紅葉茶屋 (帝國中心)

营业中

休息中

嚟到TST 行街，突然落大暴雨☔，就求其搵下嘢食先。見呢間都幾多人食，應該唔錯😎。影張全家幅先📸牛肉壽喜燒定食（$138）小妹向嚟都最like 壽喜燒🐮，少少甜豉油，冬菇🍄、豆腐、日本椰菜🥬，齊哂！！配埋日本白飯🍚，超正！！照燒三文魚定食🐟🍱（$138）定食有牛蒡 + 醃蘿蔔做前菜，再加埋麵豉湯。三文魚用照燒方法，味道上會濃一啲。豆腐魚餅（$35）魚餅淋淋地，就係豆腐嘅功勞。枝豆🫛🫛🫛（$28）好耐無食，枝豆🫛做小食啱啱好。抹茶拿鐵🍵☕（$25）Highly recommended!!! 大量嘅cream 係上面，同抹茶拿鐵配合得好好。熱泡沫咖啡☕（$20）----------紅葉茶屋 🍁🍁地址：尖沙咀麼地道68號帝國中心UG樓50-57號舖

今日一家大細出尖沙咀行街，帶埋BB出遊搵食都要諗過度過。就喺尖東帝國中心搵到一間新開嘅日式餐廳，估唔到非常適合帶小朋友，值得記錄一下。餐廳係日式裝橫，環境相當闊落，容許BB車直入，實在感恩。坐係近窗嘅卡位，仲有非常穩嘅BB椅同兒童餐具，非常適合帶B出街嘅家庭。餐單選擇相當多，各款日式定食，麵食同甜品等。睇相已經好吸引。溫泉蛋卡邦尼烏冬 $92 賣相非常靚，擺盆有心思，選用器皿都好特別。卡邦尼奶香味非常濃郁，忌廉汁相當多，上面仲有唔少煙肉，一隻半熟蛋。估唔到西式醬汁加上烏冬配搭不錯。定食送上兩款小食，應該係牛蒡同醃蘿蔔。牛肉壽喜燒定食 $138 大大碗牛肉壽喜燒跟飯，仲有麵鼓湯同餐前小食，相當豐富。牛肉相當多，肉質都幾腍滑，最鍾意甜甜嘅壽喜燒湯汁，最岩撈飯。雪糕抹茶拿鐵 $25叫定食隨餐加配飲品，$25大大杯絕對抵加。抹茶味相當濃，又有奶香，加上雲呢拿雪糕球，好味。自選炸物盛合 $88 自選炸物揀左炸生蠔鮮，鮮甜大大隻，不錯。豆腐魚餅有粟米蘿蔔魚肉等，好咪有營養，好適合小朋友。另外仲有兩件炸雞，脆皮薄薄的肉質都OK的。另外再加一客脆卜卜炸餃子。紅葉甘之三味 $88 秋日期間限定，睇相已經

因為過2星期，我同個女就要去峇里玩，所以今日去TST換印尼錢。所以叫個女搵吓尖沙咀有咩新餐廳。搵到一間係帝國中心嘅紅葉茶屋。係食日本茶漬飯及拉麵，定食。睇落食物好似唔錯，而且環境亦好舒服. 就去試試。豪華海鮮丼茶漬飯配鮮蝦湯豪華海鮮就係新鮮刺身，有3片三文魚，三片吞拿魚，2隻特大牲丹蝦，4片帶子，大粒魚子，一壺蝦鮮蝦煮成的蝦湯。蝦湯非常清甜。而且有一張教大家食茶漬飯方法。照燒三文魚定食三文魚的醬汁非常好味。三文魚亦好 juice。配上日本米飯。其實淨係食白飯都已經好好食。還配有清甜麵豉湯及沙律菜。每個套餐加$20可選特色飲品。我選了冰什莓香橙紅茶。再加$35可選甜品抹茶蕨餅新地，有一球 抹茶雪糕， 抹茶味超香濃。一球紅豆，一大球雲呢拿雪糕，2粒蕨餅，底部有脆脆片及香滑忌廉。食完超滿足鎌倉紅葉茶屋抹茶提拉米蘇，用了一個精緻木盒盛載，賣相精緻。味道不是太甜並且 抹茶味濃鬱。

