磯野水產

营业中

休息中

早幾日放假去咗銅鑼灣嘅磯野水產食lunch，呢度係日式磯燒海鮮專門店🐟食材新鮮，以磯燒保持海鮮原味，而且仲有好多選擇。同朋友唔想煩，就點咗一個磯燒海鮮盛合2人前！已經有時令鮮魚，鮑魚，松葉蟹腳，帆立貝等等🦀先嚟前菜，清甜嘅蔬菜條配沙甸魚醬，夾埋一齊食，味道濃郁又清新，分別有雪梨，紅蘿蔔同青瓜🥒好爽口。之後就係粒貝刺身，味道爽口清甜，帶有淡淡海水味。其中一隻鮑魚做成冷盤，磯煮嘅做法特別清甜☺️之後就開始食熱盤啦！燒赤蝦同松葉蟹腳燒緊嘅時候已經聞到好香🤤胃口大開，蝦肉都幾厚身，食落同樣香味十足。松葉蟹腳則又甜又鮮🦀之後就到鹽燒喜之次，賣相好靚🐟魚皮香脆，肉質好滑，而喜之次本身有濃厚魚油，可以點埋帶微酸嘅醬汁，咁食得多都唔會覺得膩。浜燒鮑魚同磯燒有截然不同嘅感覺，浜燒更能食到鮑魚鮮味👍🏻最後係兩隻帆立貝喇，第一隻清淡啲，用清酒煮，甜甜地，另一隻就用黑松露調味，味道濃郁啲，各有特色！

磯野水產喺銅鑼灣係一間好正嘅海鮮磯燒日本餐廳。先來前菜有一款鯷魚醬沙律，裡面有甘筍、青瓜同蘿蔔條，啲蔬菜口感好脆口，再加上醬汁係用多春魚、沙甸魚同牛油蒜蓉整嘅，味道好豐富，有啲鹹香味。佢地嘅招牌菜係磯野活魚海鮮盛合，價錢係$1898。裡面包含咗季節時令鮮魚（伊佐木）刺身、松葉蟹腳、響螺、帆立貝、鮑魚同赤蝦。特別之處係可以選擇製作方式，我哋就揀咗將鮑魚煮一隻磯煮，另一隻磯燒；赤蝦安排一隻係刺身，另一隻係磯燒；帆立貝有一隻係清酒燒，另一隻係黑松露燒。一盤盛合，啲海鮮質素好新鮮，每一款都有獨特嘅風味。季節時令鮮魚（伊佐木）鮮魚肉質鮮嫩，擁有微妙的甜味，點上醬汁並帶有一絲淡淡的鹹味，伊佐木刺身非常鮮味，絕對是海鮮愛好者的美味享受。松葉蟹腳肉質豐滿，帶有豐富的甜味。它的肉質鮮嫩多汁，入口後散發出濃郁的螃蟹香氣，回味無窮。響螺肉質彈牙，帶有淡淡的海洋風味。刺身方式用餐味道鮮甜，帶有一點點的鹹味。帆立貝肉質鮮嫩，口感滑膩。帶有微妙的甜味，吃起來非常鮮美。一隻清酒燒的帆立貝會散發出清香的味道，而另一隻黑松露燒的帆立貝則帶有濃郁的松露香氣，兩者都是絕佳的選擇！鮑魚：磯野水產以兩種方式呈現鮑魚，一隻是磯煮

