。黑松露蟹肉炒蛋算可以。兩個炒菜可以啦。但呢幾味小菜不需要到翠亨村啦。個男經理戴住口罩都知佢沒笑容啦，唔好以為人哋睇唔出，沒誠意介紹菜式，莫不關心的模樣，叫可樂兩隻杯，俾得一隻，告訴要兩隻喎，沒給回，要再叫，才送上，三次才有兩隻杯。客不多，伙記都不多，可能疫情後，服務員都少咗。但經理都冇動力工作，菜式又差。有個女服務員就如以往，懇勤招待。

向尖沙咀想飲茶，搵到呢間訂到位，仲有早幾年有米芝連推介於是就去試下: 叉燒菠蘿餐包$48- 菠蘿皮幾脆加埋叉燒餡都幾精緻, 讚菠菜帶子腸粉$88: 綠色腸粉做型都幾新鮮, 帶子都新鮮, 味道不錯, 不過可能腸粉皮用左菠菜做, 覺得有太林同有D濕蟹子瑤柱燒賣 $48: 普通正常味, 唔夠蝦太多力豬肉蜆芥鯪魚球$48: 魚肉彈牙唔腥魚味 芉絲蝦春卷$48: 幾脆口又唔算好油, 都OK整體味道OK, 地點向美麗華都幾方便, 店內位置夠闊幾好坐, 點心水準正常但不深刻 

外賣點4個錯，填鴨二食，都可以漏緊個二食，仲要打電話去問，先知道漏左個菜，我以為算係高級少少酒樓，唔會發生呢啲事，點知同去M記一樣，出門都要double check下。過到去拎番，就得個姿客出黎道歉，讚番姿客係有禮貌，當面話佢都冇黑面，算唔錯，但傳菜，經理呢？連出黎say sorry都冇，誠意呢？後知後覺連糖水都冇碗，PR呢？叫人點幫襯？想外賣就諗消楚先喇，或者記住當面點清楚先，啲傳菜同M記16歲仔差唔多Level。直頭差過屋村酒樓啲服務

好食，服務態度好。套餐價錢合理，食物質素好。甜品多選擇。很多順德風味菜，特式及味道好。片皮鴨很特別，片一碟皮一碟帶肉適合不同喜好的人，片很脆像吃薯片感覺，配料方面也多選擇。

今晚食得好唔開心，北京田鴨切得太厚，咬唔開！服務員打爛朋友酒杯，酒杯內有玻璃碎，成杯意大利酒唔飲得，嗰杯酒價值超過$100，冇道歉亦冇提任何賠償，當冇事發生，只是換咗另一隻杯。環境太嘈吵，一枱十人，聽唔到對面朋友講什麼。食物可以，但服務員心理質素太差，她幫我哋開咗兩支酒，話收兩支開瓶費 （$300），我哋自己之後再開多一支，服務員見到但冇出聲，亦冇同我哋溝通，其實佢可以直接同我哋講，要收三支開瓶費，我哋感覺會舒服啲，亦可以話今次算啦，只收兩支開瓶費，埋單時收我哋三支開瓶費（$450），用捉賊嘅心理去對待客人 （朋友仲係會員），食物再好，幫襯一次就夠了

❀ 翠亨邨 #尖沙咀 ❀❗酒店集團旗下中菜餐廳 推出高質大閘蟹宴❗——————————————————屬於美麗華集團旗下嘅翠亨村質素一向高👍🏻今年秋天，佢哋推出咗珍味大閘蟹宴，每位只需$678，但可以品嚐兩隻新鮮清蒸大閘蟹，以及多種蟹肉菜式🤩點可以唔去試吓！.✷𝑀𝑒𝓃𝓊✷☞ 珍味大閘蟹宴 $678.♥ 清蒸大閘蟹 每人兩隻每人兩隻新鮮蒸起嘅蘇江大閘蟹🦀！今次四隻都係公，有齊香溢嘅黃色及白色蟹膏，超滋味！而且個size都唔細，夠晒滿足。.♥ 蟹肉文思豆腐羹呢個就相對清淡少少，主要係蟹肉、蛋身、豆腐等等。.♥ 蟹肉玉簪蝦球超級香口嘅蝦球🦐口感極之爽口彈牙！表面淋上帶點鹹蛋黃香氣嘅炒香蟹粉，極之好食😋！.♥ 脆皮燒乳鴿 每日一隻非常有水準嘅燒乳鴿😻！外層非常脆，肉質依然保持嫩身，帶點油香。略帶羶味，唔使點醬汁都好好食。.♥ 蟹粉扒時蔬連時蔬都好好味😋。西蘭花夠腍，配上同蝦球一樣嘅鹹香蟹粉，即使唔太鍾意西蘭花嘅我都輕鬆清晒西蘭花🥦。.♥ 蟹粉炒飯相比之下，炒飯就冇咁出色，鑊氣未夠重，不過都有唔少蟹肉。.♥ 薑茶湯圓最後仲有薑茶芝麻湯圓😚。湯圓煮得剛剛好，內裏係流心芝麻餡。最令我讚嘆嘅係薑茶，薑

