紅葉茶屋 (帝國中心) (已結業)

是晚接男友收工，起佢公司附近拍拖拖食飯佢同事介紹一間又可以滿足佢同我嘅餐廳我喜愛抹茶，他喜愛魚生日本野位於尖東帝國中心上一層的紅葉茶屋, 主打和式食物內裡都幾大, 載客量都幾多平日夜上嚟講都多客出出入入, 我見好多女士係專程嚟食甜品添餐廳用咗好多熊貓公仔佈置, 好可愛而我地最鐘意就係有set叫set, 有個二人前包含有我同男友喜愛的食物~前菜包括: 紅葉四點盛 (炸小蝦, 枝豆, 刺身3點和味噌八爪魚) 和龍蝦沙律加$48轉咗迷你角切魚生飯樣樣都非常精緻, 仲要上菜有效率! 但又唔係凍冰冰~檯上面多咗個熊貓燈, 打起卡嚟特別可愛又唔單調呢個炸蝦仔好好食, 連蝦頭蝦殼都可以食埋, 送酒一流 (餐廳有酒牌, 見有個MENU係朝日啤買一送一添)刺身三點有吞拿魚, 三文魚和帶子, 雖然是普通貨色, 但全部都新鮮也不是單薄的厚度主食我一早就睇中咗: 紅葉蟹味噌伴麵個麵入面已經有蟹膏同蟹肉拌過, 另外仲奉上沒拌過的2小碟, 真係好足料麵條份量又多, 帶點暖, 但又唔會煮到稔哂, 無反悔揀呢個主食男友就揀咗: 吉列豬扒及廣島蠔定食, 呢份係正正常常, 豬扒都是厚切, 同蠔都唔會炸到乾柴見有個三文魚他他芝士脆片都只係加$20, 男友話好想試下雖然上層已經有三文魚同埋香料嘅味道, 但也不減芝士脆片的芝士香濃味道, 真係超濃甜品方面都很精緻, 六選二(有些是要加錢的)我地揀咗: 抹茶提拉米蘇和抹茶白玉漬平時食開係咖啡味嘅提拉米蘇, 抹茶味就係第一次用上木盒盛裝著, 超日式和風, 好似去咗日本咁面頭佈滿抹茶粉, 層層有序, 甜品本身的甜度不高, 也有抹茶粉中和了甜度內裡的忌廉細滑, 但又唔會好漏另一份是抹茶白玉漬和紅豆茸, 配埋一杯超濃抹茶和黑糖漿丸子是沒甜味的, 它就像平日吃的湯圓軟軟糯糯, 只是內裡沒有餡料, 那個餡料(紅豆茸)就隨自己喜好配搭, 又或者只配黑糖漿也可呢份甜品都值得推介, 不過每人食3粒都會幾飽下, SIZE都似平時嘅湯圓咁大粒有白有綠, 又加了點橙色(似是紅蘿蔔), 打卡一流鐘意熊貓, 鐘意抹茶, 鐘意日系呢度真係一次過滿足幾個願望而且餐廳地方夠寬敞, 空間感大, 唔會覺得好嘈, 聚飯好地方…查看更多

餐廳係來自日本鎌倉的人氣和風Cafe，今次去左尖東帝國中心分店，木系裝修配柔和燈光，環境舒適，帶點禪意。🔸二人前套餐（$488）🥢龍蝦沙律賣相精緻，龍蝦肉彈牙，沙律醬調味清爽。🥢紅葉四點盛擺盤有心思：三色刺身（三文魚、呑拿魚，帶子) 新鮮度中上；枝豆灑上海鹽簡單美味；炸蝦即炸脆漿薄身；芥末八爪魚嗆辣醒胃。🥢豪華和牛壽喜燒加$58升級，關東風湯底甜度溫和，和牛油花分布勻循，配菜豆腐同蔬菜索盡湯汁精華。蘸上日本雞蛋蛋液食更顯肉質柔滑。🥢照燒三文魚魚皮煎得香脆，魚肉幾嫩🥢黑蜜抹茶蕨餅口感Q彈唔黏牙，抹茶粉甘香帶微苦，黑蜜分量剛好唔會死甜🥢鎌倉抹茶白玉漬抹茶醬濃郁醇厚，白玉丸子軟糯有嚼勁，紅豆煮得起沙卻唔會過甜。🥢🍹雪糕抹茶抹茶茶味濃厚帶海苔香，雲呢拿雪糕融化後形成冰熱交融口感。🍹薑檸蜜真材實料，薑絲鋪滿杯底，寒天飲尤其舒服。🌟尖東地段算相當抵食，壽喜燒同抹茶系列尤其出色。…查看更多