年尾要去吃好東西好好慰勞一下自己。二訪銅鑼灣的「磯野水產」。彷彿置身於日本的居酒屋。坐下不久便送來前菜($34)，自家製魚醬用沙甸魚和多春魚做成，充滿魚香但沒有腥味，配爽脆的青瓜、甘筍和沙葛，叫窩夫吃得津津有味。去「磯野水產」當然要吃高質水產，職員先將選好的水產送來打卡，以及確認煮法。打頭陣是手釣池魚($688)，擺盤精美，打卡一流。薄切刺身的魚肉有光澤，肉質有彈性，味道鮮甜。薄切刺身蘸的酸汁要加入辣蘿蔔蓉、薑蓉和蔥粒。另加100元升級做二食，有四件池魚壽司，池魚切得較厚身，更有咬口，壽司飯大小適中，溫度和酸度都控制得很好。活日本文蛤蜆浜燒($98)的蜆肉飽滿，海水味濃，一點也不韌。活響螺浜燒($438)的螺肉切成小塊，方便進食，爽口鮮甜。白蜆湯($52)加了池魚的魚骨，鮮上加鮮，寒冷的天氣下喝一碗熱辣辣的湯，太幸福了。最後來一客牛舌鋤燒($108)，薄切牛舌爽口彈牙，配蔥蒜非常惹味，窩夫特別喜歡那些蒜片，蒜香在口腔內久久不散。

提前食情人節套餐 好有儀式感見有早鳥優惠食材都好新鮮 係銅鑼灣sogo隔離服務都幾好 配埋個環境好似去左日本甘頭盤 黎左個 沙甸魚+多春魚 蔬菜條味道鮮香配埋蔬菜條食好清甜-煙三文魚凱撒沙律-松葉蟹膏蟹肉薄脆-原隻活龍蝦🦞 刺身好新鮮 -刺身壽司盛合 磯煮鮑魚 原隻 切開左四份 好甜美 赤蝦刺身 油甘魚刺身 魚子醬海膽帶子卷 三文魚籽壽司 火灸左口魚邊壽司 最鍾意個飽魚同油甘魚 超肥美 鐵板原條牛舌芯仲大過我隻手 浜燒鱈場蟹腳 甜品 芝士蛋糕仲送了2杯白酒9 Feb 2024前有得減$50010 Feb - 13 Feb 2024 前有得減$300

一年一度情人節將至，好鐘意同我搵食buddy齊齊去搵好西食，今日lunch time去左磯野水產，一早預訂左佢地個情人節套餐，有早鳥優惠我地可以減$500，而我地食嘅情人節餐仲送2杯白酒🥂💕即刻覺得抵左🤭坐企冇耐店員上左前菜，有一份鮮味魚醬用紅蘿蔔同青瓜點黎食。每道菜女店長都好耐心介紹💯其他店員仍主動有禮👍🏻🥢煙三文魚凱撒沙律🥗沙律菜好新鮮，面頭有幾片煙三文魚卷成嘅玫瑰花🌹，沙律汁醬味道調配得剛好👍🏻🥢松葉蟹膏蟹肉薄脆松葉蟹膏蟹肉厚厚一層鋪喺薄脆上邊，鹹香鮮味，令我更期待後面嘅食物。🥢原隻活龍蝦（刺身+甲羅燒)食龍蝦刺身前，會比我地影下相打卡，龍蝦仲識郁!!係真活龍蝦，龍蝦刺身十分新鮮彈牙，點小小豉油更提鮮，龍蝦殼上面仲有啲肉，女店長介紹會同埋龍蝦頭嘅膏一齊拎去整甲羅燒，配餅乾一齊食先唔會喧賓奪主，龍蝦膏鮮美甘香💯份量好足。而套餐可以揀食鱈場蟹腳或者時令鮮魚，海鮮控嘅我地揀左浜燒鱈場蟹腳，蟹腳好厚肉，鮮味甜味係100分！🥢刺身壽司盛合原隻磯煮鮑魚帶有小小甜味，鮑魚煮完肉質保持軟腍爽口👍🏻赤蝦刺身蝦身大隻肉感軟糯油甘魚刺身好厚切，油脂分佈均勻魚子醬海膽帶子卷，海膽好新鮮🫶🏻配埋魚子醬同帶

