美味苑

营业中

休息中

咕嚕肉好味又脆口燒汁鱔球夠大件、冇骨兼爽口 超正脆皮乳豬 ，乳豬皮鬆化到不得了足料佛跳牆 ，入面有好多隻鮑魚 ，火侯十足、香味濃郁 ，食完非常滋補入味羊腩煲，火候啱啱好，冇羊嘅羶味， 羊皮又夠淋名符其實的糯米雞 ，雞內塞滿飽飽的糯米飯但雞皮薄而脆，簡直是一絕的手工菜， 一定要點個讚！ 下次還會和朋友再來試其他的美食

Always wanted to try this place and finally did! It's a popular neighbourhood restaurant frequented by regulars. However, I won't be one of them. Thumbs up for the atmosphere. There was a table of old friends gathering around a hot pot inside while the al fresco dining consisted of more friendly celebrations. I listened to whom I thought was the chef and the Chinese eel fried balls are worth the try. It's not my preferred way to consume this fish but giving something a twist is something I'm up

唔講得少個佛跳牆勁好飲, 望落去好似南瓜湯嘅顏色以為佢會好濃, 一飲完落去成張枱都哇哇聲, 資料勁足, 正到不得了, 嗰隻糯米雞去曬骨入面仲要塞曬糯米, 炸到成隻脆卜卜, 仲有食炸鱔球大大嚿, 外脆內軟, 熱大排檔形式食到呢啲嘢真係好合理, 嗰個炸饅頭又係一絕鬆化得黎軟綿綿, 最尾呢個羊腩煲, 羊肉淋得嚟D皮有少少咬口火候啱啱好, 老闆同老闆娘都好熱情介紹每一道食物嘅特色, 每一道菜都係功夫菜少啲心機都唔得, 值得再嚟多次 ！！

去過好多次食晚飯，寫下心中所想：琵琶豆腐好好味！雜菜煲健康之選！味菜鮮魷好惹味！滑蛋蝦仁送飯正！砵酒焗生蠔大愛！椒鹽鮮魷好香口！鼓油王妙麵醍胃！油鹽水浸蜆鮮甜！粟米班塊非常掂！煎釀三寶夠地道！螺片扒時蔬一流！蝦醬通菜鮮魷入味！其他小菜推介，燒汁膳球、瑤柱扒西蘭花（註：冬天我會西蘭花轉豆苗）、  西檸班塊、蒜蓉炒菜心、涼瓜炒鮮魷、紅燒豆腐、煎釀茄子、鼓椒炒蜆、潮式煎蠔餅、鼓汁帶子蒸豆腐、茄汁蝦、沙爹粉絲蝦煲、大良奶炒帶子、酥炸鯪魚球、一品海鮮煲。 總結，好味道！ 俾個Like！

由於只點了幾味，故只能就食過菜式點評：1）醬汁燒鱔球：😱鱔本身已醃到好咸，再用萬年油炸到黑碳咁🙈，跟著淋上所謂秘製醬汁，咸上+×咸，真係食完要洗腎😷，老板娘話要餸飯食，咁佢哋應該係餐牌寫跟飯或意粉啦（啤）；2）焗魚腸：👌還可以，無腥味，但蛋多魚腸少，加上油炸鬼都無乜，唔夠香，只算合格；3）青炒涼瓜（苦瓜）：食咗兩個重口味，點個清清哋嘅青炒涼瓜😐，出來變咗蒜頭豆豉炒，加上生油大減價，成碟變咗油浸涼瓜😨；（要另外搵碗滾水用過橋嘅食法先搞得佢掂👿）4）杏汁白肺湯：成大碗湯（足4人份）得兩3條白菜渣，3兩片肺都算，反正飲湯啫，結果係啲杏仁懷疑係供應商交來製成品，如果係自家磨，就好失敗，好嚡，一粒粒一啲都唔滑。最離譜係啤酒（是日飲了兩支藍妹），好似飲暖水咁😭😭（如果國內朋友實喜歡），一啲都唔凍（都冇要求冰凍）。最後埋單要660大元，都幾貴下。這個檔次嘅價錢，打住鏞記大厨嘅招牌，只好講句，唔怪得你要離開鏞記啦😎。以上純屬個人意見，口味可能各不同

