立鮨 (富達大廈)

营业中

休息中

立食，意指企係到食嘢。香港地地方細，企係度食慳位，餐廳又可以做多幾轉。同阿哥係旺角行街，夜晚揀左立鮨做晚餐。有壽司set叫，又可以單叫。我地兩樣都有叫。特別想講講以下既壽司。池魚壽司靚仔，魚油味豐富，中意食既人係香，唔中意食可能會覺得有少少腥。上面個啲黃色嘢好似係啲花，香口，有啲refreshing嘅感覺。火炙中吞拿魚腩壽司外面燒到岩岩好，少少燒焦味道係火炙嘅重點。肥美嘅魚腩，係唔會食厭嘅美道。大呑拿魚腩壽司粉紅顏色，夾雜著淡白色嘅脂肪條紋。入口即溶，係口腔內盤旋嘅感覺，係好難去忘記架。總結：企得到嘅人可以黎試下。壽司味道同賣相都唔錯，尤其係壽司上面嘅小點綴，為壽司添上新口感

立食文化係日本非常大，而且食壽司其實唔洗花費好多時間食，企係到食無咩問題。立鮨呢到既食材非常新鮮，而且師傅手勢非常好，以較低價錢可以食到咁高質既壽司真係非常幸福。三文魚籽壽司更加係滿瀉狀態，都係$30幾壽司平均速度$1x-4x，但係有omakase質素，地點又方便，行過經過就可以行入去食。食物選擇又多，旺角店更加可以話係旺角區既清泉，因為旺角好食既選擇真係唔多掂。大家有時間不妨來試下，我覺得大家會食上癮🤪

今晚同朋友出旺角買game，行過附近見到有間係企喺到食既日本餐廳，款式唔少又唔算貴。等左一陣就入得，香港寸金尺土，鋪租又貴，立食真係慳返唔少位。鮮蝦味噌湯，少少咸，好香濃既蝦味。特選三文魚盛合，愛好三文魚既人推薦叫呢個，因為已經有哂魚腩、火炙同辣幾款既味道。大滿足海膽特盛(迷你)，對我地啲佬香講堅係細碗，但係咁先顯得出海膽既矜貴，味道濃厚甘甜。之後叫左堆壽司，唔續一講了。中吞拿魚腩，中拖羅脂肪比較高，恰到好處既魚油脂非常甘香。本鮪赤身，由於呢個部位係鮪魚最具結實，所以油脂少，肉質帶少許咬口。火炙左口魚，特別在燒完煙煙韌韌，無平時食開既咁油膩。海膽軍艦，由於食完海膽飯想再食多少少海膽，所以轉食軍盤 (PS紫菜係脆的)碎蔥吞拿魚腩手卷，蔥花既香味可以消去油脂既油膩，再加上脆皮既紫菜，正！喜之次壽司，本身Kinki就係貴既海鮮唔係好多地方有，所以見到有即刻叫左件，肉質比較結實，火槍炙燒一下外皮，可以令油脂更出。

平時行旺角經過附近，都會見到有間壽司鋪，仔細一睇原來係間立食既壽司。咁啱今日心血來潮想食日本野，就試下哩間立食壽司🍣「立鮨」今晚平日七點幾來到，都未算好多人，門口禁左飛，等左一陣就已經可以「入座」。立食餐廳普遍都比較細，但都可以企到十幾人。加上立食都會比較快，所以都唔洗等好耐。餐廳內既氣氛都唔錯，壽司師傅都會介紹今期主打推薦既壽司刺身等等。仲有個「小師傅」坐陣添😂事不宜遲點壽司先。哩度所有壽司都係「一件」做單位，當然仲有丼飯、小卷、手卷、小食等等。我地主要點左壽司，每樣點左每人一件去嘗試下。《軍艦系列》滿瀉既三文魚籽師傅教落，唔洗加任何豉油wasabi直接食，就最原汁原味。《火炙壽司系列》火炙三文魚火炙三文魚腩築地白烏賊我就好中意《火炙三文魚腩》，肥美既三文魚腩燒過之後，入口即刻feel到溶化既感覺，加上燒過更突顯三文魚既香味👍🏻推薦《小卷系列》三文魚小卷小卷功架十足，唔會捲到鬆散，小卷既橫切面見到，壽司飯同三文魚既比例五五分佈，足料！😋《刺身壽司系列》原隻活赤貝三文魚三文魚腩劍魚腩中吞拿魚腩油甘魚腩北海道特大珍寶帶子個人推薦！必食！原隻活赤貝：厚肉爽口，十分鮮甜！👍🏻👍🏻👍🏻中吞拿魚

