築間幸福鍋物

最近同朋友去咗築間幸福鍋物試下佢哋嘅極奢放題，一人$319, 價錢都好合理最驚喜係佢哋嘅湯底，叫左個鎮店招牌石頭湯，另外老火淬濃雞湯都係一絕，濃郁到入口都係陣陣雞香味。下次會再想試吓正宗嘅砂鍋魚湯出邊都會有自助bar, 感覺非常之乾淨企理亦都有大量嘅蔬菜同埋唔同嘅台式配料選擇講到海鮮，一定要推介海潮鮮鱸魚同埋龍躉石斑魚片，肉質新鮮彈牙，放落滾湯嗱一嗱就食得，魚肉超嫩滑！海虎蝦同鮮蝦都係必食推介，個頭大大，肉質爽甜，配埋個湯底超正！至於三文魚片就油香十足，肥美嫩滑。各款海鮮包括沙白同鮮蚵都好新鮮，特別係個鮮蚵，鮮甜多汁，一啲腥味都冇。肉類方面，美國熟成霜降牛同澳洲黑毛和牛霜降簡直係極品，肉質超嫩，油花分佈均勻，一入口即溶！冷藏手切溫體牛新鮮度一流，肉味香濃。伊比利黑豬梅花同松阪豬都係精選，油脂豐富，肉質軟嫩多汁。最後dessert環節都唔馬虎，黑糖白玉奶酪香濃滑嫩，草莓同芒果奶酪都好有水準，果香濃郁。焦糖布蕾表面焦脆，入面滑嫩，甜度啱啱好。整體食物嘅質素都好好，唔怪之得係台灣可以咁出名

好耐冇去過台灣，好掛住台式火鍋竟然俾我哋搵到一間由台灣嚟嘅火鍋店香港仲要係佢哋海外首店。環境舒服整潔有唔同價位嘅套餐，今次第一次嚟就試最貴嗰隻平日午餐12-16:00 最平百零蚊就有得食除咗餐牌上面嘅火鍋配料之外，仲有自助吧任食有多款蔬菜選擇，非常新鮮牛肉我最鍾意熟食五花牛除咗肉類，海鮮都非常好食最鍾意魷魚，龍躉，虎蝦。質素都非常高，好少見到火鍋店有龍躉片食超正🤩仲有台式飲品任飲，最鍾意鳳梨冰茶飲咗三杯。食到好飽大滿足👍🏻

原來喺台灣一年銷售900萬鍋嘅火鍋品牌—築間幸福鍋物開到黎香港，仲要佢哋嘅第一間海外分店😮地點喺旺角夠曬方便。平日午市嘅價錢好抵！主餐＋自助吧任食100分鐘最低$88起😍而套餐附湯底＋主食＋任食33款蔬食自助吧100分鐘＋飲料＋甜點$165起🤞🏻我地當然order咗最高價位嘅極奢套餐，每人都只係$279就可以任食100分鐘，呢個價錢就可以任食黑毛和牛😻而湯底方面係以一人一鍋嘅方式選擇，我地揀咗台式麻辣奶香鍋，同埋松露燦金雞湯。麻辣奶香鍋好有特色，喺經典嘅台式麻辣湯嘅基礎上多咗一層奶香味，兩者融合得好好，可能因為有奶嘅緣故令到食嘅時候食到麻辣嘅香但又唔會太辣👍🏻而松露雞湯都好驚喜，入面真係見到松露嘅蹤影😮松露味比比想像中更加出😍肉類方面，豬、牛、羊、雞、海鮮選擇都好多😆一睇肉類嘅色澤就知唔錯👍🏻食落的確高質，厚薄切得好適中，肉質嫩滑得黎肉味濃郁👍🏻海鮮都好高質，全部都大大隻，尤其是蝦🤞🏻而蔬菜同丸類就可以喺自助吧自取，選擇都好多，而且蔬菜望落都好新鮮👍🏻值得一提嘅係因為係台式火鍋店所以飲品都提供台式飲品😋我地試咗台式奶茶、冬瓜檸檬、鳳梨冰茶燈都唔錯噶，依家喺出面閒閒地買杯廢水都唔平，呢度