看U-tube 話鏞記廚子自起爐灶、食味很好、需然鏞記不是很美味、我們也好奇心湊了8位朋友一齊試試、吃罷、異口同聲、千祈唔好再幫襯、否則冇朋友做、以後不要信網上資料。超級難吃的餐廳、可以說沒有一款好吃的、我走進廚房自己做、水準一定高10倍。杏汁豬肺湯－加了奶、有羶味、豬肺似洗不淨、有怪味。上湯番薯苗－煮過火、似吃糊仔、又咸。炒豬腳筋－不知所謂，又黑又咸。咸菜鮮魷-咸、叫做可入口、賣相跟豬腳筋一樣鱔-叫做好點、但8件收＄220、貴極釀鯪魚－簡直離譜、可以講亂來、魚霉霉爛爛、釀的東西似吃隔夜麵包、又咸又冇味姜葱蟹－咸、蟹又唔新鮮、蟹蚶肉木木獨獨，似死阻雪阻好耐的嗅蟹，跟個不知是否老板娘的女人說，她只答唔知呀！皮旦－算是可以筍-－般鳮－可以，但醤汁很怪味肉絲炒麵－又係離譜的食物。埋單弍仠弍、如此菜式、如此地方、超不值。永久黑名單！

秋風開始了身體告訴我需要潤一潤。想起去「美味苑」飮碗杏汁豬肺湯。杏汁香純有少少渣雖不太滑但就更顕杏仁真味，豬肺處理得特別好不像只啤水那麼簡單，咬口極彈牙。黑椒炒豬腳根不但味道好吃更令我心滿意足。很長日子吃不回這種媽媽味道。記起少時候吃得最多的就是豬腳筋及海參，乾豬筋是需要先炸了再入水浸發，家中經常一大桶都是媽媽浸的好東西。回憶家中一年四季都吃它，清補涼湯內放它，四物湯內又放它，黨參圓肉湯內都放它，鮑參翅肚內總少不它。據聞它的營養價值頗高而且養血強筋潤燥。就是可能吃太多又沒做運動使我長不高迅速地向橫伸展體型。說回來，香港很少餐廳內菜牌有這麼多款式炒豬腳筋。要吃這道菜來「美味苑」包你心滿意足。一柱擎天㷛仔飯（請看圖）端上來時我都發笑了。乜咁攪版？支醬油放上蓋面位置剛剛好看它舒服得很招積樣子或是何等前衞建築物確是令你爆笑難耐。飯軟熟绵綿又乾身還有飯焦、臘味油份浸透了整㷛飯內是精髓，真美味！

價錢與地方，地點，裝飾，招呼對比下一點都不值，燒汁鱔球，四塊要$168。如果天氣熱肯定不能去，因爲那夜有些人都坐在路邊，豆苖也不是靚，長長的莖也不值$86。總來説太多地方更好！

借用天王嘅一句話，今時今日咁嘅服務態度，系唔得嘅。餐飯真系食到火都嚟。一個大排檔，落佐order成個鍾無一個餸上到嚟，追問佐幾次，次次都話等陣，好快。無能力handle 好多客就不如唔好做咁大，真系就差在反枱走人！zai仲有搞笑嘅系，豬肚燜節瓜，落order之後同你講，無節瓜，我話ok咁轉咩瓜都得，過多半個鐘，侍應走過來話，sorry 無豬肚同節瓜……大佬，無嚟D嘢嘅話人哋落order唔講；fine，可能節瓜啱啱用完，咁半個鐘果個moment嚟話無節瓜果陣唔講埋？嚟個款擺明就係落完order一個鍾之後開始先至開始煮我果張單。Totally四個餸，個幾鍾來佐兩個，食完激餐死，埋單走人，二百幾蚊，點解咁貴？？！！幾十蚊嘅兩個餸，自己計落都係百幾蚊。咁就問多收銀嘅一句，條數點計？收銀條友就黒口黒面話我好唔得閒！真係好巴閉！我條氣唔順，問多次，距先至計條數備我睇，原來系咁，大排檔除左收加一之外(過時過節嚟個可以理解)，原來仲要收茶錢！咁大個仔真係第一次食大排檔收茶錢囉。Anyway，無第二次，永遠blacklist!

