翠亨邨 (美麗華廣場1期)

营业中

休息中

現在到尖沙咀飲茶真是可以不用訂枱，反而屋苑酒樓不能訂枱兼要walk-in等位。今日到翠亨村飲茶，雖然已訂枱但亦可以隨時walk-in. 酒樓一路保持水準。由愛酥炸馬蹄條、古法馬拉糕。現在還有的芝麻卷、臘腸卷。應該要繼續支持。

有時會帶媽媽衝出自己住嘅地區飲茶。如出尖沙咀都會去翠享村，因為喜歡佢地點心即叫即做，無乜味精，又坐得舒舒服佢地無二人檯，二人都係坐四人檯，環境唔會迫夾。............隔咗一輪無去依舊好食又精緻。叉燒菠蘿包- 皮薄餡靚，係細咗少少。松露醬素粉- 果未咬落口已經好香松露味，好食。蟹籽瑤柱燒賣- 用料新鮮，蝦好咬口鳳凰千層糕- 也算不錯的，但$48再加一就覺得有點細舊.............服務方面，大部分都好nice，係有個男部長嚴肅咗一點啦！會再返去的

見佢啲相就俾佢坤了，完全係想像之外，除了餸菜不掂之外，服務又差，碗白飯認真差勁，隻龍蝦都吾係好掂，啲脆米撈蛋白南瓜汁就幾好味，但蝦肉一點鮮味都没有，不知道是否急凍货式，碟叉燒就不錯，肥瘦適中，旁邊伴碟的蠔油豆就有一點點兒時味道，紅燒豆腐就不過不失，手撕雞没味道的，生炒骨放很久内裡仍很熱，苦瓜蛋白炒魚肚，魚肚很多，食多了就很易飽肚，一句到尾，中伏日記。

同長輩飯聚，翠亨邨係唔錯嘅選擇。晚市菜式選擇多外，餐廳坐位闊落，環境清靜舒服。小食蝦片，每次食都係唔脆，待改善。有叉燒、乳豬，海蜇、拍青瓜及雞泡魚干。半肥瘦叉燒入口帶焦香，肉質軟腍。乳豬皮脆不膩，雞泡魚干香口佐酒一流。片皮鴨配料有別於一般傳統配搭，當中有醃蘿蔔及子薑。份量足，餅皮質地又薄又煙韌。鴨皮鬆脆，油香豐富，略嫌鴨片太大件。豆腐煎得焦脆略帶嚼勁，醬汁香菇味濃。魚肚爽滑，苦瓜唔苦但唔夠腍，蛋白滑溜。合桃露香滑，甜味適中。

同屋企人去下午茶 , 美麗華商場就呢間方便 , 但去到先知無下午茶 ,  都照食啦......一行6人叫左咁多點心 , 我地坐埋邊既枱 ,  覺得唔夠冷氣不過總算唔焗啦 , 我既飛佛係豬腳薑同叉燒酥 , 個豬腳好林好入味 , 醋有少少辣酸甜味啱啱好 , 2樣都好美味 , 蘿蔔絲酥餅好香口..... 

四人行放假心情大好決定食好西必食招牌叉燒 188$ 份量合理 咬落JUICY多汁 唔會太肥/韌，雖然每人食兩舊幾，但已經好難忘韭黃芽菜肉絲配煎麵底, 麵底煎得十分香脆, 絕對係水準之上, 肉絲份量都好多, 米芝蘭餐廳真係交足功課 唔馬虎啊~~炒菜就無咩特別, 唔會太油膩, 菜類都算新鮮, 不過不失~~紅燒豆腐估唔到反而有驚喜, 豆腐面煎到微脆, 配埋鮑汁加冬菇, 真係一人一碗白飯都唔夠！送飯真係一流之選。重頭戲蛋散，一人一舊剛剛好，炸到十分鬆酥配埋蜜糖，48$算係偏貴但絕對對得住呢個價錢。埋單先知AE白金卡有七折，抵到⋯⋯⋯每人加埋一200$都唔駛OMG

先黎一杯鮮榨西瓜汁，幾好，應該無溝水。海皇翅，十分咸，但足料既，下次廚師都係試下味先出俾人。依個鱈魚好好味，好脆，外脆內軟，魚肉好滑。豬油咸蛋叉燒飯，咸蛋皇好香，漏晒油咁，叉燒都ok，依個真係唔錯。嗌左碟菜，正常味道。最尾仲有杏仁茶，味道ok，但磨得唔夠滑。

週末早上最好就係約埋朋友去飲茶，好彩去前book左，因為星期六朝早都幾多人。之前係翠亨邨飲過茶，佢d既水準一直keep住，蝦餃新鮮冇so味，燒腩仔皮夠脆。平時唔叫煎炸點心今次都破例叫左兩個，芋頭同蘿蔔酥，超香超好味

