立鮨 (富達大廈)

营业中

休息中

那日經過旺角 跟男友才發現我們脫節了 竟然新開了壽司店也不知道 而且是在我覓食清單上的立鮨雖然還未餓但難得很少人排隊 我們還是要朝聖一下。我們只點了海之幸盛合 一份海膽手卷 兩客三文魚壽司 還有赤貝 三文魚子 輕嘗試試。海之幸盛合有 北海道帶子 珍寶甜蝦 北海道活象拔蚌 海膽 牧丹蝦，十分豐富.我的最愛是滿瀉的三文魚子 居然有柚子醬的味道 讓我驚艷不絕付出較低價錢就有omakase 的感覺 cp值很高雖然要站著有點累 但當消耗更多卡路里就能食更多件壽司 還能不變肥 絕對是件美事

一個月內光顧两次！碰巧每次來都不用排隊先點壽司，師傅即做壽司飯亦跟外面不同材料新鮮，選擇都幾多特別推介鰻魚壽司🍣 超嫩入口即溶估佢唔到另外三文魚腩加小小蔥係上面一樣超水準好吃個人推介佢啲set 抵食好多！價錢以咁的質素來說，絕對合理

做完gym係需要補充體力嘅！因為咁樣先有力去下次gym！😜😜今日去完旺角P記做gym，發現行遠少少開咗立鮨！之前知道尖沙咀都有一間～成日都想試🤣不過多數都懶的等～～🤤今日行過未算好多人就試吓佢！#辣味三文魚手卷 $15因為家姐嘅關係對辣味三文魚都有一份執著～(元氣嘅超級好食！)🤣比起平時食嘅辣味唔係用酸子薑，而係有啲似七味粉/辣椒粉去調味，紫菜咬落去嘅爽脆絕對無得輸～另外壽司飯都有調味，唔會好咸，食落都係粒粒分明嘅唔會濕晒！Follow ➡️#msmessypig_food

每項點評食物方面三文魚腩 油脂不足 沒有應有的口腹感三文魚子 口感有點假 可能是過份的冷藏三文魚子水份過多 以致紫菜濕了 粘口甜蝦 鮮度不足珍寶赤蝦 口感不錯牛油果壽司 牛油果過大 飯不足壽司飯方面: 米質不錯 但辣味濫用了師傅方面:立食來說 師傅算是做得比較快但就因"快" 在壽司料上方的配料都掉在桌上出壽司時 手背都是壽司飯 證明只顧速度沒顧及客戶的眼觀位置方面:在星期日晚市剛開時間,不危不亂 盡量安排位置不錯服務方面:這真是最大原因 立刻結賬的原因身為壽司店 該有的整潔是有的但在客人用餐時在身後搬出垃圾箱這也可理解 但連垃圾袋都不綁好 異味傳出 立即什麼都不想食了

係旺角搵緊食咩的時候見到間壽司店係立食的，感覺幾新鮮，而且店員都幾有善咁介紹。一入到去位唔算多，應該只容納到大約人11-12。類似吧枱的間格，所以同師傅都可以有直接的溝通，order 紙都係直接俾師傅的。因為第一次試，只係叫左兩款，一個大滿足海胆特盛同埋一個嚴選火灸組合。大滿足海胆特盛有半板海膽，海膽好鮮甜，完全冇腥味👍🏻嚴選火灸組合總共有五件壽司，北海道帶子，左口魚邊，松葉蟹腳，吞拿魚腩，同埋油金魚。因為三文魚賣曬師傅都換左油金魚俾我地。每件都好新鮮👍🏻👍🏻

嗰日經過旺角，見到許留山對面開咗間壽司個logo 熟口熟面，咪走過去望吓，聽店員講原來佢哋係分店，之前有間係尖沙咀，其實之前經過尖沙咀都想試，經店員介紹原來可以就咁食一兩件，我就走去試吓，入到去佢帶咗我企喺壽司吧前面，一開始多好多面望住個師傅其實有啲唔慣，因為平時去開啲壽司鋪，我都係鍾意坐卡位，之後我開始諗食咩嘅時候，個師傅好有禮貌咁介紹左幾款壽司比我試，我諗住是但啦隨便試幾件就試咗，之後嚟到個賣相都幾靚，講真真係好好味，好似係日本食嗰啲質素，個店員解釋原來佢哋啲材料每日都係黎自幾個日本嘅魚市場，吞拿魚好似用新鮮唔用冰鮮。我平時偶然都會自己一個就去食壽司，但就未試過咁嘅經驗， 有人介紹有咩好食，值得推介，下次經過一定會隨便叫幾件再試。

之前食過尖沙咀分店嘅外賣， 食後感係唔會再試。但經過今日發現壽司唔應該外帶。旺角地方唔大， 大約可以容納15人，枱面底下有地方可以放手袋。所有壽司都好新鮮。特別係海膽， 係無味架，咁嘅價錢真係好難得可以食到咁嘅質素👍但上菜有啲慢，因為佢係group 埋一盤上。 我比較喜歡一件一件上。 見到海膽無水汪汪就知好味。 紫海膽 - 之前去食おまかせ果次師傅話係紫海膽嘅獨特味道，根本就是嗅。今次食先知原來紫海膽， 係有淡淡的花香。今日同老公食左1000左右。大家都食到飽飽

