美味苑

营业中

休息中

位於西營盤荔安里的「美味苑」，係一間隱藏於小巷裏的港式小炒中菜餐廳🍴主打手作功夫菜。已經開業10多年，頗受街坊歡迎燒汁鱔球選用新鮮海鱔，去骨後炸香，厚肉肥美，配上日式燒汁及洋蔥一齊烹煮，鑊氣十足，夠晒香口菠蘿咕嚕肉咕嚕肉香脆可口，啖啖肉，肥瘦適中均勻，表面沾滿酸酸甜甜的菠蘿咕嚕汁，非常開胃，勁好食豉油王中蝦連殼蝦肉size都幾大隻，用蒜粒及豉油王爆香，勁香口惹味，水準之作麻婆豆腐榨菜、豆腐及豬肉碎，豆腐好嫩滑，榨菜有助增添口感～整體唔係太辣，麻感比較重，佐飯一流正宗糯米雞表面金黃香脆，內裏肉質保持嫩滑，另外內裏亦滿載生炒糯米飯

誤打誤撞下同朋友黎到位於西營盤的「美味苑」，發現去咗間隱世小店，原來佢平時做街坊生意，已經屹立了廿幾年，真的很不容易。廚師是曾經在鏞記做的，品質有保證😋，加上老闆娘的手工食品，簡直絕配。黑椒炒鹿筋 $398（時價）老闆娘推介，市面又唔覺有，我又第一次食，咁就信你啦。事前廚師細心的問清楚我哋食得有幾辣，我們說少少辣，成品出到來後要趁熱食，開始食嘅時候味道很淡，但食吓食吓調味和麻辣味出晒嚟，只係有少少麻，好好味，好快就清左佢。鹿筋的功效有修補關節、卵巢、強筋骨。香醋浸皮蛋$78皮蛋上鋪上老闆娘自家製的酸薑，再配上糖加醋，味道豐富，鬼老都鍾意食。燒汁脆鱔球$188鱔球肉質脆口，又厚實，配上廚師特製燒汁，味道很配，難怪成為店舖皇牌之菜。👍🏻很多人來都會點這個菜。蝦醬炒豬潤$98好香濃既醬汁，加上芽菜、韮菜炒豬潤，豬膶一啲都唔老，好嫩滑，好好味😋有啲似食鱔糊果種感覺海底椰雪梨膏 $40老闆娘自家製，平時去餐廳都係喝流質飲品，膏狀既很少見，一於試一試，想不到很好飲，味道又濃又唔太甜，我喝了一半後加奶，原有味道被搶去，我覺得唔加奶好啲。無論如何，值得一試👍🏻

噚日同朋友去咗西營盤，搵咗一間好地道嘅街坊小店食飯，聽講唔少名人都有嚟光顧，成個氣氛好似返咗小時候嘅街坊飯堂。講到食物，真係好有驚喜！我哋叫咗幾款經典菜，咕嚕肉**，呢碟真係做到啖啖滋味，外皮炸得金黃酥脆，咬落去酸甜醬汁同菠蘿、青椒一齊爆發，肉質嫩滑唔乾柴，酸酸甜甜好開胃，避風塘鮮魷**，魷魚炸得剛剛好，外層香脆，入面保持到鮮嫩彈牙，避風塘嘅蒜蓉同辣椒炒得香氣四溢，微辣中帶住濃濃嘅鑊氣，椒鹽豆腐，豆腐外皮炸得脆卜卜，內裏軟滑似布丁，椒鹽調味簡單但夠惹味，帶點麻香同微微嘅辣，食落口感層次好豐富，。臘味煲仔飯**，一上枱已經聞到臘腸同臘肉嘅濃香，飯底有啲脆卜卜嘅飯焦，淋上啲豉油同臘味嘅油香一齊撈飯，入口鹹香濃郁，臘腸肥瘦適中