同男友家人一行 8 人去西環食飯...佢地 order 了以下菜式杏汁豬肺湯 - 呢個幾特別, 同埋味道幾好. 唔知道咩野魚 - 啲魚冇味, 豆腐最好食 燒雞 - 一般; 我覺得可以接受. 不過男友話冇味炒聖子 - 好多沙 ;焗魚腸 - 好腥 焗蠔 & 煎蠔餅 - 啲蠔極唔新鮮西檸虾 - 味道好怪 炒通菜 - 好咸 喺呢啲地方食, 都成 $150 一個人, 而且重唔好食添..

夜放工, 一個人來到西環找食. 心目中未有任何 idea, 行行找找, 人已經身在第三街, 仍然找不到心水食肆. 一路行返落山, 突然醒起上次見到既一間後巷食肆, 反正一個人, 好食不好食其次, 對新野, 少人去既地方, 寫返個賽後報告先.找這間野, 其實不易. 落樓梯行入後巷, 有少少陰森, 旁邊有間新開的酒吧, 招牌仍是油鹽米鋪, 入面滿是泰青......再加了點恐怖.行多兩個鋪位, 對了, 是這間美味棧. 一看牆上的大字報. 大江南北的菜式有齊. 牆上有剪報介紹其鎮店之寶, 賣 2百幾.....呢個有待下次組隊入黎殺敵時才叫. (那鎮店之寶是 糯米雞 同 八寶鴨).一个人, 食唔到幾多野. 亦無法食得出其精髓. 食啲乜呢. 叫個京蔥焗牛柳吧. 看了次前的食評, 覺得師傅比較拿手的是北方菜. 當然, 不知食乜好都亂點一個北方小菜.出來的, 賣相完全good, 味道. 可能自己對這種做法欠缺認識, 初初食落, 醬汁夠濃, 但味道不夠濃. 牛柳有一兩塊"un"了少許. 如果切細塊D, 相信會更加好.地方, 我坐入面一個角仔細檯, 裝修好有大陸feel. 膠檯布, 門口有人抽煙.....

有一次到水街打冷，途中經過朝光街，發覺橫街裡有家飯店，正低調地營業著。重臨此地，才記起這就是兒時跟朋友仔打羽毛球的地方！這兒要下幾級石級才到，街又闊，在此玩耍很安全。現在店家也乘環境之便，在店外放了好幾張桌子，而且都坐了客人，很是熱鬧。這個平日晚上來到，發覺比之前來時冷清；十時到達，整間舖只有我們二人，還有外面的一桌客人，吃飽後在閒聊著。細看壁上的媒介報導，其招牌菜竟有「正宗糯米雞」？那不是鰂魚涌炳X的名菜嗎？細問之下，原來那裡的主廚到這裡另起爐灶，至今兩個多月了。人少少，實在吃不下整隻雞，只好點其他推介菜式。我們點了杏汁白肺湯（$58）；本來數天後在喜萬年團年，已訂了這出名的燉湯，但既然這裡也有，便即管試試看，比較一下。上桌時，湯驟眼看來也呈奶白色，細看則發覺仍未「白」透。喝時喉嚨有點被粉末嗆到，可能是磨杏汁時未有隔清，這未免是個小小的敗筆。杏味很香，總算扳回分數。燒汁脆膳（$75）也是侍應極力推介的，雖然只有六件，但每件都很大；表面炸得甘香脆口，膳肉亦好味。與他店的「蜜味」脆膳汁帶甜不同，這裡的燒汁是偏鹹而較多油，但個人認為稍鹹了一點。涼瓜炒田雞（$46）炒得相當有鑊氣，涼瓜的香口

近日我經常和朋友到的一間小店，老闆親切但不太善於辭令，口音應該是外省人士，門口的裝飾亦相當平實。菜牌明顯經過精心鑽研，有中國各地大江南北名菜的感覺，裡面有一般食肆不常見的獨有菜式，我尚未全部一一嚐過，但以水煮魚獲我們一致好評，香料落足而價錢不貴，但已達到一級水準。其他的招牌菜包括北京十三香骨、湖南土匪雞、五花卷等，味道也十分惹味，都是佐酒佳餚，這店實在是三五知己宵夜閒聊的好去處。喜歡吸煙的朋友，還可選擇店外，座位自由擺放。老闆還提供一些特別菜色預訂服務，炖甚麼東東我就忘了，而且還提供一圍檯的菜色，十分有看頭。位置較為隱蔽，距大學生喜歡吃的源記甜品約幾分鐘腳程，鄰近水街華達酒店的一條隱蔽小巷，如不留心就看不到了。