海底椰燉螺頭湯🥣，真材實料靚湯，味道鮮甜，飲時有淡淡的椰子香黑松露醬蟹肉菊花蛋🦀🌼🥚，蟹肉嫩滑，份量也不少，配以半熟半滑的炒蛋，不錯👏🏼個人不太喜好黑松露醬的香味，幸好吃時，醬的味道不濃玻璃明蝦球🍤，蝦球爽口彈牙，伴菜西蘭花🥦能應客人的要求，弄得淋些頭抽鱈魚球🐟，出乎意料的好味，外層煎得微脆，鱈魚肉嫩滑滋味，醬油的份量剛好，豆角又翠綠爽口，實在是完美的一道菜💯杜小月櫻花蝦炒飯♨️🍚，當然有櫻花蝦，還有叉燒粒、蛋白、小蝦、南瓜粒和少許菜粒等，飯炒得乾身，好味呢香芒凍布甸，布甸的蛋香味不夠，芒果不太甜，仍有很大的進步空間

難得放假可以一家人一起聚會喝茶，我們選了尖沙嘴這家，環境還是比較輝煌的，大大的水晶吊燈，很奪目絢麗。我們點了妹妹喜歡吃的鍋貼牛奶安魚餅，這是他們的招牌菜，不油但很香口美味，是大人小孩都喜歡的菜式，再有我喜歡的叉燒包，皮酥鬆脆，肉汁豐富特別喜歡這裡的醬汁，好好吃，鵝肝沙葛生菜包是不可多得的美食，鵝肝味道濃郁，而且放進嘴裡很粉，不是每個人習慣，但包上生菜的爽脆就完全是兩個層次兩個世界了，外脆內軟的感覺真好！

食一次都嫌多，食左6道菜，冇邊樣好食。金牌叉燒。。。真係有愧於金牌個兩個字。葡汁乜海皇焗飯，真把銀，好食過大xx個d少少啦。煎鯪魚肉，粉太多，又唔鬆化。上湯莧菜ok既

翠亨邨二人晚市套餐$5981.蟹肉粟米羹，雖是真材實料，但芡羹開得一般，味道普通2.錦繡玉鴛鴦(芒果、蜜瓜、火鴨絲、合桃、海蜇)，撈起也，水果新鮮，合桃香脆，配上酸酸甜甜的醋，很醒胃3.鎮江焗肉排，出乎意料的好味，肉質弄得剛好，既入味又淋4.玉簪明蝦球，蝦爽菜嫩外，其心思實在要讚，所謂玉簪，原來是用菜心穿過蝦球，美其名得貼題，造型也特別👍🏼5.甫魚炒飯，味道尚可，不過不失6.黃糖馬拉糕，過甜，只吃了少許

又到新年，又係食食食嘅月份喇！第一輪春茗嚟依間。今晚春茗有12款餸菜。叉燒牛展好好味蟹鉗紅燒翅好多鵝掌嘅發財好市老虎斑好大隻，肉質彈牙脆皮雞炒飯普通炸粉果好油，無以前食開嘅咁好味整體嚟講唔錯嘅

今天分享在粵菜老字號 --- 翠亨邨 的喜慶開年飯。我們去的是尖沙咀 Mira Place 店，由2013年起連續7年獲得米芝蓮香港餐廳推介，食物質素有保證，最近更有恆生禮遇，卡主可享精選晚餐買一送一，或是晚市主餐牌食品及飲品88折，吃得滋味又著數！  不說不知，來到今年年中 翠亨邨 就會滿45週年了，可以說是見證了香港的繁榮興起；店內有著不少幾近失傳的懷舊菜，以及自家的原創得獎菜式，可說是一代經典。這天我們品嚐的，有一半是淨價$888位的買一送一晚餐內容，另一半則是店內名菜。來到豬年，首先分享一份 皇牌蜜汁叉燒 ($188/例，恆生買一送一精選晚餐包含) 吧！叉燒選用脂肪分佈平均及軟腍的脢頭肉，淋上秘製蜜汁烤製，單看賣相已是無比吸引，其豐腴脂香及厚重肉味更是令人一試難忘！底下傳統的蜜糖黃豆也是不容錯過的精品。 接著是不設單點、恆生買一送一精選晚餐包含的 原個木瓜燉魚唇鮑魚湯：一嚐這足料又清甜的木瓜燉湯，忍不住想起尖沙咀凱悅酒店的四寶燉萬壽果，但這裡用料包括新鮮彈牙的原隻鮑魚以及軟滑魚唇，更加矜貴滋補！太清甜美味關係，喝完湯吃完湯料，瓜肉也要通通吃光；這樣的湯單價肯定$200起跳，所

事別也有40多年沒有到來翠亨邨。今天真是想再試試以前常常吃的錦繡鴛鴦。看到菜譜上的相片已非以前樣子，所以最後也沒有選下。我選擇了套餐。菜色沒有什麼特別。湯實在太咸，雞實在煮得較差，炒飯太油。總結食物沒有特別，也不至於非常差。要有改善。可是結帳時，經理Ev@@ 的態度真是要積極地去改善。以$1700的飯局配此等服務態度真是連大快活的樓雜姐姐也比不上。隨便放下結帳簿就走開，想怎樣呢？食物普通，服務更普通，收費是否應該都要普通呢？自己想想認真改善!