每次經過旺角都會見到立鮨有很多人在排隊！開業的時候我已經有見到他們店的報道，可惜一直未有機會試到，今日終於同到朋友黎食！店舖雖小，大概能站12-15人左右，但是每個位置都能見到師傅用心處理食材！感覺像食Omakase（厨師發版）一樣。入到去店員會比餐牌及一張點餐紙給我們，想食咩就自己畫！好方便，揀好左就遞比師傅就可以了。燒蝦頭（配鮮蝦味增湯)：蝦頭很大隻，蝦膏的甘香而且燒過後味道更濃烈了。味增湯不會太咸！加上海帶和葱令蝦湯更為鮮味。好快我地的壽司就到la！係相片都可以看得出材料非常新鮮，海蝦大大隻爽口彈牙。北寄貝：味道鮮甜爽彈而且壽司飯不會太大舊！原隻活赤貝壽司：赤貝爽滑鮮甜，餐廳加入了少少柚子皮！更能吊出赤貝的鮮味。大滿足海膽特盛：店內其中的招牌海膽堆積到滿瀉！海膽鮮甜滑溜，飯粒經過調味道，食玩後令人滿足。我地仲加左單叫第二回合！只要同師傅講加單就可以再畫食物。第二round我地叫左：鰻魚壽司，芥辣八爪魚手卷，三文魚手卷和烏賊壽司等等，烏賊壽司煙韌爽口，烏賊帶有有少少黏性，但味道清甜。最後當然唔少得甜品，餐廳的甜品真係手快有手慢無！好似我的椰子雪芭已經係最後一個la~香橙雪芭有濃香的

喺尖沙咀大熱嘅立式壽司餐廳「立鮨」，最近都開到黎旺角啦，係正我屋企樓下梗係要試下！晚上七點幾黎到已經堆滿客人，可想而知有幾受歡迎呢款式多，食物價錢適中，唔算貴蟹籽沙律青瓜絲、蟹柳同蛋黃醬嘅比例啱啱好，味道好清新，面上嘅蟹籽增添爽脆口感櫻花蝦玉子燒香甜玉子蛋裡加入左櫻花蝦一同煎香，多左櫻花蝦乾嘅香味。整個玉子燒再加上蛋黃醬燒香，好嫩滑，非常滋味然後就係刺身拼盤啦！廚師用心地將三文魚同帶子刺身卷成花狀，賣相滿分啊！三文魚刺身$38一客有三塊，色澤新鮮，大大塊厚切的，肥美油潤而且帶魚油香，好好味呀北海道帶子味道略淡，尚算鮮甜珍寶赤蝦大大隻赤蝦蝦肉夠綿滑，好鮮甜原隻活赤貝新鮮又爽口的，幾鮮味鰻魚手卷紫菜好新鮮所以好脆，內裏包着熱辣辣的蒲燒鰻魚，厚厚的，好肥美啊海膽手卷飯量唔多，海膽極多，入口即溶又鮮味師傅將以下兩種盛合壽司放埋一齊：特選三文魚盛合盛合壽司分別有：三文魚、三文魚腩、火炙三文魚壽司、三文魚小卷、同辣三文魚軍艦，全部都好新鮮，最好味梗係三文魚腩壽司，夠晒肥美！三文魚控一定要點呢個哦嚴選火炙盛合火炙盛合分別有：北海道帶子、三文魚、左口魚邊、中吞拿魚腩、火炙松葉蟹腳壽司，款式都幾多元化。

三文魚壽司 $9@辣汁帶子軍艦 $9@珍寶赤蝦壽司 $15@北海道帶子壽司$15@火灸三文魚腩 $20@原隻活赤貝壽司 $30@大呑拿魚腩壽司 $48@飛魚籽手卷 $15@鰻魚手卷 $18@大滿足海膽特盛 $98@呢間立食壽司平時行開都見到好多人排隊 想食嘅記得早啲到呀😎餐廳唔算大 入面有成6位壽司師傅👬👬👬所以嘢食嚟得都幾快 唔駛驚企得太耐會攰 仲會有個位俾客人放袋👜💼🎒師傅拎手卷俾客人嗰陣直接用手遞上好似食緊Omakase咁🍙壽司飯係用赤醋幾特別 🍣壽司都大大舊好新鮮帶子同赤蝦都好鮮甜 海膽味濃郁冇苦味好Creamy😇10% Service Charge💰