之前已經幫襯開尖沙咀「立鮨」！一向都鍾意食佢嘅醋米飯每次都一定會叫它的新鮮吞拿魚餐，還有必食的海膽飯！現在旺角開了新店營業時間更加長更加夜，可以睇完戲再過去揀兩件壽司食下都仲得！

立鮨，立食壽司，尖沙咀本店半年前開業，風頭一時無兩，早已在尖沙咀嘗試過，回味無窮！今天晚上路經旺角，發現旺角竟然也開了分店，決定比較一下兩店之間，有沒有分別？由於已經吃了晚飯，隨便order 幾件試下吃完以上幾件⋯⋯⋯⋯覺得無論環境，質素，都不會比尖沙咀店差，甚至更好！可惜服務還有待改善，可能剛開業，還在試業中！牡丹蝦$38，辣三文魚$12，是今晚性價比最高的壽司，雖然與尖沙咀店一樣水準，但個人覺得在旺角此等地方，吃到2件這樣質素的壽司⋯⋯⋯⋯沒有意見了吧！

一直有去開尖沙咀個間，日日都好多人排隊，今日去過百寶利行過，見到新店開左，唔使點排隊，就衝左入去諗住快食幾件走人，叫左個吞拿魚set , 太肚餓，唔記得影相，一心諗住，新店實冇舊鋪甘好食啦，出乎意料地，水準保持到，仲加左好多赤醋飯手卷（不過師傅話只限外賣）有d 可惜，如果可以堂食都有就更加好la因為趕時間，所以加多一件大 toro ，鮟鱇魚干，三文魚子海膽，勁滿足！！最後order 多一個三文魚子海膽手卷推介手卷，足料，食到尾仲有魚子，唔似一般個d, 得面少少。冷氣有d 凍，要改善

呢間立食壽司店之前係尖咀見到已經好想試, 今日咁岩係佢新開張第一日, D料一定係最新鮮, 二話不說, go!.間鋪頭唔係好大, 中間一個大大sushi bar台, 裡面企左4,5個壽司師傅, 食客就圍住個bar台企係度食, 企滿應該都有12,3個人.雖然係立食, 但要有既都有, 好似醬油, 綠茶粉, 熱水都會有.老闆係門口招客個時話, 佢地會用立食省返既成本, 提升食物質素, 所以佢地既師傅都係做omakase出身同用料都特別好__________________________🔹立鮨壽司拼盤(上) $78全部壽司都係即叫即整, 個set有三文魚, 北海道鮮帶子, 珍寶赤蝦, 油甘魚, 海膽壽司各一件.每件既size都正常, 最特別係每舊既飯都上左色, 我開頭望落仲以為係豉油, 但點解食落無咸味既?! 細問之下, 原來佢係用左赤醋整D壽司飯, 所以會比平時用白醋整既更香同無咁甜, 當然成本都係白醋既3,4倍.食壽司最緊要就梗係上面既刺身, 雖然唔係特別大塊厚切, 但真係唔點豉油, D鮮味都跑出黎! 咁多件入面, 海膽尤其出色, 好creamy! 珍寶赤蝦同油甘魚都好正, 好滿足!.🔹大

呢間壽司店啱啱喺旺角開左兩日，本店開喺尖沙咀金馬倫道，本店初開已經試過覺得唔錯，家開喺旺角就更加方便就腳，今日我點左個迷你海膽飯另叫師傅發辦握幾件壽司比我，海膽飯啲海膽雖然用韓國膽，但絕對係A級膽，入口好香好creamy，睇番價錢只係$98算係抵食，師傅幫我點左三文魚，油甘魚腩，金目鯛同三文魚子，其實我三文魚麻麻哋，不過握左就照食啦，三文同油甘就比較普通，金目鯛就夠晒甘香，三文魚子亦新鮮唔錯，而最緊要嘅係佢哋嘅壽司飯係用上赤醋撈會比其他一般壽司店用嘅日本醋香好多，大家唔介意要企喺度食嘅呢間立鮨確係一間唔錯嘅壽司店。

一直很喜歡尖沙咀的立鮨最適合是口痕但只有自己一個又或者下午茶時間和朋友想吃一點點東西立食文化是由日本傳過來的好適合香港地小人多、租金貴的地方這裏的壽司非常新鮮赤醋壽司飯是我最喜愛的我的最愛：1) 左口魚邊2）中拖羅3）碎甜蝦4）三文魚子5) 白籽（可惜白籽不是季節）今天是private party 氣氛好高漲 築地每天新鮮運到的海鮮個人消費大約＄500 實在是非常有質素的餐廳 Congrats & 生意興隆! 期待香港有更多有質素的日本料理