📍食蟹嘅季節又嚟啦‼️· 六道菜蟹宴 -- 翠亨邨🦀🤪•Follow @pigfoodiexhk for more food!🐷💛#pigfoodiexhk_尖沙咀#pigfoodiexhk_港式=======================秋天又係食蟹嘅時候啦😋位於k11嘅翠亨村酒樓最近新推出六道菜珍味大閘蟹宴，上星期就同@majorinfood一齊嚟試下🤩中意食蟹嘅朋友仔唔好錯過啦‼️------------------------------珍味大閘蟹宴 $678 p.p⭐️清蒸大閘蟹 (4.2/5)每人有兩隻4兩嘅江蘇大閘蟹，上檯嘅時候仲係新鮮熱辣辣蒸起！😍蟹膏好creamy，味道鮮味❣️------------------------------⭐️蟹肉文思豆腐羹 (3.9/5)豆腐羹好濃稠，蟹肉份量好慷慨，啖啖都會食到！惟整體調味唔係好夠，有啲淡口🙈------------------------------⭐️蟹粉玉簪蝦球 (4.3/5)蝦球好大粒，肉質爽口味道鮮甜～面頭淋上蟹粉，應該係加咗鹹蛋黃，食落鹹鹹哋好正！------------------------------⭐️脆皮燒乳

上星期和朋友到尖沙咀翠亨邨吃了今年第一頓蟹！ 除了甜品和燒乳鴿，其他菜式都有加入蟹肉/蟹粉 一次滿足蟹迷 🦀✨ 員工是媽媽級的親切 常常看不過眼雞手鴨腳的我們主動過來幫忙(´ฅωฅ｀) 菜式精緻 環境雅緻 適合和家中長輩一同前來～珍味大閘蟹宴Authentic Hairy Crab Feast Menu $678pp 兩位起 ($603pp 3-16Nov**)﹆清蒸大閘蟹(2隻，每隻四両) Steamed Hairy Crab (2 pcs, 4-tael each) ﹆蟹肉文思豆腐羹Crab Meat and Wensi Tofu Thread Soup 有一塊塊的蟹肉 羹多了蟹的鮮甜味～﹆蟹粉玉簪蝦球Sautéed King Prawns with Asparagus and Hairy Crab Coral ﹆脆皮燒乳鴿Crispy Roast Pigeon (whole)這個要趁熱食 皮脆肉嫩多汁的！﹆蟹粉扒時蔬Braised Vegetables with Hairy Crab Coral﹆蟹粉炒飯Fried Rice with Hairy Crab Coral﹆薑茶湯丸G

我諗住打去訂位加問野 點知聽電話個阿姐勁冇禮貌我可以叫套餐嘅 中間有個餸我屋企人唔啱食問佢可唔可以加錢轉其他嘢食 佢竟然一句答我你叫其他野食咪得囉 鬼唔知阿媽係女人咩 就係唔想先問你呀嘛我連黎都未黎你都咁既態度 我更係唔會黎幫襯啦費是貼錢買難受

Hello 大家好，又係我地Hkfunlife小編分享好餐廳既時間啦 今日想食D傳統野，就去左相信大家都耳熟能詳既一間中菜館試下呢間餐廳位於尖沙咀彌敦道132號美麗華廣場一期食四方5樓507號舖，叫做翠亨邨。呢間餐廳環境寬廣，酒客滿場，氣氛十足。我地到達餐廳後，等5分鐘左右便可入座。埋到枱見到枱面茶碗都非常清潔。坐低之後，我地就點左好多唔同既廣東傳統點心。當中一定要介紹既就係呢個上湯煎粉果，呢個傳統小吃係出面已經好難食到，難得呢度有提供，當然要回味下啦。呢個粉果煎得非常鬆化脆口，配上熱辣辣既湯點著食，兩個字，好味！