無無聊聊嘅星期六，又係自私食嘅好時機想食好味嘅日本嘢，去咗澳門逸園中心的19樓既磯野水產。我12:00佢哋啱啱開舖就去到，所以係餐廳當日嘅第一台客。餐廳大大嘅玻璃窗投入溫暖嘅陽光，加上充滿日式風情嘅裝修，令人感覺舒適自在。我叫咗個磯野昼食c 餐（$538）。另外叫咗個巨蜂乳酸梳打（$42）。職員喺我落單之前已經奉上免費嘅迎賓餐前菜比我，餐前菜係提魚醬配蔬菜條。提魚醬配蔬菜條：提魚醬主要係由沙甸魚多春魚同埋牛奶整成，好有鮮味同鹹香味喎！配搭清新嘅青瓜條沙角條同埋紅蘿蔔條，中和返番個鹹味，味道就啱啱好喇！火炙三色沙律：火炙過嘅三文魚，左口魚同埋吞拿魚配埋新鮮嘅車厘茄同沙律菜，加上開胃嘅香醋，感覺清新。先付四點：四點包括醬漬牛蒡及蕎頭，再加上油甘魚刺身及吞拿魚刺身. 牛蒡同蕎頭都好幼嫩，經過醃製之後味道令人好開胃。而兩款刺身都非常新鮮。海鮮蒸蛋：三文魚及吞拿魚同雞蛋一齊蒸熟，雞蛋吸收咗海鮮嘅精華。最後灑上脆口蟹籽同蒸蛋一齊食，增加咗口感層次。浜燒蘇格蘭蟶子：蟶子爽脆鮮味，火候控制得啱啱好。浜燒北海道帆立貝：帆立貝好大隻，一啲都唔un, 中心位置好軟熟。鍾意佢連埋個膶，味道好濃郁。記得唔好嘥飲

上星期去食飯，一入坐話可以食兩個鐘，我地兩個人食，人均消費都唔係特別平，一千一個人。我食咗一個鐘之後，岩岩食完哂。即刻被問可唔可以幫幫手， 叫我地走，話有人等緊。我以為去左茶餐廳，我地算了，走吧。不會再幫襯

高質日本料理環境位於銅鑼灣地鐵站附近，地鐵站行去餐廳只需幾分鐘路程，非常方便。餐廳滿滿日式風格的裝修，坐落去非常闊落舒適乾淨企理。服務一流，每上一道菜，服務員都會詳細介紹食物及最佳食用次序，非常細心。食物前菜（鯷魚醬），鯷魚醬鹹香鮮味十足，配搭咗蔬果條一齊食，味道非常夾，好開胃櫻花蝦豆腐豆腐外邊滿滿是櫻花蝦，濃厚的蝦味，皮薄豆腐嫩滑，惹味好食磯野壽司盛盒刺身新鮮飽滿，油脂十足，口感結實，每一件都係非常好食，最欣賞係左口魚壽司，油脂非常飽滿，滿口魚油味，好正值得推薦海鮮茶碗蒸清香的海鮮味鮮味配搭嫩滑既蛋，入口即溶，好食浜燒盛合嚟到最期待嘅主菜，蠔、貝非常鮮味，每一件都是非常飽滿，肉汁超級鮮，配合埋淡淡的燒過的惹味，超級好食。值得一讚是海老，非常新鮮大隻，成隻筷子咁大，燒完之後非常香，口感彈牙，值得 一試蟹膏海膽呢個係我成個食飯體驗最欣賞的一道菜，首先蟹膏惹味鮮甜，配合埋新鮮海膽魚子，只能夠講鮮上加鮮，我同太太都爭住食總結：這間日本料理頗有驚喜，食材新鮮份量足夠，環境服務都一流，我同太太總共食咗一千多元，我覺得都係超值，因為食材都是貴價品，加上環境同服務嘅一流體驗，銅鑼灣極力推薦的日本料理

