立鮨 (富達大廈)

营业中

休息中

在尖沙咀非常有人氣的立食壽司店, 開到來旺角了, 今天趁跟朋友逛完街, 來這裡等位立食, 店子的容量頗細, 但可能上菜有效率, 流轉算快, 大約等15分鐘就到, 不用等很久。枝豆$25: 吃壽司都吃不到蔬菜纖維, 全靠吃枝豆吸收, 所以必叫一客。日本燒粟米$18: 燒過的粟米配上沙律醬, 十分香口惹味。北海道帶子$28: 不會雪到冷冰冰, 解凍的狀態剛好, 口感軟軟的味道鮮甜。叫了不同款式的壽司, 都是即叫即製, 一次過呈上, 給我的感覺就像omakase, 每件樣子十分精美, 不是平價壽司可比。櫻花蝦玉子燒$25: 有特色的創作壽司, 玉子燒中夾雜了櫻花蝦配上一些沙律醬, 再加上三文魚子, 水準不錯, 又抵食。火炙左口魚邊壽司$9: 炙過的左口魚, 油份十足, 入口即溶的美味。秋刀魚壽司$25: 秋天一定要吃時令的秋刀魚, 以往只有高級壽司店可吃, 現在平民化真好呢, 喜歡它有魚香又不會腥。金目鯛壽司$48: 也是傳統的高級壽司, 肉質鮮甜又細緻, 令人一試難忘, 如能烤一烤火炙就更好了。活赤貝2隻$58: 喜歡吃貝類的壽司, 那獨有的鮮味, 貝香, 和爽口的感覺。吞拿魚腩壽司$38

立食壽司！每次經過尖沙咀間立鮨都會見到唔少人排隊。今日發現原來旺角開左分店，地方比較大，等左10分鐘已經入得去。😂而且拎完飛等位是有得坐架！！記住把握時間坐低休息下，入左去食就要企。我同友人各點了幾件壽司壽司味道🍣整體不俗，醋飯就少少偏硬，見到飯是深啡色的，明顯有用心機去整壽司醋飯。最推介是火灸左口魚邊。（圖右下一）左口魚是典型的白肉魚，通常都會簡單制成清新的壽司去感受左口魚的鮮甜味。立鮨的火灸左口魚，用火灸的方法將魚生豐滿的油脂逼出來，入口每一部分充滿著油脂的香味，肥美得入口即溶，完全是極致享受。冬天前剛好正值左口魚肉最美味脂肪最多的時候！呢個時間食左口魚是best choice 😋PS 所謂左口魚其實是比目魚的一種，日本人通常稱為「平目」

以前香港真係唔多見有立鮨，係日本就見得多。而家香港都開埋就去試下同普通壽司鋪有咩分別。入到去位置唔多，通道比較窄，可因為立鮨，想人地食完快快腳走，唔會特別舒服。叫左鰻魚，帶子，火灸三文魚，赤貝同海膽。三文魚，鰻魚，帶子都係average, 合格但係無驚喜。赤貝賣相就十足，大大隻，又紅潤，好似好新鮮。但係食落去鮮味不足。最好食就係海膽，好重海膽味，唔苦，夠新鮮！埋單200幾300，lunch 黎講唔算平，但係呢價錢我會揀一間有得坐既囉下次

無論近年泰國菜，韓國菜，四川菜開到幾多都好，日本菜始終都係最岩我地香港人口味既。而日本菜入面我既最愛就當然係sushi la.今日係期待已久既出糧之日，當然要食好西獎勵一下自己。呢間立食壽司一改我地傳統中國人既習慣，要企係到食。當初呢間店係尖沙咀有分店既時候就知要等好耐，到旺角開左就當然要食下la.叫左油甘魚，三文魚，鰻魚，等等既壽司。個鰻魚係勁大件勁正，油甘魚魚油好香。呢到唯一係有d貴，咁就400幾，不過出糧就要豪下既。

