癡膠雞 (荔枝角道)

营业中

休息中

呢間花膠雞米線真係好正 👍主打招牌花膠濃雞湯米線 ❤️ ❤️用小鍋即時保溫 不斷慢熬令雞湯愈煲愈濃郁香滑 味道鮮甜撲鼻 😆花膠軟滑綿密 吸滿雞湯精華配埋滑溜嘅米線 好正 ☺️另一款口水雞濃湯米線湯底帶微辣香麻 令味道更加醒胃 😋雞肉嫩滑多汁 絕對係辣味控嘅心頭好 😆小食方面胡麻醬配豆腐當然係嫩滑細膩啦食落去好有層次感椒鹽粟米則爽脆帶鹹香係完美嘅配搭 呢個小食真係必叫#花膠雞米線 #濃雞湯 #口水雞米線 #胡麻豆腐 #椒鹽粟米 #暖胃美食 #即煲即食📍 癡膠雞 (太子)📍 太子荔枝角道78-84號勝興樓地下D號舖

近排好耐無食過養生米線，咁岩去開太子附近就順便去食痴膠雞；痴膠雞最出名係食一人一鍋花膠雞米線，雖然宜家係夏天，但人氣依然好高，一到食飯時間鋪頭門口都有好多人排隊。如果想食米線，建議大家提早去食，咁就唔洗排隊。🍲姬松茸竹笙花膠雞濃湯米線 & 凍檸檬茶🥤👍平時都係食招牌雞米，今次試下食新野；呢款米線嘅湯底除咗有濃郁嘅雞味，仲有香濃嘅姬松茸味，味道更豐富。雞件亦都好嫩滑，份量都幾多，配料仲有花膠、竹笙、姬松茸，非常豐富。🍲藥膳黃酒花膠雞濃湯米線 & 柚子梳打🥤如果想補身，可以簡呢個湯底；個湯底一上檯就已經聞到好濃嘅藥膳黃酒味，味道就藥材味比黃酒味更濃，味道甘甜，好岩冬天食，食完即刻暖笠笠。🥚麻藥蛋 麻藥蛋前排好hit，係進化版嘅溏心蛋，比起普通嘅溏心蛋，佢多咗麻油嘅味道，一食落口即刻可以食到麻油嘅味道，非常入味，同時蛋黃又有溏心嘅味道。

每次經過太子嘅 👉🏻 癡膠雞 👈🏻都好多人食，今次終於輪到我去食啦➰“羊肚菌花膠雞米線”(HK$82)係期間限定嘅羊肚菌花膠雞米線😍 餐廳會用個小火爐滾住個雞湯，令到雞湯每一啖都熱辣辣，而且加咗羊肚菌、花膠、紅棗、蟲草花、雞肉…等等，令到湯更鮮甜，而雞肉亦都好嫩滑，正㗎🫶🏻 .“姬松茸竹笙花膠雞米線”(HK$78)呢款都係期間限定㗎👅最欣賞餐廳米線係分開上，唔會同湯一齊浸到淋晒，淡黃色嘅雞湯，味道濃郁，竹笙係充分吸收雞湯精華，咬落去爽脆爆汁，好食呢😌.“蜜糖雞翼”(HK$42) 即叫即整嘅蜜糖雞翼，表面有一層蜜糖香甜， 外面脆卜卜，入面好juicy，味道豐富，可以一試❗️

呢間我本身已經食過好多次，介紹過唔少朋友去食～然後朋友再介紹佢啲朋友去🤣🤣大概個個都係咁所以而家變咗排隊店了🫣😆👉🏻 招牌花膠雞濃湯米線💰68個湯超濃雞味🐔唔喺味精味！忍唔住飲咗好多啖湯，但都唔會覺得口渴～ 雞肉都幾嫩滑～花膠食落爽口彈牙，成件事感覺好滋補👉🏻 藥膳黃酒花膠雞濃湯米線💰68第一啖覺得酒香味好濃，之後個湯愈煲愈濃，就慢慢食到藥材回甘嘅味道👍🏻✅要讚一讚佢哋有俾埋個爐熱住個湯🔥等大家可以有熱辣辣嘅米線食，如果遲啲冬天嚟食體驗會更好👍🏻😅如果要挑剔，就喺鋪面太細，有可能要搭枱，同埋繁忙時間限食45分鐘，食火鍋嚟講有啲啲趕💡提提大家呢到只收現金同八達通～

