影片
更多
2019-03-07
238 浏览
香港人係好受日本文化影響的，加上電視經常播出日本旅遊節目，更令到我哋呢班至愛跟風的人去食日本嘢。今晚去開MK，見到呢間人氣不小，排隊排到出晒街，走去八下，原來是立食壽司魚生店。唔執輸，坐低跟隊，睇下有咩好嘢食先。都未諗得切，就有位 (當然是企位啦)。店子細細，好在有檯下面有層架，俾我哋放低啲袋。綠茶是自助的，小心燙手呀!魚生全面晒冷，有樣有真相，睇啱可以剔紙仔。師傅仔個個都係帥哥，一式一樣的制服，顯得更專業。唔使幾耐，成板魚生壽司就送上。加埋杯麒麟啤酒就無得彈!魚生件件新鮮，非常鮮美。而飯底就已經調好味，不過就唔似得其他壽司店往往會將wasabi預先塞咗入去啲飯到。呢度唔同，飯裡面無wasabi，咁樣啲客人可以隨自己喜好才點wasabi。食完壽司，仲來多個築地三式魚生飯。大大碗，有海膽、三文魚子和吞拿魚腩蓉，賣相一流。海膽好甘香，三文魚子卜卜脆，吞拿魚腩蓉又香又滑味道濃郁。因為啲嘢食上得好快，味道好，好快就可以KO佢哋，整個過程無須半粒鐘，我哋都follow到呢個日本立食促食文化了。
唔執輸，坐低跟隊，睇下有咩好嘢食先。
都未諗得切，就有位 (當然是企位啦)。店子細細，好在有檯下面有層架，俾我哋放低啲袋。
綠茶是自助的，小心燙手呀!
魚生全面晒冷，有樣有真相，睇啱可以剔紙仔。
師傅仔個個都係帥哥，一式一樣的制服，顯得更專業。
唔使幾耐，成板魚生壽司就送上。加埋杯麒麟啤酒就無得彈!
魚生件件新鮮，非常鮮美。而飯底就已經調好味，不過就唔似得其他壽司店往往會將wasabi預先塞咗入去啲飯到。呢度唔同，飯裡面無wasabi，咁樣啲客人可以隨自己喜好才點wasabi。
食完壽司，仲來多個築地三式魚生飯。大大碗，有海膽、三文魚子和吞拿魚腩蓉，賣相一流。海膽好甘香，三文魚子卜卜脆，吞拿魚腩蓉又香又滑味道濃郁。
因為啲嘢食上得好快，味道好，好快就可以KO佢哋，整個過程無須半粒鐘，我哋都follow到呢個日本立食促食文化了。
张贴