餐廳設計好有日本風味，而且全程播住日文歌，即刻好有身處係日本居酒屋感覺。服務員全部都好friendly，增加咗食野時候嘅享受，更加係食緊嘅過程中，可以睇到職員即時燒海鮮嘅表演😍😍😍即使今日得自己一個嚟食，都完全有齊視覺同聽覺嘅享受，一啲都唔寂寞！如果唔想諗叫咩嘢食好，餐牌有齊幾款一、二人餐可以選擇，咁就唔洗煩惱了。。磯野昼食 C (HK$538)一人set包含沙律、先付四點、蒸蛋、浜燒海鮮 x 2、主食 x 2、湯 & 甜品，好豐富好飽肚。。前菜由沙甸魚製成嘅醬，配合埋青瓜、紅蘿蔔、沙葛條，全程會由蠟燭熱住保暖，味道鹹鹹地配合埋爽口嘅果瓜，食起嚟好醒胃。。火炙三色沙律表面有火炙三文魚、左口魚、蝦，海鮮嘅油脂滲入沙律，食起嚟更加香。先付四點有三文魚&油甘魚刺身，既厚身又鮮味。海鮮蒸蛋表面有蟹籽&魚肉，蒸蛋口感好滑身。浜燒蘇格蘭蟶子 & 北海道活帆立貝職員會先拎盆海鮮比客人睇睇，之後會係面前既長枱即時燒海鮮，有用清酒 or 黑松露先煮一煮，等海鮮入味之後再燒。蟶子食起爽口彈牙; 而帆立貝就完全滲入清酒，裙邊好爽口，而帆立貝肉好淋身，同一個海鮮有唔同嘅口感。。塩燒美國牛小排 & 香煎日式野菜

磯野水產係銅鑼灣SOGO隔離嘅逸園，位置好方便唔難去。午市有lunch set，有4個價錢選擇，而家做緊九折。如果二人餐或單點仲7折。4個餐，價錢由298,438,538,688，份量一樣咁多，主要睇吓自己鍾意食乜嘢，我就覺得其實298都已經好唔錯，最貴嗰個仲好豪華。四個朋友都係好奇寶寶，小朋友先做選擇，全部都要！✨沙律四個餐，有四個沙律，四個都唔同款。有普通野菜沙律，角切魚生沙律，火灸三色沙律同松葉蟹肉沙律，可以話誠意滿分。我鍾意食角切，魚生新鮮，source亦酸酸甜，好開胃。另外松葉蟹沙律都唔錯，好多蟹肉，而且剝好晒啖啖肉。✨先付四點其中兩款係刺身，我食咗八爪魚同埋三文魚，另外同事嘅有拖羅油甘。另外仲有蒜頭漬，牛蒡。另外同事仲有辣酒煮螺，超級惹味。整體刺身都好新鮮，亦都係厚切，蒜頭漬好好味，如果有杯酒就好了😂✨海鮮茶碗蒸し之後嚟啲熱辣辣嘅蒸蛋，on top有魚子，三文魚，左口魚，鮮味十足。左口魚好肥美，令到個蒸蛋有少少柔潤。✨浜燒餐廳嘅中間有一個燒烤枱，職員會即席幫你燒熟啲海鮮。基本上都好新鮮，大部份都係日本海鮮，全部都係空運嚟香港嘅，簡單嘅煮法亦都令到佢哋好鮮甜。浜燒貴妃貝，燒南