今日終於試到築間🤩聽講係台灣一年銷售量達到900萬鍋既品牌！！而且海外第一間分店就係香港！一於試下佢有幾正未入座之前收銀姐姐未問定你揀咩餐同湯底先～有得揀就梗係試最貴😍極奢套餐$279一位～100分鐘任食任飲～4點黎到～唔算好多人～座位闊落坐得好舒服自助吧仲可以任食33款配料😍有我好鐘意既蛋餃、台灣魚蛋等等，仲有龍口粉絲揀添啊！台式麻辣湯（另加$38）有好多鴨血同豆腐係入面😍索哂啲麻辣湯勁正！！好欣賞個湯頭煮得好好～食落好香既麻辣但唔會令人辣得太辛苦～如果有得任添鴨血同豆腐就仲正😋鎮店招牌石頭湯（另加$22）有大量洋蔥～仲有海鮮乾～個湯好清甜之餘仲有啖啖海鮮味😋難怪係鎮店招牌必叫 澳洲黑毛和牛霜降😍肉味香濃仲有三文魚片～件件都勁肥美厚實👍🏻無諗過同打邊爐咁夾龍躉石斑魚片就不過不失啦～而鮮魷魚都好值得叫！！勁新鮮仲要好大兜😋仲有蝦可以叫😍肉質鮮甜熟成牛五花👍🏻美國熟成霜降牛 & 美國板腱牛👍🏻點少得甜品作結 必食！！！焦糖布蕾

話說我前排同朋友去咗旺角嘅「築間幸福鍋物」，呢間台灣火鍋店真係好有性價比！位於文華商場，環境乾淨企理，裝修簡約帶點台灣風，坐得舒服又唔會太迫。今次我哋叫咗「極奢放題任食」，價錢合理，100分鐘內任食多款肉類、海鮮同自助吧，選擇多到眼花繚亂！😋麻辣奶香湯一上枱就聞到陣陣奶香，湯底帶點微微嘅麻辣，辣度唔會太嗆，奶味將辣味中和咗，飲落好易入口。湯底仲有鴨血同豆腐，鴨血滑嫩，豆腐吸晒湯汁，食落好入味。呢款湯底好適合鍾意麻辣但唔想太勁嘅朋友，配肉同海鮮都好夾！🌶️爆炒龍蝦湯又係另一款必選，湯底帶濃濃嘅海鮮香，龍蝦嘅鮮甜味好突出。湯底本身好濃郁，淥食材之前飲一啖已經覺得好滿足。配上我地叫既海蝦同龍躉魚片，鮮上加鮮，味道更上一層樓，飲完一碗都想再添！🦞澳洲黑毛和牛真係今次嘅必點！油花分佈均勻，肉質嫩滑，淥幾秒就食得，入口即化，牛味好濃郁。肉片厚薄適中，唔會太薄而無口感，淥完仲保持肉味，配麻辣奶香湯好正！🐮焦糖布蕾係甜品區嘅必試之選，表面焦糖烤得香脆，輕輕一敲就裂開，內裏嘅布蕾軟滑香甜，帶點雲呢拿嘅香氣。份量唔大，一人一口啱啱好！🍮冬瓜檸檬茶好開胃，酸酸甜甜嘅味道好清新，冬瓜嘅清甜同檸檬嘅酸味好平衡。飲

築間幸福鍋物係台灣一年銷售900萬鍋的火鍋品牌，海外首店在香港，午市主餐＋自助吧任食100分鐘最低$88起, 想食得豐富啲所以就去咗食佢嘅100分鐘放題！套餐附湯底，選了鎮店招牌石頭湯及日式柴魚干貝清湯！主食＋任食33款蔬食自助吧100分鐘＋飲料＋甜點只係$165起！ 餐廳環境大坐得舒適！肉類包括有紐澳嫩羊肩, 澳洲黑毛和牛霜降及冷藏手切溫體牛， 肉質鮮嫩juicy! 走地雞厚切美味不錯海鮮類款式很多，例如有龍薑石斑魚片, 海潮鮮鱸魚及海虎蝦，都非常新鮮高質素!另外有肉丸，多款青菜， 特式甜品及任飲， 飽到撐住肚皮！ 甜品有乳酪及黑糖白玉起司，白玉Q彈，幾特別！ 整餐非常滿足！

