更多
2025-08-09
0 浏览
晚餐喺旺角食,黎到呢間小小嘅壽司店,佢座位唔多,只有bar枱位置,但係位置適中,唔會太迫。食物種類有好多,亦有期間限定menu。今次叫左日本蠔$38一隻,好平,質素好高,好肥美鮮甜。迷你海膽魚子杯,海膽好甜好新鮮,三文魚子都係甜,完全唔覺有腥味,粒粒飽滿。不過太細杯,食唔夠喉,下次我會叫佢地嘅丼試下。另外叫左一堆壽司: 三文魚壽司,中拖羅壽司,油甘魚壽司,鮮帶子壽司,火炙左口魚壽司,火炙三文魚壽司,金龍卷。全部都係好新鮮,火炙嘅壽司亦都好香口,油脂入口即溶咁。金龍卷比其他壽司店嘅更大份,不過唔係因為飯量多,而係佢隻炸蝦好大條,又脆,真係好好食。
张贴