估唔到喺香港都可以食到咁新鮮嘅日本野🥹今日同朋友嚟撐枱腳，吧枱位置幾好坐，好啱傾偈，我哋慢慢食都食咗成兩個幾鐘。☺️首先前菜係沙甸魚多春魚沙律，用紅蘿蔔同埋青瓜點嚟食，兩種唔同嘅新鮮夾埋口感好得意。跟住店員就將我哋今日嗌嘅海鮮全部show俾我哋睇，隻鮑魚仲喺度郁緊超新鮮！最特別係條池魚，佢瞓喺度平平無奇，但係一上到嚟，每一片都薄切，但厚度適中，再配埋酸醋汁加蘿蔔蓉，帶出池魚嘅鮮甜！份量都好多～推介要夾埋呢支梅子啫喱酒一齊飲，啫喱嘅口感第一次試！超濃梅子味同刺身好夾！燒活蟶子同鮑魚，估唔到食到佢嘅原汁原味，完全唔點任何嘢都好鮮甜，同埋好Juicy，但又唔會腥，對燒海鮮改觀！酒蒸文蛤，佢會用啲火燒一燒，帶出酒香，又係超鮮甜同埋有淡淡嘅清酒味（好似係）。燒鱈場蟹腳，啱啱去完北海道嘅我食咗超多蟹腳，但呢隻嘅size同味道，拍得上我喺北海道食嘅，$328 咁大隻！吞拿魚手卷同海膽三文魚子手卷，佢嘅吞拿魚蓉係手切，唔會太多脂肪嘅吞拿魚。海膽超正！$88 呢個質素同份量算抵食。✍🏻整體嚟講真係好少喺香港食到咁高質嘅日本嘢，新鮮得黎，完全食到海鮮嘅鮮味，同每一道慢慢上俾你，等你可以趁熱食，慢慢品嚐，真心

見佢午市一人餐九折，咪試下囉，啲海鮮又真係幾得喎，而且個餐好多嘢食、好多款式，未食到最後已經飽到有啲食唔落。坦白講，食個lunch $300起跳真心肉赤，但食完之後又覺得好合理，話晒又魚生、又蠔、又虎蝦、又鮑魚、又和牛鍋，真係一分錢 一分貨。望望個海鮮拼盤，款款都大大件，個鮑魚仲識郁㗎，所有海鮮，師傅當住你面即場燒畀你食，夠晒儀式感之餘，蟶子、貴妃蚌等等仲要勁鮮甜，醬汁都唔使落。連啲沙律都hea你，唔係蟹肉就食魚生，清晒，一啲都無食剩。海鮮蒸蛋相對淡味好多，但就好滑，之後再食鹽燒牛小排、燒羊架呢啲重口味，口腔嘅感覺就相當平衡，一淡一濃各有特長。嚟到呢到其實已經飽晒，再上個和牛野菜鍋同海膽吞拿魚腩蓉丼，真係望到都飽。諗係咁諗，但一食落口，就停唔到，又係清晒。和牛唔使講啦，高質嘢好難食剩，連個丼飯都因為海膽加吞拿魚腩加持之下，一口一口好快就無晒。Ok，一個lunch可以飽足全日，晚餐都唔使食，啱晒168食法人士。

啲同事終於番哂黎，條Team終於齊人啦！揀咗間係澳門逸園中心19樓一間居酒屋豪食慶祝2024年新開始🎉前菜 $34鯷魚醬汁係以沙甸魚、多春魚同牛奶煮過既蒜以成，充滿鹹香味，野菜點上一邊慶住熱辣辣既醬作為前菜的確開胃，當中仲有沙葛（平時比較少見)好爽甜！定食A $298 定食B $438定食C $538定食D $688我哋四個人去啱啱好可以一人一個餐share嚟食可以試晒唔同嘅配搭最期待既浜燒環節😍😍😍店員首先會俾我地睇下當日套餐既海鮮，之後就調製浜燒！我地現場望到火光已經流哂口水🤤包括有貴妃貝、加拿大藍青口、南非活鮑魚（店員已經張鮑魚切開，磯燒煮法鮑魚口感會比較軟淋😆）、松葉蟹味噌甲羅燒(配上餅乾及青瓜沾醬食，松葉蟹味噌醬鹹香滿溢配上青瓜一齊食冇咁膩😛)、蘇格蘭蟶子(入口係爽口彈牙)、北海道活帆立貝(我最愛❤️好大隻淡淡酒香肥美不在話下又好鮮甜)、日本活文蛤(燒完即刻上枱肉質剛好不過唔會太dry!)現燒時令活蠔、大虎蝦各地水產食得出各地最新鮮原材料，貝類係用高湯清酒黎燒唔會搶晒啲味亦能食得出原有嘅鮮味‼️哇我最中意呢個A餐既西京燒銀鱈魚😍omg個魚質滑溜到加上淡淡酒香超正！、B餐係燒羊架配