🐥鐘意食湯麵既朋友一定唔可以錯過呢間‼️週末中午時間去 人流都算多 要排一下隊🐉1️⃣藥膳黃酒花膠雞濃湯遠遠已經聞到濃濃既藥膳味 雞件同花膠都好嫩滑 啖啖湯都滲入左雞既精華 2️⃣胡椒豬肚雞濃湯 胡椒味好濃 同雞湯好夾 豬肚同雞分量都好多 💖呢間店仲好貼心咁 用熱爐去熱住d湯 唔會影響到湯既熱度 暖住咁食到完3️⃣麻辣豬耳分量超多 豬耳爽口 麻辣味香又唔會太辣4️⃣手拍青瓜青瓜酸酸地 帶蒜香 好開胃

藥膳黃酒花膠雞湯米線 🍶🍗藥膳黃酒湯底味道香濃，黃酒配上當歸同紅棗，飲落滋補！配上大塊嘅花膠同嫩滑雞肉，特別適合秋冬季節，溫暖又滋養姬松茸竹笙花膠雞湯米線 🍄米線有咬口，姬松茸嘅香味令湯底更上一層樓🤤仲有木耳、花膠同吸湯嘅竹笙，令成碗米線更加豐富😋蜜糖雞翼 🍯🍗炸至金黃香脆，點上蜜糖汁，真係邪惡到食唔停口！配上鹹檸梳，真係無得輸🥢✨#太子美食#太子#痴膠雞#米線#hkig#hkfoodie

椰子雞濃湯米線 ($72)招牌花膠雞濃湯米線 ($74)金磚豆腐 ($42)麻藥蛋 ($28)招牌花膠雞濃湯米線絕對係要叫嚟食嘅👍🏻👍🏻首先就講下餐廳一大特色，就係餐廳會用熱鍋去熱住個雞湯，咁就唔使驚食食下個湯會凍左，真係好貼心😍😍雞湯味道好香，食完都唔會係好口渴個種🤩雞件同花膠都係好嫩滑出色，食到舔舔脷🤪而外脆內軟嘅金磚豆腐就係另一推介😎外皮唔會太厚啱啱好，而咬落豆腐亦都超級滑😚絕對係誠意推介嘅必叫小食🤤評分：9/10太子荔枝角道78-84號勝興樓地下D號舖

今日試咗我朋友媽媽推薦嘅呢間餐廳，好耐冇試過咁樣生咁足料嘅Comfort food，所以扚起心肝出post推薦俾大家😍🐔 招牌花膠雞濃湯米線 $68湯底勁濃郁，唔好睇佢表面好似好多雞油，但係飲落完全唔肥膩，雞件肉質嫩滑，而且真係好有雞味，花膠比我想像中厚實，唔會煮到太腍啱啱好，米線爽口有彈性，配埋花膠雞湯簡直完美配搭🐔藥膳黃酒花膠雞濃湯米線 $68藥膳味比我想像中重，但係絕對唔會苦或者過龍，當歸同紅棗再加埋紹興黃酒既香氣，比起招牌花膠雞濃湯又別有風味🐷豬肚鹹菜重慶酸辣粉 $42我哋揀咗小辣，連我呢個唔食得辣嘅人都覺得可以接受不過佢麻味比較重啲，如果真係唔鍾意麻嘅感覺嘅嘅朋友要小心豬肚比我想像中多，紅薯粉好煙靭，配埋個酸辣湯底簡直一流🌽椒鹽粟米$32面頭鋪滿炸蒜，配埋椒鹽味粟米好惹味整體嚟講呢間小店好有驚喜，佢啲花膠湯仲有個爐熱住，如果冬天嚟食一定好正，就算特登過嚟食我都覺得值得😍🤤🤤Overall: 9.5/10