做完按摩💆唔想食咁多野，但又想食壽司🍣，經過見到呢間餐廳，感覺上冇咁拘束，可以食幾件就走，一於決定試吓。食物：壽司飯唔係普通白米，而係已經加咗醬油，所以我覺得唔需要另外點豉油，已經夠味。食材新鮮，火炙燒過幾好味。北海道帶子壽司 $15火炙左口魚裙邊壽司 $20火炙牛油赤蝦壽司 $18服務💁🏻‍♀️：自助服務。店舖細細，眼見已經有六至七個壽司師傅。環境：由於係只有企位，所以店舖牆邊都會設有掛褸架，方便食客可以放好除低的外套🧥進食。感覺像日本的小店，都會設置掛褸架.泊車🅿️：最近可以泊家樂坊或者廣華街的停車場。總結：整體都好味，就算一個人食都唔會覺得尷尬，趕時間的話，快靚正，值得一試。

揀左12點半左右黎食，唔洗等位，多數客都係外賣！或外，用 app唔同時段去食有折，慳返唔少嫁🤫環境方面好似omakase咁，可以望住師傅整師傅態度有善，令整個用餐感覺提升👍🏻💯必食💯1⃣鰻魚壽司-2⃣海膽軍艦-3⃣蟹肉蟹膏軍艦-4⃣築地白烏賊壽司-5⃣三文魚籽軍艦-6⃣櫻花蝦玉子燒-7⃣白子小食-8⃣燒蝦頭(配鮮蝦味噌湯)-❗其他❗1⃣芥辣八爪魚軍艦-2⃣火灸海膽蟹棒壽司-3⃣火灸大吞拿魚腩壽司-4⃣三文魚手卷-5⃣珍寶赤蝦壽司-⭐壽司飯係用赤醋做，誠意滿分，但太重味，食到酸味

香港人係好受日本文化影響的，加上電視經常播出日本旅遊節目，更令到我哋呢班至愛跟風的人去食日本嘢。今晚去開MK，見到呢間人氣不小，排隊排到出晒街，走去八下，原來是立食壽司魚生店。唔執輸，坐低跟隊，睇下有咩好嘢食先。都未諗得切，就有位 (當然是企位啦)。店子細細，好在有檯下面有層架，俾我哋放低啲袋。綠茶是自助的，小心燙手呀!魚生全面晒冷，有樣有真相，睇啱可以剔紙仔。師傅仔個個都係帥哥，一式一樣的制服，顯得更專業。唔使幾耐，成板魚生壽司就送上。加埋杯麒麟啤酒就無得彈!魚生件件新鮮，非常鮮美。而飯底就已經調好味，不過就唔似得其他壽司店往往會將wasabi預先塞咗入去啲飯到。呢度唔同，飯裡面無wasabi，咁樣啲客人可以隨自己喜好才點wasabi。食完壽司，仲來多個築地三式魚生飯。大大碗，有海膽、三文魚子和吞拿魚腩蓉，賣相一流。海膽好甘香，三文魚子卜卜脆，吞拿魚腩蓉又香又滑味道濃郁。因為啲嘢食上得好快，味道好，好快就可以KO佢哋，整個過程無須半粒鐘，我哋都follow到呢個日本立食促食文化了。

旺角掃街何其多，興起過一排嘅手卷店竟然變身，直頭入店，有幾位師傅坐陣，連手卷壽司等都堂弄，立食，過下口癮然後再掃過另一間。咁一般掃街嘅手卷店同立食有咩分別？我第一個感覺就係速度，因為師傅比較多，一點菜就有得食咁滯。先有滿瀉的三文魚子和蟹籽軍艦，三文魚子新鮮粒粒爽脆咸香，比好多貴價日本餐仲正。赤身雖然本身無乜油脂，但同樣油潤香滑，完全無嗰種好差嘅呑拿魚味。中拖羅就更添一分油香，同樣棉滑，飯的大小剛好，唯醋香感覺可以再強一點。

環境不算大，同一時間只能容納十多位客人，所有食物都是即點即製。先填點菜紙，然後放上壽司吧枱，師傅便會自行製作。大滿足海膽特盛(迷你) ($98) 滿滿的迷你丼飯鋪滿海膽，但海膽質素有點兒參差，第一口吃下去有點苦，其他的還可以，但欠缺鮮味。三文魚籽軍艦 ($20)師傅灑上柚子皮碎，令三文魚籽口感更添清新。三文魚籽每粒飽滿，充滿魚油鹹香。加上賣相澎湃，集視覺、味覺、口感於一身！很推介火炙左口魚邊壽司(左一、二)經過火炙之後，逼出了油香，油脂感頗為豐富。刺身方面分別點了：大吞拿魚魚腩刺身 ($186)、三文魚魚腩刺身 ($68)、油甘魚刺魚($68)大吞拿魚腩甘香鬆化，吃不到筋，魚肉入口即溶，吃到滿口油香；三文魚腩很肥美，入口充滿油香。