餐前小食 （$34）以沙甸魚同多春魚做成醬，配以爽脆既青瓜，沙葛，紅蘿蔔 ，唔止開胃，佐酒都唔錯磯野活魚海鮮盛合 $1898磯煮鮑魚呢隻超好食！ 甜甜地既日式醬油 入哂味，而鮑魚肉質剛好，爽口彈牙 唔會老 🤤浜燒鮑魚保留左鮑魚本身原汁原味 如果略嫌清淡，可以加埋柚子胡椒醬，令味道有所提升海螺刺身超級爽脆 鮮味十足 難得食到咁既水準 🤩果然夠新鮮！浜燒帆立貝有一隻用清酒燒鮮嫩多汁 裙邊脆口，但又唔靭 技術真係掂清酒淡但香，令帆立貝增加甜味 黑松露帆立貝本身聞到另一枱嗰隻已經勁香，到我哋上枱，黑松露醬份量啱啱好，唔太搶，融入帆立貝到，真係！好！好！食！好想 encore 多隻浜燒赤蝦蝦頭啲膏 鮮到不得了！蝦身大大隻，鮮甜浜燒松葉蟹腳另外加錢換左粥底 （+$100）粥好鮮美，加左日本高湯，雞蛋，蘿蔔等材料，好夠味 鹽燒伊左木呢條魚 真係今餐MVP唔會太咸，魚肉好嫩，酸埋蘿蔔蓉同酸汁真係食唔停口另外好欣賞佢服務好好🌟會幫你套住褸 保護好個袋，真係有加分同埋每道菜都介紹得好好，比你知食緊咩，點食最好 ！比個like 佢哋

自從有小朋友後，旅行都要帶住佢地搵啲親子餐廳難得今晚同老公周年紀念，兩個就搵間好啲嘅餐廳，拍拖撐下檯腳諗起我地以前拍拖去日本旅行，除左鐘意食刺身，其次就係食燒水產於是搵下搵下，就搵到呢間磯燒水產 一入到去，個裝潢就好似去左日本咁，職員服務都好親切除左送上熱茶之外，職員都有細心解釋餐牌，並作出介紹無幾耐就開始上頭盤，係一款小清新嘅開胃前菜「野菜條沙律鯷魚醬」利用新鮮嘅蔬菜條，沾著帶點咸香嘅鯷魚沙沙我同老公唔覺唔覺就食光光之後職員就拎左一盤我地點好嘅新鮮海鮮出黎俾我地檢視，除左一啲貝類之外，最吸睛莫過於果隻仲郁得好生猛嘅龍蝦🦞隔左無耐，職員就拎左龍蝦刺身上檯我只能用「啖啖肉」去形容而且肉質真係好鮮，絕對唔係又霉又林果種真係食唔停口再黎就係其他貝類🐚師傅會喺自己嘅爐上面燒熟不同的貝類，我地嘅檯同師傅嘅爐好近，所以能夠欣賞到貴妃貝（大）白貝（小，左右）圖中見到嘅兩種貝殼類海產，已經經過師傅細心咁剪走其他多餘部分，食落去肉質鮮甜，而且恰到好處，一啲都唔乾唔un 為左飽肚少少，我地仲叫左份串燒 同埋 海膽炒飯串燒食物包括：鹽燒豚肉厚切牛舌鹽燒白鱔我自己最喜歡係佢個燒豚肉，一啲都唔un，而且燒到好香