聽朋友講 喺西環有一間懷舊小館 菜式十分特色 主廚仲係在鏞記做過大廚的 之後自己出嚟開的一間菜館 就是美味苑 所以今晚特登嚟試一試見到餐牌上面真係好多有特色的懷舊菜 見到餐牌都流口水 不過因為事前我冇預訂這些特別菜 今晚我又有點趕時間 但都要即刻試一試 熱賣的鑊氣小菜和店主推介的特色煲仔飯 鑊氣小菜我點了海鮮小炒王 招牌咕嚕肉 燒汁鱔球 海鮮小炒王 香味鑊氣十足 配料十分豐富 裏面有蝦 魷魚 酥香魚仔 油炸鬼 珠豆角 芋絲 這個小菜送飯一流招牌咕嚕肉 即叫即炸 咕嚕肉無骨炸得酥香味美 配上大廚特別做的秘製酸甜汁 味道一流 燒汁鱔球 上桌時共有六件大大件的鱔球 無骨肉脆 香酥鱔球配上燒汁 無得輸 好味煲仔飯打開蓋時 十分驚喜 裏面放有煙燻土豬腩片 臘腸片 味道少少麻辣 十分惹味 煲仔飯飯粒 粒粒分明 仲有煲仔飯特有嘅飯焦 好味 正今次趕時間 我同店主攞了卡片 下次再來 我必定要預定和試糯米雞 八寶鴨這些酒樓都食唔到的傳統菜

呢間係一間好地道嘅廣東菜，係一間好隱蔽嘅巷，但係好就好在佢可以嘈，你可以坐喺外面大大聲講嘢，好似大排檔，但係又唔係大排檔咁多人。講返啲嘢食，我覺得佢啲煲仔真係幾好食，啫啫雞煲足料又夠味，雜菜煲，亦都夠晒足料，有好多唔同種類嘅菜，牛仔骨亦都好好食，而牛仔骨裏面又放咗啲豆角一齊炒，好少有舖頭會咁樣做，所以我覺得好特別，頭先講嘅啫啫雞煲，佢都放咗啲青椒落去炒，所以我覺得佢都幾用心。呢間舖頭好多明星相，老闆娘話開咗20年，我真係好少行過走入去。不過我下次會嚟食啲特別啲嘅餸，雖然佢係貴啲，不過我諗都值得試一下！

朋友帶我今晚去食佢推介嘅功夫菜餐廳。餐廳係喺西營盤嘅美味苑，已經經營逾20年。佢哋嘅大廚係以前中環鏞記嘅大廚。餐廳沒有花巧嘅門面，但見到佢哋貼滿晒同明星嘅合照，連賭王四姨太，明西廚Ricky Cheung, 馬家開飯等等都係座上客。 糯米雞：當我哋點呢個糯米雞嘅時候，職員話如果趕時間就唔好點呢個，因為即點即制，至少都要半個鐘以上先至做好。既然嚟得食功夫菜，就預咗要時間，我哋梗係嗌啦。嚟到果然名不虛傳，職員幫我哋即場切開炸到金黃色嘅雞，雞皮做到「脆」「薄」，切開嘅時候係「沙沙沙」脆卜卜嘅聲音。入邊嘅雞肉依然嫩滑。而釀係已經起骨嘅雞入邊嘅生炒糯米飯，亦都做到粒粒分明，臘味惹味。杏汁白菜豬肺湯：份量足以夠四個人分。杏汁係用新鮮嘅杏仁即製，杏仁味濃。豬肺冇乾淨冇異味，口感爽彈。燒汁鱔球：一客有七件大大嘅鱔球。鱔肉新鮮，爽口彈牙，燒汁再加上洋蔥夠晒惹味，送飯一流。鎮江香醋浸皮蛋：剁碎並用糖醃咗嘅薑粒，鋪喺糖心皮蛋上面，再加埋鎮江香醋，好開胃嘅前菜小食。佢哋仲有好多唔同嘅功夫菜可以預訂，例如佛跳牆，八寶鴨，豬肚包雞，蛇宴等等。依家肯做手工菜嘅粵菜館買少見少，一定要支持吓。

藏身在西營盤荔安里的這家迷人的餐廳，提供耗時耗力的粵菜手工菜，這些菜式在更商業化的廚房中已經不再受到青睞，美味苑還有稀有的繁複≈手功菜式供您品嘗。這位曾在鏞記工作的大廚，在一個極小的廚房裡創造奇蹟，推出正宗糯米雞（必食）燒汁鱔球（必食）、紅燒鱷魚煲，黑椒炒鹿筋，這樣令人垂涎的高質👍Tucked in Lai On Lane in Sai Ying Pun, this charming establishment serves time and labour-intensive Cantonese dishes that have fallen out of favour in more commercial kitchens, as well as rare meats to test your appetite. An alum of Yung Kee, the chef works wonders with a minuscule kitchen to put out mouthwatering dishes like roasted chicken stuffed with gl