立食係香港好似開左一段時間，但一直都未有去食，今次朋友仔都話好想食下，我地2個就去左旺角既立鮨，平時都見唔少人排隊，今次興幸不用等太久。入到去地方真係不算太大，但吧枱算闊，枱下仲有抽屜可以俾客人放包包，牆上也有 掛鉤可以掛衣服外套。雖然要站著吃，但也盡量令客戶可以卸下身上的重擔，舒舒服服的站著吃。有種環境雖小，但五臟俱全的感覺 。打開餐牌 價錢沒有預期之中的高昂，很貼合旺的消費指數。壽司最平宜的有$9、$ 15、 $20 一件……也有去到$48/件的， 亦有$52~$160不等5~6件的盛盒壽司，刺身則由$20多元起跳。咱們有點小吃、大蝦湯，也點了不同的壽司、盛合及刺身先來碗鮮蝦味噌湯，蝦頭燒得很香，湯帶蝦的香甜蝦膏味道，非常鮮味，熱熱的也很暖胃。小吃是櫻花蝦玉子燒非一般的玉子味道溫熱多汁帶點點櫻花蝦鮮，加上魚子的微咸，調和了平日玉子的甜味，絕對好吃!壽司咱們點了一個特選三文魚盛合，及幾件是散叫。所有壽司都是師傅馬上手握出來的 刺身與壽司飯的比例非常好，不會太大件， 一口一個壽司，吃起來也方便，飯很細軟，好吃。 火炙大吞拿魚腩壽司 這個壽司是限量的 吞拿魚腩入口即溶，感受到那種肥美柔軟

食壽司坐係度食就試得多，香港立食就未試過，今次拉埋男朋友去試下～地點位於旺角，相當方便。去到門口已經人頭湧湧，果然有尖沙嘴另一間分店既影子。稍等片刻就可以入去。位置任君選擇用餐位置都尚算足夠，桌面分別有幾盅，分別就係綠茶粉，芥末以及豉油。都係以自助形式，客人自行決定份量～餐牌圖文並茂，加上係壽司師傅後面都有一排木板分門別類排好食材及價錢，價錢都大眾化，主要吸引上班一族及學生。我同另一半諗左一陣就決定好食咩～一邊觀賞壽司師傅手藝一邊等食，時間都幾快過～更加可以見到食材櫃內既食材，都幾新奇！直接入主題！先黎就係櫻花蝦玉子燒；一碟兩件～外脆內軟，酸甜並致；原隻櫻花蝦收藏係玉子燒入面，再外加少許千島醬，味道更加開胃，玉子燒上面既魚籽相當飽滿，整件一口吞簡單可以以香味繞舌形容！由最頂特選三文魚盛合及中間有立鮨特上壽司拼盤，底部分別有秋刀魚三點壽司盛合，及築地白烏賊壽司。由左上開始分別有火炙魷魚海膽壽司，火炙北海道帶子壽司，鰻魚壽司以及火炙左口魚邊壽司大滿足海膽特盛；一座小山丘，袖珍而搶眼！加拿大海膽配以赤醋壽司飯，海膽超多，加上海膽質素尚算唔錯，淡淡海水鹹味再加上微微酸既壽司飯，三兩下就食哂，值

見佢喺旺角已經開咗一段時間~成日經過都見有人排隊~成間嘢比我感覺好細同埋好似淨係食手卷咁我哋行埋去拎位~店員就好熱情咁推介我哋食咩食咩~佢話啲師傅全部都係日本請過嚟定唔知受訓再過嚟~(唔記得咗)又話啲飯同出面壽司做法唔同~講到咁勁~緊係入去試吓佢啦~黑板上面寫嗰啲係期間限定~menu係無嘅~店員都推介我啲食 伊佐木壽司,赤鯥壽司,磯煮鮑魚....係真係幾好味~~有水準啊~超愛 赤鯥壽司 入口即溶~呢個 火炙大吞拿魚腩海苔壽司~好好味~我覺得必食~三文魚子壽司~話係特別醃製~的確係有啲唔同~好似有啲檸檬味咁~幾清新幾好味~呢個手卷有啲細~但細有細好~可以留quota食其他好嘢~呢個海膽放滿三文魚子~好滿足啊~其餘嗰啲都好靚好好味~壽司雖然比一般細,但最緊要有質素同好味嘛~我會再去食架~好味嘛~

之前來過呢間旺角鬧市中的小小嘅壽司店，有不錯的體驗，今晚帶個大鄉里朋友去見下世面，佢來到先知係要企度食壽司，見到佢面上露出驚訝嗰個樣我覺得好搞笑間店舖係唔算好大，但係裏邊滿晒人，都幾熱鬧，仲有四五位師傅不斷咁樣為你服務，手握壽司，親自為你送上鰻魚壽司正呀！有入口溶化嘅感覺！鰻魚質感超軟滑！火灸左口魚邊壽司啱啱整出來，梗係趁佢熱辣辣嘅時候食！肥美的左口魚邊！再用火炙，令脂肪湧晒出嚟，入口嗰種肥肥滑溜的口感真係好正海膽壽司大滿足海膽特盛有人抵受唔住，始終都係要叫返個海膽特盛來過下海膽癮！立鮨壽司拼盤呢個壽司拼盤好啱食啊！普遍最受歡迎嘅壽司集中埋一個拼盤，可以用一個抵食嘅價錢一次過試晒特上吞拿魚盛合有唔同肥瘦的吞拿魚可以一次過試晒，仲有吞拿魚茸同埋火炙吞拿魚、好抵食！蟹肉蟹膏軍艦原隻活赤貝2隻秋刀魚刺身(半條)鮮甜又爽口中吞拿魚腩片珍寶赤蝦刺身