紅葉茶屋是尖東的人氣和風cafe， 來自日本謙倉過江龍， 佈置已淺木色為主調， 十分雅緻， 充滿和式風格， 加上可愛趣緻的熊貓毛公仔佈置， 讓人童心起來， 打個靚卡先！紅葉茶屋二人前 $488龍蝦沙律鮮嫩爽彈的龍蝦肉， 配上清脆的生菜，搭配酸甜的醬汁，帶來清爽口感， 是滋味的開端。紅葉四點盛四方格木盒盛上， 擺盤精緻🔹️知豆，香甜可口，口感滑嫩。🔹️三文魚吞拿魚刺身， 魚肉鮮美，魚油豐盛，入口即化。🔹️炸蝦， 外脆內嫩， 啖啖鮮蝦的鮮香。🔹️芥末章魚粒， 章魚彈牙， 加上 芥末的辛辣，滋味提升。麵豉湯湯底清甜，帶有一絲麵豉的鹹香，溫暖順滑。牛肉壽喜燒牛肉入口鮮嫩，搭配甜醬油的香醇味道，每一口都充滿幸福感。照燒三文魚外焦內嫩的三文魚，魚肉鮮香， 淋上甜甜的照燒醬汁，香甜可口， 讓人喜歡。冰芒果百香果茶清甜的芒果， 與酸甜的百香果， 混合在一起 ， 伴隨冰涼的口感，清新解渴。雪糕牛奶抹茶濃郁的抹茶， 與香甜牛奶雪糕，在口中慢慢地融化，淡淡的苦甜味， 別有一番風味。鎌倉紅葉茶屋抹茶白玉漬清香與抹茶， 配上柔軟的白玉，口感煙韌滑潤，甜度剛好。抹茶蕨餅雪糕+$20抹茶蕨餅好Q彈， 清新的抹茶味，雪糕冰涼透心， 讓人享受到夏日的 冰涼喜悅。 …查看更多

來自日本鎌倉的紅葉茶屋主打日式及洋風料理，有各式定食及最重要的日式甜品飲品。紅葉茶屋木系裝修，四周佈滿扒地熊貓。季節限定二人前二人前菜式很豐富，很快已經擺滿一整枱。小龍蝦沙律小龍蝦已拆肉，拌上新鮮爽脆沙律菜，清新開胃。紅葉四點盛四點盛很豐富，刺身有帶子、三文魚及吞拿魚，食味鮮甜，炸蝦酥脆可口。清酒煮大蜆清酒煮大蜆鮮甜嫩滑，清酒經過煮熱後味道更加香濃，放入大蜆實在是絕配。主菜選擇了牛肉壽喜燒及吉列豬扒與廣島蠔，配上日本產米飯及麵豉湯。牛肉壽喜燒牛肉份量不少，肉味濃郁。吉列豬扒與廣島蠔外脆內嫩，蠔味不俗。紅葉茶屋的甜品飲品絕對不可錯過，白玉配中間的紅豆蓉，淋上抹茶，再配上抹茶糖漿，白玉煙煙韌韌，帶少少甜味及甘味，是一道很日式的甜品。紅葉茶屋的signature item抹茶提拉米蘇入口有滿滿的奶油感，加上香濃抹茶粉，是抹茶控的至愛。抹茶拿鐵抹茶拿鐵外觀十分傳統，用上森半抹茶，抹茶味道濃濃化不開，甘甜味剛好。雪糕抹茶拿鐵抹茶拿鐵配上一球雪糕，溶化中的雪糕跟抹茶拿鐵同食，香甜美味，忍不住一羹羹送入口中，最後被我一個人全消滅。…查看更多