比朋友捉咗出嚟食飯，近排西餐日本菜就食得多啦，轉一轉口味，朋友介紹嘅呢一間翠亨村食中式功夫菜，美麗華呢間分店係頂樓，環境光亮乾淨且舒適。服務都好唔錯，侍應都好細心介紹佢地而家做緊咩promote輕輕推一推，$350 桂花蟹肉炒銀絲，而家仲有個seafood love sake嘅新menu配埋唎酒師推介嘅sake😯送嘅係係配上菊池 燦然 純米大吟釀 雄町 50 生原酒2蟹肉份量適中，配上咋瑤柱絲同埋爽口嘅芽菜，蛋香同蟹肉味襯托得幾好。跟手就嗌埋一個頭抽雪魚球，都係跟咗兩杯sake。鱈魚肉肥口滑嫩，帶有頭抽少少甜鹹甜鹹嘅味道，一共6塊魚肉左右，精緻美味，中意食魚嘅人一定中意呢味，幾惹味，好送飯！加埋2細杯sake！

酒肉朋友，就梗係要搵啲食飯有酒飲嘅餐廳㗎啦，平時去開中餐廳，都係飲開紅白酒，今日嚟嘅呢一間翠亨村，竟然比我無意間發現咗有日本清酒，中菜配清酒呢個咁特別嘅配搭，just try it！一份嘅焗釀蟹蓋就$180 ，配咗一杯真澄 漆黑 kuro純米吟釀，個名就好似好勁咁，應該都值得一試嘅，先講焗釀蟹蓋，佢唔係平時食嗰種白汁或者奶油焗出嚟，而係少少葡汁加芝士，面頭趣卜卜，入面充滿蟹肉絲同洋蔥，甜上加甜，又帶有口感。try得過🤔清酒嘅濃度大概15%至16%，細細一杯，口感順滑又甜甜地，分分鐘好飲過紅白酒！

中秋節約屋企人食大餐，叫外賣自取，致電查詢，回覆可以在網上預訂，點知system error， click 唔到入購物車，唯有去店俾錢預訂，早上十一點幾去到，冇客人在外排隊等，位女的黒衣經理企在門口counter 位在看文件，我問有關預訂的事，她眼尾望了我一眼，沒有回應，然後繼續做她的事。我再次問她可否幫我落單，她才回應叫我等。最後都成功落單。到了自取當日，已經講好在5:30取，到了又係一味叫我等，又冇解䆁，最後5:50終於成功自取。

。意外驚喜星期六要食好嘢，同朋友係尖沙咀血拼完，朋友突然話想食粵菜，翠亨邨是本地老品牌,今次非佢莫屬。焗釀蟹蓋 配 真澄 漆黑Kuro 純米吟釀 $180漆黑 Kuro 純米吟釀兼具透明感和飽滿感，這款焗釀蟹蓋有別一般用芝士或奶油焗釀的做法，好creamy, 好多好多既蟹肉，可以大啖大啖甘食，豐富材料釀著以蟹肉和洋蔥，將兩者融和在一起，配以咖哩香味的葡汁，每一口都熱辣辣味道突出，滋味無窮。頭抽鱈魚球 配 惣譽 純米大吟釀 五百萬石 $408 頭抽鱈魚球比預計中好味，外面的魚皮炸得脆脆的，爐魚肉則好嫩好 juicy ，咬了一口，還看到白雪雪的魚柳滲出晶瑩剔透的魚油油份，好吸引！醬油的份量剛好，豆角又翠綠爽口，實在是完美的一道菜，配以味道醇和的五百萬石純米大吟釀，把鱈魚的鮮味進一步放大，把整體味道推向另一平衝。 桂花蟹肉炒銀絲 配 菊花 燦然 純米大吟釀 雄町 50 生原酒 $350 菜色包含了酥炸瑤柱的香口、蟹肉的鮮甜和銀牙的清脆，味道融和，配上本身帶甜的餘韻紮實的雄町生原酒，令本已鮮甜啲蟹肉味道更為突出，餘香縈繞。估唔到今次SEAFOOD LOVES SAKE有意外驚喜，值得一試，價