尖東呢一帶有好多酒吧餐廳，好似紅葉茶屋咁嘅日式Cafe就比較少，今日一於嚟試吓😋主菜我哋叫咗牛肉壽喜燒定食同埋火炙刺身三文魚及鰻魚茶漬飯。每款主菜都會跟兩款前菜，壽喜燒牛肉份量多，醬汁香甜。茶漬飯可以選鰹魚昆布湯或蝦濃湯，我哋揀咗鰹魚昆布湯。店員會附上茶漬飯嘅食法，相當細心👍🏻呢度嘅抹茶甜品樣樣都好吸引，我哋叫咗抹茶tiramisu同抹茶白玉。兩者賣相都好精緻，個人比較鍾意抹茶白玉，香甜軟糯，非常煙韌😋

紅葉茶屋位於尖沙咀帝國中心，位置方便，木系裝修和式設計令人感覺非常舒適。餐牌食物選擇非常多，炸物、定食、鍋物、甜品應有盡有。腐皮壽喜燒定食野菜份量非常多，而腐皮吸收了壽喜燒湯底，每一口都品嚐到湯汁的甜味。白飯拌上溫泉蛋，每一顆米都被金黃的蛋汁包裹着，更加增添口感。角切刺身茶漬飯可以選擇兩種湯，分別是昆布湯或香濃蝦湯，因為擔心蝦湯會遮蓋魚生的鮮味，所以我選擇了昆布湯。餐廳職員貼心地茶漬飯的食法指引，第一碗先不加湯直接品嚐魚生的鮮味，當中以帆立貝最為出色。第二碗加湯後，更加帶出新鮮魚生的甜味，而且滾燙的湯水亦製造出魚生半生熟的口感。吉列帶子串外表炸至金黃，咬開後內裏散發出陣陣熱氣，帶子肉質厚實。自選炸物盛盒挑選了廣島蠔、雞件及豆腐魚餅，廣島蠔蠔肉新鮮肥美，雞件依然保留肉汁，而豆腐魚餅炸漿薄，內裡鬆軟可口，所有炸物亦非常出色。抹茶缺餅新地用碗狀窩夫裝着，賣相非常吸引新地雪糕牛奶味濃，抹茶雪糕配上紅豆甜而不膩，抹茶缺餅口感軟糯，底層配上忌廉及粟米脆片，口感豐富。

紅葉茶屋係一間好有文青感覺嘅日本居酒屋，簡單又舒服，尤其是尖沙咀帝國中心呢度採用開放式嘅座位更加寬敞。用手機落單，點咗個腐皮烏冬，其實我就係鍾意佢嘅油揚腐皮夠簡單清清地，個湯又夠熱，加啲青蔥牛蒡絲同埋胡蘿蔔非常有益。呢個餐跟飲品加$15仲可以飲到檸檬薑紅茶，入口熱辣辣，我仲見到嘢飲有好多薑絲，夠晒真材實料。小食方面叫咗刺身紅茶醬油漬吞拿魚，鮮味滿滿濃郁，吞拿魚味道齒峽留香。另外仲叫咗個南瓜餅，南瓜蓉加埋吉列嘅外皮，入口南瓜又綿又香。最後甜品即叫即整，食咗個非常好食嘅非常雜莓芭菲，一大杯好多分層！有兩層係軟滑嘅雲呢拿雪糕，加上士多啤梨醬，仲有切成一粒粒嘅藍莓士多啤梨雜莓等等，為咗增加口感亦都設有粟米片、蘆薈同班戟！好好食，食完好滿足。

喺尖東呢頭行完街，朋友話紅葉茶屋喺呢邊開咗分店，梗係要試吓啦。我要咗個和牛壽喜燒定食，有兩款前菜、麵豉湯、溫泉蛋、白飯一碗同埋最重要嘅主菜和牛壽喜燒。前菜幾開胃，麵豉湯唔鹹。和牛嘅份量都幾多，肥瘦適中，好香牛肉味，仲有雜菜、豆腐同菇，壽喜燒甜甜地，唔會太鹹，配埋白飯好好食。朋友要咗特盛黑麻油濃厚豚骨湯拉麵，都有兩款前菜。拉麵有好香麻油味。我食咗一片豚肉，好淋好香口。朋友話湯底好夠味，拉麵口感唔錯。嘢飲要咗熱忌廉抹茶拿鐵，估唔到有咁多忌廉係面，仲配埋石頭朱古力，好有feel。抹茶拿鐵比較甜，中意甜飲嘅要試吓。朋友要咗熱蜂蜜薑紅茶，聞落好香薑味。最後叫咗兩款甜品，白玉餡蜜暖暖哋好煙韌，紅豆泥都好有口感。抹茶蕨餅份量都幾多，食落清香，同黑蜜好夾。