尋日同fd子去咗間好多熊貓佈置既餐廳度食下午茶，影相影到癲左，開心仔到不得了🤩我地食左：✨海鮮四色茶漬飯 ✨$138四色海鮮分別係三文魚、藍鰭吞拿魚、甘蝦同魚子，全部都新鮮夠凍大大塊，配上香濃蝦湯做茶漬飯，鮮味滿分💯❗️✨冰百香果茉莉花茶 ✨跟餐+ $20好重花香，夠晒清新🤟🏻✨士多啤梨朱古力新地 ✨跟餐+ $42份量比我想像中大，味道又唔會好甜，正❗️✨壽司（8貫）配迷你櫻花蝦烏冬 ✨$128壽司上面既刺身新鮮大塊，嚿飯又唔會好大，整體質素不過不失❣️8款口味好豐富，一啖一件超滿足😆✨冰極菠蘿寒天梳打 ✨踉餐+ $21果香好重，酸酸甜甜咁好解膩🫰🏻✨紅葉軟雪糕提拉米蘇配期間限定軟雪糕🍦✨$68層次分明嘅味道加上細膩軟滑既質感，小妹覺得勁好食😋✨燒味琳魚乾 ✨$48鮮香濃郁，好有風味❗️✨照燒三文魚 ✨$88鮮嫩多汁唔嚡口，質素有返咁上下🫰🏻🍁紅葉茶屋 (尖沙咀)📍尖沙咀麼地道68號帝國中心UG樓UG50-57號舖…查看更多

呢晚同朋友一齊嚟咗呢間喺尖沙咀東商場裏邊嘅日式餐廳食晚餐🤣原來呢間餐廳 もみじ茶屋 係嚟自日本🇯🇵嘅鎌倉，喺鎌倉同横浜都有店舖🤩；鎌倉我應該去過兩次而横浜我就去過N次因為嗰度有展覽館出差嘅時候住東京日日坐車去横浜展覽館工作🤣，但係我就未去過喺鎌倉同埋橫濱嘅 もみじ茶屋 🤣$68「旬之野菜」：主要係椰菜，仲有少少洋蔥絲、芽菜、雜菌、芝麻，簡單炒，幾好食🤩$178「豪華海鮮丼茶漬飯」：海鮮包括有吞拿魚赤身、三文魚、帆立貝、甜蝦、三文魚籽🤣，就咁同白飯一齊食又得，加醬油同埋 wasabi 撈飯食都得，加蝦湯做茶漬飯咁樣食亦得，得咗🤣；比較特別嘅係可以揀蝦湯做茶漬飯，味道頗濃郁🤣；呢個定食仲包兩小碟漬物🤩跟餐加 $21「香燈梳打咖啡」：「香燈梳打」同埋 超級濃郁嘅「咖啡」分開上，自己將「咖啡」倒落「香燈梳打」裏邊，少少甜，幾清新，有橙味又有咖啡香味🤣$78「燒花魚一夜干」：魚肉有啲鹹鮮味，肉質軟熟得嚟又有少少結實 🤩$88「風味魷魚（原條）」：魷魚🦑新鮮肉質結實，亦都都幾大隻🤣；簡單煮熟咗加啲鹽已經夠鮮味🤣$52「鎌倉紅葉茶屋抹茶白玉」：白玉外觀圓轆轆細細粒非常Kawaii 🤩，除咗白玉仲有綠玉（估計係加咗抹茶）🤣，白玉係由白玉粉做成，白玉粉粉係由もち米做成，即係日本🇯🇵過年食好煙韌嗰啲 mochi 糕🤩；呢度嘅白玉都做得好煙靭😋，完全唔甜，不過碗中間有 甜甜地嘅 紅豆蓉 あんこ，撈埋一齊食好好味🤩；如果仲覺得唔夠甜，有一小瓶 好甜嘅抹茶糖漿，可以再加上去🤩；呢個甜品配一小碗「抹茶」，呢度嘅茶好似係嚟自「森半 morihan (創業 1836年)」，「森半」歷史悠久，有製作各種類型唔同嘅茶；呢碗「抹茶🍵」非常濃郁，顏色碧綠，同甜點一齊食，更加突顯到 抹茶🍵嘅苦味、澀味同鮮味🤩$75「鎌倉紅葉茶屋特製軟雪糕芭菲」：軟雪糕好滑仲夠晒 creamy，亦都有白玉、あんこ、啫喱/仙草 等，食得人好開心🤣…查看更多