一點都不誇張立食來說在香港真的很少在別的國有很有名的當然就是日本本土的老大哥美登利在台灣也有上引水產立食不代表是便宜而是一種飲食的文化體驗哈哈好像說遠了這家店的名字就叫立鮨不用猜都知是立食的日本壽司刺身店一進去就看到了熟悉非常日本的師傅在吧檯前，看師傅表演就最好不過除了有MENU上的食材以外還有特別的食材會寫在黑板上我們點了鰻魚壽司鰻魚燒得好出色, 雖然唔係好長既一大條, 但係味道同口感都係上等既火炙三文魚腩壽司見住師傅係面前整真係唔同D, 食到佢微焦既部份仲有少少脆口既口感! 的確唔錯珍寶牡丹蝦壽司超大既牡丹蝦, 仲正就係新鮮丫嘛!!!呢度既牡丹蝦係我見過最大既!! 真係珍寶SIZE, 甜甜的唔洗點任何野已經好夠味櫻花蝦玉子燒呢個都係必食既!! 玉子燒雖然SIZE唔算大, 但係入面既誠意十足, 真係超多kama toro必食推介!! 係期間限定既拖羅一上到枱已經忍唔住哇左一聲!!天阿淨係睇個樣已經好吸引上面油油的感覺一放入口, 不用點任何既醬汁已經係好夠味而且真係入口即溶既口感!!個油香真係沒齒難忘!!

近年立食壽司店係日本非常盛行, 立食壽司店賣點係方便, 而且可以大眾化價錢品嚐到高質嘅壽司, 所以深受追求高性價比呢個潮流。不過係香港, 立食呢個文化仲未普及, 可能係同早年一d外賣壽司店賣平價壽司, 但都不能帶起潮流有關, 但自從尖沙咀開左唯一一間立食壽司店: 立鮨 之後, 情況開始改變, 有別於一般外賣壽司店, 立鮨立食壽司除左標榜便宜快捷之外, 壽司嘅質素亦非常講究, 而且會按季節提供時令嘅菜色, 用每天日本直送的食材, 做出接近Omakase的水準, 開業以來一直深受歡迎, 最近更係旺角開左新分店。今日約左老友收工逛旺角, 順便去呢間位於豉油街嘅立鮨分店食返餐, 我地未夠7點已經到餐廳, 已經開放要等位。餐廳唔大, 位置唔多, 不過每個位都可以對住師傅, 可以一邊品嚐, 一邊睇師傅製造壽司, 配合富有日式風格嘅裝修, 感覺同食Omakase有d 相似。點菜紙上壽司款式非常多, 價錢同連續壽司店相差不大, 另外餐廳仲提供多款期間限定嘅精選壽司, 其中多款壽司, 例如白子, 秋刀魚刺身同鮟鱇魚肝呢類空運直送嘅款式一般只能係Omakase店品嚐到, 而家以咁平嘅價錢可以食到, 我地當

又約朋友開飯! 今次嚟到一間立食日本餐廳叫"立鮨", 環境細細, 但又好多人排緊隊, 有別於一般的居酒屋, 見到好多日本人都幫襯, 食物應該好正宗~一入去師傅就介紹牆上期間限定秋刀魚，覺得幾特別, 於是我們就點了秋刀魚三食, 煎嘅秋刀魚成日食，但生嘅第一次食，食落又幾鮮味！而火炙三文魚, 火炙松葉蟹腳都燒得恰到好處入口即溶！正！ 三文魚腩又鮮甜又肥美！油甘魚壽司配上酸酸地的柚子蓉，可以中和油甘魚的油膩感, 簡直是絕配，極鮮甜！見到好多檯都叫白子小食, 個賣相幾特別, 於是膽粗粗就叫來試下啦嚟到其實唔知咩嚟（即上網check）原來係鱈魚精巢!!!! 日本人冬天補身嘅，食落似豆腐又似啫哩，香港餐廳都好少機會食到食得太多壽司, 想叫個小食暖暖胃, 望望牆上的餐牌餐廳推介櫻花蝦玉子燒，玉子燒得啱啱好, 加上三文魚籽，提升層次！特上吞拿魚盛合, 係由將五種唔同食法組成！件件壽司都肥美，入口即溶，物有所值！可媲美日本中上級吞拿魚！而我覺得碎蔥吞拿魚腩軍艦做得特別出色~推介大家去試試!!由於呢度吞拿魚實在太出色，再encore 多件大吞拿魚腩壽司！也是非常肥美, 入口感到魚油之感, 好好味呀~而鰻魚