旺角築間幸福鍋物係火鍋界既頂尖品牌，在台灣一年銷售超過900萬鍋，可見深受食客喜愛，作為品牌既海外首店，香港分店延續其高質量及多元化既招牌火鍋特色。餐廳提供多樣化套餐，價格親民且內容豐富，平日最低$88即可享用包括主餐、任食33款蔬食自助吧；而火鍋放題則附湯底、主食、飲料及甜點，由$165起跳，讓食客享受100分鐘既自由選擇，性價比突出；自助吧提供新鮮蔬菜和健康食材，適合追求均衡飲食既食客。火鍋配料選材上乘，肉類種類豐富，包括美國板腱牛、美國熟成霜降牛及冷藏手切溫體牛，入口滑嫩；澳洲黑毛和牛霜降及冷藏手切松板豬展現極致肉質；而伊比利黑豬梅花、嚴選梅花豬及紐澳嫩羊肩，則以品質卓越著稱；海鮮方面亦不遑多讓，龍躉石斑魚片、三文魚片、鮮蚵和海虎蝦新鮮甜美，極具吸引力。總結，火鍋店環境明亮，木質桌椅讓人倍感舒適，員工服務態度友善，仲會定時為我們加湯，令人有賓至如歸既感覺。

【築間幸福鍋物】任食一人一鍋，正宗台灣火鍋🍲湯底足料夠味 唔洗就同行食唔食辣仲要任食超抵😆值得讚嘅係佢地加湯唔係加水 會根據你係咩湯底補加返☺️老火淬濃雞湯💰$25好足料，個湯越煲越濃，啲雞味好出，仲有小小八角，藥材味道，啲食物唔洗加太多調味，就可以食到湯底嘅原汁原味。淥菜食好夾呢個湯底，啲菜吸晒啲雞味 呢個湯底超好食👍🏻台式麻辣湯💰$38唔會辣到完全食唔到，麻味好重，湯底嘅調味好足，唔會死辣，淥肉食特別好味，令肉味提升極奢套餐💰＄279 (午餐) /＄319 (晚餐)啲野食多到爆😂 牛同豬都勁多選擇 我哋叫咗一輪已經飽到食唔晒唔😂如果覺得自己食唔哂咁多，都仲有其他套餐可以選擇，連埋自助吧枱，嘅菜同丸，都一樣好多款可以選擇~

留港消費 相當無癮 尋日約朋友去旺角某一間火鍋店任食邊爐入座前reception同事提醒浪費食物會被罰錢我都不以為意之後佢比QR code我哋order食物我朋友掃完QR code order完食物之後到我掃同一個QR code再上order食物嘅時候就發現要隔7分鐘先至可以再掃一次QR code 而我同時都發現每次order食物最多只可以叫七碟食物我隔7分鐘之後再掃一次QR code之後等咗20分鐘先至有另一類嘅牛肉上枱於是我就客氣地問職員100分鐘任食每隔7分鐘只可以order七碟食物但會order一次都要等20分鐘先至可以送出食物我想問咁樣請任食全場得四台人坐間鋪已經係冇生意職員服務態度冇問題但規矩相當奇怪同埋為難食客埋單成為每位三百幾真係冇下次

「**築間幸福鍋物**」是台灣的火鍋品牌，以高CP值和豐富的食材選擇聞名，品牌主打多種湯底（如麻辣、養生、番茄等）和高品質主餐（牛肉、豬肉、海鮮等），並提供33款蔬食自助吧、無限暢飲飲料及甜點，100分鐘的用餐時間讓顧客盡情享用。套餐價格從$165起，平日午市更推出最低$88的優惠，適合上班族,築間從台灣本土市場拓展至香港，結合當地飲食文化，提供品質的火鍋體驗，無論是平日午餐還是假日聚餐，都是一個值得推薦的高性價比的餐廳。