依間餐廳環境好闊落，又坐得舒服，慢慢食飯傾吓偈就最啱嘢食選擇好多正餐甜品都滿足到！首先叫左個藍鰭吞拿魚&三文魚刺身茶漬飯，刺身都幾新鮮，個茶帶淡淡茶香，撈埋飯暖暖地入口幾舒服仲叫左個牛肉壽喜燒定食，份量好足，牛肉好多吸哂甜甜地嘅汁撈飯入味又好食，配料仲有菇、豆腐同菜另外加左小食，都好多嘢揀！試左三文魚，都幾厚身同新鮮仲叫左鹽燒鯖魚，食落好滑，配埋個柚子醬汁清新又好食嗌埋個海鮮炸物盛合（蝦/廣島蠔），炸粉唔算好厚，食落去口感又唔會太腍，仲幾新鮮飲品方面叫咗個熱忌廉抹茶拿鐵，抹茶香濃得來加咗忌廉所以飲落好滑，仲有幾粒石頭朱古力甜品方面叫咗個紅葉甘之三味（抹茶提拉米蘇），一次過試晒三款甜品好滿足，尤其雪糕真係好滑好香依間食物選擇真係夠晒豐富，一定有啱你口味…查看更多

有時心思思想食日式Cafe都會諗起紅茶葉屋，帝國中心呢邊大家放工去好方便，仲要地方闊落，坐得好舒服。💡酥炸原條鰻魚丼 $198呢個期間限定，望相都已經覺得驚人，嚟到都冇照騙。炸衣入面仲要包多層紫菜，鰻魚都真係好大條下，仲有漬物送飯唔怕膩…💡 海鮮炸物盛合 (蝦 & 廣島蠔) +$45 炸得剛好，欣賞會用隔油架，食落唔會成口油。海鮮冇雪味，鮮甜又彈牙，點埋日式他他醬好夾。💡豪華海鮮茶漬飯 $178店員貼心地會俾多張指示圖教你點食，你可以好似平時刺身飯咁食又得，加昆布湯都得。有三文魚、帶子，生蝦、吞拿魚、魚子，全部都大大舊。我自己都會先當刺身飯食，再加湯暖暖地作結！💡炸南瓜餅 +$15呢個炸皮薄而脆，南八蓉都有簡單調味，甜甜地好好食！💡芒果焦糖窩夫 $68佢呢款窩夫食落比較似鬆餅，配埋雪糕同芒果一啖食落幾夾。💡冰鮮奶咖啡 +$20 &冰忌廉抹茶拿鐵 $25呢度抹茶一向出名，香濃順口，加埋忌廉好邪惡！…查看更多