去左MK行街，同朋友都好耐冇食過立食壽司，今晚就黎食~~我地等左一陣，就被安排入去～～間舖唔算大，但入面係FULL 哂，熱熱鬧鬧，有四-五位師傅0係度！一黎我地就先點左刺身先，今次叫左中吞拿魚同赤貝！中吞拿魚入口即溶，魚油香味充斥成個味蕾！赤貝就超爽口，又滑身～壽司方面叫左三文魚腩，火灸左口魚邊、池魚、芥辣八爪魚 etc左口魚邊超肥美，再用火炙脂肪出晒黎，食落口感好正！三文魚腩超肥美，池魚油味甘香，芥辣八爪魚都唔錯~~最後仲叫左碗三色飯，有齊哂我最中意既野!!三文魚籽、蔥粒吞拿魚、海膽；三文魚籽粒粒晶瑩剔透；蔥粒吞拿魚口感好軟腍、油份重；海膽非常新鮮，完全冇腥味～而朋友叫左烏冬，再加上麵史湯，碗湯熱辣辣，蝦膏味濃，正！overall 食物質素真係ok, 下次會再黎～

在日本出差，都試過立食，夠快及自己一個人食不用對著空櫈，減少孤獨感。香港地租貴，立食也可以節省位置及增加翻桌次數，提供一個較平的價錢食到高質壽司。我同朋友一直想試立鮨，見今天早了放工，條龍短左，可以一試了壽司鮮甜味覺一等的滿足，先說一下飯，飯混了醬油，個人覺得不用額外再加醬油也夠味道，飯的份量比一般餐廳較少，不過魚生片大小還不錯。炙燒壽司尤為出色，左口魚邊、三文魚腩、北海道帶子、海膽蟹棒，火炙將魚油微微溶化，達到微暖及入口即溶的效果。油甘魚、珍寶赤蝦、碎䓤吞拿魚、三文魚籽軍艦也好正。櫻花蝦玉子燒這個不是在紙的餐單上，見隔離枱食，就直接跟師傅要一客，櫻花蝦在玉子燒內，添加鮮甜味及口感，上面仲加好多魚子。火炙大吞拿魚腩海苔也是見到隔離枱食，大大塊吞拿魚腩火炙過後，包住紫菜，紫菜的香脆再加點魚油拎著吃，美味極致。大滿足海膽特盛成板海膽放在迷李丼飯，每次將海膽放入口都是味覺的享受，打卡影相更是一流，是每一枱必點的。食了那麼多，二人消費640元。

近期香港都有唔少立食店，今日我同朋友就去咗食喺旺角嘅立食壽司🍣一睇個Menu，有好多選擇架，有一部份仲有相片俾你對照返！仲有一部份係限定供應！🔸火炙三文魚壽司🔸呢一度嘅火炙三文魚壽司好好味，首先三文魚夠肥美，面頭用火槍燒過之後，溶咗少少油脂喺面，魚油味好香！加上上面嘅蔥花，令到成件壽司更加好食！🔸火炙左口魚壽司🔸左口魚夠新鮮，火炙後都不失鮮味，口感好好！🔸北海道特大珍寶帶子壽司🔸帶子大粒不特止，仲要好鮮甜！係我全晚最愛❤️🔸珍寶牡丹蝦壽司🔸牡丹蝦真係好大隻，好新鮮！每舊壽司飯都有少少嘅調味，而調味嘅鹹味同牡丹蝦嘅鮮味好配合！🔸三文魚子軍艦🔸三文魚子係滿瀉，視覺上一流先啦！咬落口都覺得好鮮味，大滿足！🔸活赤貝壽司🔸活赤貝又係好靚🥰咬落口好爽口，同時帶有鮮味！一啖擺落口其實食唔晒，因為都好大件架！🔸碎蔥吞拿魚腩軍艦🔸吞拿魚腩好新鮮，配合埋蔥香味同壽司飯嘅少少鹹味，好配合，好味道！🔸火炙大吞拿魚腩海苔壽司🔸火炙後的吞拿魚，魚脂非常香，入口亦好滑！加上海苔嘅脆脆質感，整體口感非常好！🔸大滿足海膽特盛🔸最後食埋個海膽特盛，海膽份量好多，入口好鮮味呀！配合埋個飯其實一碗已經好飽肚！整體來講，立鮨壽司