去到呢間餐廳原來係企係度食既，好似幾特別咁呢！我望到menu 選擇都十分之多，仲有期間限定既當季食物！海膽杯，師傅放海膽完全無手軟，勁滿！海膽好鮮甜，入口溶化，飯粒調味剛好呢！呢度既三文魚非常抵食，但質素很高！入口好新鮮，油脂又令！吞拿魚腩壽司，入口好似溶化咁，師傅切得好又！饅魚手卷 饅魚既醬汁好惹味，紫菜非常脆口！我見到有我最中意既白子，白子食落好creamy,上面放左調味粉 好夠味！食完之後覺得呢度係性價比極高，有omakase 既質素！下次絕對會再黎食！

這間＂立鮨＂是最先在尖沙咀見過一直無緣嘗試因為實在太多人排隊，今日放早竟然在旺角也見到有＂立鮨"只需要等10分鐘左右冇理由唔試吓啦😆😆大滿足海膽特盛$98滿滿的海膽，色澤光潤鮮明，海膽入口即溶鮮甜無比，他們用的壽司米已調有底味，個人喜歡再加少許豉油吊起令鮮味更加提升😋牛油果手卷$12跟平時吃的手卷形狀不相同，瘦瘦窄窄更加容易放入口中，牛油果柔軟美味珍寶牡丹蝦壽司，油甘魚腩壽司，中吞拿魚腩壽司，原隻赤貝壽司，甜蝦他他軍艦，北海道帶子壽司，劍魚腩壽司，芝士蟹籽軍艦🍣刺身大大塊厚切有質感，壽司米乾身程度剛好，油甘魚腩充滿油脂，中吞拿魚肥美帶子軟腍，每一樣壽司放入口中新鮮鮮甜幸福無比😍三文魚子壽司$20三文魚子壽司魚子滿瀉，顏色晶凝通透而且感覺這裏的魚子比平時的魚子稍為大少少，怎能叫人不興奮😋燒烤蝦頭配鮮蝦味噌湯$15加了原隻燒蝦頭味道濃郁，馬上增添一份鮮味，食得出這鋪頭誠意十足👏🏻

從未去日本，所以也就從來都沒有試過立食(站著吃壽司)，好朋友約我吃飯，話帶我去一間站著吃壽司的店，對我來說是一個極大的考驗，一天上班已經很累了，還要站著吃晚餐，可是她再三強調說很好吃，值得一試！那就只能去囖！一入店，店面不大，我們都是站在圍繞著大廚，看著他們大顯身手，令我們食指大動。1. 海膽壽司/北海道帶子壽司/珍寶甜蝦壽司/劍魚腩刺身/甜蝦他他軍艦海膽入口即溶，還有甜味，壽司飯有很有壽司醋的味道，特別好味！顏色也截然不同！北海道帶子壽司，一個字，鮮，這已經夠好吃了！珍寶甜蝦壽司是我的最愛，蝦的甜鮮味，真的值得站著吃哦！劍魚腩刺身很新鮮，甜蝦他他軍艦更是令這個品嚐的過程更上一層樓！2. 鰻魚壽司/火焰北海道帶子壽司/火焰左口魚壽司/火焰松葉蟹腳壽司鰻魚很滑，配合鰻魚汁，甜甜的香，非常好味。比起北海道帶子壽司，火焰北海道帶子多了一股燒過的香味。當然帶子本身很鮮甜。火焰左口魚，入口融化，淡淡的魚鮮味！3. 大滿足海膽特盛海膽無可置疑的好吃，甘甜濃郁而無苦味，直衝味蕾！和名字相符合,大滿足！4. 珍寶甘蝦5隻甘蝦很新鮮，甚少吃蝦頭的我也忍不住吃，甘甜得很！5. 油甘魚(又稱鰤鱼)腩3片吃到