餐廳的裝潢以可愛的熊貓為主題，柔和的燈光和舒適的座椅創造了一個放鬆的用餐環境，特別適合與朋友聚餐或家人出遊。豪華和牛壽喜燒定食 ($218) 這道菜的和牛肉質鮮嫩，肉汁豐富，與甜美的壽喜燒醬汁相得益彰。配上新鮮的蔬菜和米飯，讓整體味道更加豐富，是肉食愛好者的必點之選。特性黑麻油濃厚豚骨湯拉麵 ($118) 豚骨湯底濃郁，伴隨著黑麻油的香氣，令每一口都充滿層次感。麵條Q彈，搭配溏心蛋和海苔，讓人一試成主顧。下午茶定食 - 溫泉蛋卡邦尼烏冬 這道菜是送飲品的。烏冬有著濃郁的卡邦尼醬，溫泉蛋的滑嫩為這道菜增添了不少風味。冰忌廉抹茶拿鐵 (+$25) 這款飲品清新可口，抹茶的香氣與冰淇淋的滑順結合得恰到好處，口感豐富，讓人感受到抹茶的濃郁與冰涼的愉悅，是夏季的完美選擇。雪糕抹茶拿鐵 (+$25) 雪糕抹茶拿鐵則是另一種風味，抹茶的苦甜與奶香融為一體，口感更加醇厚，搭配雪糕的甜味，讓人享受到層次感十足的味覺體驗。無論是搭配餐點或是單獨享用，都是一種極致的享受。炸餃子 (+$25) 餃子外皮酥脆，內餡鮮美，搭配特製醬汁，讓人一口接一口，十分過癮。抹茶蕨餅新地 (+$42) 甜品部分的抹茶蕨餅新地，香滑的抹茶冰淇淋配上酥脆的蕨餅，帶來清新的味覺享受，完美結束這次的美食之旅。食物不僅味道出色，擺盤也相當精緻，讓人倍感用心。從豪華的和牛壽喜燒到清新的抹茶甜品，每一道菜品都展現了廚師的精湛技藝。…查看更多

上之幫襯了一間高質日式料理🍁紅葉茶屋 尖東帝國中心有間特色日本料理， 無論主食或日式甜品都有水準！原來是日本過江龍鎌倉人氣和風Cafe， 環境企理， 平日過lunch hour , 沒太多人比較安靜舒服午餐生薑燒豚肉定食豪華吉列定食(豬排及廣島蠔）熱抹茶拿鐵追加三文魚刺身（3片）（小食)鹽燒鯖魚紅葉甘之三味(抹茶提拉米蘇）甜品時間啦，三重奏分別有提拉米蘇、春色牛奶布甸及北海道抹茶軟雪糕！抹茶控的我大愛，木盒子裏提拉米蘇抹茶味濃厚，忌廉質地幼滑…查看更多

鐮倉嘅甜品和料理一向精緻又正，最近去咗鐮倉過江龍紅葉茶屋🍁，環境舒適好坐，主食、小食和甜品都好高質😍，餐廳入面有唔少🐼公仔和擺設，響應熊貓BB，可以陪著我地食飯。二人餐包咗大大份龍蝦沙律🦞🥗，紅葉四點盛(有好新鮮嘅刺身三點🐟，炸蝦仔，枝豆和芥末八爪魚)，自選兩款主食，兩款甜品 ＆ 兩杯飲品，真係超豐富。我地仲單點咗份炸餃子🥟，餡料幾滿，幾多汁。🐄牛肉壽喜燒🐄好豐富，肉質鮮嫩🐄，咬落好多肉汁，點落日蛋度好正🥚，個鍋入面仲有蔬菜🥬、豆腐、菇類等，吸咗壽喜燒湯底好味，仲包咗日本米飯和麵豉湯。🦀紅葉松葉蟹味噌拌麵有好多蟹肉和蟹膏，味噌調味微辣，鮮味十足！🍁鐮倉紅葉茶屋抹茶提拉米蘇：賣相一流的日式盒子提拉米蘇係鐮倉嘅經典甜品，忌廉細滑，提拉米蘇蛋糕濕潤，上面有超多抹茶粉，超好食。🍵抹茶雲石紋芝士蛋糕：抹茶味濃郁，芝士蛋糕細膩順滑，好食。🍦雪糕抹茶拿鐵：二人餐唔使加錢就可以飲到，真係超抵。…查看更多