於尖東開業不久，一早約定了同事去試新店！同事點了豪華原條鰻魚茶漬飯，因為是豪華版吧，超長的鰻魚令人震撼，長到有約半條鰻魚垂在碗邊。我點了角切刺身魚生茶漬飯，色彩繽紛的魚生粒，新鮮，其實淨食魚生飯已甚是滿足，但加入鰹魚昆布湯作茶漬飯又有另一番風味，放在茶壺內的魚湯，看似清淡，但其實極清甜！來到茶屋，當然要點日本出名的綠茶，我們都點了抹茶拿鐵，以茶碗作容器，甚有日式感覺，濃濃的抺茶加入牛奶有種中和甘味的作用。最重要的是甜品，這裡的甜品選擇勁多，我們選了抹茶白玉，六粒丸子，方便share食，本身Q彈的丸子無味，但加了有甜味的綠茶糖漿，立即有畫龍點睛的感覺。日式食物一直是香港人至愛，這類茶屋價錢合理，甚受上班一族歡迎！

今日往尖東紅葉茶屋食晚餐,我點了豪華吉列定食配冰忌廉抹茶latte,豪華吉列定食有朱扒和廣島蠔,另有前菜和味噌湯,前菜是牛旁和羅白絲,食落醒胃,味噌湯咸度適中,豪華定食有炸朱扒和炸蠔,前者炸得肉質香脆,食落啖啖肉,後者味道肥美,味道甘甜,白飯軟綿,冰忌廉抹茶latte茶味香濃,忌廉味香滑,味道可口,餐廳用QR code點餐,餐廳座位闊落,食物美味,份量十足,而且如果食定食可以添加白飯,適合三五知己聚會好地方

今日嚟到呢間日本餐廳食午飯，環境非常舒適，餐牌選擇亦非常多，先有新鮮即炸吉列蝦及蠔以及汁煮黃金螺，前者金黃香脆，蝦肉亦彈牙，而汁煮黃金螺係冷盤，螺肉係份量大隻、加上秘製醬汁，絕對係非試不可。主菜方面有麵豉叉燒拉麵、以及豪華海鮮丼茶漬飯。拉麵湯底非常濃厚、麵條掛湯，而叉燒入口鬆軟；而海鮮丼用上新鮮刺身，三文魚、吞拿魚魚油豐盈，帶子非常厚身、鮮蝦亦肥美，加上有濃蝦湯，可以泡制出地道嘅茶漬飯。最後有甜品抹茶蕨餅新地，牛奶味道嘅新地非常軟滑，紅豆蓉同綠茶雪糕以及蕨餅亦相當匹配。

和同事在尖東見客，辦完公事，感覺特別肚餓，見到帝國中心的紅葉茶屋，新淨簡約的和風味濃，隨即入座醫肚。環境優雅明亮，座位寬敞舒適，綠色的梳化，增添幾分寫意。豪華吉列滑蛋丼(豬扒&廣島蠔）$138吉列外層香脆，豬扒鬆化；廣島蠔蠔味濃郁，配濕潤的滑蛋飯，甚為理想。跟餐的冰蜂蜜薑紅茶 $15，薑味甚濃但不辣，味道尚可。特盛黑麻油濃厚豚骨湯拉麵 $118麻油味豚骨湯香濃，豚肉叉燒大片，薄身易咬；拉麵軟硬適中，連蛋都非常味美。紫菜在豚骨湯中浸一下，軟腍唔韌，一咬即開！跟套加配冰雜莓&香橙紅茶 $20，打碎的鮮果散發著淡淡的果香，甜度可自行調節。炸牛肉薯餅 $35，一客有兩件外層香脆，內層軟綿，有牛肉味，無欺場！鎌倉紅葉茶屋特製軟雪糕芭菲 $75，是期間限定軟雪糕 - 夕張蜜瓜；夕張蜜瓜軟雪糕，果味香濃，超級好味道 😍😍😍芒果焦糖窩夫(需時15-20分鐘）$68，窩夫香脆，雪糕冰涼甜美，加上焦糖，邪惡的甜品🥰🥰🥰