今日專程去試咗呢碗招牌花膠濃雞湯米線，一上枱就比佢金黃色嘅湯底吸引住。熱騰騰嘅蒸氣帶住濃郁嘅雞湯香氣撲鼻而來，令人忍唔住即刻想飲啖湯。湯面浮住一層薄薄嘅雞油，輕輕撥開就見到湯色清澈得黎又夠濃郁，飲落去鮮甜無比，明顯係用老火慢慢熬製，完全冇味精嘅口渴感，飲完成個喉嚨都好舒服。最驚喜嘅係碗裡嘅花膠，每塊都厚薄均勻，size仲要好大方。米線方面揀咗幼身嘅款式，煮得剛剛好，唔會太淋之餘又夠掛湯。每啖米線都索滿咗濃郁嘅雞湯精華，食落特別有滋味。

「癡膠雞」呢個名已經好吸睛，入到店舖仲見張張枱都係度打邊爐？！原來呢度嘅米線係一人一小鍋咁上桌真係夠架勢！招牌花膠雞濃湯米線淡黃色湯底帶點雞油油花，睇見都流口水，飲落超濃郁但完全唔油膩。花膠份量十足，煮到出少少膠質，同雞湯嘅鮮甜完美融合。雞件更唔話得，肉質嫩滑唔柴。米線爽滑有彈性，吸晒花膠雞湯嘅精華，食完成個養顏又滋補。胡椒豬肚雞濃湯米線湯頭真係正！白胡椒嘅辛香好夠味，微微辣勁令人食慾大開。豬肚處理得夠乾淨，同嫩滑雞肉完美搭配。個湯好樓味，飲完完全唔會口渴，最重要由頭食到落尾，個湯仲熱辣辣，每一啖都係享受！而且店舖冷氣十分足夠，飲完咁熱嘅湯都唔好出哂汗，爽！椒鹽粟米 碟椒鹽粟米一上枱已經聞到好香，面頭鋪滿炸蒜，真係好惹味！粟米炸得香脆，椒鹽夠晒鹹香。 麻辣豬耳 麻辣豬耳爽脆彈牙，輕微麻辣味，唔會太嗆喉，好過癮！份量都算十足，口感幾正。唯一唔好處就係好多款式，有選擇困難症都真係唔知點揀，已經mark低下次過嚟要再試埋椰子雞湯😋

朋友一直都想試呢間花膠米線，呢間一直都係佢必試餐廳名單之一，趁今日有時間走咗落去太子去試下😉姬松茸竹笙花膠雞濃湯米線湯底濃郁，十分鮮甜🤤雞肉鮮嫩，姬松茸與竹笙香氣交織，增添左層次感。花膠既加入讓湯更加滑順，口感豐富，米線吸收左湯汁，味道更佳👍🏻羊肚菌花膠雞濃湯米線羊肚菌獨特香味係米線中表現得淋漓盡致，搭配花膠+雞肉，湯底香濃卻唔油膩。米線口感與湯融合，令每一啖都充滿滿足感🤩雞湯時菜時菜清淡可口，時菜新鮮感平衡左湯底既濃郁。簡單卻不失風味選擇😉咸檸梳打飲品清新解膩，咸檸的鹹香與梳打水的氣泡感相得益彰，十分消暑