紅葉茶屋 (尖東)尖沙咀麼地道68號帝國中心UG樓UG50-57號舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐⭐服務指數：⭐⭐⭐⭐⭐食物推介：海鮮四色茶漬飯 $138，壽司(8貫)配迷你櫻花蝦烏冬 $128，海鮮炸物盛合(蝦/廣島蠔) +$45，鎌倉紅葉茶屋抹茶提拉米蘇 $58 ，雪糕牛奶抹茶 +$25，冰忌廉抹茶拿鐵  +$25海鮮四色茶漬飯：這道海鮮四色茶漬飯集合了多種新鮮海鮮及食材,包括香濃的蝦湯、鮮嫩的海蝦、肥美的三文魚和吞拿魚,以及鮮甜的三文魚籽。每種食材都呈現出其最佳風味,與米飯完美融合,為整個茶漬飯帶來了層次豐富的口感！😄😄😄壽司(8貫)配迷你櫻花蝦烏冬：8貫壽司包括了蟹肉、腐皮、三文魚、吞拿魚、生蝦、熟蝦、鰻魚和帶子, 魚生刺身新鮮嫩滑, 各具特色, 搭配迷你櫻花蝦烏冬, 令人滿足！👍👍👍海鮮炸物盛合(蝦/廣島蠔)：炸蝦鮮嫩多汁, 炸 廣島蠔的肥美多肉。經過精心烹調, 每一件炸物都散發出誘人的香氣, 口感酥脆可口, 值得一試再試！😍😍😍鎌倉紅葉茶屋抹茶提拉米蘇：這款抹茶提拉米蘇融合了濃郁的抹茶香氣和綿密細緻的提拉米蘇質地, 兼且賣相討好, 是一款高質的甜品！😋😋😋雪糕牛奶抹茶及冰忌廉抹茶拿鐵 ：雪糕質地綿密, 牛奶濃郁香醇, 抹茶茶香四溢, 冰忌廉香甜軟滑, 拿鐵清爽醇厚, 兩杯飲品皆解渴得來又滋味！❤️❤️❤️…查看更多

晚上友人相約聚餐，到了尖東帝國中心的紅葉茶屋，食下日式料理。餐廳嘅座位好闊落，周圍仲有好多熊貓公仔陪食添☺️。二人前套餐好抵食，有齊沙律、自選主食2個，甜品同飲品，都只係$488，可額外升級和牛、甜點以及飲品。龍蝦沙律🥗，沙律球內有龍蝦肉，沙律菜新鮮有營，醋汁開胃。紅葉四點盛，有3款鮮甜刺身，炸得香脆嘅蝦仔、芥末魷魚同埋枝豆，前菜黎講都豐富啊！加$20要多款開胃前菜-三文魚他他芝士脆片。加$58-升級為豪華和牛肉壽喜燒，牛肉厚薄適中，肥瘦均勻，牛味重肉質嫩滑，醬汁甜甜真係好正！配菜有椰菜、冬菇同洋蔥等，配搭麵豉湯同日本產米飯🍚，可口美味😋。特盛黑麻油濃厚骨湯拉麵，义燒有咬口，配有流心蛋同紫菜，湯頭呈現白色，飲落有濃郁的豬骨香味，同黑麻油風味，口感豐富，拉麵軟淋的口感亦唔錯。$8升級雪糕白肉抹茶拿鐵同熱抹茶拿鐵，抹茶🍵特級香濃些帶澀口，啱晒喜愛綠茶的我們。甜品有期間限定的綠茶軟雪糕同牛奶軟雪糕，兩款軟雪糕都好甜滑，食完就更加滿足啊！…查看更多