朋友喺尖東返工，話有間日本過江龍喺佢公司附近，見佢成日話正，今日放工就過去搵佢一齊食。餐廳採半開放式，同商場連成一體，幾特別。食物選擇多，有個電子QR code係for落單用既，好特別。雪糕抺茶拿鐵 $25跟定食餐可以加$25就有得飲，必點之選，vanilla ice cream好creamy，而佢既抺茶係勁濃既，濃到有粉狀既感覺，作為抺茶控當然開心。生薑燒豚肉定食 $118定食會跟埋2款前菜，同埋一碗湯，白飯用上日本米夠黏口，仲要係無限添加既，正！ 燒豚肉旁邊有沙律菜，有d fusion既感覺，豚肉食落比較腍身帶甜味，餸飯一流。牛肉壽喜燒定食 $138牛肉壽喜燒佢有3款，而我就揀佐最實惠既一款，佢唔係用火鍋既形式邊煮邊食既，而係煮好佐直接present ，可能係比較安全既關係吧，牛肉既份量好多，個汁底亦都浸入哂肉裡面，好味。炸牛肉薯餅 $35即叫即炸，薯仔同牛肉既比例岩岩好，食既時候即係令我諗起喺神戶outlet 食過既牛肉餅，正。豆腐魚餅 $35同樣是即叫即炸，其實食落個口感同牛肉薯餅好接近，而豆腐魚餅就帶來更軟綿綿既口感。抺茶Tiramisu $58用上木方盒盛載，十分特別，抺茶

踏入九月，準備告別夏天，雪糕當然有得食好食，今次就食左多款唔同既雪糕，找緊雪糕的尾巴。分店位於尖東，環境闊落， 舒適好坐。大量和食，款式多元化，定食又可加配小食甜品。抹茶蕨餅新地 $35跟餐加配，價錢親民。大大個新地，加入黑糖醬，配上蕨餅，紅豆，然後雪糕底下有忌廉，最底層是香脆餅底，非常豐富，值得加配。紅葉甘之三味(藍莓提拉米蘇）$88提拉米蘇、牛奶布甸、夕張蜜瓜軟雪糕三重奏最正一定係夕張蜜瓜軟雪糕，非死甜，軟滑好食。紫色提拉米蘇賣相吸引，入口融合藍莓味，幾特別。牛奶布甸軟綿綿，上面仲有粉紅色的士多啤梨味啫喱。蒲燒鰻魚茶漬飯 $138鰻魚飯就食得多，鰻魚茶漬飯都係第一次試。平時食鰻魚飯最鍾意就係澎湃嘅鰻魚汁，茶漬飯反而做到少啲鰻魚汁，享受湯的味道。可以揀鰹魚昆布湯或者香濃蝦湯，揀咗鮮甜嘅鰹魚昆布湯，加上鰻魚又夠香，原來配合起來都有火花。芝士雞肉蕃茄忌廉鳥冬 $88如果平時有食開芝士忌廉鳥冬，呢個真係唔好錯過。濃香的芝士忌廉味夠晒吸引，烏冬掛滿湯，入口就是軟滑的感覺。雪糕抹茶拿鐵 $25抹茶拿鐵濃而不澀，好入口。牛乳雪糕香甜軟滑。如果食完咁多野都唔夠，可以食埋香口既小食：和風炸雞盛合 (

好姊妹呢日約左我上嚟食飯呢度既環境開揚寬敞，氣氛舒適食物種類多樣化，我地要左一份定食，另外加左刺身、小食同甜品一齊share先黎一份五點刺身同炸餃子刺身整體都幾新鮮，帆立貝最為鮮甜炸餃子一客四件，炸得金黃香脆炸雞定食配有前菜漬物同味噌湯炸雞有5大顆，配以帶有微酸既他他醬，送飯一流跟餐加配既抹茶蕨餅新地份量不少薄脆既窩夫杯中有齊抹茶蕨餅、紅豆、牛奶軟雪糕、抹茶雪糕同穀物脆脆，食落口感豐富另外要左一份期間限定嘅甜品三重奏可以一次過食到藍莓tiramisu 、蜜瓜軟雪糕同牛奶布甸抹茶雪糕拿鐵飲落濃厚回甘，都值得一試！！

EAST 東 ⇨ feature: Momiji Chaya HK 🍁 Pan liked this resto since visiting its MK branch. This new branch in East TST is much more spacious & have a good variety of lunch sets. Green & brown tones giving us all zen vibes🧘🏻‍♀Price: <HK$200pp / Value for Money: 💸💸💸💸 (out of 5)🍣4 kinds sashimi rice bowl + Ochazuke - this 2-way of enjoying your don is such a thing rn. Option to choose between seaweed or prawn soup, prefer 🦐 bcos if it’s more rich & compliments the sashimi more. Lunch set offers oth