我最喜愛米走雞的花膠雞濃湯米線。好似打邊爐咁有個鍋上菜～湯底呈現出濃郁的奶白色，散發著誘人的香氣。湯頭濃郁而不油膩，每一口都充滿了雞肉的鮮甜和花膠的膠質。米線口感爽滑，充分吸收了湯汁的精華，讓人回味無窮。花膠的加入，不僅提升了湯的鮮美度，更具有滋補養顏的功效，是愛美女性的理想選擇。米線份量十足，搭配幾塊嫩滑的雞肉，帶來滿滿的飽足感。金磚豆腐是另一道必點的招牌菜。豆腐外皮炸至金黃酥脆，內裡卻保持著嫩滑的口感，形成鮮明的對比。一口咬下，外皮的酥脆和豆腐的嫩滑在口中交織，帶來豐富的層次感。

胡椒豬肚雞濃湯米線鍋底的胡椒味道濃郁，帶有一絲微辣，十分開胃。豬肚煮得軟滑，與雞肉一齊煮出嚟，湯底香氣四溢，冇味精飲完都唔口渴，配上雞湯米線，簡直係絕配！米線吸收咗湯的鮮香。姬松茸竹笙花膠雞濃湯米線米線麵質有咬口，姬松茸、竹笙同花膠，至上食材。竹笙大大件，夠爽口，雞肉夠嫩滑；姬松茸菇味香濃，令到湯底更香。花膠膠質豐富，色澤金黃通透！金磚豆腐炸豆腐真係必叫，外面香脆裡面是滑豆腐，熱辣辣，炸物配泰醬好味。

**招牌花膠雞濃湯米線（$68）**是靈魂所在——金黃湯底以三小時熬製，濃郁鮮甜不油膩，上桌時以迷你爐持續保溫🔥，從第一口到最後都能喝到滾燙滋味。雞肉選用嫩滑髀位，升級加$10更可享全腿肉；花膠厚切三大片，膠質飽滿彈牙，搭配蟲草花、雲耳增添口感，湯底一滴不剩是常態。 **姬松茸竹笙湯底（$68+）**則走養生路線，藥膳香氣撲鼻，竹笙吸飽雞湯精華，松茸野味十足，適合偏好清爽湯頭的食客。 **小食必點金磚豆腐（$32）**——骰子大小的豆腐炸衣薄脆如金箔，內裡豆香滑嫩，撒上椒鹽蘸泰式辣醬，邪惡卻停不了口；**麻藥蛋（$28）**溏心蛋黃流淌琥珀色，微麻醬汁滲入蛋白，風味獨特。 唯一嘅缺點就是店內空間窄小，晚餐時段需要排隊等候20分鐘，建議避開尖峰時段。而且限時45分鐘用餐，若加點炸物需注意時間。 **癡膠雞（太子店）** 地址：太子荔枝角道78-84號勝興樓地下D號舖 營業時間：11:30-21:30（無休） 人均：$100-$130

食過幾間花膠米線最鍾意仍然係呢間😋濃郁得嚟又潤喉，重點係佢哋嘅湯會用個鍋熱住，令食客可以每啖都暖笠笠❤️‍🔥如果係第一次食嘅朋友，招牌花膠米線係必點，花膠同雞嘅量都算多，湯底究極清甜🤞🏻另外都試咗椰子雞濃湯，都係一樣咁出色！如果兩個湯底比較，我會中意椰子多D，但請留意椰子濃款係冇花膠㗎☝🏻小食方面，金磚豆腐亦係店家嘅招牌，真正做到外酥內滑，真係一粒接一粒停唔到口👅總結呢間係充滿香港風味嘅米線舖，食物非常有內涵而且平價，絕對可以放心沖-𝘼 𝙇𝙖 𝘾𝙖𝙧𝙩𝙚 𝙈𝙚𝙣𝙪▫️ 招牌花膠濃湯米線 $𝟲𝟴 ⭑⭑⭑⭑⭑▫️ 椰子雞濃湯米線 $𝟲𝟬 ⭑⭑⭑⭑⭑▫️ 金磚豆腐 $𝟰𝟮 ⭑⭑⭑⭑⭑▫️ 凍檸茶 $𝟲 ⭑⭑⭑⭑⭒▫️ 凍柚子茶 $𝟲 ⭑⭑⭑⭑⭒