和老闆在尖東開會後，正糾結在那裏開餐，不遠處就看到了「紅葉茶屋」。店舖佔地挺大，全店走日系路線，簡約木調感覺舒適。牛肉壽喜燒賣相不俗，材料極多，有嫩滑牛肉，紅蘿蔔絲、豆腐、冬菇及蔬菜絲等，口感豐富，而壽喜燒味道香甜，令牛肉入口更鮮更惹味。鹿兒島黑毛一口和牛定食一口牛和牛肉味香濃，帶脂香，肉質嫩滑，配上獨家秘製配方柚子酸辣汁，惹味十足，佐飯一流。照燒三文魚三文魚大大塊，味道香甜，肉質肥美細滑，燒香後不乾不柴。炸牛肉薯餅牛肉薯餅外層酥脆，內層軟綿軟糯，讚。炸北海道甜蝦甜蝦炸至金黃色，口感巨酥脆，是一款非常香口的小食。火炙帶子帶子大大隻，口感結實鮮甜，火炙後帶有獨特風味。抹茶蕨餅新地推介！牛奶雪糕細緻柔滑，充滿牛奶香，而抹茶雪糕茶味濃厚回甘，搭配紅豆蓉、抹茶蕨餅以及忌廉脆脆，口感豐富，巨好吃。 雪糕抹茶拿鐵抹茶味道極濃醇，當雪糕慢慢融化，拿鐵口感會變得更細滑，質地亦會變得厚身，味道香甜有奶香。…查看更多

最近去咗尖沙咀嘅紅葉茶居，真係一次驚喜嘅味覺體驗。餐廳環境溫馨舒適，服務員態度親切又熱情，一進門就讓人覺得放鬆又開心。餐牌選擇亦多，我哋今次叫咗季節限定嘅二人前套餐，每樣都好食有驚喜！前菜：紅葉四點盛 小龍蝦沙律* 紅葉四點盛
這道前菜真的是個小驚喜！拼盤裡面有四種唔同小食，包括：刺身、支豆、芥辣八爪魚及小炸蝦，每款都做得超用心。口感有脆有軟，味道好而且各有特色，又唔單調。* 小龍蝦沙律
小龍蝦超新鮮，加埋蟹籽，咬落去彈牙又爆汁，搭配清爽的沙律醬汁，味道鮮美又唔覺膩。蔬菜都新鮮脆口，食起嚟特別清爽，感覺健康。主食：牛肉壽喜燒 鹽燒鯖魚* 牛肉壽喜燒
牛肉香嫩入口即化，配蔬菜一齊食，味道超搭。* 鹽燒鯖魚
鯖魚烤得剛剛好，外皮酥脆，裡面肉質鮮嫩多汁。鹽嘅調味好到位，唔會過鹹。擠啲檸檬汁或者點醋食，味道更提升！甜品：升級抹茶蕨餅新地 升級鎌倉紅葉茶屋抹茶提拉米蘇* 升級抹茶蕨餅新地
蕨餅Q彈軟糯又帶抹茶香，搭配抹茶雪糕，同紅豆蓉，甜度剛好。口感超豐富，幸福感滿滿。* 升級鎌倉紅葉茶屋抹茶提拉米蘇
抹茶控必選！呢款提拉米蘇好特別，加入咗抹茶風味，層次感超讚。蛋糕體濕潤細膩，抹茶的苦甜同蛋糕的香濃搭配得天衣無縫！飲品：百香果茉莉花茶 雪糕白玉抹茶拿鐵* 百香果茉莉花茶
百香果嘅酸甜同茉莉花香氣超搭，解渴又開胃，最適合夏天！同餐點超夾，清爽感滿分！* 雪糕白玉抹茶拿鐵
呢杯拿鐵可謂係視覺同味覺的雙重享受！抹茶拿鐵濃郁順口，配上軟糯的白玉同甜甜的雪糕，口感超豐富。飲落去下去心情都變好了，超級推薦！紅葉茶居唔單止味道好，擺盤亦精緻美觀，食之前打卡已經夠賞心悅目。服務員態度又特別親切周到，讓人感覺好貼心。如果你想喺尖東搵個有熊貓特色嘅地方，好好享受美食放鬆一下，呢度真係個超讚嘅選擇！…查看更多