之前同朋友食燒肉個陣留意到築間幸福鍋物，睇到呢個名覺得好正咁，今次生日就帶朋友嚟食極奢套餐，佢覺得好有台灣feel！一入去就已經感受到服務生嘅熱情，食物佢又滿意。首先，湯底都有唔少選擇，我就揀左好有台灣風味嘅麻辣奶香湯和石頭湯，湯底濃郁。麻辣奶香湯帶有微微的麻辣感，個中奶香又令湯底更豐富；而石頭湯用好多熬很，味道鮮甜，兩種湯底各有特色。極奢套餐個食物種類選擇有好多，各種海鮮，肉類都一應俱全。最吸引我嘅係佢嘅肉類，特別係牛肉，澳洲黑毛和牛霜降油花分布均勻，牛味濃郁，食落好嫩滑，仲有唔同款嘅牛肉，手切溫體牛同手切澳洲和牛同樣係好食到停唔到。另外海鮮都好新鮮，佢蝦都有2，3款，大大隻蝦，啖啖肉又彈牙；、沙白，魷魚，鱸魚，龍躉石斑魚片都好新鮮。任食打邊度有咁既質素真係非常出色。除此之外，自助蔬菜區嘅材料都比普遍有質素，多種新鮮嘅蔬菜任你選擇，從脆口的生菜到清香的香菇，全部都保持住新鮮感。有唔少台灣特色嘅餃子同食材。最後，甜品部分亦不可錯過！唔同口味嘅奶酪，焦糖布蕾，感受到清新的香甜味道，再加充滿台灣風味的特色飲品作個完美的結尾。

本身今晚打算去食片皮鴨，點知夾公仔夾耐咗要轉陣去其他地方😂近近睇見到有間台式火鍋就入去試吓啦😚位於文華中心既築間，見到佢OpenRice個評分都幾高。佢一共有四個套餐，我哋揀咗中間價位嘅豪華套餐。基本上所有肉類我哋都有試過一次，全部都切得比較薄身，淥兩三秒都已經熟晒，但係全部口感都幾細嫩，唔鞋口。🐂牛嚟講以美國牛板腱為最出色，雖然牛味唔係好重，但係油脂分布都幾平均。🐖孤陋寡聞的我，到咗今時今日先知原來松阪肉即係豬頸肉😂而家唔係好多地方有豬頸肉打邊爐，所以都幾欣賞佢。🐑今餐食羊肩胛食得比較多，因為係呢個Level嘅餐先至有佢。羊味好濃，怕蘇嘅人可能接受唔到。但係我就覺得對比起另一款羔羊佢就出色好多了。另外餐入邊都包括海鮮任食🦐蝦就比較細隻啲，我哋叫咗一轉就冇再叫🦑尤魚我覺得佢好有誠意，原條上，而且好厚肉🐟魚都係我哋呢個餐先至有嘅，都係好厚肉，而且好神奇地一啲都唔腥。平時打邊爐如果有呢款多數都有少少腥味嘅🤨🦪本身以為蠔係回本位，不過原來佢啲蠔十分細隻，好似蠔仔粥咁嗰啲size店內大部份店員都係台灣人，入到去真係有一種好似去咗台灣打邊爐嘅感覺😂不過如果想去嘅話記得早少少去啊，因為舖頭11:0

