影片
更多
2024-01-30
63 浏览
磯野水產係銅鑼灣SOGO隔離嘅逸園，位置好方便唔難去。午市有lunch set，有4個價錢選擇，而家做緊九折。如果二人餐或單點仲7折。4個餐，價錢由298,438,538,688，份量一樣咁多，主要睇吓自己鍾意食乜嘢，我就覺得其實298都已經好唔錯，最貴嗰個仲好豪華。四個朋友都係好奇寶寶，小朋友先做選擇，全部都要！✨沙律四個餐，有四個沙律，四個都唔同款。有普通野菜沙律，角切魚生沙律，火灸三色沙律同松葉蟹肉沙律，可以話誠意滿分。我鍾意食角切，魚生新鮮，source亦酸酸甜，好開胃。另外松葉蟹沙律都唔錯，好多蟹肉，而且剝好晒啖啖肉。✨先付四點其中兩款係刺身，我食咗八爪魚同埋三文魚，另外同事嘅有拖羅油甘。另外仲有蒜頭漬，牛蒡。另外同事仲有辣酒煮螺，超級惹味。整體刺身都好新鮮，亦都係厚切，蒜頭漬好好味，如果有杯酒就好了😂✨海鮮茶碗蒸し之後嚟啲熱辣辣嘅蒸蛋，on top有魚子，三文魚，左口魚，鮮味十足。左口魚好肥美，令到個蒸蛋有少少柔潤。✨浜燒餐廳嘅中間有一個燒烤枱，職員會即席幫你燒熟啲海鮮。基本上都好新鮮，大部份都係日本海鮮，全部都係空運嚟香港嘅，簡單嘅煮法亦都令到佢哋好鮮甜。浜燒貴妃貝，燒南
4個餐，價錢由298,438,538,688，份量一樣咁多，主要睇吓自己鍾意食乜嘢，我就覺得其實298都已經好唔錯，最貴嗰個仲好豪華。四個朋友都係好奇寶寶，小朋友先做選擇，全部都要！
✨沙律
四個餐，有四個沙律，四個都唔同款。有普通野菜沙律，角切魚生沙律，
火灸三色沙律同松葉蟹肉沙律，可以話誠意滿分。
我鍾意食角切，魚生新鮮，source亦酸酸甜，好開胃。另外松葉蟹沙律都唔錯，好多蟹肉，而且剝好晒啖啖肉。
✨先付四點
其中兩款係刺身，我食咗八爪魚同埋三文魚，另外同事嘅有拖羅油甘。另外仲有蒜頭漬，牛蒡。另外同事仲有辣酒煮螺，超級惹味。
整體刺身都好新鮮，亦都係厚切，蒜頭漬好好味，如果有杯酒就好了😂
✨海鮮茶碗蒸し
之後嚟啲熱辣辣嘅蒸蛋，on top有魚子，三文魚，左口魚，鮮味十足。左口魚好肥美，令到個蒸蛋有少少柔潤。
✨浜燒
餐廳嘅中間有一個燒烤枱，職員會即席幫你燒熟啲海鮮。基本上都好新鮮，大部份都係日本海鮮，全部都係空運嚟香港嘅，簡單嘅煮法亦都令到佢哋好鮮甜。
浜燒貴妃貝，燒南非活鮑魚，浜燒蘇格蘭蟶子，浜燒北海道活帆立貝，燒時令活蠔！呢幾款我都個人大推！尤其是聖子，非常之咁鮮甜！
✨主菜
初初仲以為燒海鮮已經係主菜，原來都仲有一個main!!
有銀鱈魚，燒羊架，牛小排同埋燒大蝦。嗰隻虎蝦大隻到四個人分都得！爽口彈牙，而且好實用！
另外牛小排同埋銀鱈魚都唔錯，火喉剛好，而銀鱈魚種非常香魚油味。另外燒嘅菜都唔錯。
✨丼飯
去到尾聲已經開始好飽，仲有一個丼飯！男仔嘅話一定夠飽！
我揀咗海膽吞拿魚腩蓉丼，同事嘅火炙三色井，呢兩款都好唔錯。
✨咖啡或甜品
可以揀咖啡或者蛋糕雪糕，我揀咗甜品。蛋糕
有兩件細細地嘅卷蛋，拎嚟做結尾，非常咁滿足。
再同朋友去嘅話，都建議揀唔同嘅餐，share食！超級多嘢食，一人份量一啲都唔細😂呢個價錢好似放題咁樣乜都有啲，其實都幾開心！
张贴