有一曰，我哋有12人去美味苑吃晚飯，價錢有貴，買單時，張單每一餸價錢吾清色，味道麻麻地，一共吃咗$4900加買啤酒找數，八寶鴨：又細又冇料豬肺湯 ： 一般翡翠生魚卷： 魚卷普通，西蘭花好更文昌雞 ： 冇雞味焗魚腸 ： 普通叫咗其他餸，以上這些餸要預先訂，要預訂D餸，應該好好味先至啱，我吃完之後，大跌眼鏡，又貴又唔好吃

几次路过，今天兴之所至来看看味道如何。我很喜欢猪肺，正好看见杏汁白肺汤是招牌，便点来一试。之前没喝过，但是里面的杏仁渣并没有过滤，喝起来十分影响口感。汤底也不够香滑，更不够浓郁，和颜色不是很相符，让人不由得怀疑是否加了奶。另加了份炒饭，味道也稀松平常，米饭不够干香没有鐹气，是我自己在家也可以做到的出品。买单时还有茶位费，总共二百三十多。完全不能理解在这个环境与出品，怎么会有如此高的价格。总之一句话，决不再来。

是日二人晚飯預早訂咗羊腩煲，特色係有埋新鮮羊嘅內臟。個汁好鮮味，腐皮入味，筍係新鮮爽口，夾埋生菜撈白飯係唔錯。飯後有要埋老闆娘推薦嘅臭草綠豆沙，甜度適中，有起沙。埋單嘅時候，重點黎喇，800大元。。。。。雖則話係新鮮羊肉同內臟，但係肉臟得4 件，羊肉有啲鞋。真心想唔明到底羊腩煲有啲咩咁驚為天人，收得仲貴過佢好出名嘅糯米雞。俾完錢踏出個門口之後越諗越唔對路，本身都諗住下次試佢其他餸，諗諗下，Ok，永遠無下次，bye9byeP.s. 羊腩煲係預訂同off menu, 事前唔知咁貴，事後都無特別問。走時後番一枱客，唔知係咪幫人埋咗單P.s.2 唔識人，純粹試吓新野

朋友話帶我哋去食超好味糯米雞，我仲諗住係荷葉包住嗰種，可以有幾神奇超好味呀但原來美味苑嘅糯米雞真係別有一番滋味！將成隻雞由入面拆骨，之後釀糯米入去之後再拎去炸到外皮超級香脆，真係名副其實既手工菜呀～雞皮又薄又香，配上嫩滑雞肉同埋濕潤既糯米飯，口感豐富超乎想像。燒汁鱔球既鱔肉勁厚身，但唔會乾柴。最緊要係少骨無泥味又唔腥小炒王好多料，夠香脆好送酒。大滿足之一餐～ ❤️大廚兩夫婦勁好人，熱情推介又friendly.期待下次多啲人黎可以再試多啲唔同既名物（荷包雞！杏汁白肺湯！八寶鴨！百花釀雞翼！）

到美味苑為朋慶祝生日，其CP值超高，樣樣都好味道！ 食咁多手功嘢，每人350蚊👍秋風起，當然要食蛇羹、山東羊腩煲（連生菜底）啦！我每次必叫的仲有糯米雞、 海鮮小炒王，點知今晚砵酒焗蠔12人一圍，我地下次去食佛跳牆 😋😋😋😋😋😋😋

讚1 小炒小菜係有鑊氣既 小炒王乾身足料 夠味 生炒骨既汁開胃 拍青爪瓜既汁都調得好 煎釀三寶夠香口 樣樣水準都有中上表現2 價錢係抵 食到成檯都係都位位唔使三百彈1 要識人 唔係會做左熟客先 等到2046都未有嘢食2 要訂餸 糯米雞八寶鴨呢啲名菜都要訂

This little gem was recommended to me by my golf friends. We like to dine here after a round of golf (or any kind of exercise 😊 ). Perfect for group dining as there’s an extensive menu to select from. Frankly not every dish scores, but some of the “time consuming” dishes are really value for money. I enjoyed the cosy “cha chan teng” 茶餐廳 atmosphere where everyone can let their hair down. Both the chef and his wife (server) are very friendly & easy-going.

成班朋友去食好西，諗住咁西嘅地方應該都冇咩好野啦，因為港鐵甩左車門搞到遲大到，好在好友們人品好等埋才開飯，一開波切隻燒乳豬，豬皮超脆但有啲咸，其後鱔球香口好味味道啱啱好，主角出場佛跳牆十幾人分享夠多料正，再黎三杯雞味道剛剛好可惜過左火啲雞肉鞋左，到另一主角出場糯米雞外脆內香如店名美味，最後炆魚尾因已好飽只食左少少。有機會再去食過！