認識這間一人火鍋店，是在台北門町，作為台灣一年銷售900萬鍋的火鍋品牌，在台北旅遊的幾天裡已Encore了一次，沒想到海外首店會選在香港，還座落旺角鬧市中！一人火鍋套餐限時100mins，湯底、主食、蔬菜自助吧、飲品、甜點由$165起，平日Lunch Time更低至$88起。店內裝修的確有幾分台灣店的風味，尚算闊落舒適。湯底14個湯底讓人心大心細，最後選擇了台灣年售超過500萬鍋的鎮店招牌石頭湯（$22）。利用炒洋蔥、蒜頭、海鮮乾和麻油製成，鮮甜濃郁。友人的松露燦金雞湯（$32）的松露味突出，雞湯清澈養生，相比之下，較為清淡。極奢套餐 $319肉類倆口子都是牛魔王，餓底出動，選擇食物款式最多的極奢套餐，無限任食美國板腱牛、美國熟成霜降牛、冷藏手切溫體牛和澳洲黑毛和牛霜降。看到完美的雪花，吃到牛肉的鮮味，Encore幾輪每一款都是同樣靚仔，也沒有未完成解凍的冰粒，抵讚！另外，豬肉也很高質出色，冷藏手切松阪豬肉像是豬頸肉，口感爽脆，油香爆發。伊比利黑豬梅花也很嫩滑鮮味。海鮮方面，鮮蚵、三文魚片和石班魚片也在推介名單之上，特別是大大粒的新鮮蚵仔，鮮味飽滿，與湯底很搭！飲品 雖然沒有自助飲品櫃

睇黎我地都係中伏二人組黎架啦～～睇介紹係台灣好出名，我地就擔粗粗黎試下。揀左$239/90分鐘個餐（湯底另外加錢）,QR CODE 落單，每次可叫6款，7分鐘後至可以再落單～我估原意係唔想客人瘋狂咁叫，之後眼闊肚窄，浪費左食物。不過店員都好好，話如果想叫野食但app未得，可以向佢地order💪最緊要最後係食得晒既🤭但係大家都可以放心，因為食物種類唔多，想亂點亂叫都無從入手😆食物方面不過不失，無乜特别。甜品有3款～都係奶酪底再加調味，我就幾鐘意個奶酪底，質地同味道都岩岩好，黑糖白玉好好味👍飲品種類少亦不見台灣特色😔自助食物區，比起其他任食邊爐真係略嫌失色。可能係我期望太高，所以失望越大😑好彩～所有店員都好好禮貌，上菜快，亦無漏單，睇得出佢地對客人好用心，令今次用餐體驗加分👍呢度我覺得比較適合1至2人黎，太多人聚餐應該無時間食，亦無乜野食😆而呢個價位仲有好多選擇架～～～

今日落雨涼涼地，忽然好想打邊爐，就揀左呢間台灣一年銷售900萬鍋的火鍋品牌，係海外首店在香港台式半自助火鍋店 - 築間幸福鍋物，食晏晝火鍋任食放題。門口睇左menu之後，因為想食靚啲嘅肉，我地揀左極奢套餐，今日係星期六，所以每位$319加一。套餐附湯底＋主食＋任食33款蔬食自助吧100分鐘、飲料、甜點。湯底坐低之後就揀湯底，我地要左日式柴魚干貝清湯同老火淬濃雞湯。干貝清湯飲落好清甜，打邊爐落靚肉最啱，個湯裡面仲有好多小元貝粒。而個雞湯就有啲似中式老火湯，飲落好香濃好足料，個湯入面見到好多雞腿肉同蘑菇做配料。肉類牛肉方面，我地點左澳洲黑毛和牛霜降，冷藏手切溫體牛同美國熟成霜降牛，牛肉平均質素唔錯，食落都有牛味唔嚡口，我地推介係澳洲黑毛和牛霜降，佢表面油花好靚，每一塊切得厚薄剛剛好，淥幾秒就食得，我地都encore左1次。豬肉方面就試左伊比利黑豬梅花同嚴選梅花豬，兩款豬肉食落口感有嚼勁，脂肪適中，最緊要係食唔到豬騷味。仲有估唔到嘅驚喜係碟走地雞，成碟都係雞腿肉，食落冇雪藏味，同埋肉質好有彈性，淥耐左都唔嚡口。海鮮海鮮方面，我地點左三文魚片，鮮魷魚同龍躉石斑魚片。而我地最推介就係龍躉石斑魚片